ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភាសានៃក្ដីស្រឡាញ់ ដែលគេនិយមយកមកអនុវត្តន៍ ក្នុងការស្វែយល់ពីគ្នា និងផ្តល់ក្ដីស្រឡាញ់ឱ្យគ្នា គឺការប្រើប្រាស់ពាក្យសម្តី ដើម្បីបញ្ជាក់ការគិត ឬពាក្យក្នុងចិត្ត ។ ភាសាទាំងនេះ ភាគច្រើនគេនិយាយតែនៅក្នុងទំនាក់ទំនងជាដៃគូស្នេហា ប៉ុន្តែភាសានៃក្ដីស្រឡាញ់ទាំងនេះ ក៏ត្រូវការប្រើប្រាស់ ក្នុងការជំរុញចំណងមិត្តភាព ឱ្យកាន់តែរឹងមាំបន្ថែម។
គេហទំព័រ Yahoo life បានបង្ហាញអំពីការប្រើភាសាទាំងប្រាំ ដែលជួយពង្រឹងចំណងមិត្តភាព ៖
១. ពាក្យសម្តីក្នុងការបញ្ជាក់ប្រាប់គ្នា ៖ ទោះស្គាល់គ្នាយូរបែបណាក៏ដោយ ការរក្សាថែទាំចំណងមិត្តភាព និងការស្វែងយល់ពីគ្នានៅតែសំខាន់។ ហើយដើម្បីបញ្ជាក់ទឹកចិត្ត ក៏ដូចជាសេចក្ដីស្រឡាញ់ គួរតែឧស្សាហ៍ផ្ញើសារ ឬនិយាយលើកទឹកចិត្ត សួរសុខទុក្ខ ការបារម្ភខ្វល់ខ្វាយ រួមទាំងប្រាប់អំពីអ្វីដែលជាមោទនភាពក្រោយពេលបានស្គាល់ពួកគាត់។
២. ការចំណាយពេលដ៏មានគុណភាពជាមួយគ្នា ៖ គ្រាន់តែចំណាយពេលជាមួយគ្នា ដើរលេងជាមួយគ្នានៅមិនទាន់គ្រប់គ្រាន់ទេ គឺធ្វើយ៉ាងណាឱ្យពេលវេលាទាំងនោះមានអត្ថន័យ មានការសន្ទនា មានសកម្មភាពកម្សាន្ត ឬឆ្លៀតធ្វើផែនការដើម្បីចំណាយពេលជាមួយគ្នា ឬក៏មានការជជែកដ៏ស៊ីជម្រៅមួយតាមរយៈទូរស័ព្ទ។
៣. ការជ្រោមជ្រែងគ្នា ៖ ក្នុងការថែទាំចំណងមិត្តភាពឱ្យរឹងមាំ ការជួយគ្នាពេលមានបញ្ហា ឬក៏ពេលមានតម្រូវការ មិនត្រឹមតែផ្តល់ឱ្យភាគីម្ខាងទៀតបានធូរស្បើយ ឬអារម្មណ៍ល្អប៉ុណ្ណោះទេ ប៉ុន្តែក៏បង្ហាញនូវគំរូភាព ភាពសប្បុរសពីខ្លួនឯងផ្ទាល់ដែរ ចំពោះការជ្រោមជ្រែង ទាំងនោះមានច្រើនរូបភាពដូចជា ឧបត្ថម្ភសម្ភារៈ យកអាហារឱ្យគ្នាហូប ឬក៏ជួយថែទាំគ្នាពេលមាននរណាម្នាក់ឈឺ។
៤. ភាពស្និទ្ធស្នាលនៃរាងកាយ ៖ ក្រៅតែពីការនិយាយគ្នា និងការចំណាយពេលដែលមានអត្ថន័យជាមួយមិត្តហើយ ការផ្តល់ភាពស្និទ្ធស្នាលនៃរាងកាយ ក៏ជាភាសា នៃក្ដីស្រឡាញ់មួយផ្នែកដែរ ដែលសកម្មភាពទាំងនោះមានដូចជា អង្អែលស្មាថ្នមៗ ការឱប ឬកាន់ដៃគ្នាពេលឆ្លងផ្លូវជាដើម។
៥. ការផ្តល់វត្ថុអនុស្សាវរីយ៍ ៖ វិធីសាស្រ្ត ក្នុងការបង្ហាញភាសានៃក្ដីស្រឡាញ់ត្រង់ចំណុចនេះ គឺជូនវត្ថុអនុស្សាវរីយ៍រាល់ពេលត្រឡប់ពីការធ្វើដំណើរកម្សាន្តណាមួយ ឬក៏ផ្តល់កាដូថ្ងៃកំណើត និងការផ្តល់ជាភេសជ្ជៈសម្រាប់ទទួលទានជាដើម៕
