​ក្នុង​ឆ្នាំ​សិក្សា​២០២៦​-​២០២៧​ ​នេះ​ ​កម្មវិធី​ ​អាហារូបករណ៍​ទេពកោសល្យ​ឌីជីថល​តេជោ ​តាមរយៈ​ក្រសួង​ ​ប្រៃសណីយ៍​និង​ទូរគមនាគមន៍​ ​(​ក.​ប.​ទ.​) ​នឹង​បន្ត​ផ្តល់​អាហារូបករណ៍​ចំនួន​ ​៦០០​ កន្លែង​ សម្រាប់​សិក្សា​ថ្នាក់​ បរិញ្ញាបត្រ​ជំនាញ​បច្ចេកវិទ្យា​ឌីជីថល ​នៅ​តាម​គ្រឹះស្ថាន​ឧត្តម​សិក្សា​ចំនួន​ ​៧​ ក្នុង​ប្រទេស​កម្ពុជា​។​

​ក្នុង​នោះ​ ​បណ្ឌិត្យ​សភា​បច្ចេកវិទ្យា​ឌីជីថល​កម្ពុជា​ ​(​Cambodia​ ​Academy​ ​of​ ​Digital​ ​Technology​) ​នឹង​ផ្តល់​ជូន​ចំនួន​ ​២០០​ ​កន្លែង​ ​លើ​ជំនាញ​ ​វិស្វកម្ម​សុស​វែរ ​(​Software​ ​Engineering​)​, ​វិទ្យាសាស្ត្រ​ទិន្នន័យ​ (​Data​ ​Science​)​, ​ពាណិជ្ជកម្ម​អេឡិចត្រូនិក ​(​e​-​Commerce​)​, ​វិស្វកម្ម​ទូរគមនាគមន៍​និង​បណ្តាញ​ ​(​បញ្ចូល​មុខវិជ្ជា ​ផ្កាយ​រណប​) ​(​Telecommunications​ ​and​ ​Networking​ ​Engineering​ [​Including​ ​Satellite​]​) ​និង​សន្តិសុខ​សាយ​ប័រ ​(​Cybersecurity​)​។​

​សាកលវិទ្យាល័យ​អាមេរិកាំង​ភ្នំពេញ​ ​(​American​ ​University​ ​of​ ​Phnom​ ​Penh​) ​ចំនួន​ ​២០០​ ​កន្លែង​ ​លើ​ជំនាញ​ ​ការ​គ្រប់គ្រង​ព័ត៌មានវិទ្យា​/​វិទ្យាសាស្ត្រ​កុំព្យូទ័រ​ (​IT​ ​Management​ ​/​ ​Computer​ ​Science​)​, ​បច្ចេកវិទ្យា​គមនាគមន៍​និង​ព័ត៌មាន​ (​Information​ ​and​ ​Communication​ ​Technology​)​, ​សន្តិសុខ​សាយ​ប័រ ​(​Cybersecurity​)​, ​បញ្ញា​សិប្បនិម្មិត​ ​(​Artificial​ ​Intelligence​)​, ​ហេដ្ឋារចនាសម្ព័ន្ធ​ឌីជីថល ​(​Digital​ ​Infrastructure​)​, ​ការ​អភិវឌ្ឍ​សុស​វែរ ​(​Software​ ​Development​)​, ​ការ​វិភាគ​ទិន្នន័យ​/​ប្រព័ន្ធ​ព័ត៌មាន​ ​(​Data​ ​Analytics​/​Information​ ​Systems​) ​និង​ការ​អភិវឌ្ឍ​និង​ការ​រចនា​កម្មវិធី​អន្តរកម្ម ​(​Interactive​ ​App​ ​Design​ ​and​ ​Development​)​។​

​សាកលវិទ្យាល័យ​ភូមិន្ទ​ភ្នំពេញ​ ​(​Royal​ ​University​ ​of​ ​Phnom​ ​Penh​) ​ចំនួន​ ​៧៥​ ​កន្លែង​ ​លើ​ជំនាញ​ ​វិស្វកម្ម​ទូរគមនាគមន៍​ និង​ផ្កាយ​រណប ​(​Telecommunications​ ​and​ ​Satellite​ ​Engineering​)​, ​វិស្វកម្ម​ ​និង​វិទ្យាសាស្ត្រ​ទិន្នន័យ​ (​Data​ ​Science​ ​and​ ​Engineering​)​។​

​វិទ្យាស្ថាន​បច្ចេកវិទ្យា​កម្ពុជា​ (​Institute​ ​Technology​ ​of​ ​Cambodia​) ​ចំនួន​ ​៦៥​ ​កន្លែង​ ​លើ​ជំនាញ​ ​វិស្វកម្ម​អវកាស​ និង​ប្រព័ន្ធ​ស្វ័យប្រវត្តិ​ ​(​Aerospace​ ​and​ ​Autonomous​ ​Systems​ ​Engineering​)​, ​វិស្វកម្ម​សុស​វែរ ​(​Software​ ​Engineering​)​, ​វិស្វកម្ម​បញ្ញា​សិប្បនិម្មិត​ ​និង​សន្តិសុខ​សាយ​ប៊័រ ​(​AI​ ​Engineering​ ​and​ ​Cybersecurity​)​។​

​សាកលវិទ្យាល័យ​ជាតិ​គ្រប់គ្រង​ (​National​ ​University​ ​of​ ​Management​) ​ចំនួន​ ​២០​ ​កន្លែង​ ​លើ​ជំនាញ​ ​សេដ្ឋកិច្ច​បច្ចេកវិទ្យា​ឌីជីថល ​(​Digital​ ​Economy​)​, ​បច្ចេកវិទ្យា​ហិរញ្ញវត្ថុ​ ​(​Financial​ ​Technology​)​, ​សហគ្រិន​ភាព​សកល​និង​ន​វានុវត្តន៍​ ​(​Global​ ​Entrepreneurship​ ​and​ ​Innovation​)​។​

​សាកលវិទ្យាល័យ​អន្តរជាតិ​ផារ៉ាហ្គន ​(​Paragon​ ​International​ ​University​) ​ចំនួន​ ​២០​ ​កន្លែង​ ​លើ​ជំនាញ​ ​វិទ្យាសាស្ត្រ​កុំព្យូទ័រ​ (​Computer​ ​Science​)​, ​គ្រប់គ្រង​ប្រព័ន្ធ​ព័ត៌មានវិទ្យា ​(​Management​ ​of​ ​Information​ ​System​)​, ​រចនា​ប្លង់​ ​និង​ប្រព័ន្ធ​ផ្សព្វផ្សាយ​ ​(​Digital​ ​Arts​ ​and​ ​Design​)​។​

​សាកលវិទ្យាល័យ​កម្ពុជា​ ​(​University​ ​of​ ​Cambodia​) ​ចំនួន​ ​២០​ ​កន្លែង​ ​លើ​ជំនាញ​ ព័ត៌មានវិទ្យា ​(​Information​ ​Technology​)​។​

​អត្ថប្រយោជន៍​នៃ​អាហារូបករណ៍​

​និស្សិត​ជ័យលាភី​នៃ​កម្មវិធី​អាហារូបករណ៍​ ​នឹង​ទទួលបាន​អត្ថប្រយោជន៍​ដូចជា​ ​៖​ ​កុំព្យូទ័រ​យួរ​ដៃ ​១​ ​គ្រឿង​, ​ការ​រ៉ាប់រង​ថ្លៃ​សិក្សា​ ​១០០​%​ ​ដល់​ចប់​ថ្នាក់​បរិញ្ញាបត្រ ​ដែល​មាន​តម្លៃ​ចាប់ពី​ ​៣,១០០​-​២៤,៧០០​ ​ដុល្លារ​អាម៉េរិក​, ​ឱកាស​ទទួលបាន​ការងារ​ល្អ​ និង​ប្រាក់​បៀវត្ស​ខ្ពស់​ក្នុង​ក្រសួង​ ស្ថាប័ន​ ​ឬ​ក្រុមហ៊ុន​បច្ចេកវិទ្យា​ទាំង​ក្នុង​និង​ ក្រៅ​ប្រទេស​, ​ការ​ជួយជ្រោមជ្រែង​គាំទ្រ​ពី​ ក​.​ប.​ទ​. ​ដើម្បី​ជួយ​សម្រួល​ដល់​ការ​សិក្សា​រហូតដល់​ចប់​ដោយ​ជោគជ័យ​។

​លក្ខខណ្ឌ​នៃ​ការ​ជ្រើសរើស​

​បេក្ខជន ​បេក្ខ​នារី ​ទាំងអស់​ត្រូវ​ឆ្លងកាត់​ការ​ប្រឡង​ប្រជែង​ដែល​រៀបចំ​ដោយ​គណៈកម្មការ​អាហារូបករណ៍​ ​ដោយ​ត្រូវ​គោរព​តាម​លក្ខខណ្ឌ​ដូច​ខាងក្រោម​៖​
​-​ជា​សិស្ស​ដែល​ប្រឡង​ជាប់​សញ្ញាបត្រ​មធ្យមសិក្សា​ទុតិយភូមិ​ឆ្នាំ​សិក្សា​២០២៦​ ​មាន​និទ្ទេស​រួម​ ​A​ ​B​ ​ឬ​ ​C​
​-​ឆ្លងកាត់​ការ​ប្រឡង​ប្រជែង​
​-​សិស្ស​ដែល​មាន​ជីវភាព​ក្រីក្រ ​មកពី​តំបន់​ដាច់ស្រយាល ​ជន​មាន​ពិការ​ភាព​ ​និង​សិស្ស​នារី ​ត្រូវបាន​លើកទឹកចិត្ត​
​-​ចំពោះ​បេក្ខជន​ដែល​ជ្រើសរើស​ វិទ្យាស្ថាន​បច្ចេកវិទ្យា​កម្ពុជា​ ​គឺ​ត្រូវ​បំពេញ​លក្ខខណ្ឌ​ចាំបាច់​របស់​វិទ្យាស្ថាន​។​

​កាលបរិច្ឆេទ ​និង​កន្លែង​ទទួល​ពាក្យ​

​ការ​ចុះឈ្មោះ​និង​ការ​ប្រឡង​ត្រូវ​ធ្វើ​ដាច់ដោយឡែក​ពី​គ្នា​ ​ដូច​ខាងក្រោម​៖​

ក​. ​ចំពោះ​បេក្ខជន ​បេក្ខ​នារី​ដែល​ដាក់ពាក្យ​ប្រឡង​ជ្រើសរើស​ការ​សិក្សា​នៅ​ ​បណ្ឌិត្យ​សភា​បច្ចេកវិទ្យា​ឌីជីថល​ កម្ពុជា​ ​វិទ្យាស្ថាន​បច្ចេកវិទ្យា​កម្ពុជា​ ​សាកលវិទ្យាល័យ​ភូមិន្ទ​ភ្នំពេញ​ ​សាកលវិទ្យាល័យ​អន្តរជាតិ​ផារ៉ាហ្គន ​សាកលវិទ្យាល័យ​ជាតិ​គ្រប់គ្រង​ ​និង​ ​សាកលវិទ្យាល័យ​កម្ពុជា​ ​សូម​ចុះឈ្មោះ​ប្រឡង​តាម​តំណភ្ជាប់​ ​www​.​cadt​.​edu​.​kh​/​scholarship​ ​ចាប់ពី​ថ្ងៃ​ជូនដំណឹង​ ​នេះ​ រហូតដល់​ថ្ងៃទី​៣០​ ​ខែកញ្ញា​ ​ឆ្នាំ​២០២៦​។ ​បេក្ខជន ​បេក្ខ​នារី​ ត្រូវ​ឆ្លងកាត់​ការ​ប្រឡង​ប្រជែង​ចំនួន​ ​២​ ​ដង​ ​លើ​វិញ្ញាសា ​គណិតវិទ្យា ​តក្កវិទ្យា​ ​និង​ភាសា​អង់គ្លេស​ ព្រមទាំង​ការ​សម្ភាសន៍​ផ្ទាល់​មាត់​នៅ​បណ្ឌិត្យ​សភា ​បច្ចេកវិទ្យា​ឌីជីថល​កម្ពុជា​។ ​សម្រាប់​ព័ត៌មាន​បន្ថែម​សូម​ទាក់ទង​តាម​ទូរសព្ទ​លេខ​ ​០១៥​ ​៣៣៥​ ​៨៧៧​ /​០៧៧​ ​៣៣៥​ ​៨៧៧​។​

​ខ​. ​ចំពោះ​បេក្ខជន​ និង​បេក្ខ​នារី​ដែល​ដាក់ពាក្យ​ប្រឡង​ជ្រើសរើស​ការ​សិក្សា​នៅ​ ​សាកលវិទ្យាល័យ​អាមេរិកាំង​ ភ្នំពេញ​ ​(​AUPP​) ​សូមអញ្ជើញ​មក​ចុះឈ្មោះ​ប្រឡង​ដោយ​ផ្ទាល់​នៅ​សាកលវិទ្យាល័យ​អាមេរិកាំង​ភ្នំពេញ​ ​ដែល​មាន​អាសយដ្ឋាន​នៅ​អគារ​លេខ​ ​២៧៨​អ ​ផ្លូវ​លេខ​ ​២០១​R​ ​ភូមិ​ក្រោល​គោ ​សង្កាត់​គីឡូម៉ែត្រ​លេខ​៦​ ​ខណ្ឌ​ឬ​ស្សីកែវ​ រាជធានី​ភ្នំពេញ​ ​ចាប់ពី​ថ្ងៃ​ជូនដំណឹង​នេះ​ រហូតដល់​ថ្ងៃទី​១៨​ ​ខែកញ្ញា​ ​ឆ្នាំ​២០២៦​។ ​បេក្ខជន ​បេក្ខ​នារី​ ត្រូវ​ឆ្លងកាត់​ការ​ប្រឡង​ប្រជែង​ ​លើ​វិញ្ញាសា ​គណិតវិទ្យា​ ​រូបវិទ្យា​ ​និង​ភាសា​អង់គ្លេស ​(​ក្នុង​ករណី​បេក្ខជន ​បេក្ខ​នារី​ពុំ​មាន​លទ្ធផល​បញ្ជាក់​ សមត្ថភាព​ភាសា​អង់គ្លេស​) ​នៅ​ ​សាកលវិទ្យាល័យ​អាមេរិកាំង​ភ្នំពេញ​ ​(​AUPP​)​។ ​សម្រាប់​ព័ត៌មាន​បន្ថែម​ ​សូម​ទាក់ទង​តាម​ទូរសព្ទ​ ​ឬ​ ​Telegram​ ​លេខ​ ​០៧០​ ​៣៦៦​ ​៦២៣​/​០៩៣​ ​៣៦៦​ ​៦២៣​ ​ឬ​អ៊ីមែល​ ​admissions​@​aupp​.​edu​.​kh​៕