ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជាទូទៅវីតាមីន C ត្រូវគេទទួលដឹងថាវាមានប្រយោជន៍ចំពោះស្បែក ជាមួយគ្នានេះ បើយោងតាមគេហទំព័រ onegreenplanet វីតាមីន C ក៏ជាផ្នែកសំខាន់ក្នុងចង្កោមអាហាររូបត្ថម្ភ ព្រមទាំងជួយបង្កើនផាសុកភាព ឬផលិតភាពផងដែរ ។ បន្ថែមពីនេះ វីតាមីន C ក៏មានអត្ថប្រយោជន៍ក្នុងការជួយពង្រឹងរាងកាយឱ្យមានភាពស៉ាំនឹងវីរុស ថែមទាំងបង្កើនផលិតភាពនៃការគិតទៀតផង។
គេហទំព័រ onegreenplanet និយាយថា វីតាមីន C មានតួនាទីសំខាន់ជំរុញប្រព័ន្ធភាពស៉ាំ នៃរាងកាយ ខួរក្បាល ក៏ដូចជាពង្រឹង និងជំនួយដល់ការយល់ដឹង ធ្វើឱ្យសរសៃឈាមបេះដូងមានសុខភាពល្អ រួមទាំងផ្តល់សុខភាពទៅកាន់ស្បែក និងភ្នែកទៀតផង។ វីតាមីន C ក៏ជួយសម្រួល ទៅដល់ផ្នែកដ៏ទៃទៀតនៃរាងកាយដែរ មានដូចជាសាច់ដុំ និងឆ្អឹង។ បន្ថែមពីនោះ វិតាមីនC មានសារធាតុប្រឆាំងអុកស៊ីតកម្ម មានកោសិកាការពារ ថែមទាំងជួយឱ្យឆាប់ជាសះស្បើយពេលមានរបួសស្នាមកើតមាននៅលើរាងកាយ។
សារជាតិ វីតាមីន C មាននៅក្នុង បន្លែផ្លែឈើ ដូចជាក្រូច ស្តុបូរី ម្ទេស និងប៉េងបោះជាដើម។ ប៉ុន្តែដោយសារលក្ខខណ្ឌ នៃសុខភាពរបស់មនុស្សម្នាក់ៗ មានសភាពខុសៗគ្នា ទើបមនុស្សចាំបាច់ទទួលទានអាហារបំប៉នដែលមានវីតាមីន C ជាជំនួយបន្ថែម។
សូមបញ្ជាក់ថា ការទទួលទានវីតាមីន C លើសកម្រិត ក៏មិនផ្តល់ផលចំណេញនោះដែរ ថែមទាំងនាំឱ្យរាងកាយបង្កបាននូវជាតិពុល ហើយបណ្តាលឱ្យរាគ ចង្អោរ និងរមូលក្នុងក្រពះ ឬឈឺក្បាលជាដើម នេះក៏ដោយហេតុថា រាងកាយបញ្ចេញវីតាមីន C លើសលប់ពេក ។ កម្រិតនៃការទទួលទាន គួរតែទៅពិគ្រោះជាមួយនឹងអ្នកជំនាញ ឬក៏គ្រូពេទ្យ ជាពិសេស ចំពោះ អ្នកមានជំងឺទឹកនោមផ្អែម។ តែយ៉ាងណា សូមអនុញ្ញាតឱ្យរាងកាយទទួលទានវិតាមីន C ជាប្រចាំ ប៉ុន្តែត្រូវមានតុល្យភាព មិនថាបរិភោគតាមរយៈអាហារបន្ថែម ឬអាហារបំប៉នដោយមានជាតិវិតាមីន C នោះទេ៕
