និស្សិត​អន្តរជាតិ​ងាកមក​ចាប់​អារម្មណ៍​បន្តការ​សិក្សានៅ​អង់គ្លេស ជំនួស​អាម៉េរិក

  • តម្រូវការសិក្សានៅសហរដ្ឋអាម៉េរិកបានធ្លាក់ចុះ ៥០% និងបាត់បង់ ៣០% នៃចំណែកទីផ្សារអប់រំ។
  • អង់គ្លេសក្លាយជាគូប្រជែងចម្បង ដោយទាក់ទាញនិស្សិតដែលស្វែងរកស្ថេរភាព និងឱកាសអនាគត។
  • និស្សិតអន្តរជាតិរួមចំណែក ៤៤ពាន់លានដុល្លារដល់សេដ្ឋកិច្ចអាម៉េរិកកាលពីឆ្នាំមុន។
  • អ្នកជំនាញព្រមានថា បើនិន្នាការនេះបន្ត អាម៉េរិកអាចបាត់បង់ទ្រព្យសម្បត្តិចំណេះដឹង និងឥទ្ធិពលអន្តរជាតិ។

ចំណាប់​អារម្មណ៍​ក្នុងការសិក្សា​នៅសហរដ្ឋអាម៉េរិក​បានធ្លាក់ចុះ​ដល់កម្រិត​ទាបបំផុត ចាប់តាំង​ពីការ​រីករាល​ដាល​នៃ​ជំងឺកូវីដ-១៩ ខណៈ​ចក្រភព​អង់គ្លេស​បានក្លាយ​ជា​ជម្រើស​ឈានមុខ​គេ សម្រាប់​ការ​បន្ត​ការសិក្សា ក្រោយ​ឧត្តមសិក្សា សម្រាប់​និស្សិត​អន្តរជាតិ។

ចាប់តាំង​ពីខែ​សីហា ឆ្នាំ២០២០ កម្មវិធី​សិក្សា​ថ្នាក់​មហាវិទ្យាល័យ​របស់​សហរដ្ឋ​អាម៉េរិក មិនធ្លាប់​ធា្លក់ដល់​កម្រិត​ទាប​បែបនេះ​ទេ នេះ​បើយោង​តាម​ទិន្នន័យ Studyportals ជា​វេទិកា​សកល​ដែល​តាមដាន តម្រូវការ​អប់រំ​ឧត្តមសិក្សា​ទូទាំង​ពិភពលោក។

នៅចន្លោះ​ថ្ងៃទី៥ ខែមករា ដល់ថ្ងៃទី៣០ ខែមេសា ការចូល​មើល​គេហទំព័រ​ផ្សព្វផ្សាយ សម្រាប់​កម្មវិធីសិក្សា​នៅសហរដ្ឋអាម៉េរិក​បានធ្លាក់​ចុះ ៥០% ហើយ​ប្រទេស​នេះ បាន​បាត់បង់ ៣០% នៃចំណែក​ទីផ្សារ​អប់រំ​របស់ខ្លួន បើធៀប​ទៅនឹង​ឆ្នាំ២០២៣ ដោយ​មានការ​កាត់​បន្ថយ​ស្ទើរតែ​ពាក់កណ្ដាល។

ប្រភព ៖ US News Education

Studyportals ព្រមាន​ថា ប្រសិនបើ​និន្នាការ​នេះ​នៅ​តែបន្ត តម្រូវ​ការ​និស្សិត ដែល​ចង់បន្តការ​សិក្សានៅ​សហរដ្ឋអាម៉េរិក​អាច​ធ្លាក់​ចុះ ៧០% ពី​មួយឆ្នាំ ទៅ​មួយឆ្នាំ ចាប់​ពីឆ្នាំ​២០២៥​នេះ។

តាមរយៈការ​វិភាគ​សកម្មភាព​របស់​អ្នកប្រើប្រាស់ គេហទំព័រ Studyportals បានបង្ហាញ​យ៉ាងច្បាស់​អំពី​តម្រូវការ​របស់​និស្សិត និងការ​ថ្លឹងថ្លែង​ក្នុង​ជម្រើស​ពួកគេ។ នៅពេល​ពិចារណា​លើការ​សិក្សានៅ​សហរដ្ឋអាម៉េរិក ពួកគេតែង​តែ​ធ្វើការ​ប្រៀបធៀប វគ្គសិក្សា​ដែល​ស្រដៀង​គ្នានេះ នៅ​ប្រទេស​ផ្សេង​ទៀត។

ចក្រភព​អង់គ្លេស​បានក្លាយជាគូប្រកួតប្រជែង​កំពូល​របស់​អាម៉េរិក។ និស្សិតម្នាក់ ក្នុង​ចំណោម​ដប់នាក់ (៩%) ដែល​ស្វែង​រកកម្មវិធី​សិក្សាថ្នាក់​បរិញ្ញាបត្រ ឬ​អនុបណ្ឌិត​នៅអាម៉េរិក ក៏ស្វែង​រកជម្រើស​ផ្សេងៗ​នៅអង់គ្លេស​ដូចគ្នាដែរ ហើយ​អត្រា​នេះ បាន​កើន​ឡើង ៨,៥% កាល​ពីឆ្នាំមុន។ នេះមាន​ន័យ​ថា និស្សិត​រាប់លាន​នាក់ កំពុងធ្វើការ​ប្រៀបធៀប​សាកលវិទ្យាល័យ​របស់​អាម៉េរិក និង​អង់គ្លេស យ៉ាងសកម្ម។

លោក David Hawkins ស្ថាបនិក​ក្រុមហ៊ុន​ប្រឹក្សា​ផ្នែក​អប់រំ The University Guys ដែលជា​ស្ថាប័ន​ជួយ​សិស្ស​រាប់សិប​នាក់នៅ​ចក្រភព​អង់គ្លេស ដាក់​ពាក្យ​ទៅសាកលវិទ្យាល័យ​អាម៉េរិក​ជារៀងរាល់​ឆ្នាំ បាន​លើក​ឡើង​ថា គាត់មិន​ភ្ញាក់ផ្អើល​ចំពោះ​ការ​ព្រួយបារម្ភ​ដែល​កើនឡើង​នេះ​ទេ។

លោក​បន្តថា វាជា​ជម្រើស​របស់​និស្សិត ពួកគេអាច​ទៅ​អាម៉េរិក ប៉ុន្តែប្រសិន​បើពួកគេ​ចូលទៅ​សាកលវិទ្យាល័យ​កាណាដា ដែល​ពួកគេ​យល់​ថា ប្រសើរ​ជាង ពួកគេ​ប្រហែល​ជាទៅ​ទីនោះ​ជំនួស​វិញ។

នាយក​ប្រតិបត្តិ Studyportals លោក Edwin van Rest បាន​និយាយ​ថា ប្រសិន​និស្សិត​អន្តរជាតិ​កាន់តែ​ច្រើន​សម្រេច​ចិត្តមិន​សិក្សា​នៅ​អាម៉េរិក អាម៉េរិក​មិនគ្រាន់តែ​ខាងបង់ថ្លៃ​សិក្សា​របស់​និស្សិត​នោះ​ទេ ថែម​ទាំង​បាត់បង់​ឱកាស​បណ្ដុះបណ្ដាល​ធនធាន​មនុស្ស​ឆ្នើមៗ​ទៀត​ផង។ នេះបើតាម​ការដកស្រង់​សម្តីដោយ​គេហទំព័រ​អប់រំអន្តរជាតិ ICEF Monitor។

លោក​បញ្ជាក់​បន្ថែម​ថា អ្នកដែល​អាចធ្វើការ​នៅ​ក្រុមហ៊ុន​ធំៗ ឬបង្កើត​របក​គំហើញ​អស្ចារ្យ​មួយ​ចំនួន អាច​នឹងធ្វើការ​នៅទីក្រុង​ឡុងដ៍ ជំនួសឱ្យ​នៅទីក្រុង​បូស្ដុន ដោយសារ​តែការ​សម្រេច​ចិត្ត​របស់​ពួកគេ​នៅ​ពេល​នេះ។ មូលដ្ឋាន​គ្រឹះ នៃការ​អប់រំ​ថ្នាក់ឧត្តមសិក្សា​នៅ​សហរដ្ឋ​អាម៉េរិក​នៅតែ​រឹងមាំ ហើយនៅ​តែអាច​ពង្រឹង​ឡើង​វិញ​បាន។ យ៉ាងណា​ក៏ដោយ ទិន្នន័យ ដែល​បាន​បង្ហាញ​នេះ គ្រាន់តែជា​សារដាស់​តឿន​ប៉ុណ្ណោះ មិនមែន​ជាចំណុច​បញ្ចប់​នោះទេ។

ប្រភព ៖ New York Time

និស្សិត​អន្តរជាតិ​បានរួម​ចំណែក​ទឹកប្រាក់ ៤៤ពាន់​លានដុល្លារ​ ដល់​សេដ្ឋកិច្ច​អាម៉េរិក​នៅ​អំឡុង​ឆ្នាំសិក្សា ២០២៣-២០២៤។ យោង​តាម NAFSA សមាគម​អ្នកអប់រំ​អន្តរជាតិ វត្តមាន​របស់និស្សិត​អន្តរជាតិ​ចំនួន ១,១លាននាក់ កាលពី​ឆ្នាំមុន ដែលបាន​បង្កើត​ការងារ​ច្រើន​ជាង ៣៧៨,០០០ កន្លែង​នៅ​អាម៉េរិក។

នាយក​ប្រតិបត្តិ NAFSA លោក Fanta Aw ដែល​ដកស្រង់​ដោយ ICEF បាន​និយាយ​ថា និសិ្សត​អន្តរជាតិ និង​ក្រុមគ្រួសារ​របស់​ពួកគេ ចង់ជ្រើសរើស​សាលារៀន​នៅ​ក្នុង​ប្រទេស ដែលមាន​ស្ថេរភាព និង​សុវត្ថិភាព ហើយ​អាចជា​កន្លែង​សម្រាប់​ពួកគេ​កសាង​អនាគត​បាន។

លោកបាន​សង្កត់ធ្ងន់ថា សកម្មភាព​ថ្មីៗ​នេះ របស់​រដ្ឋាភិបាល​អាម៉េរិក បានធ្វើ​ឱ្យរង្គោះរង្គើ​ទំនុកចិត្ត​របស់​និស្សិត​អន្តរជាតិ​ចំពោះ​សហរដ្ឋអាម៉េរិក។ សកម្មភាព និងគោល​នយោបាយ​របស់​រដ្ឋាភិបាល​បានបង្ក​ផលវិបាក​ជាច្រើន ដល់​និស្សិត ខណៈ​ការថយចុះ​ចំណាប់​អារម្មណ៍​របស់​និស្សិត​អន្តរជាតិ អាចនាំ​មកនូវ​ផលប៉ះពាល់​យ៉ាងធ្ងន់ធ្ងរ ដល់​ភាព​លេចធ្លោ​របស់​សហរដ្ឋអាម៉េរិក​លើផ្នែក​ស្រាវជ្រាវ ការ​បង្កើត​ថ្មី និង​កម្លាំង​សេដ្ឋកិច្ច។ ទិន្នន័យ​អំពី​និន្នាការ​ដំបូង​នេះ គួរតែក្លាយ​ជាផ្នែក​មួយ នៃការ​អំពាវនាវ​ជាបន្ទាន់​ដល់​សភា​អាម៉េរិក​ក្នុងការ​ធ្វើ​អន្តរាគមន៍ មុនពេល​រងផលប៉ះពាល់​រយៈពេល​វែង​កាន់​តែ​ធ្ងន់ធ្ងរ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សា​ជំនាញវិជ្ជាជីវៈ​នៅវិទ្យាស្ថាន​ពហុបច្ចេកទេស​ភូមិភាគ​តេជោសែន​សៀមរាប ចំនួន ១៧៥០កន្លែង

ព័ត៌មានអាហារូបករណ៍, ព្រឹត្តិការណ៍

• 21/11/2024

វិទ្យាស្ថាន​ពហុបច្ចេកទេស​ភូមិភាគ​តេជោសែន​សៀមរាប​ប្រកាស​ជ្រើសរើស​សិស្សានុសិស្ស​ឱ្យ​ចូលសិក្សា​ជំនាញវិជ្ជាជីវៈ​ជាច្រើន​កន្លែង​សម្រាប់​ឆ្នាំសិក្សា​២០២៤-២០២៥។

ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់សម្រាប់មន្ត្រីកម្ពុជាពីកម្មវិធីអាហារូបករណ៍ JDS ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 09/10/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់រយៈពេល២ឆ្នាំពីកម្មវិធីអាហារូបករណ៍ជប៉ុនសម្រាប់ការអភិវឌ្ឍធនធានមនុស្ស២០២៣(JDS) សិក្សានៅប្រទេសជប៉ុន។ អាហារូបក.....

ក្រសួងប្រៃសណីយ និងទូរគមនាគមន៍ ផ្ដល់អាហារូបករណ៍១០០% សិក្សាវគ្គខ្លីផ្នែកសន្តិសុខបច្ចេកវិទ្យា

ព័ត៌មានអាហារូបករណ៍, ព្រឹត្តិការណ៍

• 07/06/2023

ក្រសួងប្រៃសណីយ និងទូរគមនាគមន៍ប្រកាសផ្ដល់អាហារូបករណ៍ ១០០% ចំនួន​៤០កន្លែងសម្រាប់ការ​សិក្សាផ្នែកសន្តិសុខបច្ចេកវិទ្យា ។ ជំនាញដែល...

កម្មវិធីផ្លាស់ប្តូរវប្បធម៌ Autumn Korean Culture Camp 2024 នៅប្រទេសកូរ៉េខាងត្បូង

ព័ត៌មានអាហារូបករណ៍, ព្រឹត្តិការណ៍

• 26/07/2024

ជាឱកាសសម្រាប់សិស្សានុសិស្សក្នុងការសិក្សាស្វែងយល់អំពីវប្បធម៌ដ៏សម្បូរបែប និងទទួលយកបទពិសោធថ្មីៗនៅក្នុងប្រទេសកូរ៉េខាងត្បូងរយៈពេល ៦ ថ្ងៃ គឺចាប់ពីថ្ងៃទី១៧-២២ ខែវិច្ឆិកា ឆ្នាំ២០២៤...

ឱកាសសិក្សាថ្នាក់បរិញ្ញាបត្រពីកម្មវិធីអាហារូបករណ៍ Merit Scholarships នៅសាកលវិទ្យាល័យ Tulane សហរដ្ឋអាមេរិក ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 07/08/2024

ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Tulane ពីកម្មវិធីអាហារូបករណ៍ Marit Scholarship សហរដ្ឋអាមេរិកឆ្នាំសិក្សា២០២៥...

អាហារូបករណ៍សិក្សាជំនាញផលិតភាពយន្តឯកសារ និងពហុប្រព័ន្ធផ្សព្វផ្សាយ ពីមជ្ឈមណ្ឌលបុប្ផាណា

ព័ត៌មានអាហារូបករណ៍, ព្រឹត្តិការណ៍

• 28/05/2025

មជ្ឈមណ្ឌលធនធានសោតទស្សន៍បុប្ផាណា ប្រកាសជ្រើសរើសសិស្សដែល​ចង់សិក្សាជំនាញផលិតភាពយន្ត និងពហុប្រព័ន្ធផ្សព្វផ្សាយ ក្នុងវគ្គបណ្ដុះបណ្ដាលផ្នែកផលិតភាពយន្តឯកសារ និងពហុប្រព័ន្ធផ្សព្វផ្សាយក្រោមការឧបត្ថម្ភពីមូនិធិហេនរីលូស៍...

វិទ្យាស្ថានបច្ចេកវិទ្យាកម្ពុជាប្រកាសជ្រើសរើសនិស្សិតសិក្សាអាហា​រូបករណ៍​១០០%​ចំនួន៨០​កន្លែង សម្រាប់ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 17/11/2023

វិទ្យាស្ថានបច្ចេកវិទ្យាកម្ពុជា(រាជធានីភ្នំពេញ)ប្រកាសជ្រើសរើសនិស្សិតចូលថ្នាក់ឆ្នាំសិក្សាមូលដ្ឋានកម្រិតវិស្វករចំនួន១៣០០កន្លែងក្នុងនោះក៏មានផ្ដល់....

ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍សិល្បៈអមតៈ អាន ចន ផន លើជំនាញសិល្បៈ និងមិនមែនសិល្បៈ

ព័ត៌មានអាហារូបករណ៍, ព្រឹត្តិការណ៍

• 25/05/2023

កម្មវិធីអាហារូបករណ៍សិល្បៈអមតៈ អាន ចន ផន បើកទទួលពាក្យស្នើសុំអាហារូបករណ៍សាច់ប្រាក់សម្រាប់សិស្ស និស្សិតសិក្សាជំនាញសិល្បៈ និងជំនាញមិនមែនសិល្បៈ ។ ...

ឡាវ ​ផ្តល់​អាហារូបករណ៍​ថ្នាក់​បរិញ្ញាបត្រ ​១៥​ កន្លែង​ ដល់​និស្សិត​កម្ពុជា​

ព័ត៌មានអាហារូបករណ៍, ព្រឹត្តិការណ៍

• 29/07/2026

​សាធារណរដ្ឋ​ប្រជាធិបតេយ្យ​ប្រជាមានិត​ឡាវ ​បាន​ប្រកាស​ផ្តល់​អាហារូបករណ៍​ថ្នាក់​បរិញ្ញាបត្រ​ចំនួន​ ​១៥​ កន្លែង​ ដល់​និស្សិត​កម្ពុជា​ ​ទៅ​សិក្សា​លើ​ ​៧​មុខជំនាញ​ខុស​ៗ​គ្នា​ក្នុង​ឆ្នាំ​សិក្សា​២០២៦​-​២០២៧​។​