ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសភូមិភាគតេជោសែនស្វាយរៀង បានប្រកាសជ្រើសរើសសិស្សចូលរៀនជំនាញបច្ចេកទេស និងវិជ្ជាជីវៈ ដោយឥតគិតថ្លៃចំនួន៣៣០នាក់ សម្រាប់ការសិក្សាជំនាញដែលកំពុងមានតម្រូវការចំនួន៤សំខាន់ៗ។
ជំនាញទាំងនោះមានដូចជា ១. ការដំឡើងបណ្តាញអគ្គិសនីក្នុងអគារចំនួន ៩០នាក់, ២. សេវាកម្មបរិក្ខារត្រជាក់ក្នុងគេហដ្ឋាន ចំនួន៩០នាក់, ៣. ការថែទាំ និងជួសជុលរថយន្ត ចំនួន៩០នាក់ និង ៤. សេវាកម្មកុំព្យូទ័រ ចំនួន ៦០នាក់។
លក្ខខណ្ឌ នៃការជ្រើសរើស ៖ យុវជនមកគ្រួសារក្រីក្រ ឬគ្រួសារងាយរងហានិភ័យ និងសាធារណៈជនទូទៅ, យុវជនមានអាយុចាប់ពី១៥ឆ្នាំឡើង, សិក្សារយៈពេល ៤ខែ (សិក្សាពេញម៉ោង ព្រឹក និងរសៀល), ឬ សិក្សារយៈពេល ៦ខែ (សិក្សាមួយពេល ព្រឹក ឬរសៀល)។
អត្ថប្រយោជន៍ដែលទទួលបាន ៖ សិក្សាដោយឥតបង់ថ្លៃ, ទទួលបានប្រាក់ឧបត្ថម្ភប្រចាំខែចំនួន ២៨ម៉ឺនរៀលក្នុងមួយ រយៈពេល ៤ខែ ដោយសិក្សារពេញម៉ោង សម្រាប់អ្នកមានបណ្ណក្រីក្រ ឬគ្រួសារងាររងហានិភ័យ, ទទួលបានសញ្ញាបត្របច្ចេកទេស និងវិជ្ជាជីវៈ១ និងឱកាសបន្តការសិក្សា, ទទួលបានជំនាញមួយពិតប្រាកដ ដែលទីផ្សារការងារកំពុងត្រូវការ, ឱកាសការងារសមរម្យ និងចំណូលទៀងទាត់។
កាលបរិច្ឆេទចែក និងទទួលពាក្យ ៖ ចាប់ពីថ្ងៃផ្សាយដំណឹងនេះតទៅ ហើយកាលបរិច្ឆេទចូលរៀននៅថ្ងៃទី០២ ខែកញ្ញា ឆ្នាំ២០២៤។
សម្រាប់ព័ត៌មានបន្ថែម សូមទាក់ទងទៅកាន់វិទ្យាស្ថានផ្ទាល់ ដែលមានទីតាំងស្ថិតនៅភូមិមេភ្លើង សង្កាត់ស្វាយរៀង ក្រុងស្វាយរៀង ខេត្តស្វាយរៀង ឬទំនាក់ទំនងតាមទូរស័ព្ទលេខ 096 888 98 82៕
