ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ទម្លាប់នៃការសិក្សាមានច្រើនទម្រង់ ហើយសិស្សអាចកាត់ចោល និងបត់បែនទៅតាមស្ថានភាព ប៉ុន្តែមានសកម្មភាពនិងទម្លាប់មួយចំនួន ដែលនាំឱ្យផលិតភាព នៃការសិក្សាកើនឡើង និងគួររក្សាការអនុវត្តឱ្យបានខ្ជាប់ខ្ជួន តើទម្លាប់សិក្សាបែបណាខ្លះដែលគួរបន្តអភិវឌ្ឍន៍ជាប្រចាំ?
តាមរយៈគេហទំព័រ Coursera បានបង្ហាញទម្លាប់មួយចំនួនដែលគួរបន្តអភិវឌ្ឍន៍ជាប្រចាំ ដូចជាសិក្សាក្នុងទីតាំងស្ងាត់ល្អ កាត់បន្ថយកត្តារំខាន ឆ្លៀតសម្រាក បង្កើតគោលដៅពីមួយវគ្គទៅមួយវគ្គ ផ្តល់រង្វាន់ឱ្យខ្លួនឯង រៀនជាមួយក្រុមដទៃៗ ធ្វើតេស្តសាកល្បងជាមុន និងឧស្សាហ៍ប្រើប្រាស់ពាក្យខ្លួនឯងនៅក្នុងការសរសេរជាដើម។
សារៈសំខាន់ក្នុងការបន្តអនុវត្តន៍ទម្លាប់សិក្សាបែបវិជ្ជមាន ៖ ភាពជោគជ័យក្នុងដំណើរសិក្សាបានដើរតួរនាទីយ៉ាងសំខាន់ នៅក្នុងពិភពលោកដែលពោរពេញដោយការប្រកួតប្រជែងនេះ ព្រោះវាជាការបង្កើនវិសាលភាព នៃការសិក្សា ជាការពង្រឹងគុណតម្លៃនៃជំនាញ រួមទាំងការពង្រឹងជំនឿជឿជាក់ចំពោះខ្លួនឯងផងដែរ។ ការសិក្សាបន្ថែមអំពីប្រសិទ្ធភាព នៃការសិក្សា មិនត្រឹមតែជួយឱ្យទទួលបាននូវពិន្ទុល្អ ឬក៏លទ្ធផលវិជ្ជមាននោះទេ ប៉ុន្តែក៏បានកាត់បន្ថយភាពតានតឹង និងការរក្សាតុល្យភាពរវាងជីវិតសិក្សា និងជីវិតផ្ទាល់ខ្លួនផងដែរ។ ហើយសិស្សដែលតែងតែស្វះស្វែងក្នុងការសាកល្បងទម្លាប់សិក្សាដោយមានភាពចម្រុះគ្នាក្នុងគោលដៅដើម្បីទទួលបាននូវប្រសិទ្ធភាព សមិទ្ធផល និងភាពរីករាយ ពួកគេមិនត្រឹមតែខិតខំសិក្សាតែប៉ុណ្ណោះទេ ប៉ុន្តែជាមួយគ្នានោះសិស្សក៏រក្សាវិធីសាស្រ្តឆ្លាតវៃក្នុងការសិក្សា ដូចជាការចាប់ផ្តើមពីជំហានតូចៗ មិនរំពឹងលទ្ធផលភ្លាមៗ តែចាប់ផ្តើមធ្វើឱ្យកើតជាសកម្មភាពជានិច្ច។
ការរកទីតាំងដែលល្អ ៖ ហេតុអ្វីសាលា ហាងកាហ្វេ និងទីតាំងសាធារណៈមួយចំនួន បានទាក់ទាញមនុស្សឱ្យទៅសិក្សានៅទីតាំងទាំងនោះ ច្រើនជាងនៅផ្ទះខ្លួនឯង ឬកន្លែងស្នាក់នៅរបស់ខ្លួនឯង? ជាធម្មតា ទីតាំងដែលបានរៀបរាប់ទាំងអម្បាលម៉ានដែលបានរៀបរាប់ទាំងនេះ មិនមានសម្ភារនាំឱ្យស្មុគស្មាញ មានការរៀបស្រឡះភ្នែកខុសពីនៅផ្ទះ និងគ្មានការរំខានច្រើនពីសម្លេង ឬមនុស្សជុំវិញខ្លួន និងជំរុញឱ្យសិស្ស ឬអ្នកធ្វើការ ហាក់ទទួលបានប្រសិទ្ធភាពជាងមុន។
ដូចនេះការស្វែងរក ឬក៏បង្កើតទីតាំងសម្រាប់សិក្សា គឺជាចំណុចសំខាន់មួយ ជួយឱ្យការផ្តោតលើការសិក្សាមានប្រសិទ្ធភាព ដែលមានន័យថា ចំណាយពេលរៀនតិចប៉ុន្តែទទួលបានប្រសិទ្ធភាពច្រើន មានគំនិតច្នៃប្រតិដ្ឋច្រើនក្នុងរយៈពេលខ្លី។ ដូច្នេះគួរសាកល្បងឱ្យបានច្រើន មិនថាបណ្ណាល័យសាធារណៈ មិនថាហាងកាហ្វេ ឬក៏តុនិងបន្ទប់ដែលមានផាសុកភាពក្នុងការផ្តល់ភាពងាយស្រួលដើម្បីចាប់ផ្តើម។ បន្ទាប់ពីរកទីតាំងបានហើយ គួរមានការកាត់ផ្តាច់ខ្សែរអ៊ីនធើណិតមួយរយៈ ទុកទូរស័ព្ទឱ្យនៅឆ្ងាយដៃ និងការសិក្សាជាក្រុមៗ។
ការសម្រាក ៖ ការសម្រាកជាសកម្មភាពមួយដែលជួយប៉ះប៉ូវ នូវភាពខ្វះចន្លោះត្រឡប់មកវិញ តួយ៉ាងដូចជាការពង្រឹកថាមពល ការទាញចំណាប់អារម្មណ៍ឱ្យស្ថិតក្នុងការសិក្សា និងការមានពេលគ្រប់គ្រាន់ ឬសមត្ថភាពគ្រប់គ្រាន់ដើម្បីផ្ចង់ស្មារតីជាដើម។
ក្រៅពីការប្រឹងប្រែងរៀនសូត្រដោយភាពឈ្លាសវៃ អ្នកសិក្សាចាំបាច់ត្រូវឆ្លៀតពេលក្នុងការសម្រាក ការដើរក្នុងពេលខ្លីៗ ស្តាប់ភ្លេងដែលនាំឱ្យចិត្តស្ងប់ ជជែកលេងជាមួយមិត្តភ័ក្ត ពត់ដៃជើង សមាធិ បរិភាគអាហារសម្រន់តិចតួច ងូតទឹកដោយសន្សឹមៗ និងការឆ្លៀតឱកាសក្នុងការសម្អាតតុសិក្សាជាដើម៕
