ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មូលនិធិអាហារូបករណ៍អន្តរជាតិម៉ាប៊ូឈិ (Mabuchi International Scholarship Foundation) ប្រកាសផ្តល់អាហារូបករណ៍សម្រាប់និស្សិតកម្ពុជាដែលចេះភាសាជប៉ុន សម្រាប់ឆ្នាំសិក្សា២០២៦។
លក្ខខណ្ឌជ្រើសរើស ៖ កំពុងរៀន ឬនឹងចូលរៀនថ្នាក់បរិញ្ញាបត្រ, ជានិស្សិតដែលត្រូវចំណាយលើការសិក្សា និងការរស់នៅដោយខ្លួនឯង, ត្រូវការធនធានដើម្បីបន្តការសិក្សានៅមហាវិទ្យាល័យ និងប្រាក់ចំណូលប្រចាំគ្រួសារតិចជាង ៦លានយ៉េន ក្នុងមួយឆ្នាំ, មានកម្រិតភាសាជប៉ុនល្អ និងមានពិន្ទុ GPA យ៉ាងតិច ២.៥ ឬប្រហាក់ប្រហែល, មានសុខភាពល្អ ឧស្សាហ៍ព្យាយាម និងទទួលអនុសាសន៍ពីសាសាភាសាជប៉ុន ឬសាកលវិទ្យាល័យ, មិនកំពុងទទួលពានអាហារូបករណ៍ដទៃ, ត្រូវគោរពតាមលក្ខខណ្ឌនានារបស់មូនិធិ។
អត្ថប្រយោជន៍ ៖ ប្រាក់អាហារូបករណ៍ប្រចាំខែចំនួន ១០ម៉ឺនយ៉េន (ចាប់ពីខែមេសា ឆ្នាំ២០២៦ ដល់ខែមីនា ឆ្នាំ២០២៧), អាចស្នើសុំអាហារូបករណ៍បន្តដោយយោងតាមលទ្ធផលប្រចាំឆ្នាំ, ប្រាក់បង់ថ្លៃចូលរៀន ៣០ម៉ឺនយ៉េន (សម្រាប់និស្សិតចូលរៀនឆ្នាំទី១)។
សម្រាប់ប្អូនៗសិស្សនិស្សិតដែលមានចំណាប់អារម្មណ៍ដាក់ពាក្យ ត្រូវទាញយកឯកសារតាមរយៈ តំណរភ្ជាប់នេះ រួចផ្ញើឯកសារច្បាប់ដើមមកស្ថានទូតកម្ពុជាប្រចាំប្រទេសជប៉ុន ឱ្យបានមុនថ្ងៃទី១៩ ខែមករា ឆ្នាំ២០២៥។
ឯកសារសំខាន់ៗ:
- ពាក្យសុំអាហារូបករណ៍ (ទម្រង់មូលនិធិ) (សរសេរដោយដៃជាភាសាជប៉ុន)។
- អត្ថបទខ្លី និងសន្លឹកណែនាំខ្លួន (ទម្រង់មូលនិធិ)។
- លិខិតណែនាំ (សម្រាប់អ្នកចូលរៀន: ទម្រង់សាលាភាសាជប៉ុន, សម្រាប់និស្សិតកំពុងសិក្សា: លិខិតដែលចេញដោយសាកលវិទ្យាល័យ)។
- ច្បាប់ចម្លងលិខិតជូនដំណឹងលទ្ធផលប្រឡងជាប់/លិខិតបញ្ជាក់ការសិក្សា។
- ច្បាប់ចម្លងលទ្ធផលប្រឡង EJU/លិខិតបញ្ជាក់លទ្ធផលសិក្សានៅសាកលវិទ្យាល័យ។
- ច្បាប់ចម្លងប័ណ្ណស្នាក់នៅ (Residence Card)។
- លិខិតបញ្ជាក់ប្រាក់ចំណូលរបស់ឪពុកម្ដាយ (ត្រូវបកប្រែជាភាសាជប៉ុន)។
- រូបថត 1 សន្លឹក (4.5 x 3.5cm, ពាក់កណ្ដាលខ្លួនខាងលើ, ថតក្នុងរយៈពេល 3 ខែ, គ្មានការកែសម្រួល/បិទភ្ជាប់លើពាក្យសុំ)។
សម្រាប់ព័ត៌មានបន្ថែម សូមទាក់ទងទៅកាន់អ៊ីមែលស្ថានទូត camemb.jpn@mfaic.gov.kh ៕
