ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
WEForum ៖ ឆ្នាំ 2021 ត្រូវបានកំណត់ជាឆ្នាំជោគជ័យលើការងារលុបបំបាត់ការងារកេងប្រវ័ញ្ចកម្លាំងពលកម្មលើកុមារ ប៉ុន្តែអ្នកជំនាញបារម្ភថា ដោយសារបញ្ហាកូវីដ-19 នឹងអាចឱ្យដំណើរការនេះដើរថយក្រោយ ទោះបីមានសេចក្តីសម្រេចរបស់មហាសន្និបាតអង្គការសហប្រជាជាតិ ដែលសមាជិក 193 ប្រទេសកំពុងចូលរួមបញ្ឈប់ការកេងប្រវ័ញ្ចលើកម្លាំងពលកម្មកុមារយ៉ាងណាក្តី។ ទន្ទឹមគ្នានេះគេដឹងថា ចំនួនកម្លាំងពលកម្មលើកុមារនៅទូទាំងពិភពលោកបានធ្លាក់ចុះជាបន្តបន្ទាប់ក្នុងរយៈពេលដប់ឆ្នាំចុងក្រោយនេះ ប៉ុន្តែរហូតដល់បច្ចុប្បន្នមានកុមារប្រមាណជា 152 លាននាក់កំពុងបង្ខំឱ្យធ្វើការងារនៅឡើយ។
អ្នកជំនាញលើកិច្ចការនេះ បានមើលឃើញថា ឥទ្ធិពលកូវីដ-19 កុមារអាចប្រឈមមុខទៅនឹងពេលវេលាធ្វើការច្រើនម៉ោងជាងមុន ហើយកុមារខ្លះទៀតអាចនឹងបង្ខំឱ្យធ្វើការដោយគ្រួសារផ្ទាល់តែម្តង ខណៈជីវភាពគ្រួសារកំពុងជួយបញ្ហាសេដ្ឋកិច្ចខ្លាំង។ តើពិភពលោកលុបបំបាត់អំពើកេងប្រវ័ញ្ចកម្លាំងពលកម្មលើកុមារដោយរបៀបណា?
លោក Jo Becker ប្រធានផ្នែកតស៊ូមតិសិទ្ធិកុមាររបស់អង្គការឃ្លាំមើលសិទ្ធិមនុស្ស បាននិយាយថា ជម្រើសល្អបំផុត រដ្ឋាភិបាលប្រទេសនីមួយៗ ត្រូវសម្រេចចិត្តដោះស្រាយបញ្ហាលុបបំបាត់កម្លាំងពលកម្មលើកុមារឱ្យបាន ពេលនោះលទ្ធផលនឹងបង្ហាញឱ្យឃើញក្នុងរយៈពេលខ្លី ឬត្រូវការពេលវេលាបន្ថែមយូរជាងនេះ ដើម្បីទទួលបានជោគជ័យ។
លោក Cornelius Williams អនុប្រធានទទួលបន្ទុកផ្នែកការពារកុមាររបស់យូនីសេហ្វ បានលើកឡើងដែរថា កូវីដ-19 មិនត្រឹមតែប៉ះពាល់ដល់បញ្ហាសេដ្ឋកិច្ចជាសកលនោះទេ បន្ថែមធ្វើឱ្យកុមារកាន់តែងាយរងគ្រោះបំផុត។
“ការកេងប្រវ័ញ្ចក្នុងពេលមានជំងឺរាតត្បាត រួមទាំងការបង្ខំឱ្យធ្វើពលកម្មលើកុមារ គឺនឹងមានអត្រាកើនឡើងជាមិនខាន”។
លោក Victor Sande-Aneirso ជាអ្នកនិពន្ធ និងនិពន្ធនាយកនៃបណ្តាញសិទ្ធិកុមារអន្តរជាតិ (CRIN) បាននិយាយថា អ្វីដែលយើងតែងតែចង់ឃើញនោះ គឺរាល់ការងារបង្ខំកុមារដោយរូបភាពកេងប្រវ័ញ្ចកម្លាំងពលកម្មដោយគ្រោះថ្នាក់ នឹងត្រូវបញ្ចប់ដោយមនុស្សនៅគ្រប់វ័យ។
ចំណែងអ្នកស្រី Alison Sutton ប្រធានទទួលបន្ទុកកិច្ចគាំពារកុមាររបស់អង្គការ Save the Children មានប្រសាសន៍ថា
“បើយើងចង់ឃើញលទ្ធផលទទួលបានជោគជ័យតាមផែនការ ពួកយើងពិតជាត្រូវការការគាំទ្រយ៉ាងពេញទំហឹងពីពីសំណាក់សហគមន៍របស់កុមារ អាណាព្យាបាលរបស់កុមារ ការចូលរួមដោះស្រាយបញ្ហាពីមេដឹកនាំ ព្រមទាំងនយោជក… ពីព្រោះថាក្រុមមនុស្សទាំងនេះសុទ្ធតែជាតួអង្គសំខាន់សម្រាប់ការងារការពារកម្លាំងពលកម្មលើកុមារ”។
គួរបញ្ជាក់ថា កន្លងទៅអង្គការពលកម្មអន្តរជាតិ (ILO) បានបង្ហាញតួលេខថា ចំនួនកម្លាំងពលកម្មនៅទូទាំងពិភពលោកបានធ្លាក់ចុះនៅទូទាំងពិភពលោកពី 246 លាននាក់កាលពីឆ្នាំ 2000 មកត្រឹមតែ 152 លាននាក់ប៉ុណ្ណោះ។ ប៉ុន្តែ ILO ក៏បានព្រមានដែរថា កូវីដ-19 អាចជាឧបសគ្គថ្មីក្នុងផែនការលុបបំបាត់ការកេងប្រវ័ញ្ចកម្លាំងពលកម្មកុមារ ដែលបានអនុវត្តជាងពីរទសវត្សកន្លងទៅ និងផែនការពិភពលោកបញ្ចប់រូបភាពរំលោភបំពានលើកម្លាំងពលកម្មកុមារឱ្យស្មើសូន្យ ត្រឹមឆ្នាំ 2025 ខាងមុខ៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍សំខាន់
ព័ត៌មានទូទៅ
អ្នកនាំពាក្យ ៖ និស្សិតកម្ពុជាជាង២០០នាក់ កំពុងចុះកម្មសិក្សានៅអ៊ីស្រាអ៊ែល មានសុវត្ថិភាព ខណៈនិស្សិត ៤នាក់ជាប់គាំងនៅប្រទេសឌូបៃ
ក្រសួងអប់រំ ផ្តើមអនុវត្តកម្មវិធីអប់រំការគិតបែបកុំព្យូទ័រ នៅតាមសាលារៀនគោលដៅ
យុវជនប្រមាណ ១២ម៉ឺននាក់ ទទួលការបណ្តុះបណ្តាលជំនាញពីកម្មវិធី TVET ១.៥M របស់រាជរដ្ឋាភិបាល
ស្វែងយល់ពីរបៀបដាស់រាងកាយឱ្យត្រឹមត្រូវ មុនចាប់ផ្ដើមហាត់ប្រាណនៅពេលព្រឹក
អាហារូបករណ៍ម៉ាណាគី ទៅសិក្សានៅប្រទេសណូវែលហ្សេឡង់ឆ្នាំ២០២៦
របាយការណ៍ ៖ អត្រារៀបការរបស់ក្មេងស្រីមុនអាយុ១៨ឆ្នាំថយចុះ ខណៈអត្រាបញ្ចប់មធ្យមសិក្សាបឋមភូមិរបស់ក្មេងស្រីកើនឡើង
ព្រះមហាក្សត្រ ៖ ទិវាវប្បធម៌ជាតិ ជាឱកាសជំរុញតួនាទីយុវជនបន្តវេន ក្នុងការអភិរ្ស ការពារ និងអភិវឌ្ឍមរតកវប្បធម៌ ទំនៀមទម្លាប់ ប្រពៃណី
ឯកឧត្តម ជា សំណាង ជំរុញឱ្យបង្កើនការគិតគូរលើអាហារូបត្ថម្ភ តាមរយៈការលើកកម្ពស់វិស័យទឹកស្អាត និងអនាម័យ
និស្សិតកម្ពុជា ចាប់យកឱកាសចុះកម្មសិក្សានៅហូឡង់ ដើម្បីពង្រឹងសមត្ថភាព និងភាពឯករាជ្យ
រដ្ឋមន្រ្តីអប់រំ ៖ ការអប់រំបែបកាយរឹទ្ធិកម្ម ត្រូវបានដាក់បញ្ចូលក្នុងសកម្មភាពក្រៅម៉ោងសិក្សា ដើម្បីពង្រឹងវិន័យ សីលធម៌ ឥរិយាបទរបស់សិស្ស
កម្មវិធីពិសេសរបស់ AMS EDUCATION
ព័ត៌មានសង្ខេប
