រដ្ឋមន្រ្តីក្រសួងព័ត៌មាន​អំពាវនាវឱ្យ​យុវជន​ចាប់អារម្មណ៍លើការ​បណ្តុះបណ្តាល​វិជ្ជាជីវៈ​សារ​ព័ត៌មាន

ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មាន មានប្រសាសន៍ថា ដើម្បីបង្កើន​នូវ​សមត្ថភាព និង​គុណភាព​ធនធាន​មនុស្ស​ក្នុងវិស័យ​ព័ត៌មាន ឯកឧត្តមអំពាវនាវ​ឱ្យ​យុវជនទាំងអស់ ចាប់អារម្មណ៍​ទៅលើ​ការ​បណ្តុះបណ្តាល​វិជ្ជាជីវៈ​សារព័ត៌មាន ដោយថា អាជីពមួយនេះ ជាអាជីពសេរី ហើយ​អាចនឹង​ចូលរួម​យ៉ាង​សកម្ម​ជាមួយ​សង្គមជាតិ​នៅក្នុង​ការដោះស្រាយ​បញ្ហាសង្គម​តាមរយៈ​ការ​ផ្សព្វផ្សាយ​ព័ត៌មាន​ដែលត្រឹម​ត្រូវ​ទៅ​ដល់សង្គមទាំងមូល។

ជាមួយ​គ្នា​នេះ ឯកឧត្តមរដ្ឋមន្រ្តី​ក៏​បាន​ឱ្យ​ដឹង​អំពី​ការ​ដាក់​ឱ្យ​ដំណើរ​ការ​ឡើងវិញ​នូវ​មជ្ឈមណ្ឌល​បណ្តុះបណ្តាល​វិក្រឹត្យការ វិជ្ជាជីវៈ​សារ​ព័ត៌មាន ដែល​បាន​អាក់ខានជា​យូរ​មក​ហើយ ដោយ​បញ្ជាក់ថា ជាគោលដៅ​របស់ក្រសួង គឺនឹង​ប្រែក្លាយ​មជ្ឈមណ្ឌល​បណ្តុះបណ្តាលនេះ ទៅជា​វិទ្យាស្ថានជាតិព័ត៌មាន និង​ទំនាក់ទំនង​សាធារណៈ ដែល​នឹង​អាច​ក្លាយ​ជា​មជ្ឈមណ្ឌល​បណ្តុះបណ្តាល​វិជ្ជាជីវៈព័ត៌មាន និងសោតទស្សន៍​នៅ​កម្ពុជា ដើម្បីឆ្លើយតប​ទៅនឹង​តម្រូវ​ការ​របស់​ប្រទេសដែល​ត្រូវ​ការ​នូវ​អ្នក​សារ​ព័ត៌មាន​ដែលមាន​គុណភាព។

លោក មឿន ឈានណារិទ្ធ ជាអ្នកសារព័ត៌មាន និងជាសាស្រ្តាចារ្យផ្នែកសារ​ព័ត៌មាន​ មានប្រសាសន៍សាទរ ដោយថា ការដាក់​ឱ្យដំណើរ​មជ្ឈមណ្ឌល​បណ្តុះបណ្តាល​វិក្រឹត្យការ វិជ្ជាជីវៈសារព័ត៌មាន ជាការល្អ ព្រោះគ្រប់អាជីពទាំងអស់មុន​នឹង​ចាប់ផ្តើម គឺ​ត្រូវ​​​​ទទួលការ​បណ្តុះបណ្តាល និង​ការសិក្សា​អប់រំ ។ ហើយ​លោក​ក៏​រំពឹងដែរថា មជ្ឈមណ្ឌលនេះ ក៏​នឹងអាចជួយលើកស្ទួយនូវ​កម្រិតវិជ្ជាជីវៈសារព័ត៌មាន ពិសេស​អ្នកសារ​ព័ត៌មានឌីជីថល។

តាមការ​ស្ទង់មតិ​ដែលធ្វើ​ឡើង​ដោយ​ក្រសួងព័ត៌មាន​កាលពីពេលថ្មីៗនេះ បានបង្ហាញថា ជាង៩០ភាគរយ នៃអ្នក​សារព័ត៌មាន​គឺទទួល​បាន​ការ​បណ្តុះបណ្តាល​ផ្នែកសារព័ត៌មាន ក៏​ប៉ុន្តែភាគច្រើន នៃអ្នក​សារព័ត៌មាន​ដែលទទួលបាន​ការ​បណ្តុះបណ្តាលនោះ គឺជាការ​បណ្តុះបណ្តាល​ក្នុងវគ្គខ្លីៗ​តែប៉ុណ្ណោះ ។ ការ​ស្ទង់មតិ​ក៏​បង្ហាញដែរថា មានអ្នក​សារ​ព័ត៌មាន​ត្រឹមតែ ២,២៥ភាគរយ​ប៉ុណ្ណោះ​ ដែលទទួលបាន​ការ​បណ្តុះបណ្តាលជំនាញពីសាកលវិទ្យាល័យ ហើយ ០,៦៥ភាគរយ ទទួល​បានការ​បណ្តុះបណ្តាល​ពីក្រៅប្រទេស។

ជាការកត់សម្គាល់ បច្ចុប្បន្ន​នៅ​កម្ពុជា​មានសាកលវិទ្យាល័យ​រដ្ឋ និង​ឯកជនដែលធ្វើ​ការ​បណ្តុះបណ្តាលជំនាញវិជ្ជាជីវៈសារ​ព័ត៌មាន ដូចជា សាកលវិទ្យាល័យ​ភូមិន្ទភ្នំពេញ (DMC), សាកលវិទ្យាល័យ​កម្ពុជា និង សាកលវិទ្យាល័យ​បញ្ញាសាស្រ្តកម្ពុជា។ តាមប្រសាសន៍របស់ ឯកឧត្តម នេត្រ ភក្រ្តា ការ​សិក្សាវិជ្ជាជីវៈសារព័ត៌មាន មិន​មែន​សំដៅ​តែ​ទៅលើ​ការសរសេរកាសែត​មួយមុខប៉ុណ្ណោះទេ ប៉ុន្តែជំនាញនេះ ក៏​ជាផ្នែក​នៃក្របខណ្ឌ​ទំនាក់ទំនង​សាធារណៈ ដោយ​អ្នក​រៀនចប់​អាចធ្វើជាអ្នក​នាំពាក្យ ធ្វើជាមន្រ្តីទំនាក់ទំនង​សាធារណៈ ធ្វើជាមន្រ្តីព័ត៌មានជាដើម ហើយការ​សិក្សា​ផ្នែកវិជ្ជាជីវៈ​សារ​ព័ត៌មាន ក៏​ជួយ​ពង្រឹង​នៅ​ក្នុង​ការ​ទំនាក់ទំនង​សាធារណៈរបស់សហគ្រិនផងដែរ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

វិទ្យាស្ថានជាតិពហុបច្ចេកទេស​អង្គរ ផ្តល់​ឱកាស​សិក្សា​ជំនាញឥតគិតថ្លៃចំនួន ២៤០០កន្លែង

ព័ត៌មានអាហារូបករណ៍, ព្រឹត្តិការណ៍

• 28/07/2025

វិទ្យាស្ថានជាតិ​ពហុបច្ចេកទេស​អង្គរ ដែលមានទីតាំងស្ថិត​នៅ​ក្រុងសៀមរាប បានប្រកាស​ពីការផ្តល់អាហារូបករណ៍​សិក្សា​ជំនាញ​បច្ចេកទេស​វគ្គខ្លី​ចំនួន ២៤០០កន្លែង ដោយ​ឥតគិតថ្លៃ ហើយ​សម្រាប់​បេក្ខជន​ដែល​មក​ពី​គ្រួសារក្រីក្រ និង​ងាយរងហានិភ័យ...

ឱកាសសិក្សាជំនាញវិជ្ជាជីវៈឥតគិតថ្លៃនៅវិទ្យាស្ថានជាតិសហគ្រិនភាព និងនវានុវត្តន៍ វគ្គសិក្សាថ្មី

ព័ត៌មានអាហារូបករណ៍, ព្រឹត្តិការណ៍

• 07/05/2025

វិទ្យាស្ថានជាតិសហគ្រិនភាព និងនវានុវត្តន៍ ប្រកាសជ្រើសរើសសាធារណជនចូលសិក្សាជំនាញវិជ្ជាជីវៈ ដោយឥតគិតថ្លៃសម្រាប់វគ្គសិក្សាថ្មី។ ការសិក្សា ផ្ដល់ជូនដល់យុវជនមកពីគ្រួសារក្រីក្រ គ្រួសារងាយរងហានិភ័យ កម្មករនិយោជិត នៃសេដ្ឋកិច្ចក្នុង និងក្រៅប្រព័ន្ធ។

វិទ្យាស្ថានបច្ចេកវិទ្យាកម្ពុជា (ITC) មណ្ឌលវិមានឈ្នះ-ឈ្នះ ផ្តល់អាហារូបករណ៍ ១០០% ចំនួន ៤០កន្លែង

ព័ត៌មានអាហារូបករណ៍, ព្រឹត្តិការណ៍

• 11/09/2026

វិទ្យាស្ថានបច្ចេកវិទ្យាកម្ពុជា (សាលាតិចណូ - ITC) នឹងប្រឡងជ្រើសរើសនិស្សិតកម្រិតវិស្វករ នៅ មណ្ឌលវិមានឈ្នះ-ឈ្នះ ដោយផ្តល់ជូននូវអាហារូបករណ៍ពេញ ១០០% ចំនួន ៤០កន្លែង។

ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Tsinghua

ព័ត៌មានអាហារូបករណ៍, ព្រឹត្តិការណ៍

• 31/05/2023

សាកលវិទ្យាល័យ Tsinghua ផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ចំនួន២០០កន្លែងសម្រាប់និស្សិតបរទេសសិក្សានៅប្រទេសចិនឆ្នាំ២០២៣។ ...

ឱកាសអាហាររូបករណ៍ International Undergraduate Excellence Award សម្រាប់ឆ្នាំសិក្សា ២០២៦ នៅប្រទេស​អង់គ្លេស

ព័ត៌មានអាហារូបករណ៍, ព្រឹត្តិការណ៍

• 19/02/2026

សាកលវិទ្យាល័យ University of Westminster នៃចក្រភពអង់គ្លេស ប្រកាសដាក់ឱ្យដំណើរការនូវកម្មវិធីអាហាររូបករណ៍ International Undergraduate Excellence Award (IEA) សម្រាប់ការសិក្សាដែលនឹងចាប់ផ្តើមនៅ...

ឱកាសស្វែងរកមុខជំនាញសិក្សា និងការងារនៅក្រៅប្រទេស

ព័ត៌មានអាហារូបករណ៍, ព្រឹត្តិការណ៍

• 19/07/2024

ឱកាសល្អសម្រាប់យុវជន យុវនារីសម្រាប់ការស្វែងយល់ពីមុខជំនាញសិក្សា និងមានឱកាសបរទេសដោយឥតគិតថ្លៃជាមួយភ្នាក់ងារជំនាញពីស្ថាប័នអប់រំពីបណ្ដាប្រទេសធំៗនៅលើពិភពលោក។

អាហារូបករណ៍ជំនាញសំណង់ស៊ីវិល តាមរយៈ​កម្មវិធី​អាហារូបករណ៍​ផ្លូវមួយ​ខ្សែក្រវ៉ាត់មួយ

ព័ត៌មានអាហារូបករណ៍, ព្រឹត្តិការណ៍

• 22/01/2025

តាមរយៈ​កិច្ច​សហការ​រវាង​សមាគមនិស្សិត​កម្ពុជា​ប្រចាំ​សាធារណរដ្ឋ​ប្រជាមានិតចិន និង​សាកលវិទ្យាល័យមួយ​ចំនួន​នៅ​រដ្ឋធានីប៉េកាំង សាធារណរដ្ឋ​ប្រជាមានិតចិន បានសម្រេច​ផ្តល់អាហារូបករណ៍​ផ្លូវ​មួយ​ខ្សែក្រវ៉ាត់​មួយ សម្រាប់​ថ្នាក់បរិញ្ញាបត្រ និង​បរិញ្ញាបត្រ​ជាន់ខ្ពស់...

វិទ្យាស្ថានពហុបច្ចេកទេសខេត្តបន្ទាយមានជ័យ ជ្រើសរើសយុវជនចូលរៀនជំនាញ​ឥតគិតថ្លៃចំនួន ១២៦០នាក់

ព័ត៌មានអាហារូបករណ៍, ព្រឹត្តិការណ៍

• 22/08/2024

ជាឱកាសសម្រាប់​បងប្អូនប្រជាពលរដ្ឋ យុវជន យុវនារី កម្មករ កម្មការិនី និងជនចំណាកស្រុក​ដែល​មក​ពី​គ្រួសារ​ក្រីក្រ គ្រួសារ​ងាយរងហានិភ័យ គ្រួសារ​ដែល​មានបណ្ណសម្គាល់ជនមានពិការភាព មានបណ្ណមូលនិធិសមធម៌សុខាភិបាល...

ឱកាសអាហារូបករណ៍ទៅសិក្សា​នៅប្រទេសសឹង្ហបុរី ពី SIM Global Education Diploma 2026

ព័ត៌មានអាហារូបករណ៍, ព្រឹត្តិការណ៍

• 01/12/2025

SIM Global Education (SIM GE) កំពុងផ្ដល់ជូននូវអាហារូបករណ៍ SIM Global Education Diploma Scholarship ឆ្នាំ២០២៦ ដល់និស្សិតអន្តរជាតិដែលមានលទ្ធផលសិក្សាឆ្នើម ដើម្បីបន្តការសិក្សានៅប្រទេសសឹង្ហបុរី។