ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ដើម្បីឈរជើងនៅក្នុងពិភពដែលពោរពេញទៅដោយការប្រកួតប្រជែងក្នុងស.វ.ទី 21នេះ ក្រៅពីចំណេះដឹង និងជំនាញវិជ្ជាជីវៈ ទាមទារឱ្យសិស្ស – និស្សិតមានជំនាញទន់បន្ថែមទៀត។ ជំនាញទន់ ឬ Soft Skill មានច្រើនយ៉ាង។ ជំនាញទាំងនេះ មិនត្រឹមតែសំខាន់សម្រាប់ការសិក្សាប៉ុណ្ណោះទេ ប៉ុន្តែវាក៏ជាទុនសម្រាប់សិស្ស-និស្សិតក្នុងពេលចាប់ផ្ដើមបំពេញការងារនៅស្ថាប័ននានាផងដែរ។
ជំនាញទន់ គឺជាគុណលក្ខណៈផ្ទាល់ខ្លួន រួមបញ្ចូលទាំងអត្តចរិត និងបុគ្គលិកលក្ខណៈ ដែលបង្ហាញពីឥទ្ធិពលរបស់អ្នក ថាតើអ្នកអាចធ្វើការ ឬប្រាស្រ័យទាក់ទងជាមួយអ្នកដទៃបានល្អកម្រិតណា។ ជំនាញទន់មានច្រើន ហើយជំនាញដែលសំខាន់ៗ រួមមាន ជំនាញក្នុងការទំនាក់ទំនង ជំនាញក្នុងភាពជាអ្នកដឹកនាំ និងជំនាញក្នុងការធ្វើការងារជាក្រុមជាដើម។
ជំនាញក្នុងការទំនាក់ទំនង៖ ការប្រាស្រ័យទាក់ទងគ្នាពិតជាផ្នែកមួយសំខាន់ណាស់សម្រាប់ការរស់នៅ ទាំងក្នុងការសិក្សា និងការងារ។ ការធ្វើការទាក់ទងជាមួយមនុស្សទាំងក្នុងសាលារៀន កន្លែងធ្វើការ ក៏ដូចជាក្នុងសង្គម អាចជួបនឹងមនុស្សច្រើនប្រភេទ ដែលមានបុគ្គលិកលក្ខណៈខុសប្លែកពីគ្នា។ ជំនាញទំនាក់ទំនងនេះ អាចជួយសិស្សឲ្យយល់ដឹងថា តើខ្លួនត្រូវប្រឈម និងដោះស្រាយជាមួយមនុស្សផ្សេងៗគ្នាបានយ៉ាងដូចម្ដេច។
នៅក្នុងយុគសម័យឌីជីថលនេះ ទំនាក់ទំនងរបស់មនុស្សត្រូវបានផ្លាស់ប្ដូរពីការនិយាយតទល់មុខគ្នាផ្ទាល់ មកប្រើប្រាស់បច្ចេកវិទ្យាដើម្បីធ្វើទាក់ទងគ្នា។ ខណៈដែលយុវសិស្សចេះប្រើប្រាស់បច្ចេកវិទ្យា ដើម្បីពង្រឹងទំនាក់ទំនងរបស់គាត់ជាមួយមិត្តភក្ដិ លោកគ្រូអ្នកគ្រូ ក៏ដូចជាបណ្ដាញផ្សេងទៀត ពួកគាត់អាចបង្កើតបណ្ដាញមិត្តភក្ដិ និងមនុស្សល្អៗ ជុំវិញខ្លួនបានយ៉ាងងាយ។ ការកសាងបណ្តាញទំនាក់ទំនងថ្មីនេះ ជួយជម្រុញដល់ការពង្រឹងសមត្ថភាព ចំណេះដឹង និងភាពក្លាហ៊ានឱ្យរីកចម្រើនបានមួយកម្រិតទៀត។
ជំនាញក្នុងភាពជាអ្នកដឹកនាំ៖ ភាពជាអ្នកដឹកនាំ មិនសំដៅតែលើតែការដឹកនាំអ្នកដទៃប៉ុណ្ណោះទេ ប៉ុន្តែដឹកនាំទាំងខ្លួនឯងផងដែរ។ ការចេះជំរុញលើកទឹកចិត្តខ្លួនឯងនិងអ្នកដទៃ ឱ្យគិតរឿងវិជ្ជមាន មានវិន័យត្រឹមត្រូវ មានការអភិវឌ្ឍខ្លួន និងចេះសម្រេចចិត្តប្រកបដោយតម្លាភាព សមភាព និងសុចរិតភាព សុទ្ធសឹងជាលក្ខណៈដែលមេដឹកនាំគ្រប់រូបមាន។ ទន្ទឹមគ្នានេះ មានភាពជាអ្នកដឹកនាំ ជួយជម្រុញដល់សិស្ស-និស្សិតឱ្យមានភាពក្លាហានហ៊ានធ្វើសេចក្តីសម្រេចចិត្ត និងទទួលខុសត្រូវចំពោះសេចក្ដីសម្រេចរបស់ខ្លួន។
ជំនាញធ្វើការងារជាក្រុម៖ ជំនាញនេះគឺជាជំនាញដ៏សំខាន់មួយ។ របៀបធ្វើការងារជាក្រុមមិនមែនជារឿងងាយស្រួលទេសម្រាប់មនុស្សមួយចំនួន ដោយសារការងារនេះមានមនុស្សច្រើនប្រមូលផ្ដុំគ្នានៅក្នុងក្រុមតែមួយ អាចមានសមត្ថភាពខុសគ្នា ការគិតក៏ខុសគ្នា ជាហេតុនាំឱ្យពិបាកក្នុងការធ្វើសេចក្ដីសម្រេចរួមមួយ ។
ផ្ទុយមកវិញ ធ្វើការងារជាក្រុមដែលមានមនុស្សចូលរួមច្រើននាក់ តែងតែបង្កើតបានសមទ្ធិផលច្រើន ឬសមទ្ធិផលមួយដែលគាប់ប្រសើរ។ ចំណុចនេះ សិស្សត្រូវយល់ពីសារៈប្រយោជន៍នៃសាមគ្គីភាព និងបង្កើតជំនាញ ការងារជាក្រុម មិនថាតែការធ្វើកិច្ចការដែលគ្រូដាក់ឲ្យជាក្រុម កិច្ចពិភាក្សាជាក្រុម ឬការធ្វើបទបង្ហាញជាក្រុម។
មានជំនាញធ្វើការងារជាក្រុម ជួយសិស្សានុសិស្សឲ្យសម្របខ្លួនជាមួយសមាជិកផ្សេងៗទៀតបានល្អ និងពង្រឹងសមត្ថភាពក្រុម ដើម្បីរួមគ្នាបង្កើតលទ្ធផលមួយតាមការរំពឹងទុករបស់ក្រុម។
សិស្ស-និស្សិត ដែលមានជំនាញក្នុងការទំនាក់ទំនង ជំនាញក្នុងភាពជាអ្នកដឹកនាំ ជំនាញធ្វើការងារជាក្រុម ក៏ដូចជាជំនាញទន់ផ្សេងៗទៀត សុទ្ធតែជាធនធានមនុស្សដែលជំរុញដល់ការអភិវឌ្ឍវិស័យអប់រំ និងវិស័យពលកម្មការងារនៅកម្ពុជាឱ្យកាន់តែប្រសើរ៕
ជីវប្រវត្តិ: កញ្ញា សៅ សុធារ៉ា កំពុងសិក្សាផ្នែកប្រព័ន្ធផ្សព្វផ្សាយនិងសារគមនាគមន៍ នៅសាកលវិទ្យាល័យភូមិន្ទភ្នំពេញ។ កញ្ញាធ្លាប់ជាអ្នកសរសេរអត្ថបទជាភាសាខ្មែរ និងបកប្រែឲ្យស្ថាប័នឯកជនមួយកន្លែង។ បច្ចុប្បន្ន សុធារ៉ា ជាអ្នកយកការព័ត៌មានអប់រំឲ្យសារព័ត៌មាន AMS Education។
របាយការណ៍សំខាន់
ព័ត៌មានទូទៅ
នាយករដ្ឋមន្រ្តីស្នើឱ្យសិក្សាលទ្ធភាពរៀនតាមប្រព័ន្ធអនឡាញ ប្រសិនវិបត្តិតម្លៃប្រេងឥន្ធនៈនៅតែបន្ត
អ្នកនាំពាក្យក្រសួងមហាផ្ទៃ អំពាវនាវអ្នកបើកបរគ្រប់រូប ពិសេសយុវជន យកចិត្តទុកដាក់ពីសុវត្ថិភាព គោរពច្បាប់ និងបើកបរដោយប្រុងប្រយ័ត្ន
យុវជនខ្មែរប្រើសិល្បៈឌីជីថល រំលេចអត្តសញ្ញាណជាតិ ក្នុងឱកាសបុណ្យចូលឆ្នាំថ្មី
តិចនិក ៧ យ៉ាង ដើម្បីក្លាយជា «មនុស្សពូកែគិត» (Critical Thinking)
ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Peking (PKU)
មន្ត្រីជំរុញឱ្យយុវជនទៅវត្ត ខណៈយុវជនមួយចំនួនមិនសូវចាប់អារម្មណ៍ទៅវត្តក្នុងឱកាសបុណ្យចូលឆ្នាំ
របាំត្រុដិ មរតកប្រពៃណីទំនៀមទម្លាប់ ដែលផ្សារភ្ជាប់ជាមួយអត្តសញ្ញាណជាតិ និងជីវភាពកសិករខ្មែរ
បណ្ឌិត គិន ភា ៖ ការប្រើប្រាស់ភាសាខ្មែរគឺជាកាតព្វកិច្ច និងតម្លៃនៃអត្តសញ្ញាណជាតិ
កម្មវិធីពិសេសរបស់ AMS EDUCATION
ព័ត៌មានសង្ខេប
