តស៊ូជាង១០ឆ្នាំ កញ្ញា ប៉ោក ស្រីនាង ក្លាយជាម្ចាស់ជ័យលាភីអាហារូបករណ៍ Chevening

ប្រើពេលជាង ១០ឆ្នាំ ដើម្បីទទួលបានឱកាសបន្តការសិក្សា នៅចក្រភពអង់គ្លេស កញ្ញា ប៉ោក ស្រីនាង បានឆ្លងកាត់វិញ្ញាសាជីវិតលំបាកៗ និងជួបរឿងមិនសមបំណងជាបន្តបន្ទាប់។ យ៉ាងណាក៏ដោយ ព្រោះតែថាមពលនៃការតាំងចិត្ត និងក្ដីសុបិនចង់ក្លាយជាបញ្ញាវន្តស្រ្តីមួយរូបដើម្បីចូលរួមការអភិវឌ្ឍន៍ក្នុងប្រទេស ស្រីនាង​ បានតស៊ូរហូតអាចសម្រេចសមិទ្ធផលជាបន្តបន្ទាប់ក្នុងជីវិត។

ជាកូនទោលកើតក្នុងត្រកូលកសិករ នៅភូមិគ្រួស ឃុំរវាង ស្រុកសំរោង ខេត្តតាកែវ នៅវ័យ១៤ឆ្នាំ ស្រីនាង បានបាត់បង់ឪពុកជាទីស្រឡាញ់ ដោយសារជំងឺរ៉ាំរ៉ៃ តាំងពីនាងទើបតែចូលរៀននៅកម្រិតអនុវិទ្យាល័យថ្នាក់ទី៧ មកម្ល៉េះ។ ការបាត់បង់​មួយនេះ បានធ្វើឱ្យស្ថានភាពគ្រួសាររបស់ ស្រីនាង ជួបការលំបាកយ៉ាងខ្លាំង។

មុនទទួលមរណភាពនៅឆ្នាំ២០០៤ ឪពុករបស់នាង បានផ្ដល់បណ្ដាំចុងក្រោយដល់ម្ដាយនាងថា «ត្រូវផ្គត់ផ្គង់ស្រីនាង ឱ្យរៀនរហូតចប់ថ្នាក់វិទ្យាល័យ»។ ពាក្យបណ្ដាំនេះ ពិតជាមានឥទ្ធិពលខ្លាំងណាស់ មកលើដំណើរជីវិត​របស់ស្រីនាង និងជាកម្លាំងចិត្តដ៏ធំធេងសម្រាប់ម្ដាយរបស់គាត់ផងដែរ។

ក្រោយមក ម្តាយរបស់គាត់បានសម្រេចចិត្តមកធ្វើការជាអ្នកអនាម័យក្នុងរោងចក្រមួយនៅភ្នំពេញ ដើម្បីផ្គត់ផ្គង់ការសិក្សារបស់កូន រហូតចប់ថ្នាក់ទី១២ នៅឆ្នាំ២០១០។ ការសម្រេចបណ្ដាំឪពុក បានផ្ដល់ឱកាសឱ្យស្រីនាង ប្រឡងការងារក្របខណ្ឌគ្រូថ្នាក់មត្តេយ្យសិក្សា បឋមសិក្សា និងអនុវិទ្យាល័យ និងពេទ្យមធ្យម ប៉ុន្តែជាលទ្ធផល មិនទទួលជោគជ័យនោះទេ។

បើតាមការបញ្ជាក់របស់ ស្រីនាង ពេលនោះ ជាពេលវេលាដ៏លំបាកបំផុត​ ព្រោះម្ដាយរបស់នាងមិនមានលទ្ធភាពផ្គត់ផ្គង់នាងឱ្យបន្តការសិក្សាថ្នាក់ឧត្តមសិក្សានោះទេ​។ ខណៈពេលនោះ ម្ដាយនាងបានពិចារណាលើជម្រើសតែមួយគត់ គឺការលក់ដីស្រែដើម្បីយកប្រាក់បង់ថ្លៃសិក្សារបស់កូន។

“ពេលនោះម្ដាយខ្ញុំចង់លក់ដីស្រែ ដើម្បីបង់ថ្លៃសាលាឱ្យខ្ញុំរៀន ប៉ុន្តែពេលនោះ ខ្ញុំក៏បានប្រាប់គាត់ថា មិនបាច់ធ្វើដូច្នេះទេ ចាំខ្ញុំរកឱកាសដើរខ្លួនឯង ព្រោះប្រសិនបើលក់អស់ទៅយើងនឹងមិនមានដីស្រែ សម្រាប់ធ្វើហូបប្រចាំឆ្នាំទៀតនោះទេ…”

ដើម្បីរកច្រកចេញពីបញ្ហានេះ ស្រីនាង បានសម្រេចចិត្តទៅធ្វើការរោងចក្រមួយក្នុងខេត្តកំពង់ស្ពឺ បន្ទាប់មកនៅភ្នំពេញបណ្តោះអាសន្នសិន ដើម្បីសន្សំប្រាក់សម្រាប់បង់ថ្លៃសិក្សា។ ប៉ុន្តែបន្ទាប់ពីបំពេញការងារបានប្រមាណជិត ១ឆ្នាំ ប្រាក់ចំណូលមិនសល់ដូចការរំពឹងទុកនោះទេ ព្រោះនាងត្រូវផ្គត់ផ្គង់លើការចំណាយប្រចាំថ្ងៃច្រើន ខណៈប្រាក់ខែទទួលបានប្រហែល ១០០ដុល្លារប៉ុណ្ណោះ។

នៅចុងឆ្នាំ២០១១ ស្រីនាងបានសម្រេចចិត្តឈប់ពីការងាររោងចក្រ ដោយសារទទួលបានឪកាសធ្វើជាគ្រូបង្រៀនភាសាអង់គ្លេសកម្រិតមត្តេយ្យ ក្នុងអង្គការមួយនៅស្រុកកំណើត។ ពេលនោះហើយ ដែលក្ដីសង្ឃឹមបន្តការសិក្សាបានចាប់ផ្ដើម។ ការបំពេញការងារជាគ្រូបង្រៀននាពេលនោះ អង្គការបានផ្ដល់ឱកាសឱ្យនាងបន្តការសិក្សានៅសាកលវិទ្យាល័យ ហើយបានបញ្ចប់ជាស្ថាពរនៅឆ្នាំ២០១៦ លើជំនាញគណនេយ្យ។ ដោយមានក្តីស្រម៉ៃដើម្បីស្វែងយល់ពីវប្បធម៌ក្រៅប្រទេស ស្រីនាងបានចាប់យកឪកាសអារូបករណ៍វគ្គខ្លីទៅសហរដ្ឋអាមេរិក ក្រោមកម្មវីធី YSEALI PFP នៅឆ្នាំ ២០១៧។

នៅដើមឆ្នាំ២០១៨ ជារបត់ជីវិតថ្មី កញ្ញា ប៉ោក ស្រីនាង បានទទួលការងារជាមន្ត្រីសម្របសម្រួលគម្រោងការអប់រំ ចំណេះដឹងហិរញ្ញវត្ថុសម្រាប់កុមារ នៅអង្គការអន្តរជាតិមួយនៅភ្នំពេញ។ យ៉ាងណាក៏ដោយ ដោយសារតែការងារមានការប្រកួតប្រជែងខ្ពស់បានជំរុញឱ្យនាងត្រូវស្វែងរកឱកាស ដើម្បីទៅបន្តការសិក្សានៅបរទេស ហើយទីបំផុតនៅឆ្នាំ ២០២២ នាងបានប្រឡងជាប់អាហារូបករណ៍ Chevening បន្តការសិក្សាថ្នាក់អនុបណ្ឌិត ជំនាញអភិវឌ្ឍន៍អន្តរជាតិ នៅសាកលវិទ្យាល័យ Nottingham Trent University និងបានបញ្ចប់ការសិក្សានៅឆ្នាំ២០២៣។

ឆ្លងកាត់វិញ្ញាសាជីវិតច្រើនដំណាក់កាល បច្ចុប្បន្នកញ្ញា ប៉ោក ស្រីនាង មានវ័យ៣២ឆ្នាំ ជាប្រធានគម្រោងមួយនៃអង្គការពិភពកុមារ និងអភិវឌ្ឍន៍។ គម្រោងដែលនាងគ្រប់គ្រង ផ្ដោតលើការចូលរួមដោះស្រាយបញ្ហាភាពក្រីក្រនៅកម្ពុជា តាមរយៈការផ្តល់លំនៅឋានសុវត្ថិភាព គាំទ្រអាជីវកម្មខ្នាតតូច និងផ្នែកចិត្តសង្គមដល់គ្រួសារងាយរងគ្រោះ។​

ផែនការបន្ទាប់ ស្រីនាងចង់បន្តការងារក្នុងវិស័យអង្គការក្រៅរដ្ឋាភិបាល២ ឬ៣ឆ្នាំទៀត ហើយចង់ផ្លាស់ប្ដូរទៅធ្វើការក្នុងវិស័យស្រាវជ្រាវដោយផ្តោតលើផ្នែកអប់រំ ព្រោះនាងយល់ថា ការស្រាវជ្រាវបែបវិទ្យាសាស្ត្រ អាចជួយអ្នកជំនាញក្រោយ និងអ្នកបង្កើតគោលនយោបាយក្នុងការដោះស្រាយបញ្ហាសង្គមបានច្រើន។

ទន្ទឹមនឹងការសម្រេចបាននូវសមិទ្ធផលជីវិត ជាទីពេញចិត្តសម្រាប់ខ្លួនឯង គ្រួសារ និងសង្គម កញ្ញា ស្រីនាង បានផ្ញើសារទៅកាន់យុវតីជំនាន់ក្រោយថា ដើម្បីសម្រេចក្ដីស្រមៃរបស់ខ្លួន​ យើងត្រូវស្គាល់ខ្លួនឯងឱ្យច្បាស់ថាខ្លួនឯងជាអ្នកណា? ចង់បានអ្វី? ត្រូវបង្កើតក្ដីស្រមៃច្បាស់លាស់មួយសម្រេចខ្លួនឯង ជាពិសេស ត្រូវមានការតាំងចិត្តខ្ពស់ដើម្បីជំនះរាល់ឧបសគ្គចំពោះមុខ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បណ្ឌិតនៅសាកលវិទ្យាល័យសាកលវិទ្យាល័យ​ United Arab Emirate ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 29/02/2024

ឱកាសសិក្សាអាហារូបករណ៍ថ្នាក់បណ្ឌិតនៅសាកលវិទ្យាល័យ United Arab Emirate ពីកម្មវិធីអាហារូបករណ៍ UEAU PHD នៅទីក្រុងឌូបៃឆ្នាំសិក្សា២០២៤។ ...

ឱកាសផ្លាស់ប្តូរការសិក្សា​នៅ​សាកលវិទ្យាល័យ Conservatorio Superio de Musica de Vigo ប្រទេស​អេស្ប៉ាញ

ព័ត៌មានអាហារូបករណ៍, ព្រឹត្តិការណ៍

• 06/03/2026

ជា​ឱកាស​សម្រាប់សិស្សនិស្សិតកំពុងសិក្សា​ផ្នែក​តូរ្យតន្រ្តី, សាកលវិទ្យាល័យ​ភូមិន្ទវិចិត្រសិល្បៈ បានប្រកាស​ពីការ​ផ្តល់អាហារូបករណ៍ដល់​និស្សិត​ចំនួន៤រូប ដើម្បីទៅផ្លាស់ប្តូរ​ការ​សិក្សា​នៅ​សាកលវិទ្យាល័យ Conservatorio

ក្រសួងអប់រំជ្រើសរើសនិស្សិតអាហារូបករណ៍នៅសិក្សា​នៅប្រទេសថៃសម្រាប់ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 20/12/2023

ក្រសួងអប់រំ​ យុវជន និងកីឡា ប្រកាសប្រឡងអាហារូបករណ៍ជ្រើសរើសសិស្ស និស្សិត និងមន្ត្រីរាជធការកម្ពុជាទៅសិក្សានៅប្រទេសថៃក្រោមអាហារូបករណ៍ ព្រះអង្គម្ចាស់ក្សត្រីយ័មហាចក្រីសិរិថន។ អាហារូបករណ៍...

វិទ្យាស្ថានពហុបច្ចេកទេស​ព្រះកុសុមៈ ផ្តល់អាហារូបករណ៍ថ្នាក់សញ្ញាបត្រ​ជាន់ខ្ពស់២៨០កន្លែង

ព័ត៌មានអាហារូបករណ៍, ព្រឹត្តិការណ៍

• 05/11/2024

សម្រាប់ឆ្នាំសិក្សា​២០២៤-២០២៥នេះ វិទ្យាស្ថានពហុបច្ចេកទេស​ព្រះកុសមៈ បានប្រកាស​ផ្តល់អាហារូបករណ៍ថ្នាក់សញ្ញាបត្រ​ជាន់ខ្ពស់បច្ចេកទេស និង​សញ្ញាបត្រ​ជាន់ខ្ពស់​ពាណិជ្ជសាស្រ្ត (សិក្សា​រយៈពេល២ឆ្នាំ) រហូត​ដល់២៨០កន្លែង​សម្រាប់សិស្ស...

ឱកាសសិក្សាជំនាញវិជ្ជាជីវៈ នៅវិទ្យាស្ថានពហុបច្ចេកទេសខេត្តកំពង់ឆ្នាំង ចំនួន១៥០កន្លែង

ព័ត៌មានអាហារូបករណ៍, ព្រឹត្តិការណ៍

• 08/02/2024

វិទ្យាស្ថានពហុបច្ចេកទេសកំពង់ឆ្នាំងប្រកាសជ្រើសរើស យុវជន យុវនារី ឱ្យសិក្សាជំនាញវិជ្ជាជីវៈចំនួន១៥០នាក់ទៅសិក្សាលើជំនាញចំនួនប្រាំរយៈពេលសិក្សា៤ខែ។

សាកលវិទ្យាល័យអន្តរជាតិ ផារ៉ាហ្គនបន្តផ្តល់អាហារូបករណ៍ដល់សិស្សនិទ្ទេស A និង B ជាង២០០កន្លែង

ព័ត៌មានអាហារូបករណ៍, ព្រឹត្តិការណ៍

• 06/12/2024

សាកលវិទ្យាល័យអន្តរជាតិផារ៉ាហ្គន បានប្រកាស​ពី​ការ​បន្តផ្តល់អាហារូបករណ៍ជាច្រើនកន្លែងដល់សិស្សានុសិស្សនិទ្ទេស A និង B ជាង២០០កន្លែង គ្រប់មុខជំនាញ សម្រាប់ឆ្នាំសិក្សាថ្មី២០២៤-២០២៥។

ឱកាសសម្រាប់និស្សិតកម្ពុជា! អាហារូបករណ៍ពេញថ្លៃ DAAD ថ្នាក់បរិញ្ញាបត្រជាន់ខ្ពស់ ផ្នែក STEM នៅប្រទេសអាល្លឺម៉ង់

ព័ត៌មានអាហារូបករណ៍, ព្រឹត្តិការណ៍

• 05/06/2026

បច្ចុប្បន្ន កម្មវិធីអាហារូបករណ៍ដ៏មានកិត្យានុភាព DAAD Study Scholarships for STEM Disciplines របស់រដ្ឋាភិបាលអាល្លឺម៉ង់ កំពុង​​បើក​ទទួល​ពាក្យ​ស្នើសុំពីនិស្សិតមក​ពីប្រទេស​កំពុងអភិវឌ្ឍ រួមទាំងប្រទេសកម្ពុជាផងដែរ...

ឱកាសសិក្សាវគ្គខ្លីតាមអនឡាញ ពីវិទ្យាស្ថានគោលនយោបាយសាធារណៈ នៃសាកលវិទ្យាល័យ Auckland ប្រទេសនូវែលសេឡង់

ព័ត៌មានអាហារូបករណ៍, ព្រឹត្តិការណ៍

• 15/09/2023

ឱកាសសិក្សាអាហារូបករណ៍វគ្គខ្លីតាមរយៈOnline និងសិក្សាផ្ទាល់នៅសាកលវិទ្យាល័យ Auckland នៃប្រទេសនូវែលសេឡង់សម្រាប់ឆ្នាំសិក្សា២០២៣ ។ អាហារូបករណ៍ផ្ដល់ជូនសម្រាប់សាធា.....

ក្រសួងការបរទេសកូរ៉េ ជ្រើសរើសយុវជនអាស៊ាន ចូលរួមកម្មវិធីបោះជំរំ YCAFE 2026

ព័ត៌មានអាហារូបករណ៍, ព្រឹត្តិការណ៍

• 01/07/2026

ក្នុង​គោលដៅ​ដើម្បីពង្រឹងកិច្ចសហប្រតិបត្តិការក្នុងតំបន់ ការយល់ដឹងអន្តរវប្បធម៌ និងភាពជាអ្នកដឹកនាំរវាងយុវជន និងយុវជន ក្រសួង​ការ​បរទេស​នៃ​សាធារណរដ្ឋ​កូរ៉េ បានកំពុង​​​ប្រកាស​ជ្រើសរើស​យុវជន​ពី​បណ្តា​ប្រទេស​អាស៊ាន...