បណ្ណាល័យនៅតែដើរតួនាទីសំខាន់សម្រាប់ស្វ័យសិក្សា និងការស្រាវជ្រាវ

ភាពរីកចម្រើន នៃបច្ចេកវិទ្យាធ្វើឱ្យសិស្សនិស្សិតនាពេលបច្ចុប្បន្ននេះអាចស្វ័យសិក្សា និងអានឯកសារតាមរយៈប្រព័ន្ធអេឡិចត្រូនិច។ ប៉ុន្តែនៅតែមានយុវជននិយម ឬបន្តជ្រើសរើសទៅសិក្សាស្រាវជ្រាវ និងអានសៀវភៅនៅទីតាំងបណ្ណាល័យផ្ទាល់។ តើទាំងនេះបណ្តាលមកពីបច្ចេកវិទ្យាអ៊ីនធឺណិតមិនទាន់ឆ្លើយតម្រូវការ ឬក៏ដោយសារបណ្ណាល័យមានគុណសម្បត្តិច្រើន?

កញ្ញា គ្រុយ គីមណា និស្សិតកំពុងសិក្សាទំនាក់ទំនងអន្តរជាតិនៅសហរដ្ឋអាមរិក បាននិយាយថា ទោះបច្ចុប្បន្ននាងកំពុងសិក្សានៅក្នុងប្រទេសដែលជឿនលឿន និងបានយល់ដឹងអំពីការប្រើប្រាស់បច្ចេកវិទ្យាដើម្បីសម្រួលដល់ការសិក្សាក៏ដោយ ប៉ុន្តែបណ្ណាល័យនៅតែដើរតួនាទីយ៉ាងសំខាន់សម្រាប់ហ្វឹកហាត់ចំណេះវិជ្ជា ។ បើក្រឡេកមកមើលបច្ចុប្បន្ននេះក្នុងបណ្ណាល័យមិនមែនមានតែសៀវភៅបោះពុម្ភតាំងនៅធ្នើរប៉ុណ្ណោះទេ ប៉ុន្តែបណ្ណាល័យបានផ្តល់នូវភាពសំបូរបែបជាច្រើនទៀត តួយ៉ាងដូចជាបណ្តាញតភ្ជាប់ទៅកាន់គេហទំព័រទាញយកសៀវភៅមួយចំនួនដែលមិនមានដាក់ជាសាធារណៈ ឬមិនអាចបើកឱ្យប្រើប្រាស់នៅបរិវេណក្រៅបណ្ណាល័យព្រោះគេត្រូវរក្សាកម្មសិទ្ធិបញ្ញា មួយវិញទៀតបណ្ណាល័យមានការផ្តល់ជូននូវសេវាកម្មឥតគិតថ្លៃនានាតាមរយៈបណ្ណារក្ខដែលប្រចាំការនៅទីតាំងបណ្ណាល័យនីមួយៗ ជាពិសេសនៅមហាវិទ្យាល័យ។

តាមរយៈបទពិសោធន៍ គីមណា គឺនាងចូលចិត្តជ្រើសរើសសៀវភៅដែលបោះពុម្ភដើម្បីយកមកអាន ដោយសារតែវាងាយស្រួលក្នុងការអានហើយអាចសរសេរសម្គាល់បានទៀតផង មួយវិញទៀតសៀវភៅបោះពុម្ភបានសម្រួលដល់សុខភាពភ្នែកផងដែរ។ មិនថានៅកម្ពុជា ឬអាមេរិកទេ នាងយល់ថា ការរៀននៅបណ្ណាល័យបានផ្តល់នូវបរិយាកាសល្អ ព្រោះធ្វើឱ្យមានសតិផ្តោតលើការសិក្សាកាន់តែមានប្រសិទ្ធភាព។

កញ្ញា គ្រុយ គីមណា

“ខ្ញុំសង្កេតឃើញ មិនថាប្រទេសនោះមានប្រព័ន្ធបច្ចេកវិទ្យារីកចម្រើនយ៉ាងណាទេ បណ្ណាល័យនៅតែជាកន្លែងមួយដែលមិនកាត់ផ្តាច់បាន ព្រោះបណ្ណាល័យវាមានគុណតម្លៃ និងសារៈសំខាន់សម្រាប់អ្នកសិក្សា”

ចំណែក កញ្ញា ទូច ចិន្តា និស្សិតផ្នែកហិរញ្ញវត្ថុ និងធនាគារ នៅកម្ពុជាវិញ នាងជានិស្សិតឧស្សាហ៍ចេញចូលបណ្ណាល័យជាញឹកញយបានឱ្យដឹងថា នៅបណ្ណាល័យ ជាកន្លែងមួយដែលដាស់ស្មារតី, កាត់បន្ថយការចំណាយ និងជាកន្លែងផ្តោតអារម្មណ៍បានល្អ។ ព្រោះនៅបណ្ណាល័យមានអ៊ីនធឺណិតប្រើប្រាស់ដោយឥតគិតថ្លៃ ស្ងប់ស្ងាត់ ហើយភាគច្រើនអ្នកដែលមកទីនេះសុទ្ធតែជាបុគ្គលដែលមកស្វ័យសិក្សាដូចគ្នា ហេតុដូច្នេះហើយពួកគេមានទម្លាប់គោរពគ្នា និងមិនមានការជជែកខ្លាំងៗ មិនបង្កបង្កើតសំឡេងរំខានណាមួយឡើយ។ កត្តាទាំងនេះកាន់តែអន្ទងចិត្តឱ្យមានក្ដីស្រលាញ់ចំពោះការសិក្សា និងការអានមានសន្ទុះកើនឡើងបន្ថែមមួយកម្រិតទៀត។ ចិន្តា បន្តថា បណ្ណាល័យកាន់តែសមចំពោះអ្នកដែលស្រឡាញ់ការសិក្សា ហើយមិនទាន់មានទីតាំងស្ងប់ស្ងាត់ផ្ទាល់ខ្លួន។

កញ្ញា ទូច ចិន្តា

“ខ្ញុំយល់ថាទីតាំងបណ្ណាល័យជាកន្លែងចំណាយតិច ចំណេញច្រើនចំពោះអ្នកសិក្សា “

ចំណែក កញ្ញា យ៉ាត់ ម៉ាឡៃ ជាបណ្ណារក្ខនៅសាលាឯកជនមួយកន្លែងស្ថិតនៅរាជធានីភ្នំពេញ និងជានិស្សិតកំពុងសិក្សាផ្នែកទំនាក់ទំនងអន្តរជាតិ បានឱ្យដឹងថា នាងសង្កេតឃើញអ្នកដែលបានមកបណ្ណាល័យភាគច្រើនគឺមុខដដែលៗ ដែលនេះមានន័យថាជាបុគ្គលតែម្នាក់និងតែងតែមកជារឿយៗ ។ ម៉ាឡៃ យល់ថា បណ្ណាល័យជាទីតាំងមិនចេះជិនណាយសោះឡើយ សម្រាប់អ្នកសិក្សានៅមហាវិទ្យាល័យ។ ហើយដើម្បីឱ្យជក់ចិត្ត ជាមួយបណ្ណាល័យបានលុះត្រាតែផ្តល់ឱកាសទៅកាន់ខ្លួនឯងបានសាកល្បងមកសិក្សា ឬអានសៀវភៅនៅទីនោះជាមុនសិន។ តាមរយៈបទពិសោធន៍របស់កញ្ញា ម៉ាឡៃ ផ្ទាល់ នាងបានបន្សាំខ្លួនជាមួយនឹងបរិយាកាសបណ្ណាល័យអស់រយៈពេលជិត៣ឆ្នាំហើយ ដោយផ្តើមពីនិស្សិតចូលអានសៀវភៅ រហូតបន្តធ្វើជាបណ្ណរក្ខនៅក្នុងបណ្ណាល័យ។ នាងកត់សម្គាល់ឃើញថា ការសិក្សារបស់នាង និងការចូលរួមក្នុងព្រឹត្តការណ៍សង្គមហាក់មានសន្ទុះនិងភាពទូលាយប្រសើរជាងមុន៕

Ms. Thay Thanit | កញ្ញា ថី ថានិត

ថានិត រាយការណ៍ព័ត៌មាន និងប្រែសម្រួលអត្ថបទនៅ AMS-Education ទាក់ទងអំពី ការអប់រំកុមារតូចនិងការចិញ្ចឹមកូនបែបវិជ្ជមាន បំណិនជីវិត បុគ្គលិកលក្ខណៈរបស់មនុស្ស ប្រវត្តិរបស់យុវជនឆ្នើមឬបុគ្គលគំរូ ការជ្រើសជំនាញសិក្សា និងព្រឹត្តិការណ៍ព័ត៌មានក្នុងកម្មវិធីចំណេះដឹងទូទៅតាមរយៈវេទិកាសាធារណៈនិងនៅតាមសហគមន៍នានា៕

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

ឱកាសរបស់យុវជនឆ្នើមលើវិស័យបច្ចេកវិទ្យា និងការបង្កើតហ្គេម ដើម្បីឈ្នះអាហារូបករណ៍ ១ម៉ឺនដុល្លារ ពីកម្មវិធីប្រកួតបង្កើតហ្គេមកម្រិតអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 16/02/2026

ក្រសួងអប់រំ យុវជន និងកីឡា បានប្រកាសពីការបើកឱកាសដល់សិស្ស និស្សិត និងយុវជនកម្ពុជា ចូលរួមក្នុងកម្មវិធីប្រកួតប្រជែង Games for Change (G4C) Student Challenge 2026។ នេះគឺជាវេទិកាកម្រិតអន្តរជាតិដែលអនុញ្ញាត...

លក្ខខណ្ឌ និងគន្លឹះសំខាន់ដែលអ្នកស្នើពាក្យអាហារូបករណ៍ Australia Awards គួរដឹង

ព័ត៌មានអាហារូបករណ៍, ព្រឹត្តិការណ៍

• 19/03/2025

កម្មវិធីអាហារូបករណ៍ Australia Awards ជាអាហារូបករណ៍ដែលផ្ដល់ដោយរដ្ឋាភិបាលអូស្ត្រាលី សម្រាប់ការសិក្សាថ្នាក់ឧត្ដមសិក្សា នៅសាកលវិទ្យាល័យជាច្រើនក្នុងប្រទេសអូស្ត្រាលី ហើយអាហារូបករណ៍តែងតែផ្ដល់ឱ្យជារៀងរាល់ឆ្នាំ។

អាហារូបករណ៍ថ្នាក់សិក្សា Online វគ្គខ្លីនៅសាកលវិទ្យាល័យ Stanford

ព័ត៌មានអាហារូបករណ៍, ព្រឹត្តិការណ៍

• 18/07/2023

ឱកាសសិក្សាជំនាញវគ្គខ្លីនៃសាកលវិទ្យាល័យ Stanford ពីកម្មវិធីអាហារូបករណ៍ Stanford University Free Online Courses 2023 ដល់និស្សិតបរទេសសម្រាប់ឆ្នាំសិក្សា២០២៣...

ឱកាសសិក្សាពីកម្មវិធីអាហារូបករណ៍ ផ្លូវសូត្រឆ្នាំ២០២៤ នៅសាកលវិទ្យាល័យហិរញ្ញវត្ថុ និងសេដ្ឋកិច្ចYUNNAN

ព័ត៌មានអាហារូបករណ៍, ព្រឹត្តិការណ៍

• 28/05/2024

ឱកាសសិក្សាពីកម្មវិធីអាហារូបករណ៍រដ្ឋាភិបាលចិន ផ្លូវសូត្រឆ្នាំ២០២៤ នៅសាកលវិទ្យាល័យហិរញ្ញវត្ថុ និងសេដ្ឋកិច្ចYUNNAN រយៈពេល២ឆ្នាំ។ អាហារូបករណ៍ផ្ដល់ជូនពីរដ្ឋាភិបាលចិនសម្រាប់និស្សិត...

ឱកាសសិក្សាថ្នាក់បរិញ្ញាបត្រ៣០០កន្លែងពីអាហារូបករណ៍ទេពកោសល្យឌីជីថលតេជោឆ្នាំសិក្សា ២០២៤

ព័ត៌មានអាហារូបករណ៍, ព្រឹត្តិការណ៍

• 07/12/2023

ឱកាសទទួលបានអាហារូបករណ៍សិក្សាថ្នាក់បរិញ្ញាបត្រចំនួន៣០០កន្លែងពីកម្មវិធីអាហារូបករណ៍ទេពកោសល្យឌីជីថលតេជោថ្នាក់បរិញ្ញាបត្រឆ្នាំសិក្សា២០២៤ ពីសម្ដេចអគ្គ...

វិទ្យាស្ថានពហុបច្ចេកទេសខេត្តកំពង់ធំ ជ្រើសរើសយុវជនចូលរៀនជំនាញឥតបង់ថ្លៃចំនួន ៥៤០កន្លែង

ព័ត៌មានអាហារូបករណ៍, ព្រឹត្តិការណ៍

• 04/12/2023

វិទ្យាស្ថានពហុបច្ចេកទេសខេត្តកំពង់ធំ បានប្រកាសជ្រើសរើសយុវជន យុវនារី ដែលមកពីគ្រួសារក្រីក្រ និងគ្រួសារងាយរងហានិភ័យឱ្យចូលសិក្សាជំនាញបច្ចេកទេស និងវិជ្ជាជីវៈ ឥតបង់ថ្លៃចំនួន ៥៤០កន្លែង។

ឱកាសសិក្សាជំនាញកក់សំបុត្រយន្តហោះ ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 17/02/2025

ដើម្បីចូលរួមពង្រឹងគុណភាពសេវាកម្ម និងការអភិវឌ្ឍសមត្ថភាព និងជំនាញថ្មីដល់យុវជន សិស្ស និស្សិត និងអ្នកបម្រើការក្នុងឧស្សាហកម្មទេសចរណ៍ ជាពិសេសជំនាញកក់សំបុត្រយន្តហោះ ក្រសួងទេសចរណ៍ បានប្រកាសដល់អ្នកបម្រើការក្នុងវិស័យ...

ឱកាសសិក្សាអាហារូបករណ៍ចំនួន៤៥កន្លែងនៅសាកលវិទ្យាល័យធនធានមនុស្សឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍, អាហារូបករណ៍

• 21/10/2024

ឱកាសសិក្សាអាហារូបករណ៍ថ្នាក់បរិញ្ញាបត្ររង និងថ្នាក់បរិញ្ញាបត្រចំនួន៤៥កន្លែងនៅសាកលវិទ្យាល័យធនធានមនុស្ស ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិ។ អាហារូបករណ៍ផ្ដល់ជូនជាការគាំទ្រពី ឯកឧត្ដមអភិសន្តិបណ្ឌិត ស សុខា ...

វិទ្យាស្ថានពហុបច្ចេកទេសភូមិភាគតេជោសែនសៀមរាបបន្តជ្រើសរើសសិក្ខាកាមរៀនជំនាញឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 26/06/2025

តាមរយៈកម្មវិធី TVET ១លាន៥សែននាក់ វិទ្យាស្ថានពហុបច្ចេកទេសភូមិភាគតេជោសែនសៀមរាប ប្រកាសបន្តជ្រើសរើសសិក្ខាកាមចូលរៀនជំនាញវិជ្ជាជីវៈ ថ្នាក់សញ្ញាបត្របច្ចេកទេស និងវិជ្ជាជីវៈ១ សម្រាប់វគ្គសិក្សាថ្មី។