ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងអប់រំ យុវជន និងកីឡា បានបញ្ជាក់នៅរសៀលថ្ងៃទី២២ ខែធ្នូ ឆ្នាំ២០២២នេះថា ការប្រឡងសញ្ញាបត្រមធ្យមសិក្សាទុតិយភូមិឆ្នាំ២០២២នេះ មានបេក្ខជនប្រឡងជាប់សរុបចំនួន ៩០៩៥០នាក់ ដែលត្រូវជា ៧២.៣៣ភាគរយ នៃចំនួនបេក្ខជនមកប្រឡង។
ក្នុងនោះដែរ គេបានរកឃើញបេក្ខជនជាប់និទ្ទេស A ចំនួន ១០៤៩នាក់, និទ្ទេស B ចំនួន ៧២៣២នាក់, និទ្ទេស C ចំនួន ១៩០៥៣នាក់, និទ្ទេស D ចំនួន ៣១១៦៦នាក់ និងនិទ្ទេស E ចំនួន ៣២៤៥០នាក់។
សូមបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប បានប្រព្រឹត្តទៅកាលពីថ្ងៃទី៥ និងទី៦ ខែធ្នូ ឆ្នាំ២០២២កន្លងទៅនេះ ដោយមានបេក្ខជនដាក់ពាក្យចូលរួមប្រឡងសរុបចំនួន១២៨ ១៣៥នាក់ ។
ឯកឧត្តម ឱម យ៊ិនទៀង ប្រធានអង្គភាពប្រឆាំងអំពើពុករលួយ បានធ្វើការវាយតម្លៃខ្ពស់ចំពោះដំណើរការនៃការប្រឡងសញ្ញាបត្រទុតិយភូមិ ឬបាក់ឌុបឆ្នាំ២០២២នេះ ដោយថា បានប្រព្រឹត្តទៅដោយរលូន និងយុតិធម៌ នៅគ្រប់ដំណាក់កាលតាំងពីដំណាក់កាលវិញ្ញាសាសរសេរ រហូតដល់ដំណាក់កាលបោះពុម្ពលទ្ធផលប្រឡង។
បើតាមការប្រកាសរបស់ក្រសួងអប់រំយុវជន និងកីឡា នៅរសៀលថ្ងៃទី២២ ខែធ្នូ នេះ លទ្ធផលប្រឡងបាក់ឌុបនឹងត្រូវប្រកាសនៅរាជធានីភ្នំពេញ និងខេត្តកណ្តាល ហើយនៅព្រឹកថ្ងៃទី២៣ ខែធ្នូ ឆ្នាំ២០២២ នឹងធ្វើការប្រកាសនៅតាមបណ្តាខេត្ត៕
