ដើម្បីចូលរួមចំណែកលើកកម្ពស់វិស័យអប់រំ និងបណ្ដុះបណ្ដាលធនធានមនុស្ស ឆ្នាំសិក្សា២០២៥-២០២៦ សហភាពសហព័ន្ធយុវជនកម្ពុជារាជធានីភ្នំពេញ បាន​ប្រកាសផ្ដល់អាហារូបករណ៍​១០០%ចំនួន៥៩កន្លែង និងអាហារូបករណ៍៥០% មិនកំណត់ចំនួនសម្រាប់សិស្សានុសិស្ស និស្សិត យុវជន និងសាធារណជន ។ អាហារូបករណ៍ផ្ដល់ឱ្យចូលសិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត។

អាហារូបករណ៍១០០% ថ្នាក់បរិញ្ញាបត្រ នៅសាកលវិទ្យាល័យភូមិន្ទភ្នំពេញ ចំនួន២០កន្លែង សម្រាប់ការសិក្សាលើជំនាញ ៖ សិក្សាអន្តរជាតិ, ភាសាជប៉ុន, ភាសាថៃ, ជីវវិទ្យា, អភិវឌ្ឍន៍សហគមន៍ វិស្វកម្មបច្ចេកទេសព័ត៌មាន, វិស្វកម្មបរិស្ថាន, គីមីវិទ្យា, ភាសាអង់គ្លេស, ភាសាកូរ៉េ, ព័ត៌មានវិទ្យា, បរិស្ថាន, នគរូបនីយកម្ម, វិស្វកម្មទូរគមនាគមន៍និងអេឡិចត្រូនិច សិក្សាអប់រំ និង អក្សរសាស្ត្រខ្មែរ ផុតកំណត់ទទួលពាក្យថ្ងៃទី២៥ ខែតុលា ឆ្នាំ២០២៥។

អាហារូបករណ៍១០០% នៅសាកលវិទ្យាល័យជាតិគ្រប់គ្រង ចំនួន១២កន្លែង សម្រាប់ថ្នាក់បរិញ្ញាបត្រលើជំនាញ ៖ គ្រប់គ្រង ទីផ្សារ សហគ្រិនភាព ហិរញ្ញវត្ថុនិងធនាគារ ហិរញ្ញវត្ថុនិងធានារ៉ាប់រង ហិរញ្ញវត្ថុនិងទីផ្សារមូលបត្រ គណនេយ្យ គណនេយ្យនិងពន្ធដារ គណនេយ្យនិងសវនកម្ម សេដ្ឋកិច្ច សេដ្ឋកិច្ចអភិវឌ្ឍន៍ទេសចរណ៍ បដិសណ្ឋារកិច្ច នីតិសាស្ត្រ រដ្ឋបាលសាធារណៈ ព័ត៌មានវិទ្យា ព័ត៌មានវិទ្យាអាជីវកម្ម វិស្វកម្មរ៉ូបូត និង​ ភាសាអង់គ្លេស នឹងផុតកំណត់ទទួលពាក្យថ្ងៃទី២០ ខែកញ្ញា ឆ្នាំ២០២៥។ សម្រាប់ថ្នាក់បរិញ្ញាបត្រជាន់ខ្ពស់ លើជំនាញ ៖ ការគ្រប់គ្រង ពាណិជ្ជកម្មអន្តរជាតិ គ្រប់គ្រងពាណិជ្ជកម្មលក្ខណគ្រួសារ ហិរញ្ញវត្ថុ គ្រប់គ្រងធនាគារ រដ្ឋបាលសាធារណៈ សេដ្ឋកិច្ច ទីផ្សារ, Logistics & Supply Chain Management, ច្បាប់ពាណិជ្ជកម្ម, និង ការគ្រប់គ្រងបច្ចេកវិទ្យា ផុតកំណត់ទទួលពាក្យថ្ងៃទី២៧ ខែសីហា ឆ្នាំ២០២៥។

អាហារូបករណ៍១០០%នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ចំនួន១២កន្លែង សម្រាប់ថ្នាក់បរិញ្ញាបត្រលើជំនាញ ៖ នីតិសាស្ត្រ រដ្ឋបាលសាធារណៈ សេដ្ឋកិច្ចអភិវឌ្ឍន៍ គ្រប់គ្រងធុរកិច្ច ធនាគារនិងហិរញ្ញវត្ថុ គណនេយ្យ សេដ្ឋកិច្ចព័ត៌មានវិទ្យា។ សម្រាប់ថ្នាក់បរិញ្ញាបត្រជាន់ខ្ពស់ លើជំនាញនីតិឯកជន រដ្ឋបាលសាធារណៈ ហិរញ្ញវត្ថុ គ្រប់គ្រង ផុតកំណត់ទទួលពាក្យថ្ងៃទី២៧ ខែសីហា ឆ្នាំ២០២៥។

អាហារូបករណ៍១០០% នៅសាកលវិទ្យាល័យអាមេរិកាំងភ្នំពេញ ចំនួន១៥កន្លែង ថ្នាក់បរិញ្ញាបត្រ Single Degree លើជំនាញ Cybersecurity, Digital Infrastructure, Artificial Intelligence, International Relations and Diplomacy, Business Administration, Law ផុតកំណត់ទទួលពាក្យថ្ងៃទី៨ ខែតុលា ឆ្នាំ២០២៥។

អាហារូបករណ៍ ៥០% នៅសាកលវិទ្យាល័យធនធានមនុស្ស មិនកំណត់ចំនួន សម្រាប់ថ្នាក់បរិញ្ញាបត្រជាន់ខ្ពស់លើជំនាញ គ្រប់គ្រងធុរកិច្ច គ្រប់គ្រងគម្រោង វិទ្យាសាស្ត្រនយោបាយ សិក្សាស្រាវជ្រាវនិងអភិវឌ្ឍន៍ នីតិសាស្ត្រ រដ្ឋបាលសាធារណៈ សេដ្ឋកិច្ច គណនេយ្យនិងហិរញ្ញវត្ថុ សវនកម្ម គ្រប់គ្រងធនធានមនុស្ស ធនាគារ និងហិរញ្ញវត្ថុ បង្រៀនភាសាអង់គ្លេស គ្រប់គ្រងការអប់រំនិងភាពជាអ្នកដឹកនាំ និងម៉ាឃិតធីង។ សម្រាប់ថ្នាក់បណ្ឌិត លើជំនាញ រដ្ឋបាលសាធារណៈ ទីផ្សារ គ្រប់គ្រងពាណិជ្ជកម្ម ទំនាក់ទំនងអន្តរជាតិ ហិរញ្ញវត្ថុ វិទ្យាសាស្ត្រអប់រំ គោលនយោបាយសាធារណៈ នីតិអន្តរជាតិ វិទ្យាសាស្ត្រនយោបាយ នីតិសាស្ត្រ​ សេដ្ឋកិច្ច អភិវឌ្ឍន៍ជនបទ ផុតកំណត់ទទួលពាក្យថ្ងៃតី១៦ ខែកញ្ញា ឆ្នាំ២០២៥។

លក្ខខណ្ឌនៃការជ្រើសរើស ៖ បេក្ខជនស្នើថ្នាក់បរិញ្ញាបត្រត្រូវមានសញ្ញាបត្រមធ្យមសិក្សាទុតិយភូមិ ឬឯកសារបញ្ជាក់ដែលមានតម្លៃស្មើ, ចំពោះបេក្ខជនស្នើអាហារូបករណ៍ថ្នាក់បរិញ្ញាបត្រជាន់ខ្ពស់ត្រូវមានសញ្ញាបត្របរិញ្ញាបត្រ ឬឯកសារបញ្ជាក់មានតម្លៃស្មើ។ ចំពោះការស្នើថ្នាក់បណ្ឌិត បេក្ខជនត្រូវមានសញ្ញាបត្របរិញ្ញាបត្រជាន់ខ្ពស់ ឬឯកសារមានតម្លៃស្មើ។ ជាមួយគ្នានេះ បេក្ខជនត្រូវបំពេញលក្ខខណ្ឌចុះឈ្មោះប្រឡងដើម្បីចូលរៀន ដែលកំណត់ដោយគ្រឹះស្ថានសិក្សានីមួយៗ ហើយបេក្ខជនត្រូវឆ្លងកាត់ការប្រឡងដែលរៀបចំដោយក្រុមការងារកម្មវិធីសាបព្រោះគ្រាប់ពូជ នៃសហភាពសហព័ន្ធយុវជនកម្ពុជា រាជធានីភ្នំពេញ។ សម្រាប់ការចំណាយលើការចុះឈ្មោះចូលរៀន សេវារដ្ឋបាល និងលក្ខខណ្ឌផ្សេងៗរបស់គ្រឹះស្ថានសិក្សានីមួយៗជាបន្ទុករបស់បេក្ខជន ហើយបេក្ខជនជ័យលាភីអាហារូបករណ៍ត្រូវចូលរួមសកម្មភាពសង្គមនានារបស់ ស.ស.យ.ក រាជធានីភ្នំពេញ។

ឯកសារភ្ជាប់ដែលបេក្ខជនត្រូវមាន ៖ ពាក្យស្នើសុំអាហារូបករណ៍ ១ច្បាប់, ជីវប្រវត្តិសង្ខេប (បិទរូបថតថ្មី ៤x៦) ១ច្បាប់, សញ្ញាបត្របញ្ជាក់ការសិក្សាដែលបានបញ្ជាក់ខាងលើចំនួន១ច្បាប់, ថតចម្លងអត្តសញ្ញាណបណ្ណ ឬលិខិតបញ្ជាក់ដែលមានតម្លៃស្មើ១ច្បាប់, ថតចម្លងសៀវភៅគ្រួសារ ឬសៀវភៅស្នាក់នៅ១ច្បាប់ រូបថតថ្មី (៤x៦) ថតពីមុខ គ្មានវែនតា និងមានផ្ទៃខាងក្រោយពណ៌ស ៣សន្លឹក។

បេក្ខជន បេក្ខនារី ដែលមានចំណាប់អារម្មណ៍ក្នុងការដាក់ពាក្យសូមចូលទៅកាន់ https://drive.google.com/drive/mobile/folders/1RyFu6ME2XhbEjoiv1H_7KYQIzLT0hIzd?usp=drive_link ដើម្បីបំពេញ និង Upload ឯកសារទាំងអស់តាមរយៈតំណភ្ជាប់តាមសាកលវិទ្យាល័យនីមួយៗ៕