ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ ភាពពេញលេញនៅក្នុងជីវិតរបស់មនុស្សម្នាក់ៗខុសគ្នាទៅតាមការកំណត់រៀងៗខ្លួន ចំណែកកញ្ញា ថុន ថាវរី ម្ចាស់សៀវភៅ “នារីប្រពៃ” មានភាពពេញលេញក្នុងជីវិតដោយសារការងារតែងនិពន្ធ ដែលជាការងារសមស្របតាមចំណង់ចំណូលចិត្ត អាចធ្វើឱ្យមនុស្សជុំវិញខ្លួនមានភាពរីកចម្រើនស្របពេលជាមួយគ្នា។
កញ្ញា ថុន ថាវរី បានឱ្យដឹងពីប្រវត្តិតែងនិពន្ធរបស់ខ្លួនថា ៖
“ខ្ញុំចូលចិត្តសរសេរតាំងពីខ្ញុំនៅក្មេង។ សរសេរ ឬនិពន្ធជាវិធីសាស្ត្រមួយដើម្បីបង្ហាញពីគំនិតរបស់ខ្ញុំឱ្យអ្នកដទៃបានដឹង។ វាដូចជាការធ្វើសមាធិចិត្តនិងកាយ ដែលអាចធ្វើឱ្យខ្ញុំស្ថិតនៅក្នុងពិភពមួយដែលមានភាពស្ងប់សុខសន្តិភាព។ ខ្ញុំអាចនិយាយបានថា ជីវិតរបស់ខ្ញុំនឹងមិនពេញលេញឡើយ បើគ្មានការសរសេរ”
កញ្ញា ថុន ថាវរី
ជានារីម្នាក់ដែលចូលចិត្តសរសេរតាំងពីវ័យនៅក្មេង អ្នកនិពន្ធ ថាវរី បានសរសេរសៀវភៅផ្តោតទៅលើការលើកទឹកចិត្តយុវជនឱ្យមានការតស៊ូ និងពុះពារដើម្បក្តីស្រមៃរបស់ខ្លួន ដែលបច្ចុប្បន្ននេះបានចេញផ្សាយសៀវភៅចំនួនប្រាំចំណងរួចហើយ រួមមាន សៀវភៅនារីប្រពៃ, សៀវភៅកាពីទែនជីវិតភាគ១, សៀវភៅកាពីទែនជីវិតភាគ២, សៀវភៅដំណើរ(សហនិពន្ធ) និងសៀវភៅបាត់បង់តែមិនបោះបង់។
តាមរយៈការបោះពុម្ពផ្សាយសៀវភៅ ថាវរី ដឹងថា ការងារនិពន្ធរបស់ខ្លួនផ្តល់អត្ថប្រយោជន៍ដល់អ្នកអាននិងសង្គមយ៉ាងច្រើន។ ទន្ទឹមគ្នានេះ កញ្ញាអរគុណជាអនេកដល់អ្នកគាំទ្រ ដោយសង្ឃឹមថា ស្នាដៃរបស់ខ្លួនអាចធ្វើឱ្យជីវិតរបស់នរណាម្នាក់មានភាពខុសប្លែក ឬុផ្លាស់ប្ដូរជាវិជ្ជមាន។
បើទោះបីអ្នកនិពន្ធនិងអ្នកអានពុំធ្លាប់ជួបមុខគ្នាផ្ទាល់ក៏ពិតមែន ប៉ុន្តែប្រិយមិត្តជាច្រើនដែលបានស្គាល់ស្នាដៃរបស់អ្នកនិពន្ធរូបនេះ និងតែងតែផ្ដល់មតិយោបល់ត្រលប់មកវិញបន្ទាប់ពីបានអានសៀវភៅចប់។ អ្នកគាំទ្រទាំងនោះយល់ថា អ្នកនិពន្ធបានលើកឡើងពីឥទ្ធិពលជីវិតវិជ្ជមាន សារល្អៗបញ្ជ្រាបតាមរយៈស្នាដៃរបស់ខ្លួន។
“ខ្ញុំអាចដឹងពីប្រយោជន៍ដែលអ្នកអានទទួលបាន គឺនៅពេលដែលខ្ញុំចែកចាយគំនិតរបស់ខ្ញុំ ! ខ្ញុំតែងតែទទួលបានសារជាការផ្ដល់មតិត្រលប់មកវិញពីអ្នកអាន ពួកគាត់ប្រាប់ថាចូលចិត្តសៀវភៅដែលខ្ញុំបានសរសេរ ចូលចិត្តបុគ្គលិកលក្ខណៈតួអង្គនៅក្នុងសាច់រឿង ហើយចូលចិត្តអត្ថបទដែលខ្ញុំចែកចាយនៅលើបណ្ដាញសង្គមជាដើម”។
ក្រៅពីអាជីពតែងនិពន្ធ កញ្ញា ថាវរី ជាអ្នកសរសេរអត្ថបទដ៏ចំណានម្នាក់នៅលើបណ្តាញសង្គម “ខ្ញុំអាចក្លាយជាគំរូសម្រាប់អ្នកអាន លើកទឹកចិត្តឱ្យមនុស្សចេះតស៊ូដើម្បីឱ្យជីវិតកាន់តែប្រសើរជាងមុន ឬដើរឱ្យដល់គោលដៅ សម្រេចក្ដីសុបិនរបស់ខ្លួន”។
សម្រាប់អ្នកនិពន្ធវ័យក្មេងរូបនេះ បានចាត់ទុកការងារតែងនិពន្ធជាការងារមួយដែលខ្លួនស្រឡាញ់ និងជួយដល់ជីវិតមនុស្សជាច្រើន។ នេះជាហេតុផលដែលធ្វើកញ្ញាយល់ថា ជីវិតរបស់ខ្លួនមានភាពពេញលេញគ្រប់គ្រាន់៕
ជីវប្រវត្តិ: កញ្ញា សៅ សុធារ៉ា កំពុងសិក្សាផ្នែកប្រព័ន្ធផ្សព្វផ្សាយនិងសារគមនាគមន៍ នៅសាកលវិទ្យាល័យភូមិន្ទភ្នំពេញ។ កញ្ញាធ្លាប់ជាអ្នកសរសេរអត្ថបទជាភាសាខ្មែរ និងបកប្រែឲ្យស្ថាប័នឯកជនមួយកន្លែង។ បច្ចុប្បន្ន សុធារ៉ា ជាអ្នកយកការព័ត៌មានអប់រំឲ្យសារព័ត៌មាន AMS Education។
របាយការណ៍សំខាន់
ព័ត៌មានទូទៅ
លោកស្រី តាន់ សុដានី ៖ សេចក្ដីក្លាហាន និងចង់ចេះចង់ដឹង ជាលក្ខណៈពិសេសធ្វើឱ្យស្រ្តីក្លាយជាអ្នកបង្កើតបច្ចេកវិទ្យា
គម្រោងបច្ចេកវិទ្យារបស់សិស្សកម្ពុជា ៥៧គម្រោង ត្រៀមប្រកួតក្នុងកម្មវិធីថ្នាក់ជាតិ ឆ្នាំ២០២៦
កម្មវិធី “អ្នកដឹកនាំយុវជនអាស៊ី ២០២៦” នៅប្រទេសជប៉ុន បើកទទួលពាក្យ
អាហារ ៧យ៉ាង ដែលគួរចៀសវាងមុនពេលចូលគេង
ក្រសួងប្រៃសណីយ៍ និងទូរគមនាគមន៍ ជ្រើសរើសនិស្សិត ២៥នាក់ ទៅសិក្សាថ្នាក់បរិញ្ញាបត្រជាន់ខ្ពស់ជំនាញផ្កាយរណប និងលំហអាកាស
អ្នកជំនាញ ៖ ការប្រើទូរស័ព្ទរបស់សិស្សក្នុងសម័យឌីជីថល គួរមានការគ្រប់គ្រងតាមអាយុ និងការណែនាំពីមាតាបិតា
យុគសម័យ AI លោកស្រី សំណាង វិធាវី លើកទឹកចិត្តក្មេងស្រីឱ្យចាប់យកជំនាញបច្ចេកវិទ្យា
សិស្សជាង២ពាន់នាក់នៅកំពង់ធំទទួលអត្ថប្រយោជន៍ពីគម្រោងកែលម្អគុណភាពអប់រំបឋមសិក្សា
វេសឡាញគ្រុបរៀបចំព្រឹត្តិការណ៍៤ ដើម្បីបង្ហាញផលជះវិជ្ជមាន និងបរិវត្តកម្មក្នុងវិស័យអប់រំរយៈពេល១៨ឆ្នាំ និងសម្ពោធដំណើរការកម្មវិធីសិក្សាអន្តជាតិ Pearson Edexcel មកពីចក្រភពអង់គ្លេស
វិធីជួយកូនតូចៗឱ្យបាត់មួម៉ៅ និងមានអារម្មណ៍ស្ងប់ស្ងាត់ឡើងវិញ
កម្មវិធីពិសេសរបស់ AMS EDUCATION
ព័ត៌មានសង្ខេប
