ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°ភាពវៃឆ្លាតខាងផ្នែកផ្លូវអារម្មណ៍ ឬក៏ EQ បានរួមចំណែកក្នុងការបណ្តុះទំនាក់ទំនង ដោយសារតែនៅក្នុងជំនាញមួយនេះមានធាតុផ្សំមួយចំនួនដូចជា ការស្គាល់ខ្លួនឯង របៀបនៃការគ្រប់គ្រងអារម្មណ៍ យល់ដឹងពីមជ្ឈដ្ឋានជុំវិញ និងការប្រាស្រ័យទាក់ទងជាដើម។ តាមរយៈ Helpguide បានបង្ហាញលម្អិតបន្ថែមអំពីការប្រើប្រាស់ជំនាញវៃឆ្លាតផ្នែកផ្លូវអារម្មណ៍ទៅអភិវឌ្ឍន៍ទំនាក់ទំនង។
ភាពជារួមនៃអារម្មណ៍ ៖ ក្រឡេកទៅមើលភាពភ័យខ្លាចជារួមរបស់អ្នកធ្វើការ គឺបារម្ភអំពីការថយចុះ នៃផលិតភាព ការឆ្លើយតបមិនមានប្រសិទ្ធភាព ការគ្រប់គ្រងអារម្មណ៍មិនបានល្អ ខ្លាចការវាយប្រហារពីកត្តាខាងក្រៅ និងការគិតអំពីភាពប្រកួតប្រជែងនានា ដែលទាំងនេះសុទ្ធសឹងតែត្រូវការឱ្យមនុស្សប្រើប្រាស់ជំនាញវៃឆ្លាតផ្នែកផ្លូវអារម្មណ៍ ដោយផ្តល់តម្លៃលើការឆ្លុះបញ្ចាំង ហើយងាកមកគិតគូរអំពីការថែទាំសុខភាពផ្លូវចិត្តរបស់ខ្លួនឯង។
ស្វែងយល់អំពីគុណតម្លៃ ៖ កាលដែលមើលពុំឃើញគុណតម្លៃរបស់ខ្លួនឯង ឬអ្នកដទៃ ជាសញ្ញាដែលត្រូវទៅសិក្សាអំពីជំនាញវៃឆ្លាតផ្នែកផ្លូវអារម្មណ៍ ព្រោះការប្រាស្រ័យទាក់ទងដែលល្អត្រូវការមើលអំពីគុណតម្លៃគ្នា រៀនសូត្រពីគ្នា ការយកចិត្តទុកដាក់ក្នុងការបង្កើនភាពច្នៃប្រតិដ្ឋ ក៏ដូចជាការបណ្តុះផ្នត់គំនិតវិជ្ជមានផងដែរ ។
បង្កើនកិច្ចសហការ ៖ នៅក្នុងជំនាញវៃឆ្លាតផ្នែកផ្លូវអាអារម្មណ៍ ក៏បានលើកឡើងអំពីការយល់ចិត្តអ្នកដទៃ ហើយចំណុចទាំងនេះហើយជាការបង្កើនកិច្ចសហការ និងជំរុញទំនាក់ទំនងឱ្យកាន់តែល្អបន្ថែម។ ហើយការថែរក្សាទំនាក់ទំនងនៅកន្លែងការងាររទៀតសោត គឺត្រូវការបំផុសថាមពល កាត់បន្ថយជម្លោះ និងប្រើប្រាស់ភាពស្ងប់ស្ងាត់ទៅតាមស្ថានភាពជាដើម៕
