ក្រសួងអប់រំពង្រីកវិសាលភាព នៃវិទ្យាស្ថានបច្ចេកវិទ្យាកម្ពុជា ទៅកាន់តំបន់និរតី ដើម្បីបង្កើនអ្នកជំនាញផ្នែកវិទ្យាសាស្រ្ត និង​វិស្វកម្ម

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត។

វិទ្យាស្ថានបច្ចេកវិទ្យាកម្ពុជា ដែលហៅកាត់ថា “តិចណូ” ពេលនេះបានពង្រីកវិសាលភាពនៃការអប់រំរបស់ខ្លួន​ទៅ​កាន់ខេត្តកែប ភាគនិរតី នៃប្រទេស​កម្ពុជា ដោយ​ត្រៀម​ខ្លួនធ្វើការ​បណ្តុះបណ្តាល​និស្សិត​កម្ពុជា​នៅ​កម្រិត​បរិញ្ញាបត្ររង និង​ថ្នាក់បរិញ្ញាបត្រ លើជំនាញចំនួន៤ គឺជំនាញអគ្គិសនី និងថាមពល, ជំនាញ​សំណង់ស៊ីវិល, ជំនាញ​គីមីចំណីអាហារ និង​ជំនាញគ្រប់គ្រង​ទឹក។

លោកជំទាវ ឃួន វិច្ឆិកា អ្នកនាំពាក្យ​ក្រសួងអប់រំ យុវជន និង​កីឡា មានប្រសាសន៍ថា ការពង្រីកវិសាលភាព នៃការ​អប់រំ​របស់វិទ្យាស្ថាន​បច្ចេកវិទ្យា​កម្ពុជា ទៅ​ដល់ខេត្តកែប គឺដោយសារ​តែក្រសួងមើលឃើញពីគុណភាព នៃការ​ផ្តល់​ការ​បណ្តុះបណ្តាល ក៏​ដូចជា​ការ​អប់រំ​ របស់វិទ្យាស្ថាន​បច្ចេកវិទ្យាកម្ពុជា ដែលត្រូវ​បានទទួលស្គាល់ក្នុងកម្រិតអន្តរជាតិ ទៅលើ​​នវានុវត្តន៍​ទាំងផ្នែកការអប់រំ ក៏​ដូចជា​ការ​ស្រាវជ្រាវ។ ក្នុងនោះ កន្លងមក ក៏​មានសិស្សនិស្សិត​ដែលរៀន​នៅ​វិទ្យាស្ថាន​បច្ចេកវិទ្យា​កម្ពុជា​តែង​តែទទួលបានជោគជ័យ ព្រមទាំង​បាន​ទៅ​បន្ត​ការ​សិក្សា​នៅ​ក្រៅ​ប្រទេសថែមទៀត។ ដូច្នេះ ការ​ពង្រីកវិសាលភាព​ការអប់រំ នៃវិទ្យាស្ថានបច្ចេកវិទ្យា​កម្ពុជា​មក​កាន់ខេត្ត​កែប គឺជា​ការផ្តល់​ឱកាស ក៏​ដូចជា​ជំរុញ​ឱ្យ​សិស្សានុសិស្ស​ទទួលបាន​ឱកាស​កាន់តែច្រើន​ឡើង​នៅ​ក្នុងការ​ទទួលបាន​ការ​អប់រំ​ពីវិទ្យាស្ថាន​បច្ចេកវិទ្យា​កម្ពុជា។

បើតាម​អ្នក​នាំពាក្យ​ក្រសួងអប់រំ ក្រៅ​តែពីផ្តល់​ឱកាស​កាន់តែច្រើន​សម្រាប់​សិស្សានុសិស្ស​នៅ​តំបន់​និរតី នៃប្រទេស​កម្ពុជាហើយ ការ​ពង្រីក​វិសាលភាព នៃការ​អប់រំរបស់វិទ្យាស្ថានបច្ចេកវិទ្យា​កម្ពុជា​នៅ​ខេត្តកែប ក៏​ជាការ​ចូលរួម​សម្រេច​ឱ្យ​បាន​នូវផែនការ​យុទ្ធសាស្រ្ត​ របស់រាជរដ្ឋាភិបាល​នៅ​ក្នុង​ការ​ប្រែក្លាយ​ប្រទេស​កម្ពុជា ឱ្យ​ក្លាយ​ទៅជា​ប្រទេស​អភិវឌ្ឍ​ក្នុងពេលអនាគត ដែលចាំបាច់​ត្រូវការនូវអ្នកជំនាញផ្នែកវិទ្យាសាស្រ្ត ក៏​ដូចជា​ផ្នែកវិស្វកម្ម។

ឯកឧត្តម ប៉ូ គឹមថូ នាយកវិទ្យាស្ថាន​បច្ចេកវិទ្យា​កម្ពុជា បានឱ្យ​ដឹងថា សម្រាប់សាខានៅ​ខេត្តកែបនេះ នឹង​ចាប់ផ្តើម​ទទួល​​សិស្ស​ចូលរៀនចាប់​ពីខែតុលា ឆ្នាំ​២០២៤ខាងមុខ។ ដោយឡែក​​​​​សម្រាប់កម្មវិធីសិក្សា​នៅវិទ្យាស្ថានបច្ចេកវិទ្យា​ សាខាខេត្តកែបនេះ គឺធានា​បាន​គុណភាព​ដូច​នៅ​រាជធានីភ្នំពេញដែរ។

សូមបញ្ជាក់ថា ក្រសួងអប់រំ យុវជននិងកីឡា បានសម្រេចអនុញ្ញាតឱ្យវិទ្យាស្ថានបច្ចេកវិទ្យាកម្ពុជា បង្កើតសាខានៅខេត្តកែប មានទីតាំងស្ថិតនៅក្នុងស្រុកដំណាក់ចង្អើរ ខេត្តកែប ដោយបានដាក់ឈ្មោះថា វិទ្យាស្ថានបច្ចេកវិទ្យាកម្ពុជា មណ្ឌលតេជោ ហ៊ុន សែន ចំការដូង (ខេត្តកែប)។ នេះគឺជា​សាខាទី២ របស់វិទ្យាស្ថានបច្ចេកវិទ្យាកម្ពុជា ខណៈសាខាទី១ របស់វិទ្យាស្ថានដែលមានកេរ្តិ៍​ឈ្មោះតាំងពីអំឡុងទសវត្សទី៦០ មានទីតាំងស្ថិតនៅខេត្តត្បូងឃ្មុំ ដោយផ្តោត​ទៅលើជំនាញ៤ដូចគ្នា គឺជំនាញ គីមី និងអាហារ, សំណង់ស៊ីវិល, អគ្គិសនី ​ថាមពល និងជំនាញឧស្សាសហកម្ម មេកានិក៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

រៀន​ជំនាញ​បច្ចេកទេស​ ​១៣​ជំនាញ​ ​ឥត​គិត​ថ្លៃ​ ​នៅ​វិទ្យាស្ថាន​ពហុ​បច្ចេកទេស​ខេត្ត​កំពង់ឆ្នាំង​

ព័ត៌មានអាហារូបករណ៍, ព្រឹត្តិការណ៍

• 09/07/2026

​សម្រាប់​យុវជន ​ក៏​ដូចជា​ប្រជាពលរដ្ឋ​ទូទៅ​ដែល​កំពុង​ស្វែងរក​ការ​សិក្សា​ជំនាញ​បច្ចេកទេស ​ពេលនេះ​វិទ្យាស្ថាន​ពហុ​បច្ចេកទេស​ខេត្ត​កំពង់ឆ្នាំង​ ​កំពុង​ជ្រើសរើស​សិស្ស​ឱ្យ​ចូល​រៀន​ជំនាញ​បច្ចេកទេស​ និង​វិជ្ជាជីវៈ​ ​ទៅ​លើ​ ​១៣​ជំនាញ​ដោយ​ឥត​គិត​ថ្លៃ​...

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Murdoch ប្រទេសអូស្រ្តាលី

ព័ត៌មានអាហារូបករណ៍, ព្រឹត្តិការណ៍

• 17/07/2025

ឱកាសសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Murdoch ប្រទេសអូស្ត្រាលី ពីកម្មវិធីអាហារូបករណ៍ Murdoch University RTP Scholarship 2025 សម្រាប់ឆ្នាំសិក្សា២០២៥។

អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Dalarna នៅប្រទេសស៊ុយអែត

ព័ត៌មានអាហារូបករណ៍, ព្រឹត្តិការណ៍

• 20/08/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Dalarna ពីកម្មវិធីអាហារូបករណ៍ Dalarna University Scholaship នៅ...

ACE​ ​ផ្តល់​អាហារូបករណ៍​ ​100​% ​ចំនួន​ ​៣៤​ ​កន្លែង​សម្រាប់​ការ​សិក្សា​ភាសា​អង់គ្លេស​រយៈពេល​មួយ​ឆ្នាំ

ព័ត៌មានអាហារូបករណ៍, ព្រឹត្តិការណ៍

• 27/07/2026

​មជ្ឈមណ្ឌល​អូស្ត្រាលី​សម្រាប់​ការ​បណ្តុះបណ្តាល ​(​ACE​) ​បាន​ប្រកាស​ផ្តល់​អាហារូបករណ៍​សិក្សា​ភាសា​អង់គ្លេស​ ​១០០​% ​ចំនួន​ ​៣៤​ ​រង្វាន់​ សម្រាប់​រយៈពេល​មួយ​ឆ្នាំ​ពេញ​ ​ជូន​ដល់​សិស្សានុសិស្ស​កម្ពុជា

អាហារូបករណ៍សិក្សាភាសាចិននៅសាធារណរដ្ឋប្រជាមានិតចិនរយៈពេលមួយឆ្នាំ

ព័ត៌មានអាហារូបករណ៍, ព្រឹត្តិការណ៍

• 27/06/2023

ឱកាសសិក្សាអាហារូបករណ៍ថ្នាក់ភាសាចិនរយៈពេល១ឆ្នាំនៅសាធារណរដ្ឋប្រជាមានិតចិនពីសមាគមន៍សិស្ស-និស្សិតអាហារូបករណ៍សម្ដេចអគ្គមហាសេនាបតីតេជោ ហ៊ុន សែន...

ក្រសួងអប់រំ ប្រកាសផ្ដល់អាហារូបករណ៍ ១០០% ចំនួន ៦០កន្លែង លើជំនាញឌីជីថល នៅសាកលវិទ្យាល័យជាតិគ្រប់គ្រង សម្រាប់ឆ្នាំសិក្សា ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 30/09/2026

ក្រសួងអប់រំ យុវជន និងកីឡា ក្រោមកិច្ចសហប្រតិបត្តិការជាមួយធនាគារអភិវឌ្ឍន៍អាស៊ី (ADB) តាមរយៈ «គម្រោងមធ្យមសិក្សាសម្រាប់ការប្រកួតប្រជែងមូលធនមនុស្ស (SE4HC)»

អាហារូបករណ៍ ASEAN-China Young Leaders ថ្នាក់បណ្ឌិត បរិញ្ញាបត្រជាន់ខ្ពស់ និងថ្នាក់ស្រាវជ្រាវសម្រាប់ឆ្នាំសិក្សា២០២៦-២០២៧ នៅប្រទេសចិន

ព័ត៌មានអាហារូបករណ៍, ព្រឹត្តិការណ៍

• 21/01/2026

ក្នុងសេចក្តីជូនដំណឹងកាលពីដើមសប្តាហ៍នេះ ក្រសួងអប់រំ យុវជន និងកីឡា បានឱ្យដឹងថា គណៈកម្មាធិការអាហារូបករណ៍អ្នកដឹកនាំវ័យក្មេងអាស៊ាន-ចិន (ASEAN-China Young Leaders Scholarship) នឹងផ្តល់អាហារូបករណ៍...

វគ្គបណ្តុះបណ្តាលខ្លី​តាម​ប្រព័ន្ធអនឡាញ “Good Governance” របស់ប្រទេស​នូវែលសេឡង់ ដល់មន្រ្តីកម្ពុជា ឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 22/12/2025

រដ្ឋាភិបាល​នូវែល​សេឡង់ នឹង​រៀបចំ​វគ្គ​បណ្តុះបណ្តាល​រយៈពេលខ្លី ក្រោម​ប្រធានបទ "Good Governance" តាមប្រព័ន្ធ​អនឡាញ រយៈពេល​សិក្សា​ចាប់ពីថ្ងៃទី១ ដល់ថ្ងៃទី៣០ ខែមេសា ឆ្នាំ២០២៦ ដល់​មន្រ្តីរាជការ​កម្ពុជា។

ឱកាសសិក្សាអាហារូបករណ៍នៅប្រទេសជប៉ុនរយៈពេល១ឆ្នាំសម្រាប់បុគ្គលិកអប់រំ

ព័ត៌មានអាហារូបករណ៍, ព្រឹត្តិការណ៍

• 03/09/2025

តាមរយៈ ក្រសួងអប់រំ យុវជន និងកីឡាកម្ពុជា ក្រសួងអប់រំ វប្បធម៌ កីឡា វិទ្យាសាស្ត្រ និងបច្ចេកវិទ្យា (MEXT) នៃប្រទេសជប៉ុន ប្រកាសជ្រើសរើសនិស្សិតអប់រំទៅសិក្សាមុខជំនាញ Business Administration ក្រោមកម្មវិធី Young Leader's Program (YLP)



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។វាល​ដែល​ត្រូវ​ការ​ត្រូវ​បាន​គូស *