ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មនុស្សមួយចំនួន សុទ្ធសឹងតែ ធ្លាប់ទទួលបាននូវបទពិសោធន៍ ក្នុងការពិបាកចម្រាញ់ផលិតភាព ដែលឆ្លើយតបនឹងតម្រូវការនៃការងារ ឬក៏ការសិក្សាពីមួយពេលទៅមួយពេល។ បញ្ហានេះ មានការរំខានពីកត្តាផ្សេងៗដូចជា បណ្តាញសង្គម សារឆ្លើយឆ្លងតាមអ៊ីនធឺណិត ឬក៏មិត្តរួមអាជីពដែលពោរពេញហៀរហូរដោយសម្តី និងចំណុចដទៃទៀតដែលបង្អាក់ខ្លួនឯង ពីការបញ្ចប់ភារកិច្ចណាមួយ ឱ្យបានទាន់ពេលវេលា។
តាមរយៈគេហទំព័រ Yahoo Life បានបង្ហាញគន្លឹះងាយៗ ដើម្បីជំរុញផលិតភាព ៖
១. សម្លេងក្នុងហាងកាហ្វេ ៖ ធ្វើការនៅក្នុងហាងកាហ្វេ មានអត្ថប្រយោជន៍ជាច្រើន តែត្រូវជ្រើសប្រភេទហាងកាហ្វេដែលលោកអ្នកចូលចិត្តដូចគ្នា។ ដោយឡែកបទពិសោធន៍ ដែលទទួលបានពីហាងកាហ្វេ មិនមែនត្រឹមតែការប្រើប្រាស់អ៊ីនធឺណិតដោយឥតគិតថ្លៃ ឬឱជារសនៃការទទួលទានការហ្វេសុទ្ធមួយពែងនោះទេ ប៉ុន្តែការស្តាប់សម្លេងនៅក្នុងហាងកាហ្វេ ពេលខ្លះឮៗពេលខ្លះស្ងាត់ៗឆ្លាស់ទៅឆ្លាស់មក និងសម្លេងម៉ាស៊ីនកាហ្វេ រួមទាំងសម្លេងនៃការទម្លាក់ចុះកែវការហ្វេនៅលើតុតិចៗមួយៗ គឺជាកត្តាដែលជំរុញអារម្មណ៍ល្អស្រស់ស្រាយបានមួយផ្នែក។ យ៉ាងណាមិញ លោកអ្នកមិនចាំបាច់ ត្រូវតែទៅហាងកាហ្វេ ដើម្បីទាញយកអត្ថប្រយោជន៍ដែលរៀបរាប់ខាងលើអំបាញ់មិញនោះក៏បាន ដោយការប្រើប្រាស់សម្លេងនៃហាងការហ្វេតាមរយៈកម្មវិធីយូធូប ក៏អាចជាកត្តាជំនួយ ដើម្បីឱ្យមានការផ្តោតស្មារតីកើនមានមិនថា ធ្វើការពីផ្ទះ ឬពីការិយាល័យនោះទេ។
២. ជៀសវាងការងារពីរបីក្នុងពេលតែមួយ ៖ មនុស្សមួយចំនួនចូលចិត្តធ្វើការងារច្រើនក្នុងពេលតែមួយ ដោយគិតថា អាចនឹងចំណេញពេលច្រើន ឬទទួលបានលទ្ធផលជារួមក្នុងពេលតែមួយ។ ជាក់ស្តែង ការធ្វើបែបនេះ មិនមានប្រសិទ្ធភាពចំពោះមនុស្សគ្រប់គ្នានោះទេ។ ការធ្វើការងារច្រើនក្នុងពេលតែមួយមិនថា ឆ្លើយតបអ៊ីម៉ែលកំឡុងពេលប្រជុំតាមអនឡាន ឬធ្វើគម្រោងពីរក្នុងពេលតែមួយក៏ដោយ។ ក្នុងករណីខ្លះអាចផ្តល់ផលក្នុងពេលភ្លាមៗ ព្រោះមានអារម្មណ៍ថាបំពេញបានការងារច្រើន មើលទៅមានភាពមមាញឹកមិនខ្ជះខ្ជាយ ប៉ុន្តែការធ្វើចម្រុះគ្នាយូរៗទៅ បានទាញផលិតភាពនៃកិច្ចការសំខាន់មួយឱ្យធ្លាក់ចុះបានក្នុងរយៈពេលយូរ ដោយសារតែខួរក្បាលមនុស្ស អាចធ្វើបានល្អជាងនៅពេលផ្តោតលើរឿងតែមួយ ក្នុងពេលតែមួយ។ បន្ថែមពីនោះ វាបានបង្កើនភាពស្មុគស្មាញទៅកាន់សមត្ថភាពខួរក្បាលក្នុងការព្យាយាមចងចាំអ្វីមួយ។
ការលើកឡើងបែបនេះ មិនមែនមានន័យថា អ្នកត្រូវបោះបង់ចោលការធ្វើរឿងពីរបីក្នុងពេលតែមួយជានិច្ចនោះទេ ម្តងម្កាលអ្នកនៅតែអាចទំនាក់ទំនងជាមួយមិត្តកំឡុងពេលធ្វើដំណើរ ឬក៏ស្តាប់ទៅកាន់ការជជែកពិភាក្សាកំឡុងពេលហាត់ប្រាណ តែយ៉ាងណា ដើម្បីស្រូបយកអត្ថប្រយោជន៍ពីកិច្ចការនីមួយៗបាន បិទរាល់ការរំខានពីខាងក្រៅ បានរួមចំណែកដល់សមត្ថភាពផ្តោតជាច្រើន។
៣. ជំរុញរាងកាយឱ្យធ្វើសកម្មភាព ៖ ការផ្តល់ខ្លួនឯងមានទម្លាប់ហាត់ប្រាណ ឬធ្វើចលនាបានទៀតទាត់ បានរួមចំណែកក្នុងការបង្កើនផលិតភាពកើនយ៉ាងងាយស្រួលទៅតាមនោះដែរ តាមរយៈការដើរ ការរត់ ការឡើងទីខ្ពស់តាមជណ្តើរ ការជិះកង់ និងលំហាត់ប្រាណដែលមានភាពងាយស្រួលជាច្រើនទៀត។ សូមជ្រើសយកសកម្មភាពមួយដែលផ្តល់ផាសុកភាព និងស្របតាមស្ថានភាពជាក់ស្តែង៕
