ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្មេងប្រុសជនជាតិម៉ាឡេស៊ី អាយុ ១២ឆ្នាំម្នាក់ បានក្លាយជានិស្សិតវ័យក្មេងបំផុតក្នុងប្រវត្តិសាស្ត្រ នៃសាកលវិទ្យាល័យ ម៉ាឡាយ៉ា គិតចាប់តាំងពីការបង្កើតសាកលវិទ្យាល័យនេះ នៅឆ្នាំ១៩៦២។ បន្ទាប់ពីកុមាររូបនេះបានចូលរៀននៅមហាវិទ្យាល័យវិទ្យាសាស្ត្រ ដើម្បីសិក្សាថ្នាក់បរិញ្ញាបត្រជំនាញគណិតវិទ្យា។ នេះបើយោតាមសារព័ត៌មាន malaymail របស់ម៉ាឡេស៊ី។
បើតាមប្រភពពីសាកលវិទ្យាល័យបានឱ្យដឹងថា កុមារ Izz Imil Shahrom ត្រូវបានអនុញ្ញាតឱ្យចូលរៀន បន្ទាប់ពីបានសម្ភាសន៍ជាមួយគណៈកម្មាធិការពិសេស នៃសាកលវិទ្យាល័យ និងត្រូវបានអនុម័តដោយក្រុមប្រឹក្សាភិបាល នៃសាកលវិទ្យាល័យ។
ទន្ទឹមនឹងការចាប់អារម្មណ៍ពីសំណាក់មហាជន និងសារព័ត៌មានម៉ាឡេស៊ី លោក Noor Azuan Abu Osman អនុអធិការបតី នៃសាកលវិទ្យាល័យម៉ាឡាយ៉ា បានអំពាវនាវទៅកាន់សាធារណជន និងស្នើសុំឱ្យកុមារ Izz Imil Shahrom មានពេលវេលាសម្រាប់ខ្លួនឯង និងឯកជនភាពគ្រប់គ្រាន់ ដើម្បីអាចផ្ដោតលើការសិក្សាបានល្អ និងអាចសម្របខ្លួនទៅនឹងជីវិតក្នុងសាកលវិទ្យាល័យ ទាំងវ័យក្មេង។
លោកបានថ្លែងនៅក្នុងសេចក្ដីថ្លែងការណ៍ថា ការផ្ដល់គម្លាតនេះ មានសារៈសំខាន់សម្រាប់កុមារ Izz Imil ដើម្បីធានាថា គាត់អាចទទួលបានការអភិវឌ្ឍសិរីវិទ្យាបានល្អ ខណៈពេលដែលកំពុងបន្តការសិក្សាកម្រិតឧត្តមសិក្សា ទាំងវ័យក្មេង។
ម្ដាយរបស់ Izz Imil លោកស្រី Ilyah Abdul Aziz បានបញ្ជាក់ថា កូនប្រុសរបស់លោកស្រី បានសិក្សាកម្រិត Form 4-level ដែលជាកម្រិតសិក្សាថ្នាក់វិទ្យាល័យ ផ្នែកគណិតវិទ្យា និងគីមីវិទ្យា នៅពេលដែលគេទើបតែមានអាយុ ៥ឆ្នាំប៉ុណ្ណោះ។
លោកស្រី Ilyah Abdul បានបញ្ជាក់ថា កូនប្រុសរបស់លោកស្រី ជាកុមារដែលមានជំងឺអូទីហ្សឹមកម្រិតស្រាល និងមានសមត្ថភាពអាចអានអក្សរលឿនរហ័សជាងកុមារទូទៅ (នៅក្នុងវិជ្ជសាស្ត្រត្រូវបានគេហៅថា Hyperlexia) ប៉ុន្តែមានភាពលំបាកក្នុងការនិយាយជាងកុមារដទៃ។ យ៉ាងណាក៏ដោយ កុមាររូបនេះ បានបង្ហាញការចាប់អារម្មណ៍ខ្លាំងក្នុងការសិក្សាគណិតវិទ្យា តាំងពីគេមានអាយុ ៣ឆ្នាំមកម្ល៉េះ៕
