កម្មវិធី “ការគិតបែបកុំព្យូទ័រ” នៅបឋមសិក្សា និងអនុសាសន៍គន្លឹះ ៤ ចំណុចរបស់រដ្ឋមន្ត្រីក្រសួងអប់រំ

ដើម្បីឆ្លើយតបទៅនឹងក្របខ័ណ្ឌអាទិភាពកំណែទម្រង់បរិវត្តកម្មឌីជីថលក្នុងវិស័យអប់រំ កម្មវិធីអប់រំ «ការគិតបែបកុំព្យូទ័រ (CoolThink@JC)» កំពុងត្រូវបានដាក់ឱ្យអនុវត្តយ៉ាងសកម្ម និងទទួលបានលទ្ធផលគួរជាទីមោទនៈនៅតាមបណ្ដាសាលាបឋមសិក្សាគោលដៅ។

ផ្អែកលើទិដ្ឋភាពជាក់ស្ដែងនៅតាមថ្នាក់រៀន លោកគ្រូ អ្នកគ្រូបាន និងកំពុងយកចិត្តទុកដាក់ខ្ពស់ក្នុងការផ្ទេរចំណេះដឹង ខណៈដែលសិស្សានុសិស្សកំពុងចូលរួមយ៉ាងសកម្ម និងសប្បាយរីករាយក្នុងការអនុវត្តផ្ទាល់លើកុំព្យូទ័រ។ សិស្សានុសិស្សបានចាប់ផ្ដើមស្វែងយល់ពីការតម្រៀបប្លុកកូដបញ្ជាកម្រិតដំបូង ការរៀបចំសាច់រឿង និងការបង្កើតគំនូរជីវចលដោយខ្លួនឯង ដែលធ្វើឱ្យបរិយាកាសសិក្សាមានភាពរីករាយ។

បើតាម​ក្រសួងអប់រំ តាមរយៈការអនុវត្តកម្មវិធីនេះ សិស្សានុសិស្សកំពុងទទួលការអភិវឌ្ឍការគិតបែបតក្កវិជ្ជា និងវិភាគ ដែលជួយបណ្ដុះកុមារឱ្យចេះបំបែកបញ្ហាស្មុគស្មាញ និងដោះស្រាយបញ្ហាជាជំហានៗតាមលំដាប់លំដោយ។ បន្ថែមពីនេះ កម្មវិធីបានជំរុញភាពច្នៃប្រឌិត និងការសហការ ដោយផ្ដល់ឱកាស និងសេរីភាពឱ្យកុមារបញ្ចេញគំនិតថ្មីៗ បង្កើតគម្រោងផ្ទាល់ខ្លួន និងចេះពិភាក្សាធ្វើការងារជាក្រុម ព្រមទាំងជួយប្រែក្លាយផ្នត់គំនិតរបស់ពួកគេ ផ្លាស់ប្ដូរទម្លាប់ពីការត្រឹមតែជា «អ្នកប្រើប្រាស់បច្ចេកវិទ្យាទូទៅ» ទៅជា «អ្នកបង្កើតសមិទ្ធផលបច្ចេកវិទ្យា» ប្រកបដោយភាពជឿជាក់។

ដើម្បីធានាឱ្យបានប្រសិទ្ធភាព និងនិរន្តរភាពនៃការអនុវត្តកម្មវិធីនេះនៅកម្រិតសាលារៀន ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានផ្ដល់អនុសាសន៍ និងការណែនាំគន្លឹះ ចំនួន៤ រួមមាន៖

ទី១. ការគាំទ្រពីគណៈគ្រប់គ្រង ៖ នាយកសាលាត្រូវធានាការថែទាំបន្ទប់កុំព្យូទ័រ ជំរុញការប្រើប្រាស់ឱ្យបានទូលំទូលាយ ព្រមទាំងរៀបចំកាលវិភាគសិក្សា និងក្លិបក្រៅម៉ោងឱ្យបានច្បាស់លាស់។

ទី២. ការប្ដេជ្ញាចិត្តរបស់គ្រូបង្គោល ៖ ត្រូវយកចិត្តទុកដាក់ខ្ពស់ក្នុងការបង្រៀនសិស្ស និងចែករំលែកចំណេះដឹងបន្តដល់សហការី ដើម្បីពង្រឹងសមត្ថភាពឌីជីថលរួមគ្នា។

ទី៣. ការផ្ដល់ឱកាសស្មើគ្នា (បរិយាបន្ន) ៖ ត្រូវលុបបំបាត់គម្លាតឌីជីថល ដោយធានាថា សិស្សគ្រប់រូប (ជាពិសេសសិស្សស្រី និងសិស្សនៅជនបទ) ទទួលបានការសិក្សាដោយមិនមានអ្នកណាម្នាក់ត្រូវបានទុកចោលឡើយ។

ទី៤. ការផ្សារភ្ជាប់ជាមួយមាតាបិតា និងសហគមន៍ ៖ ត្រូវបង្ហាញស្នាដៃជាក់ស្ដែងរបស់សិស្ស (ដូចជាហ្គេម ឬគំនូរជីវចល) ជូនមាតាបិតា ដើម្បីទទួលបានការគាំទ្រ និងលើកកម្ពស់ការយល់ដឹងពីតម្លៃនៃការអប់រំឌីជីថល។

គួរជម្រាបជូនថា ការបញ្ជ្រាបចំណេះដឹងផ្នែក «ការគិតបែបកុំព្យូទ័រ (CoolThink@JC)» តាំងពីកម្រិតបឋមសិក្សានេះ មិនមែនត្រឹមតែជាការរៀនប្រើប្រាស់កុំព្យូទ័រធម្មតានោះទេ ប៉ុន្តែវាគឺជាការចាក់គ្រឹះដ៏រឹងមាំសម្រាប់រៀបចំកុមារកម្ពុជាឱ្យត្រៀមខ្លួនរួចជាស្រេចសម្រាប់ការសិក្សាស្រាវជ្រាវកម្រិតខ្ពស់ និងការចាប់យកជំនាញបច្ចេកវិទ្យានាពេលអនាគត។ ចំណេះដឹងមូលដ្ឋានទាំងនេះ នឹងក្លាយជាត្រីវិស័យនាំផ្លូវពួកគេឱ្យដើរទាន់ការវិវឌ្ឍនៃយុគសម័យឌីជីថល និងឆ្លើយតបទៅនឹងតម្រូវការបំណិនសតវត្សរ៍ទី២១៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្មវិធីអាហារូបករណ៍ Fulbright ប្រកាសផ្តល់អាហារូបករណ៍ថ្នាក់បរិញ្ញាបត្រជាន់ខ្ពស់ និង​បណ្ឌិតសម្រាប់ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 17/02/2023

អាហារូបករណ៍ Fulbright កំពុងប្រកាសផ្ដល់អាហារូបករណ៍សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសិក្សានៅសហរដ្ឋអាមេរិក...

ឱកាសសិក្សាវគ្គបំប៉នតាម Online សម្រាប់សិស្សថ្នាក់ទី១២ ដែលជាកូនវីរៈកងទ័ពជួរមុខ

ព័ត៌មានអាហារូបករណ៍, ព្រឹត្តិការណ៍

• 01/09/2025

ដើម្បីរួមចំណែកជាមួយរដ្ឋាភិបាលកម្ពុជាក្នុងការអភិវឌ្ឍធនធានមនុស្ស និងដើម្បីជួយ​សម្រាលបន្ទុកហិរញ្ញវត្ថុក្នុងគ្រួសារវីរៈកងទ័ពជួរមុខ សាលាបង្វឹកស្តាតអាប់ខមមីញ៉ូនីធី ប្រកាសផ្ដល់អាហារូបករណ៍១០០% ចំពោះកូនៗវីរៈកងទ័ពជួរមុខ សម្រាប់ការសិក្សាវគ្គបំប៉នតាម Online

អាហារូបករណ៍ជំនាញវិជ្ជាជីវៈ ៥០០កន្លែង ពី​វិទ្យាស្ថាន​ពហុបច្ចេកទេស​ភូមិ​ភាគ​តេជោ​សែនសៀមរាប

ព័ត៌មានអាហារូបករណ៍, ព្រឹត្តិការណ៍

• 02/01/2023

សម្រាប់​សិស្សានុសិស្ស ឬយុវជន ដែល​មាន​បំណង​ចង់​សិក្សា​ជំនាញ​វិជ្ជាជីវៈ (TVET) ពេលនេះ វិទ្យាស្ថាន​បច្ចេកទេស​ភូមិ​ភាគ​តេជោសែនសៀមរាប...

អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យកាតាឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 12/09/2023

ឱកាសសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យកាតា ពីកម្មវិធីអាហារូបករណ៍ Qatar University Scholarship ឆ្នាំសិក្សា២០២៤ ។ អាហារូបករណ៍ផ្ដល់...

ឱកាសពង្រឹងសមត្ថភាពការងារ! កម្មវិធី OPEN បើកវគ្គបណ្ដុះបណ្ដាលភាសាអង់គ្លេសជំនាញ ៣ មុខវិជ្ជាដោយមិនគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 13/10/2026

បណ្តាញអប់រំភាសាអង់គ្លេសវិជ្ជាជីវៈតាមប្រព័ន្ធអនឡាញ (Online Professional English Network - OPEN) ដែលជាគម្រោងឧបត្ថម្ភគាំទ្រដោយក្រសួងការបរទេសសហរដ្ឋអាមេរិក

អាហារូបករណ៍ពេញថ្លៃ ១០០% លើជំនាញបច្ចេកទេសរថយន្ត សម្រាប់សិស្សនិទ្ទេស A វិទ្យាស្ថានបច្ចេកទេស ហ្ស៊ី វ៉េ សេ

ព័ត៌មានអាហារូបករណ៍, ព្រឹត្តិការណ៍

• 08/10/2026

សម្រាប់យុវសិស្សឆ្នើមទើបបញ្ចប់ការសិក្សាថ្នាក់មធ្យមសិក្សាទុតិយភូមិដែលទទួលបាននិទ្ទេស A និងមានក្ដីស្រមៃចង់ចាប់យកអាជីពក្នុងវិស័យយានយន្ត

វិទ្យាស្ថានពហុបច្ចេកទេស​ភូមិភាគ​តេជោសែនតាកែវ ផ្តល់អាហារូបករណ៍ ៨៧០កន្លែង សម្រាប់​ថ្នាក់សញ្ញាបត្រជាន់ខ្ពស់បច្ចេកទេស

ព័ត៌មានអាហារូបករណ៍, ព្រឹត្តិការណ៍

• 03/10/2025

នៅក្នុងឆ្នាំសិក្សា​២០២៥-២០២៦នេះ វិទ្យាស្ថាន​ពហុបច្ចេកទេស​ភូមិភាគ​តេជោសែនតាកែវ បានប្រកាស​ពីការផ្តល់​អាហារូបករណ៍​រហូត​ដល់ ៨៧០កន្លែង សម្រាប់ថ្នាក់សញ្ញាបត្រ​ជាន់ខ្ពស់​បច្ចេកទេស (បរិញ្ញាបត្ររង) ដល់យុវជនដែលបានបញ្ចប់ថ្នាក់មធ្យមសិក្សា​។

ឱកាសសិក្សាជំនាញវិជ្ជាជីវៈចំនួន២១០កន្លែងនៅវិទ្យាស្ថានពហុបច្ចេកទេសខេត្តព្រះវិហារ

ព័ត៌មានអាហារូបករណ៍, ព្រឹត្តិការណ៍

• 11/03/2024

ឱកាសសិក្សាជំនាញវិជ្ជាជីវៈចំនួន២១០កន្លែងនៅវិទ្យាស្ថានពហុបច្ចេកទេសខេត្តព្រះវិហារឆ្នាំសិក្សា២០២៣-២០២៤។ អាហារូបករណ៍ផ្ដល់ជូនការសិក្សាថ្នាក់សញ្ញាបត្របច្ចេកទេស និងវិជ្ជាជីវៈ១ កម្រិត២ សិក្សារយៈពេល៤ខែ។

ឱកាសចូលរួម វគ្គបណ្តុះបណ្តាលភាពយន្តខ្នាតខ្លីកម្ពុជា ២០២៦

ព័ត៌មានអាហារូបករណ៍, ព្រឹត្តិការណ៍

• 06/10/2026

យុវជនកម្ពុជាដែលមានក្តីស្រមៃចង់ក្លាយជាអ្នកផលិតភាពយន្តអាជីព ពេលនេះអាចចាប់យកឱកាសចូលរួមក្នុងកម្មវិធី «វគ្គបណ្តុះបណ្តាលភាពយន្តខ្នាតខ្លីកម្ពុជា ២០២៦»