ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការងារអាហារូបករណ៍អភិសន្តិបណ្ឌិត ស សុខា សហការជាមួយអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ នឹងជ្រើសរើសនិស្សិតចូលបម្រើការជាមន្ត្រីហាត់ការនៅអគ្គនាយកដ្ឋាន បច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ ចំនួន ២០នាក់។
ការជ្រើសរើសនេះ ផ្តោតលើ និស្សិតដែលមានជំនាញពាក់ព័ន្ធ ដូចខាងក្រោម៖
- ព័ត៌មានវិទ្យា (Information Technology)
- បញ្ញាសិប្បនិម្មិត (Artificial Intelligence – AI)
- សន្តិសុខសាយប័រ (Cyber Security)
- ផ្សព្វផ្សាយ ឬទីផ្សារឌីជីថល (Digital Media/Marketing)។
លក្ខខណ្ឌជ្រើសរើស ៖ ជានិស្សិត ឬអតីតនិស្សិតដែលទទួលបានអាហារូបករណ៍អភិសន្តិបណ្ឌិត ស សុខា, កំពុងសិក្សា ឬបានបញ្ចប់ការសិក្សា លើជំនាញ ដែលពាក់ព័ន្ធនឹងមុខជំនាញខាងលើ, មានចំណេះដឹងមូលដ្ឋានលើបច្ចេកវិទ្យាឌីជីថល ឬជំនាញដែលពាក់ព័ន្ធ, មានឆន្ទៈចូលរួមការងារ មានវិន័យ និងការទទួលខុសត្រូវខ្ពស់, អាចចូលរួមបំពេញការងារហាត់ការបានតាមការកំណត់របស់អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ។
ការដាក់ពាក្យស្នើសុំ ៖ និស្សិតត្រូវបំពេញបែបបទនានាតាមជំហាននីមួយៗ ក្នុង Google Form ត្រូវភ្ជាប់មកជាមួយនូវឯកសារមួយចំនួនដូចជា ៖ អត្តសញ្ញាណប័ណ្ណសញ្ជាតិខ្មែរ (Upload ក្នុង Google Form), សេចក្តីចម្លងសំបុត្រកំណើត ឬសំបុត្របញ្ជាក់កំណើត (Upload ក្នុង Google Form), លិខិតបញ្ជាក់ការសិក្សា ឬលទ្ធផលប្រចាំឆ្នាំសិក្សា (Upload ក្នុង Google Form), លិខិតបញ្ជាក់ពីការទទួលបានអាហារូបករណ៍ ពីក្រុមការងារអាហារូបករណ៍អភិសន្តិបណ្ឌិត ស សុខា (Upload ក្នុង Google Form)។
បែបបទនៃការជ្រើសរើស ៖ ក្រុមការងារនឹងបញ្ជូនឈ្មោះនិស្សិត ឬបេក្ខជនជាអតីតនិស្សិត ដើម្បីធ្វើការសម្ភាសន៍ផ្ទាល់មាត់ ជាមួយក្រុមការងាររបស់អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ។
ចំពោះកាលបរិច្ឆេទ និងទីកន្លែងធ្វើការសម្ភាសន៍នឹងជូនដំណឹងនៅពេលក្រោយ។
អត្ថប្រយោជន៍ ៖ ទទួលបានប្រាក់ឧបត្ថម្ភសមរម្យ, ទទួលបានឱកាសអនុវត្តការងារជាក់ស្តែង និងគោលការណ៍លើកទឹកចិត្តពិសេសផ្សេងៗ តាមរយៈការវាយតម្លៃពី ឆន្ទៈ សមត្ថភាព មនសិការ ការព្យាយាម តស៊ូ អត្តចរិត ភាពស្មោះត្រង់ ការសាមគ្គីភាព និងការបំពេញការងារ ប្រកបដោយស្មារតីទទួលខុសត្រូវជូនស្ថាប័ន។
និស្សិត ឬបេក្ខជន ដែលមានចំណាប់អារម្មណ៍ សូមបំពេញបែបបទ ដាក់ពាក្យ និងដោយភ្ជាប់ជាមួយឯកសារពាក់ព័ន្ធដូចបានកំណត់តាមរយៈទម្រង់ [ Google Form ] ចាប់ពីថ្ងៃជូនដំណឹងរហូតដល់ ថ្ងៃទី៥ ខែមេសា ឆ្នាំ២០២៦៕
