ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជារឿយៗអ្នកដែលទម្លាប់សម្រកទម្ងន់ដើម្បីពង្រឹងរាងកាយឱ្យមានសុខភាពល្អ គឺមិនមែនកាត់បន្ថយទំហំអាហារជាកត្តាចម្បងនោះទេ ប៉ុន្តែជំនួសមកវិញនូវការជ្រើសរើសប្រភេទបន្លែ ឬផ្លែឈើទៅក្នុងរបបអាហារប្រចាំថ្ងៃ ឬក៏គិតគូរអំពីការទទួលទានអាហារទាំងឡាយណា ដែលសម្បូរទៅដោយសារធាតុចិញ្ចឹមបន្ថែម។ ញាំបន្លែល្អហើយ! ប៉ុន្តែ តើប្រភេទបន្លែអ្វីខ្លះដែលមានជាតិប្រូតេអ៊ីនខ្ពស់ ? ខាងក្រោមនេះ គឺជាបន្លែ៣ប្រភេទ ដែលមានជាតិប្រូតេអ៊ីនខ្ពស់៖
១. សណ្ដែកខៀវជប៉ុន (Edamame) ៖ សណ្តែកប្រភេទនេះ មិនត្រឹមតែមានប្រូតេអ៊ីនខ្ពស់ សម្រាប់ជំនួយដល់សុខភាពប៉ុណ្ណោះទេ ជាមួយគ្នានោះ វាក៏មានភាពងាយស្រួលក្នុងការចម្អិន ដោយគ្រាន់តែលាងទឹកឱ្យស្អាតហើយស្រុស បន្ទាប់មកយកទៅប្រឡាក់នឹងអំបិលតិចៗ ឬក៏យកទៅរំលីងតាមចំណូលចិត្ត ឬក៏ធ្វើតាមរបៀបបច្ចេកទេសនៃភាពប្រសព្វរៀងៗខ្លួន។ សណ្ដែកខៀវជប៉ុន គេអាចប្រើប្រាស់ជាអាហារសម្រន់ក៏បាន ឬក៏លាយឡំនិងបន្លែដទៃ ដូចជាសាឡាដ។ ហើយសាកសមបំផុតចំពោះអ្នកដែលត្រូវពង្រឹងការចងចាំ ឬកាត់បន្ថយការឡើងទម្ងន់ និងការសម្រួលដល់អារម្មណ៍ស្រស់ស្រាយថែមមួយកម្រិតទៀត។
២. ស្ពៃខៀវ ឬស្ពៃខ្មៅ (Spinach) ៖ នៅក្នុងតំបន់អាស៊ី ស្ពៃប្រភេទនេះ មិនពិបាកក្នុងការស្វែងរកពេកនោះទេ ហើយដំណើរក្នុងការយកទៅចាត់ចែងជាអាហារសម្រាប់បរិភោគទៀតសោត ក៏មានភាពចម្រុះបែបទៅតាមនោះដែរ គេអាចយកទៅស្រុស ញាំផ្ទាប់នឹងសាច់ យកទៅស្ល ស្ងោរ ឆា និងការទទួលទានរួមគ្នាជាមួយទឹកស៊ុបជាដើម។ គុណតម្លៃ ឬក៏អត្ថប្រយោជន៍របស់ស្ពៃប្រភេទនេះ ចំពោះរាងកាយ គឺបង្កើនថាមពល ព្រោះវាសម្បូរទៅដោយវីតាមីន សារធាតុរ៉ែ និងសារធាតុប្រឆាំងអុកស៊ីតកម្ម ដែលផ្តល់អត្ថប្រយោជន៍មួយចំនួនទៀតទៅដល់សុខភាព។
៣. ផ្កាខាត់ណាពណ៌ខៀវ (Broccoli) ៖ ផ្កាខាត់ណាពណ៍ខៀវ មានតួនាទីជួយសម្រួលដល់សុខភាពរាងកាយដូចជា ការពារជំងឺមហារីក ជំនួយសុខភាពបេះដូង ពង្រឹងប្រព័ន្ធភាពសាំនៃរាងកាយ ពង្រឹងទៅកាន់សុខភាពឆ្អឹង សម្រួលប្រព័ន្ធរំលាយអាហារ និងជាប្រភពប្រូតេអ៊ីនដែលជួយទ្រទ្រង់ទៅកាន់សុខភាពនៃរាងកាយទាំងមូល៕
