យុវជន ៖ ចូលរួមក្នុងពិព័រណ៍ការងារទទួលបានទាំងឱកាសការងារ ជំនាញពិត និងភាពរីករាយ

នៅក្នុងពិព័រណ៍ការងារ និងផលិតភាពជាតិ ឆ្នាំ២០២៣នេះ យុវជន សិក្សានុសិស្ស ជាច្រើននាក់បានមកចូលរួមស្វែងយល់អំពីព័ត៌មានមួយចំនួនទាក់ទងនឹង ជំនាញសិក្សា ឱកាសការងារ ជាច្រើនកន្លែង។ ក្នុងនោះ យុវជនបានលើកឡើងថា ការចូលរួមក្នុងពិព័រណ៍ការងារ និងផលិតភាពជាតិ ធ្វើឱ្យពួកគេទទួលបានទាំងឱកាសការងារ ជំនាញពិត និងភាពរីករាយផងដែរ។

យុវតី ចេង លីហេង ជានិស្សិតឆ្នាំទី១ សិក្សាជំនាញវិស្វករអគ្គិសនី នៃវិទ្យាស្ថានបណ្តុះបណ្ដាលបច្ចេកទេស (NTTI) បាននិយាយថា រូបគេមកចូលរួមនៅក្នុងពិព័រណ៍ការងារ និងផលិតភាពជាតិ ឆ្នាំ២០២៣នេះ ក្នុងគោលបំណងស្វែងរកការងារធ្វើ ដើម្បីអាចទទួលបានបទពិសោធន៍ការងារ ក៏ដូចជាប្រាក់ចំណូលផ្គត់ផ្គង់ចំណាយលើការសិក្សាផងដែរ។

យុវតី ចេង លីហេង ជានិស្សិតឆ្នាំទី១ សិក្សាជំនាញវិស្វករអគ្គិសី នៃវិទ្យាស្ថានបណ្តុះបណ្ដាលបច្ចេកទេស (NTTI)

និស្សិតឆ្នាំទី១ រូបនេះ បញ្ជាក់បន្ថែមថា ការចូលរួមពិព័រណ៍ការងារលើកនេះ រូបគេបានដឹងព័ត៌មានតាមរយៈការផ្សព្វផ្សាយលើបណ្ដាយសង្គម។ លីហេង បន្តថា រូបគេចាប់អារម្មណ៍លើផ្នែកលក់ ដែលត្រូវប្រើជំនាញក្នុងការនិយាយទំនាក់ទំនង ភាពរួសរាយរាក់ទាក់ជាមួយអតិថិជន។

យុវតី ចេង លីហេង បញ្ជាក់បន្ថែមថា ការរៀបចំឱ្យមានពិព័រណ៍ការងារនិងផលិតភាពជាតិ ពិតជាមានសារៈសំខាន់ខ្លាំង ពីព្រោះអាចផ្ដល់ឱកាសដល់យុវជន សិស្សានុសិស្ស ស្វែងរកជំនាញបន្តការសិក្សាស្រមតាមទីផ្សារការងារ ឬស្វែងការងារធ្វើ ហើយក៏ទទួលបានបរិយាកាលសប្បាយរីករាយផងដែរ។

“ខ្ញុំគិតថាបើសិនជាយើងស្វែងរកការងារ នោះនឹងមានសង្ឃឹមថាទទួលបានការងារ ពីព្រោះការងារមិនរត់មករកយើងទេ គឺយើងជាអ្នករតទៅរកការងារដោយខ្លួនឯង”។

យុវតី ចេង លីហេង ជានិស្សិតឆ្នាំទី១ សិក្សាជំនាញវិស្វករអគ្គិសី នៃវិទ្យាស្ថានបណ្ដុះបណ្ដាលបច្ចេកទេស (NTTI)

យុវតី ចេង លីហេង ក៏បានលើកទឹកចិត្តដល់យុវជនទាំងអស់គ្នាឱ្យមកចូលរួមក្នុងពិព័រណ៍ការងារនិងផលិតផលជាតិឱ្យបានច្រើន ដើម្បីទទួលបានបទពិសោធន៍ស្វែងរកឱកាសការងារបានច្រើនកន្លែង និងចម្រុះទៅដោយក្រុមហ៊ុន និងស្ថាប័នការងារជាច្រើន។

យុវជន ជា ម៉េងហួរ ជាសិស្សិតឆ្នាំទី១ សិក្សាជំនាញវិស្វកម្មអភិវឌ្ឍកម្មវិធី នៃសាកលវិទ្យាល័យអាមេរិកកាំងភ្នំពេញ (AUPP)

យុវជន ជា ម៉េងហួរ ជាសិស្សិតឆ្នាំទី១ សិក្សាជំនាញវិស្វកម្មអភិវឌ្ឍកម្មវិធី នៃសាកលវិទ្យាល័យអាមេរិកកាំងភ្នំពេញ (AUPP) បាននិយាយថា ខ្លួនបានដឹងអំពីកម្មវិធីពិព័រណ៍ការងារ និងផលិតផលជាតិ តាមរយៈបណ្ដាញសង្គមហ្វេសប៊ុក ហើយក៏មានបំណងចង់ស្វែងរកបទពិសោធន៍ថ្មី ដើម្បីដាក់ពាក្យសុំបម្រើការងារទាក់ទងនឹងជំនាញដែលរូបគេកំពុងសិក្សានៅសាកលវិទ្យាល័យ ក៏ដូចជាដើម្បីផ្គត់ផ្គង់ការចំណាយលើថ្លៃសិក្សា។

សិស្សិតឆ្នាំទី១ រូបនេះ បញ្ជាក់ថា ដោយសាររូបគេរៀនជំនាញទាក់ទងនឹងជំនាញសូហ្វែរ ដូច្នេះរូបគេរំពឹងទុកថាមកចូលរួមពិព័រណ៍ការងារនឹងជួបច្រើនចំពោះឱកាសការងារដែលទាក់ទងនឹងជំនាញសិក្សារបស់ខ្លួន។ ម៉េងហួរ បន្តថា ការមកចូលរួមនេះ ពិតជាដូចការរំពឹងទុករបស់ខ្លួន ដោយសារជំនាញទាក់ទងនឹងសូហ្វែរបច្ចុប្បន្នកំពុងមានតម្រូវការទីផ្សារការងារ ហើយក៏ជាឱកាសល្អ និងត្រឹមត្រូវមួយសម្រាប់រូបគេផងដែរ។

“ខ្ញុំមានបំណងចង់រៀនបណ្ដើរ និងធ្វើការបណ្ដើរ ទើបមកចូលរួមក្នុងពិព័រណ៍ការងារនេះ ដើម្បីស្វែងរកឱកាសការងារក្នុងអំឡុងពេលសិក្សា”

យុវជន ជា ម៉េងហួរ ជាសិស្សិតឆ្នាំទី១ សិក្សាជំនាញវិស្វកម្មអភិវឌ្ឍកម្មវិធី នៃសាកលវិទ្យាល័យអាមេរិកកាំងភ្នំពេញ (AUPP)

យុវជន ជា ម៉េងហួរ ក៏បានលើកទឹកចិត្តទៅដល់យុវជនដទៃទៀត ប្រសិនជាចង់រៀនបណ្ដើរ និងធ្វើការបណ្ដើរ គឺមកចូលរួមក្នុងពិព័រណ៍ការងារនេះ ពិតជាល្អ ព្រោះមានឱកាសការងារជាច្រើនជំនាញ មិនមែនមានតែផ្នែកសូហ្វែរនោះទេ។ ដូច្នេះ យុវជន សិស្សានុសិស្ស អាចទទួលបានឱកាសល្អទាំងនោះដើម្បីអភិវឌ្ឍសមត្ថភាពបន្ថែមបាន។

គួរជម្រាបជូថា ពិព័រណ៍ការងារ និងផលិតភាពជាតិឆ្នាំ២០២៣ ធ្វើឡើងរយៈពេលពីរថ្ងៃចាប់ពីថ្ងៃទី១០ ដល់ថ្ងៃទី១១ ខែវិច្ឆិកា ឆ្នាំ២០២៣ ដែលផ្ដល់ឱកាសការងារជាង ២ម៉ឺន៤ពាន់កន្លែង ពីក្រុមហ៊ុន រោងចក្រ និងសហគ្រាសធំៗចំនួន ១៥០ សម្រាប់យុវជន សិស្ស/និស្សិត និងអ្នកស្វែងរកការងារធ្វើ នៅអគារពិព័រណ៍កោះពេជ្រ ចាប់ពីម៉ោង៨ព្រឹក ដល់ម៉ោង ៨យប់៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

វិទ្យាស្ថានបច្ចេកវិទ្យាកំពង់ឈើទាលជ្រើសរើសនិស្សិតអាហារូបករណ៍ទៅសិក្សានៅប្រទេសថៃ ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 05/12/2024

វិទ្យាស្ថានបច្ចេកវិទ្យាកំពង់ឈើទាល​ ប្រកាសការប្រឡងជ្រើសរើសសិស្ស និស្សិត និងសាធារណជន ជាច្រើនកន្លែង ដើម្បីទៅបន្ត​ការ​សិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅប្រទេសថៃ ក្រោមគម្រោងព្រះរាជទានរបស់ ព្រះអង្គម្ចាស់ក្សត្រីយមហាចក្រីសិរិនថន

អាហារូបករណ៍​ថ្នាក់​បរិញ្ញាបត្រ​ចំនួន១៥​កន្លែង​នៅ​សាកលវិទ្យាល័យ​ជាតិ​គ្រប់គ្រង​ឆ្នាំ​សិក្សា​២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 06/11/2024

តាម​រយៈ​ការ​លើក​ស្ទួយ​ក្នុង​វិស័យ​អប់រំ ឯកឧត្ដម​អភិបណ្ឌិត ស សុខា និង លោកជំទាវ កែ សួនសុភី សហការ​ជាមួយ​សាកលវិទ្យាល័យ​ជាតិគ្រប់គ្រង ប្រកាស​ជ្រើសរើស​និស្សិត​ចំនួន១៥នាក់​ដើម្បី​សិក្សា​ថ្នាក់...

អាហារូបករណ៍ថ្នាក់ឧត្ដមសិក្សាពីកម្មវិធី Malaysia International Scholarship ឆ្នាំ២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 11/06/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ Malaysia International Scholarship(MIS)ឆ្នាំ២០២៤-២០២៥.....

វគ្គបណ្តុះបណ្តាល “អក្ខរកម្មបញ្ញាសិប្បនិម្មិត (AI Literacy)” ដោយឥតគិតថ្លៃ សម្រាប់យុវជនកម្ពុជា

ព័ត៌មានអាហារូបករណ៍, ព្រឹត្តិការណ៍

• 11/02/2026

ដើម្បីឆ្លើយតបទៅនឹងការរីកចម្រើន នៃបច្ចេកវិទ្យាឌីជីថល អង្គការខេប (KAPE) តាមរយៈគ្រូបង្គោល AI Ready ASEAN សហការជាមួយ នាយកដ្ឋានបរិវត្តកម្មឌីជីថល នៃក្រសួងអប់រំ យុវជន និងកីឡា និង ក្រុមប្រឹក្សាយុវជនអង្គការសហប្រជាជាតិ (UNYAP)

សាកលវិទ្យាល័យ​ស៊ុនយ៉ាតសេន ប្រទេសចិន ផ្តល់អាហារូបករណ៍​១០កន្លែង​សម្រាប់​និស្សិត​កម្ពុជា

ព័ត៌មានអាហារូបករណ៍, ព្រឹត្តិការណ៍

• 10/02/2023

ក្រោម​កម្មវិធី «2023 Sun Yat-sen University Belt and Road Schoiarship Program for International Students» សាកលវិទ្យាល័យ​ស៊ុន​យ៉ាតសេន​នៅទីក្រុងក្វាងចូវ ប្រទេសចិន...

ឱកាសសិក្សាអាហារូបករណ៍ពីកម្មវិធី ASEAN-Maybank Scholarship សម្រាប់ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 13/02/2023

កម្មវិធីអាហារូបករណ៍ ASEAN-Maybank Scholarship ឬហៅកាត់ថា AMS Programme 2023 ប្រកាសផ្ដល់អាហារូបករណ៍សម្រាប់សិស្ស និស្សិត...

អាហារូបករណ៍សិក្សា​ថ្នាក់បរិញ្ញាបត្រជាន់ខ្ពស់ បច្ចេកវិទ្យាឌីជីថល ចំនួន៥០កន្លែង នៅ CADT

ព័ត៌មានអាហារូបករណ៍, ព្រឹត្តិការណ៍

• 20/02/2026

ក្រសួងប្រៃសណីយ៍និងទូរគមនាគមន៍ (ក.ប.ទ.) បានប្រកាស​ពីការផ្តល់អាហារូបករណ៍ចំនួន ៥០កន្លែង សម្រាប់ការ​សិក្សា​ថ្នាក់បរិញ្ញាបត្រជាន់ខ្ពស់ ឯកទេស​បច្ចេកវិទ្យាឌីជីថល នៅបណ្ឌិត្យសភាបច្ចេកវិទ្យាឌីជីថលកម្ពុជា (CADT)។

ឱកាសអាហារូបករណ៍ថ្នាក់បរិញ្ញាបត្រ ១៥កន្លែង នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE)

ព័ត៌មានអាហារូបករណ៍, ព្រឹត្តិការណ៍

• 28/09/2026

សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ផ្ដល់ជូនអាហារូបករណ៍សរុបចំនួន ១៥កន្លែង លើកម្រិតថ្នាក់បរិញ្ញាបត្រ សម្រាប់ឆ្នាំសិក្សា២០២៦-២០២៧។

រៀនជំនាញធុរកិច្ចភេសជ្ជៈ ឥតគិតថ្លៃ នៅវិទ្យាស្ថានជាតិពហុបច្ចេកទេសអង្គរ

ព័ត៌មានអាហារូបករណ៍, ព្រឹត្តិការណ៍

• 11/06/2025

តាមរយៈកម្មវិធី TVET 1.5M របស់រាជរដ្ឋាភិបាល វិទ្យាស្ថានជាតិពហុបច្ចេកទេស​អង្គរ ដែលមានទីតាំង​ស្ថិត​នៅ​ក្នុងក្រុងសៀមរាប បានប្រកាស​ផ្តល់​អាហារូបករណ៍​ក្នុងការ​សិក្សា​ជំនាញធុរកិច្ចភេសជ្ជៈ​ដោយ​ឥតគិតថ្លៃ ទៅដល់យុវជន និង​​អ្នក​កំពុង​ត្រូវការ​ជំនាញ។