ពិបាកស្វែងរកខ្លួនឯង? អ្នកជំនាញធនធានមនុស្ស បង្ហាញវិធីស្វែងរកខ្លួនឯង និងរើសអាជីពឱ្យត្រូវនឹងសក្តានុពល

ការស្វែងយល់ និងស្គាល់ពីចំណុចខ្សោយ ចំណុចខ្លាំង ចំណង់ចំណូលចិត្ត និងសក្តានុពលខ្លួនឯងច្បាស់ ជាចំណុចចាប់ផ្ដើម ដែលជួយយុវជនក្នុងការជ្រើសរើសអាជីព ដែលត្រូវនឹងសក្តានុពល។

កញ្ញា វុទ្ធី ស្រីពេជ្រ បុគ្គលិកជាន់ខ្ពស់ ផ្នែកជ្រើសរើសបុគ្គលិក នៃធនាគារសហពាណិជ្ជ (Union Commercial Bank) បានលើកឡើងនៅក្នុងពិព័រណ៌សាកលវិទ្យាល័យ និងជំនាញ កាលពីពេលថ្មីៗនេះថា ការជ្រើសរើសអាជីព ដែលស្របនឹងភាពខ្លាំង ទេពកោសល្យពីធម្មជាតិ និងធ្វើឱ្យយើងសប្បាយចិត្ត ពិតជាមានសារៈសំខាន់ណាស់ ព្រោះវានឹងជួយឱ្យយុវជន អាចដឹងពីគោលបំណង និងអត្តន័យសម្រាប់ជីវិតខ្លួនឯង។ 

កញ្ញា វុទ្ធី ស្រីពេជ្រ បុគ្គលិកជាន់ខ្ពស់ ផ្នែកជ្រើសរើសបុគ្គលិក នៃធនាគារសហពាណិជ្ជ (Union Commercial Bank) អំឡុងពេលចែករំលែកបទពិសោធន៍ នៅពិព័រណ៌សាកលវិទ្យាល័យ និងជំនាញ កាលពីពេលថ្មីៗនេះ។

អ្នកជំនាញផ្នែកធនធានមនុស្សរូបនេះ បានចែករំលែកទៅកាន់យុវជន ដែលជាសិស្ស-និស្សិតថា ដើម្បីអាចស្វែងរក និងស្គាល់ខ្លួនឯងច្បាស់ យុវជន សិស្ស និងនិស្សិត ត្រូវអនុវត្តវិធីសាស្ត្រចំនួន ៤ សំខាន់ៗ ក្នុងនោះរួមមាន ៖ ទី១ ធ្វើការឆ្លុះបញ្ចាំងពីខ្លួនឯង ដោយចំណាយពេលសួរសំណួរមួយចំនួនមកខ្លួនឯង ហើយឆ្លើយនឹងសំណួរទាំងនោះដោយខ្លួនឯង។ សំណួរទាំងនោះ អាចជា តើសព្វថ្ងៃខ្ញុំជាមនុស្សបែបណា? តើខ្ញុំមានអត្តចរិតបែបណា? ហើយក្នុងជំនាញដែលខ្ញុំរៀនរាល់ថ្ងៃនេះ ខ្ញុំចូលចិត្តមុខវិជ្ជាអ្វីជាងគេ? មុខវិជ្ជាអ្វី ដែលខ្ញុំមានភាពលេចធ្លោ និងពូកែជាងគេ? ខ្ញុំចំណាយពេលធ្វើអ្វីច្រើនជាងគេ? ហេតុអ្វីបានជាខ្ញុំចង់ធ្វើរឿងទាំងនោះ, បន្ទាប់ពីធ្វើការឆ្លុះបញ្ចាំងខ្លួនឯងហើយ ទី២ យុវជនអាចទៅសួរអ្នកដទៃ ដែលអាចជាមនុស្សស្និទ្ធស្នាល ឬអ្នកជិតដិតនឹងខ្លួនបំផុត ព្រោះមានតែអ្នកចំណាយពេលនៅជាមួយអ្នកយូរប៉ុណ្ណោះ ដែលដឹងថា អ្នកជាមនុស្សបែបណា។

ដោយឡែក ចំពោះវិធីសាស្ត្រ ទី៣ យុវជន អាចស្វែងយល់ពីខ្លួនឯង តាមរយៈការធ្វើតេស្តសិក្សាអត្តចរិត MBTI (MBTI Personality test) ដែលតេស្តនេះ យើងទាំងអស់គ្នា សុទ្ធតែអាចសាកល្បងធ្វើបាននៅលើអ៉ីនធឺណិត តាមរយៈការឆ្លើយសំណួរ ដែលអ្នកចិត្តសាស្ត្របានរៀបចំឡើង។ កញ្ញាបន្ថែមថា MBTI នេះ គឺជាតេស្ត ដែលអ្នកចិត្តសាស្ត្រ បានចងក្រងនូវសំណួរ សួរពីសកម្មភាពប្រចាំថ្ងៃរបស់យើង អត្តចរិតរបស់យើង ចំណូលចិត្ត និងអ្វីៗគ្រប់យ៉ាងរបស់យើង ហើយនៅចុងបញ្ចប់នៃតេស្ត អ្នកទាំងអស់គ្នានឹងទទួលបានលទ្ធផលនៃចរិតលក្ខណៈរបស់ខ្លួនឯង អ្វីដែលជាចំណុចពូកែ និងចំណុចខ្សោយរបស់យើង។ តើយើងជាមនុស្សបែបហ្នឹង សក្តិសមនឹងអាជីពអ្វី? ការធ្វើតេស្តនេះ នឹងបង្ហាញការងារជាច្រើន ដល់យើង។ 

កញ្ញា ស្រីពេជ្រ បន្តថា សម្រាប់វិធីសាស្ត្រ ទី៤ ក្នុងការស្វែងរកខ្លួនឯង យុវជន អាចអនុវត្តបាន អំឡុងពេលដែលខ្លួនចូលរៀនសាកលវិទ្យាល័យ។ ដោយចាប់ពីឆ្នាំទី១ ដល់ឆ្នាំទី៤ យុវជន អាចចូលរួមកម្មវិធីស្ម័គ្រចិត្ត និងការងារហាត់ការឱ្យបានច្រើនផ្នែក ដើម្បីដឹងថាខ្លួនឯងចូលចិត្ត និងពូកែធ្វើការងារអ្វីខ្លះ។ 

អ្នកជំនាញរូបនេះ សង្កត់ធ្ងន់ថា ការដឹងច្បាស់ពីចំណុចខ្លាំង ចំណុចខ្សោយ និងមានឱកាសបានធ្វើការងារដែលខ្លួនឯងស្រឡាញ់ និងស្របតាមជំនាញ និងទេពកោសល្យពីធម្មជាតិ នឹងធ្វើឱ្យយុវជនសប្បាយចិត្ត ហើយមានកម្លាំងក្រោកពីដំណេកពេលព្រឹកទៅធ្វើការ។ 

បន្ទាប់ពីដឹងច្បាស់ពីចំណូលចិត្ត និងការងារដែលខ្លួនឯងស្រឡាញ់ យុវជន ជាពិសេសសិស្ស-និស្សិត ដែលកំពុងស្វែងរកការងារ ត្រូវបង្កើតគណនី LinkedIn ដែលជាវេទិកាបណ្ដាញសង្គមមួយសំខាន់ សម្រាប់កសាងយីហោផ្ទាល់ខ្លួន ក្នុងវិស័យការងារ។ សម្រាប់យុវជន LinkedIn នេះមានសារៈសំខាន់ ព្រោះវាជួយបង្ហាញឱ្យយុវជនដឹងថា បច្ចុប្បន្នទីផ្សារការងារមានតម្រូវការខ្ពស់ក្នុងវិស័យអ្វី ហើយវេទិកានេះក៏ផ្ដល់ភាពងាយស្រួល ក្នុងការស្វែងរកការងារផងដែរ, នេះបើតាមការបញ្ជាក់របស់កញ្ញា វុទ្ធី ស្រីពេជ្រ៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

CADT ផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ជំនាញ AI, Data Science និង Cybersecurity រហូតដល់ ១០០%

ព័ត៌មានអាហារូបករណ៍, ព្រឹត្តិការណ៍

• 24/08/2026

ត្រៀមខ្លួនដើម្បីក្លាយជាអ្នកដឹកនាំបច្ចេកវិទ្យាឌីជីថលនាពេលអនាគត៖ ការទទួលពាក្យចូលរៀនថ្នាក់បរិញ្ញាបត្រជាន់ខ្ពស់ផ្នែក បញ្ញាសិប្បនិម្មិត និងវិទ្យសាស្រ្តទិន្នន័យ (AI and Data Science)

ឱកាសសិក្សាអាហារូបករណ៍ថ្នាក់បណ្ឌិតពីកម្មវិធី  Singapore A STAR ACIS ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 22/04/2025

កម្មវិធីអាហារូបករណ៍ Singapore A STAR ACIS នឹងបើកទទួលពាក្យអាហារូបករណ៍សម្រាប់និស្សិតអន្តរជាតិ ឱ្យស្នើការសិក្សាថ្នាក់ឧត្ដមសិក្សាសម្រាប់ឆ្នាំសិក្សា២០២៥ នៅប្រទេស​សឹង្ហបុរី។ អាហារូបករណ៍ផ្ដល់ជូនការសិក្សាថ្នាក់បណ្ឌិតស្រាវជ្រាវ..

សិស្សបាក់ឌុបដែលចង់រៀនជំនាញមេកានិករថយន្ត សាលា JVC ផ្តល់អាហារូបករណ៍ ១០០%

ព័ត៌មានអាហារូបករណ៍, ព្រឹត្តិការណ៍

• 08/10/2025

វិទ្យាស្ថានបច្ចេកទេស ហ្ស៊ី វ៉េ សេ ដែលគេទទួលស្គាល់ថា ជាសាលា​ដែលបណ្តុះបណ្តាលជំនាញជួសជុលរថយន្ត បានប្រកាស​ផ្តល់អាហារូបករណ៍ ១០០%

ឱកាស​អាហារូបករណ៍​វេជ្ជសាស្ត្រ ​ពី​ ​ARICE​ ​៤០​កន្លែង​ សិក្សា​នៅ​ប្រទេស​រូម៉ានី ​ឆ្នាំ​២០២៦​-​២០២៧​

ព័ត៌មានអាហារូបករណ៍, ព្រឹត្តិការណ៍

• 22/05/2026

​ទីភ្នាក់ងារ​វិនិយោគ​ ​និង​ពាណិជ្ជកម្ម​បរទេស​របស់​ប្រទេស​រ៉ូម៉ានី ​ARICE​ ​(​ ​THE​ ​ROMANIAN​ ​AGENCY​ ​FOR​ ​INVESTMENT​ ​AND​ ​FOREIGN​ ​TRADE​ ​) ​បាន​ប្រកាស​ជ្រើសរើស​និស្សិត​បរទេស ​រួម​ទាំង​កម្ពុជា​សម្រាប់​អាហារូបករណ៍

ឱកាសសិក្សាថ្នាក់បរិញ្ញាបត្រពីកម្មវិធីអាហារូបករណ៍ Erasmus University ប្រទេសហូឡង់ឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 28/02/2024

ឱកាសសិក្សាអាហារូបករណ៍ថ្នាក់បរិញ្ញាបត្រកម្មវិធីអាហារូបករណ៍ Erasmus University ពីក្រសួងអប់រំ វប្បធម៌ និងវិទ្យាសាស្ត្រហូឡង់ និងសាកលវិទ្យាល័យស្រាវជ្រាវហូឡង់ និងសាកលវិទ្យាល័យវិទ្យាសាស្ត្រអនុវត្ត...

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Zhejiang Normal ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 13/01/2025

សមាគមនិស្សិតកម្ពុជាប្រចាំសាធារណរដ្ឋប្រជាមានិតចិន ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ​ Zhijiang សម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនការសិក្សាលើជំនាញ...

ជ្រើសរើសនិស្សិតសម្រាប់ស្នាក់នៅក្នុងអន្តេវាសិកដ្ឋានពីសហគមន៍សេចក្ដីអំណរអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 02/11/2023

សហគមន៍សេចក្ដីអំណរអន្តរជាតិ ឬហៅកាត់ JIFA ប្រកាសជ្រើសរើសនិស្សិតសម្រាប់ស្នាក់នៅអន្តេវាសិកដ្ឋានជាច្រើនរូប។ ការជ្រើសរើសនិស្សិតស្នាក់នៅ...

អាហារូបករណ៍​ថ្នាក់ភាសា ​នៅ​ប្រទេសចិន សម្រាប់ឆ្នាំសិក្សា​២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 02/05/2023

សមាគមនិស្សិត​កម្ពុជា​ប្រចាំ​សាធារណរដ្ឋ​ប្រជាមានិតកម្ពុជា បានប្រកាស​អំពី​អាហារូបករណ៍ថ្នាក់ភាសា សិក្សា​នៅ​ប្រទេស​ចិន រយៈពេល​១ឆ្នាំ។...

សម្តេចធិបតីផ្តល់អាហារូបករណ៍ ១០០% សម្រាប់ថ្នាក់វិស្វករ នៅសាលាតិចណូ

ព័ត៌មានអាហារូបករណ៍, ព្រឹត្តិការណ៍

• 01/10/2025

សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ផ្តល់អាហារូបករណ៍ដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) នៅវិទ្យាស្ថានបច្ចេកវិទ្យាកម្ពុជា(ITC) កម្រិតវិស្វករ...