ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
និស្សិតសាកលវិទ្យាល័យរាប់ពាន់នាក់នៅចក្រភពអង់គ្លេស ត្រូវគេចាប់បានថា បានប្រើ ChatGPT និងឧបករណ៍បញ្ញាសិប្បនិម្មិតផ្សេងទៀត ដើម្បីលួចចម្លង លើកិច្ចការស្រាវជ្រាវរបស់ពួកគេ ខណៈការលួចចម្លង បែបប្រពៃណី បាននិងកំពុងថយចុះគួរឱ្យកត់សម្គាល់, នេះបើតាមការស៊ើបអង្កេតរបស់ការសែតអង់គ្លេស The Guardian ។
ការស្ទង់មតិលើការរំលោភលើសុចរិតភាព នៃការសិក្សា (academic integrity violation) បាករកឃើញករណីលួចបន្លំ ដោយប្រើឧបករណ៍ AI ជិត ៧០០០ ករណី ក្នុងឆ្នាំសិក្សា ២០២៣-២៤ ដែលមានអត្រាស្មើនឹង ៥,១ករណី ក្នុងចំណោមសិស្ស ១,០០០ នាក់។ ខណៈទិន្នន័យនេះ បានកើនឡើងពី ១,៦ករណី ចំណោមសិស្ស ១,០០០នាក់ ក្នុងឆ្នាំសិក្សា២០២២-២៣។
យោងតាមអ្នកជំនាញបានឱ្យដឹងថា តួលេខរហូតដល់ខែឧសភា បង្ហាញថា ចំនួននឹងកើនឡើងម្តងទៀត នៅឆ្នាំនេះ ដល់ប្រហែល ៧,៥ករណី ដែលបង្ហាញឱ្យឃើញក្នុងសិស្ស ១,០០០នាក់។
ទិន្នន័យនេះបង្ហាញពីបញ្ហាប្រឈម ដែលកំពុងវិវត្តយ៉ាងឆាប់រហ័សសម្រាប់សាកលវិទ្យាល័យ ៖ ការព្យាយាមសម្រាប់វិធីសាស្ត្រវាយតម្លៃទៅនឹងការមកដល់នៃបច្ចេកវិទ្យា ដូចជា ChatGPT និងឧបករណ៍សរសេរ ដំណើរការដោយ AI ផ្សេងទៀត។
នៅឆ្នាំសិក្សា ២០១៩-២០២០ មុនពេលការរីករាលដាល និងប្រើប្រាស់បច្ចេកវិទ្យា AI ទូលំទូលាយ ការលួចចម្លងមានចំនួនជិត ២/៣ នៃការប្រព្រឹត្តខុសក្នុងការសិក្សាទាំងអស់។ ក្នុងអំឡុងពេលនៃជំងឺរាតត្បាត ការលួចចម្លងបានកើនឡើងកាន់តែខ្លាំង នៅពេលដែលការវាយតម្លៃបានប្ដូរមកធ្វើតាមប្រព័ន្ធអ៊ីនធឺណិត។ ប៉ុន្តែដោយសារឧបករណ៍ AI កាន់តែទំនើប និងងាយស្រួលប្រើប្រាស់ ទម្លាប់នៃការក្លែងបន្លំកិច្ចការក៏កាន់តែមានការផ្លាស់ប្ដូរ។
ការស្ទង់មតិបានរកឃើញថា ករណីដែលបានបញ្ជាក់ពីការលួចចម្លង តាមបែបប្រពៃណីបានធ្លាក់ចុះពី ១៩ករណី ក្នុងចំណោមសិស្ស ១,០០០នាក់ មកត្រឹម ១៥,២ ករណី នៅឆ្នាំសិក្សា ២០២៣-២០២៤ ហើយត្រូវបានគេរំពឹងថា នឹងធ្លាក់ចុះម្ដងទៀត ដល់ប្រហែល ៨,៥ ករណីក្នុងចំណោមសិស្ស ១០០០ នាក់, នេះបើយោងតាមតួលេខដំបូងសម្រាប់ឆ្នាំសិក្សាក្នុងឆ្នាំនេះ។
កាសែត The Guardian បានទាក់ទងទៅសាកលវិទ្យាល័យចំនួន ១៥៥ ក្រោមច្បាប់សេរីភាពសារព័ត៌មាន ដែលស្នើសុំតួលេខសម្រាប់ករណីដែលបង្ហាញឱ្យឃើញពីការប្រព្រឹត្តិខុសក្នុងការសិក្សា ការលួចចម្លង និងការប្រើប្រាស់ AI មិនបានត្រឹមត្រូវ។ ក្នុងនោះ សាលាចំនួន ១៣១ បានផ្ដល់ទិន្នន័យមួយចំនួន បើទោះជាសាកលវិទ្យាល័យទាំងអស់ មិនមានកំណត់ត្រាសម្រាប់ឆ្នាំនីមួយៗ ក៏ដោយ។
ច្រើនជាង ២៧% នៃសាកលវិទ្យាល័យ ដែលមិនឆ្លើយតប គឺមិនទាន់បានកត់ត្រា អំពីការប្រើប្រាស់ AI មិនត្រឹមត្រូវ ដោយបង្ហាញថា នេះជាបញ្ហា ដែលកំពុងស្វែងរកដំណោះស្រាយ។
លោកបណ្ឌិត Thomas Lancaster អ្នកស្រាវជ្រាវផ្នែកសុចរិតភាពនៃការសិក្សានៃ Imperial College London បាននិយាយថា នៅពេលប្រើប្រាស់ប្រកបដោយភាពប៉ិនប្រសប់ ហើយសិស្សដឹងពីរបៀបកែសម្រួលលទ្ធផល ការប្រើប្រាស់ AI មិនត្រឹមត្រូវ។ លោកបន្តថា អ្វីដែលខ្ញុំសង្ឃឹមនោះ គឺសិស្សនៅតែរៀន តាមរយៈដំណើរការនេះ។
យ៉ាងណាក៏ដោយ បើតាមការបញ្ជាក់របស់និស្សិត ដែលជាអ្នកប្រើប្រាស់បច្ចេកវិទ្យានេះ ពួកគេបានលើកឡើងថា ពួកគេប្រើប្រាស់បច្ចេកវិទ្យា AI ដើម្បីបង្កើតគំនិត និងគម្រោងកិច្ចការស្រាវជ្រាវ និងដើម្បីផ្ដល់យោបល់អំពីការប្រើប្រាស់ឯកសារយោង ហើយមនុស្សភាគច្រើន ដែលពួកគេបានស្គាល់ គឺសុទ្ធតែដឹងអំពីដែនកំណត់នៃការប្រើបច្ចេកវិទ្យានេះ។
លោក Lancaster សង្កត់ធ្ងន់ថា ក្នុងបរិបទបច្ចុប្បន្ន រឿងសំខាន់គឺត្រូវផ្ដោតលើការអភិវឌ្ឍជំនាញ ដែល AI មិនអាចជំនួសមនុស្សបានដូចជា ជំនាញទំនាក់ទំនង ជំនាញទន់ និងការបង្កើនទំនុកចិត្តឱ្យនិស្សិតក្នុងការចូលរួមប្រើបច្ចេកវិទ្យា ដែលកំពុងរីកចម្រើន ដើម្បីសម្រេចភាពជោគជ័យ ក្នុងការសិក្សា និងការងារ។
អ្នកនាំពាក្យរដ្ឋាភិបាលអង់គ្លេស បាននិយាយថា ដើម្បីដោះស្រាយបញ្ហានេះ រដ្ឋាភិបាលអង់គ្លេស កំពុងវិនិយោគទឹកប្រាក់ចំនួន ១៨៧លានផោន ក្នុងកម្មវិធីជំនាញជាតិ (national skill program) និងការបោះពុម្ពផ្សាយ គោលការណ៍ណែនាំស្ដីពីការប្រើប្រាស់ AI នៅក្នុងថ្នាក់រៀន៕
