ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្នុងគោលដៅដើម្បីពង្រឹងកិច្ចសហប្រតិបត្តិការក្នុងតំបន់ ការយល់ដឹងអន្តរវប្បធម៌ និងភាពជាអ្នកដឹកនាំរវាងយុវជន និងយុវជន ក្រសួងការបរទេសនៃសាធារណរដ្ឋកូរ៉េ បានកំពុងប្រកាសជ្រើសរើសយុវជនពីបណ្តាប្រទេសអាស៊ានឱ្យចូលរួមកម្មវិធី Youth Camp for ASEAN & Friends’ Engagement (YCAFE) 2026 ។
សម្រាប់ កម្មវិធី Youth Camp for ASEAN & Friends’ Engagement (YCAFE) 2026 នឹងត្រូវរៀបចំឡើងក្រោមប្រធានបទ អនាគតនៃបញ្ញាសិប្បនិម្មិត (AI) និង ឧស្សាហកម្មឌីជីថល ហើយចំពោះអ្នកចូលរួមនឹងមានឱកាសអភិវឌ្ឍគម្រោងជាក់ស្តែង បង្កើនបណ្តាញទំនាក់ទំនងជាមួយអ្នកជំនាញ និងថ្នាក់ដឹកនាំអន្តរជាតិ ព្រមទាំងរួមចំណែកពង្រឹងភាពជាដៃគូរវាងកូរ៉េ និងអាស៊ាន។
អត្ថប្រយោជន៍ទទួលបានពីកម្មវិធី
ឥតគិតថ្លៃពេញលេញ ៖ ទទួលបានការរ៉ាប់រងលើថ្លៃធ្វើដំណើរ និងការស្នាក់នៅពេញមួយកម្មវិធី (រយៈពេល ១១ យប់ ១២ ថ្ងៃ)។
វិញ្ញាបនបត្រ ៖ ទទួលបានវិញ្ញាបនបត្របញ្ចប់កម្មវិធីផ្លូវការពីក្រសួងការបរទេសកូរ៉េ។
ឱកាសពិសេស៖ មានឱកាសទទួលបានពានរង្វាន់ពីរដ្ឋមន្ត្រីក្រសួងការបរទេស សម្រាប់ក្រុមដែលមានស្នាដៃអភិវឌ្ឍគម្រោងឆ្នើម។
លក្ខខណ្ឌដាក់ពាក្យ ៖ បេក្ខជនត្រូវជានិស្សិតថ្នាក់បរិញ្ញាបត្រ ឬបរិញ្ញាបត្រជាន់ខ្ពស់ ដែលកំពុងសិក្សា (រួមទាំងអ្នកសុំផ្អាកការសិក្សា), មកពីប្រទេសសមាជិកអាស៊ាន រួមមាន ប្រ៊ុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ ទីម័រខាងកើត និងវៀតណាម, មានចំណាប់អារម្មណ៍លើកិច្ចសហប្រតិបត្តិការយុវជនអាស៊ាន-កូរ៉េ និងសកម្មភាពក្រៅម៉ោងសិក្សាពាក់ព័ន្ធនឹង AI និងឌីជីថល, អាចធ្វើការជាក្រុម និងប្រាស្រ័យទាក់ទងជាភាសាអង់គ្លេសបានល្អ។
ឯកសារត្រូវភ្ជាប់
-ពាក្យស្នើសុំដែលបានបំពេញរួច។
-លិខិតបញ្ជាក់ការចុះឈ្មោះសិក្សា (Certificate of Enrollment) ឬឯកសារសមមូល។
-វិញ្ញាបនបត្របញ្ជាក់សមត្ថភាពភាសាអង់គ្លេស។
សម្រាប់យុវជនដែលមានចំណាប់អារម្មណ៍ [ សូមបំពេញបែបបទ ក្នុងការដាក់ពាក្យ ] ឱ្យបានមុនថ្ងៃទី១៤ ខែកក្កដា ឆ្នាំ២០២៦។ ប្រកាសលទ្ធផលជ្រើសរើសជុំទី១ ៖ ថ្ងៃទី 17 ខែកក្កដា ឆ្នាំ២០២៦។ សម្ភាសន៍ជាភាសាអង់គ្លេស ៖ ថ្ងៃទី 21–22 ខែកក្កដា ឆ្នាំ២០២៦។ ប្រកាសលទ្ធផលចុងក្រោយ ៖ ថ្ងៃទី 24 ខែកក្កដា ឆ្នាំ២០២៦។
ព័ត៌មានលម្អិតបន្ថែម សូមទាក់ទងទៅកាន់លេខាធិការដ្ឋានកម្មវិធីតាមរយៈអ៊ីមែល ៖ ycafe.connect@gmail.com ៕
