ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សេចក្ដីរំជួលចិត្តក៏បានបង្កប់អត្ថប្រយោជន៍ដែរ ប៉ុន្តែបើសិនជា មានអារម្មណ៍កក្រើកជ្រួលឡើងជារឿយៗ នោះក៏អាចបង្កើនបាននូវកត្តាប្រឈមជាច្រើនក្នុងដំណើរជីវិតរស់នៅប្រចាំថ្ងែ។ ចិត្តរំជួលនៅត្រង់ចំណុចនេះ គឺមានន័យថា អ្នកជាមនុស្សដែលងាយទទួលរងនូវអារម្មណ៍ឈឺចាប់ ងាយនឹងជ្រួលច្របល់ និងពិបាកទប់ចិត្ត។
គេហទំព័រ verywellmind បានជម្រាបជូនវិធីសាស្រ្តខ្លីៗបីចំណុច ក្នុងការកាត់បន្ថយអារម្មណ៍ជ្រួលច្របល់ និងមានបកស្រាយលម្អិតនូវខាងក្រោម ៖
១. ជាឱកាសលះចោលអារម្មណ៍ឈឺចាប់ ៖ អារម្មណ៍ ដែលមានសភាពឈឺចាប់អាចជំរុញឱ្យមានភាពមិនស្រណុកចិត្ត និងភាពអាម៉ាស់។ ទន្ទឹមគ្នានោះ វាក៏បង្កើនក្ដីមន្ទិលចំពោះខ្លួន ឬគិតថា ខ្លួនឯងមិនល្អគ្រប់គ្រាន់ ថែមទាំងបារម្ភពីការបង្កើតកំហុសរៀងរាល់ពេលធ្វើអ្វីមួយ ។ ហើយកត្តាសំខាន់មួយទៀត គឺ អារម្មណ៍ឈឺចាប់នាំឱ្យបាត់បង់ទំនុកចិត្ត។ លើសពីនោះទៅទៀត សភាពឈឺចិត្ត ក៏នឹងជំរុញឱ្យអ្នកពិបាកក្នុងការប្រាស្រ័យទាក់ទងជាមួយអ្នកដទៃផងដែរ។ ហេតុដូច្នេះហើយ ការកាត់បន្ថយចិត្តរំជួល ក៏ជាគន្លឹះមួយដែលជួយឱ្យលោកអ្នកអាចកាត់បន្ថយភាពភិតភ័យ ឬធ្វើឱ្យថយចុះនៃភាពឈឺចាប់ទាំងឡាយតាមរយៈមជ្ឈដ្ឋានសង្គមខាងក្រៅ។
២. បន្ថយចិត្តរសាប់រសល់ ៖ ក្ដីរសាប់រសល់ចិត្ត នាំឱ្យគិតការអ្វីពុំលេចពុំលះ និងបង្កបាននូវក្ដីបារម្ភជាច្រើន។ ប្រសិនបើអ្នកកំពុងរសាប់រសល់ក្នុងចិត្ត ឬការមិនពេញចិត្តនឹងអ្វីមួយ គឺវាអាចបង្កបាននូវក្ដីថប់បារម្ភក្នុងចិត្តជាក់ជាមិនខាន។ ហើយវានឹងបង្កបាននូវសកម្មភាពមួយដែលហាក់ខ្វះការឱ្យតម្លៃចំពោះខ្លួនឯង ឬមិនអើពើនឹងគុណតម្លៃនៃជីវិតផ្ទាល់ខ្លួន។ បន្ថែមពីនោះ នៅមានចំណុចផ្សេងទៀតដូចជា បង្កនូវភាពឯកោ ផ្តាច់ខ្លួនពីមនុស្សម្នា បាក់ទឹកចិត្ត និងមិនសូវទទួលបានការគាំទ្រពីមជ្ឈដ្ឋានខាងក្រៅ។ ដែលកត្តាទាំងនេះហើយ ទើបការកាត់បន្ថយនូវអារម្មណ៍រំជើបរំជួល និងក្លាយជាចំណែកមួយជួយបញ្ចៀសលោកអ្នកពីភាពរសាប់រសល់ ខ្វាយខ្វល់រឿងដែលមិនចាំបាច់ទាំងឡាយ។
៣. បញ្ចៀសជម្លោះ ៖ យើងមិនអាចគេចពីជម្លោះបានទាំងស្រុងក៏ពិតមែន ប៉ុន្តែនៅពេលដែលលោកអ្នកទម្លាប់បណ្តោយឱ្យអារម្មណ៍ងាយនឹងរំជើបរំជួល ឬងាយនឹងប្រតិកម្មបែបអវិជ្ជមាន វាក៏អាចនាំឱ្យលោកអ្នក ងាយនឹងបង្កជម្លោះជាមួយអ្នកដទៃផងដែរ។ ប្រសិនបើលោកអ្នកសង្កេតឃើញថា ជារឿយៗ ងាយនឹងទទួលបានអារម្មណ៍ខឹងក្រេវក្រោធ ងាយឈឺចាប់ខ្លាំង ឧស្សាហ៍បកស្រាយពាក្យរបស់អ្នកដទៃខុសពីន័យដើម ហើយនឹងប្រតិកម្មខ្លាំងៗទៅនឹងរឿងដែលមិនចាំបាច់។ គួរកត់សម្គាល់ថា កត្កាទាំងនេះហើយបណ្តាលឱ្យមានឱកាសច្រើនក្នុងការបំផ្លាញទំនាក់ទំនង ថែមទាំងបង្កទៅជាការឈ្លោះប្រកែកគ្នាទៅវិញទៅមក ហើយនឹងការយល់ច្រឡំរវាងគ្នានិងគ្នាទៀតផង។ ដូច្នេះ កាលដែលអនុញ្ញាតឱ្យអារម្មណ៍រំជើបរំជួលត្រូវបានកាត់បន្ថាយ នោះជម្លោះនិងការបញ្ចៀសសកម្មភាពអវិជ្ជមាន ក៏ត្រូវបានកាត់បន្ថយផងដែរ៕
