យុវជនកម្ពុជា ឈ្នះពាន​ពីការប្រកួតជជែកដេញដោលជើងឯកពិភពលោក JCI World Debate Championship 2026 នៅហ្វីលីពីន

ក្រោយការប្រកួតជជែកយ៉ាងស្វិតស្វាញអស់ជាច្រើនដំណាក់កាល ទីបំផុត ក្រុមយុវជនមក​ពីប្រទេស​កម្ពុជា ដណ្ដើមបានពានជើងឯកពិភពលោក JCI World Debate Championship 2026 នៅប្រទេសហ្វីលីពីន កាលពីថ្ងៃទី១៥ ខែវិច្ឆិកា ឆ្នាំ២០២៦ បន្ទាប់ពីយកឈ្នះក្រុមមកពីប្រទេសឥណ្ឌា និងហ្សាម៉ាអ៊ីក។ នេះជាប្រវត្តិសាស្ត្រថ្មីសម្រាប់កម្ពុជា និងជាមោទនភាពសម្រាប់កម្ពុជា ក្នុងការបង្ហាញសមត្ថភាពដ៏អស្ចារ្យ ដែល​ដណ្ដើមបានជើងឯកពិភពលោកលើឆាកអន្តរជាតិ។

ក្រុមយុវជនកម្ពុជា ដែលបានលើកពាន JCI World Debate Championship 2026 រួមមាន លោក ស៊ាង ធានសឹង្ហ, កញ្ញា អ៊ុង ខេមរាបូណ៌មីច័ន្ទ និងកញ្ញា ស្លេះ រ៉យ្យ៉ាន។

ជ័យជម្នះដ៏អស្ចារ្យនេះ មិនត្រឹមតែបង្ហាញពីសមត្ថភាព ចំណេះដឹង និងទេពកោសល្យរបស់យុវជនកម្ពុជាប៉ុណ្ណោះទេ ប៉ុន្តែថែមទាំងជាមោទនភាពដ៏ធំធេងសម្រាប់ប្រជាជនកម្ពុជាទាំងមូល ដែលបានឃើញកូនខ្មែរលើកទង់ជាតិ និងនាំយកកិត្តិយសជូនមាតុភូមិលើឆាកអន្តរជាតិ។

លោក ស៊ាង ធានសឹង្ហ ប្រាប់ AMS ថា សម្រាប់សមាជិកក្រុមទាំង៣នាក់ ពិតជាមានអារម្មណ៍ថា រំភើប សប្បាយរីករាយ និងមានមោទនភាពបំផុត ដែលអាចតំណាងឱ្យប្រទេសកម្ពុជាឈរជើងលើឆាកប្រកួតលំដាប់ថ្នាក់ពិភពលោកនេះ ហើយកសាងប្រវត្តិសាស្រ្តលើកដំបូងបំផុតសម្រាប់កម្ពុជាក្នុងការឈ្នះជាម្ចាស់ជ័យលាភី និងម្ចាស់ពានរង្វាន់នៃការប្រកួតជជែកដេញដោលលំដាប់ពិភពលោកនេះ។

លោក ធានសឹង្ហ បន្ថែមថា ក្រៅពីការរំភើប និងសប្បាយចិត្តនេះ ក្រុមរបស់ខ្លួនយល់ថា នេះគឺជាឱកាសដ៏ល្អមួយសម្រាប់យុវជនកម្ពុជាក្នុងការបង្ហាញទៅកាន់ពិភពលោកថា ប្រទេសកម្ពុជាជាប្រទេសតូច ប៉ុន្តែមានសមត្ថភាពឈរជើងប្រកួតប្រជែងស្មើនឹងយុវជនមកពីបណ្ដាប្រទេសផ្សេងៗនៅលើពិភពលោកដូចគ្នា។

«ភាពជោគជ័យនេះ មិនគ្រាន់តែជាភាពជោគជ័យរបស់យើងទាំង៣នាក់ទេ ប៉ុន្តែជាភាពជោគជ័យរបស់ប្រជាជនកម្ពុជា និងប្រទេសកម្ពុជាទាំងមូល»

កញ្ញា អ៊ុង ខេមរាបូណ៌មីច័ន្ទ សមាជិកក្រុមម្ចាស់ពានរង្វាន់ JCI World Debate Championship 2026 លើកឡើងថា សម្រាប់លក្ខណៈពិសេសដែលជំរុញឱ្យក្រុមខ្លួនយកឈ្នះក្រុមមកពីប្រទេសឥណ្ឌា និងហ្សាម៉ាអ៊ីក រួមមាន ទី១. ភាពស៊ីសង្វាក់ និងភាពប្រទាក់ក្រឡាគ្នា ដោយសារតែការតស៊ូមតិ គឺប្រៀបដូចជាកីឡាជាក្រុម មិនដូចទៅនឹងការនិយាយជាសាធារណៈដែលធ្វើបទបង្ហាញតែម្នាក់ឯងទេ។ ការតស៊ូមតិ គឺទាមទារឱ្យសមាជិកក្រុមទាំងបីនាក់យល់ពីគ្នាទៅវិញទៅមក យល់ពីភាពខ្លាំង និងចំណុចខ្វះខាតរបស់គ្នាទៅវិញទៅមក ហើយជួយបំពេញគ្នា មានភាពប្រទាក់ក្រឡាគ្នា ស្មើដៃគ្នាក្នុងការធ្វើការងារក្រុម ដែលធ្វើឱ្យគណៈកម្មការប្រាប់បានថា សមាជិកក្រុមទាំងបីនាក់ មានភាពខ្លាំងដូចគ្នា មានកម្លាំងស្មើដៃគ្នា។

ចំពោះលក្ខណៈពិសេសទី២ ការហ្វឹកហាត់ និងការត្រៀមខ្លួនមុនប្រកួត, ដោយសារតែមុនប្រកួតគេផ្ដល់ពេលឱ្យត្រឹមសប្តាហ៍ប៉ុណ្ណោះ ហើយមានរហូតដល់ ១០ប្រធានបទ ដែលក្រុមត្រូវរៀបចំចម្លើយចំនួន ១០ប្រធានបទ ទាំងស្រប និងបដិសេធ។ ទោះបីជាមានរយៈពេលខ្លីក៏ដោយ ហើយសមាជិកក្រុមត្រូវរៀនផង ធ្វើការផង គឺនៅតែខិតខំព្យាយាមហ្វឹកហាត់ទាំង ១០ប្រធានបទ ធ្វើយ៉ាងណាបែងចែកតួនាទីការងារសមាជិកក្រុមនីមួយៗឱ្យបានល្អ។ ហើយអំឡុងពេលពិភាក្សាក្រុម បើទោះបីជាមានការខ្វែងគំនិតគ្នាយ៉ាងណាក៏ដោយ ក៏ក្រុមស្វែងរកចំណុចកណ្ដាលនិងហ្វឹកហាត់ទាំងសងខាង។ ការហ្វឹកហាត់ទាំងសងខាងនេះ អាចធ្វើឱ្យក្រុមអាចត្រៀមខ្លួនរួចជាស្រេចចំពោះស្ថានការណ៍កើតឡើងភ្លាមៗ។

ទី៣ ទំនាក់ទំនងរវាងក្រុមអំឡុងពេលប្រកួត, នៅលើឆាកគឺសំខាន់ ដោយសារសមាជិកក្រុមត្រូវទូរស័ព្ទផ្ដល់ព័ត៌មានឱ្យគ្នាទៅវិញទៅមកភ្លាមៗ និងអាចជួយបំពេញគ្នាទៅវិញទៅមកអំឡុងពេលប្រកួត។ ដូច្នេះ ដោយសារតែក្រុមអាចមានទំនាក់ទំនងនៅលើឆាកបានល្អ មានភាពស៊ីសង្វាក់គ្នាល្អ អាចផ្ដល់ព័ត៌មានឱ្យគ្នាទាន់ពេល អាចជួយបំពេញគ្នាភ្លាមៗ។

ជាមួយគ្នានេះ កញ្ញា ស្លេះ រ៉យ្យ៉ាន ជាសមាជិកក្រុម បន្ថែមថា តាមរយៈការចូលរួមក្នុងការប្រកួតលំដាប់ថ្នាក់ពិភពលោកនេះ មេរៀនសំខាន់បំផុតដែលខ្លួន និងក្រុមទទួលបាន គឺការយល់ដឹងថា សមត្ថភាពរបស់ក្រុមអាចអភិវឌ្ឍ និងឈានទៅដល់កម្រិតណាមួយបាន ប្រសិនបើយើងហ៊ានសាកល្បងអ្វីដែលថ្មី និងបើកចិត្តទទួលយកបទពិសោធន៍ថ្មីៗ។ ទន្ទឹមគ្នានេះ ក្រុមបានរៀនពីរបៀបគិតវិភាគឱ្យបានស៊ីជម្រៅ ការស្រាវជ្រាវ ការប្រាស្រ័យទាក់ទង ការធ្វើការជាក្រុម និងការសម្របខ្លួនទៅនឹងស្ថានការណ៍ដែលយើងមិនអាចរំពឹងទុកជាមុនបាន។

កញ្ញា ស្លេះ រ៉យ្យ៉ាន បន្តថា អ្វីដែលពិសេសនោះគឺ ការប្រកួតនេះបានផ្តល់ឱកាសឱ្យក្រុមរបស់ខ្លួនជួបជាមួយអ្នកចូលរួមមកពីប្រទេស និងតំបន់ផ្សេងៗជុំវិញពិភពលោក ដែលមានទស្សនៈ វប្បធម៌ និងរបៀបគិតខុសៗគ្នា។ ស្របគ្នានេះ ក្រុមបានរៀនថា ការស្តាប់ និងស្វែងយល់ពីទស្សនៈរបស់អ្នកដទៃ ក៏មានសារៈសំខាន់មិនចាញ់ការបង្ហាញទស្សនៈរបស់ខ្លួនដែរ។ បទពិសោធនេះបានបង្រៀនក្រុមខ្លួនឱ្យមានជំនឿលើសមត្ថភាពរបស់ខ្លួន និងមិនដាក់កម្រិតលើអ្វីដែលអាចសម្រេចបាន ដោយសារយើងមកពីប្រទេសតូចមួយ។ យើងបានបង្ហាញថា យុវជនកម្ពុជាក៏អាចឈរនៅលើឆាកពិភពលោក និងប្រកួតប្រជែងជាមួយយុវជនពីប្រទេសផ្សេងៗបានដែរ។

សម្រាប់កញ្ញា ស្លេះ រ៉យ្យ៉ាន ពានរង្វាន់គឺជាសមិទ្ធផលដ៏មានតម្លៃ ប៉ុន្តែអ្វីដែលមានតម្លៃជាងនេះទៅទៀត គឺចំណេះដឹង បទពិសោធ និងទំនាក់ទំនងដែលយើងទទួលបាន។ “ខ្ញុំសង្ឃឹមថា យើងអាចយកអ្វីដែលបានរៀនពីការប្រកួតនេះមកចែករំលែក និងបន្តលើកកម្ពស់សមត្ថភាពយុវជនកម្ពុជាជំនាន់ក្រោយ ដើម្បីឱ្យពួកគេមានភាពក្លាហានក្នុងការចេញទៅប្រកួតប្រជែងនៅលើឆាកអន្តរជាតិដូចគ្នា៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់សិក្សា Online វគ្គខ្លីនៅសាកលវិទ្យាល័យ Stanford

ព័ត៌មានអាហារូបករណ៍, ព្រឹត្តិការណ៍

• 18/07/2023

ឱកាសសិក្សាជំនាញវគ្គខ្លីនៃសាកលវិទ្យាល័យ Stanford ពីកម្មវិធីអាហារូបករណ៍ Stanford University Free Online Courses 2023 ដល់និស្សិតបរទេសសម្រាប់ឆ្នាំសិក្សា២០២៣...

អាហារូបករណ៍ថ្នាក់ឧត្តមសិក្សានៅសាកលវិទ្យាល័យ Saskatchewan ប្រទេសកាណាដាឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 26/06/2023

ឱកាសសិក្សាអាហារូបករណ៍សិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Saskatchewan នៃប្រទេសកាណាដាឆ្នាំសិក្សា២០២៤ ។ ...

ឱកាសសិក្សាអាហារូបករណ៍ចំនួន១៦៧០កន្លែងនៅវិទ្យាស្ថានពហុបច្ចេកទេសខេត្តព្រះសីហនុ

ព័ត៌មានអាហារូបករណ៍, ព្រឹត្តិការណ៍

• 01/11/2024

វិទ្យាស្ថានពហុបច្ចេកទេសខេត្តព្រះសីហនុ ប្រកាសជ្រើសរើសសិស្ស-និស្សិតចូលសិក្សាអាហារូបករណ៍ចំនួន១៦៧០កន្លែង សិក្សាជំនាញបច្ចេកទេស និងវិជ្ជាជីវៈសម្រាប់ឆ្នាំសិក្សា​២០២៤-២០២៥។ អាហារូបករណ៍ផ្ដល់ជូនការសិក្សាកម្រិតបរិញ្ញាបត្របច្ចេកទេស...

អាហារូបករណ៍សិក្សានៅសាកលវិទ្យាល័យ Pisa ប្រទេសអ៊ីតាលីឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 26/04/2023

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Pisa នៃប្រទេសអ៊ីតាលីឆ្នាំសិក្សា២០២៣ ។ ...

CA​DT ប្រកាស​ផ្តល់​អាហារូបករណ៍​ ​”​ទេពកោសល្យ​ឌីជីថល​តេជោ​” ​ចំនួន​ ​២០០ ​កន្លែង​ ​សម្រាប់​ឆ្នាំ​សិក្សា​ ​២០២៦​-​២០២៧

ព័ត៌មានអាហារូបករណ៍, ព្រឹត្តិការណ៍

• 07/09/2026

​ដោយ​មាន​ការ​គាំទ្រ​ ​និង​ឧបត្ថម្ភ​ផ្ទាល់​ពី​ក្រសួង​ប្រៃសណីយ៍​និង​ទូរគមនាគមន៍​ ​(​ក.​ប​.​ទ​.​)​,​ ​បណ្ឌិត្យ​សភា​បច្ចេកវិទ្យា​ឌីជីថល​កម្ពុជា​ ​(​CADT​)​ ​បាន​ប្រកាស​ជា​ផ្លូវការ​នូវ​ការ​បើក​ទទួល​ពាក្យប្រឡង​ជ្រើសរើស...

សាកលវិទ្យាល័យ​ជាតិ​បាត់ដំបង​ ​ប្រកាស​ជ្រើសរើស​បេក្ខជន​អាហារូបករណ៍​ ​Panasonic ​សម្រាប់​ឆ្នាំ​សិក្សា​ ​២០២៦​-​២០២៧​

ព័ត៌មានអាហារូបករណ៍, ព្រឹត្តិការណ៍

• 20/08/2026

សាកលវិទ្យាល័យ​ជាតិ​បាត់ដំបង​ ​(​NUBB​)​ ​បាន​ប្រកាស​ជា​ផ្លូវការ​អំពី​ការ​បើក​ទទួល​ពាក្យសុំ ​អាហារូបករណ៍​ Panasonic ​Scholarsh​ip Program ​សម្រាប់​ឆ្នាំ​សិក្សា​ ​២០២៦​-​២០២៧​

អាហារូបករណ៍សិក្សាថ្នាក់បរិញ្ញាបត្ររង និងថ្នាក់បរិញ្ញាបត្រ នៅវិទ្យាស្ថានជាតិសហគ្រិនភាព និងនវានុវត្តន៍ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 23/10/2024

ឱកាសសិក្សាអាហារូបករណ៍ចំនួន២០កន្លែងនៅវិទ្យាស្ថានជាតិសហគ្រិនភាព និងនវានុវត្តន៍សម្រាប់ឆ្នាំសិក្សា២០២៤-២០២៥ ។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រចំនួន១០កន្លែង និងកម្រិតសញ្ញាបត្រជាន់ខ្ពស់បច្ចេកទេស...

អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់១៥កន្លែងនៅសាកលវិទ្យាល័យ Kasetsart University នៃប្រទេសថៃឆ្នាំ២០២៣

ព័ត៌មានអាហារូបករណ៍, ព្រឹត្តិការណ៍

• 10/05/2023

ស្ថានទូតនៃព្រះរាជាណាចក្រកម្ពុជាប្រចាំប្រទេសថៃឡង់ដ៍ បាន​ប្រកាស​ដល់សាធារណជន និងនិស្សិតកម្ពុជាថា សាកលវិទ្យាល័យ Kasetsart University...

អាហារូបករណ៍ថ្នាក់បរិញ្ញាបត្រជាន់ខ្ពស់នៅចក្រភពអង់គ្លេស

ព័ត៌មានអាហារូបករណ៍, ព្រឹត្តិការណ៍

• 17/04/2025

កម្មវិធីអាហារូបករណ៍ Commonwealth Distance Learning Scholarship 2025-2026 ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យផ្សេងៗនៃចក្រភពអង់គ្លេស សម្រាប់ឆ្នាំសិក្សា២០២៥-២០២៦។