ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជនជាតិជប៉ុនត្រូវបានបង្រៀនតាំងពីកុមារឱ្យស្គាល់ថា អាហារគឺជាឧសថ ហើយការញ៉ាំអាហារបានត្រឹមត្រូវ ជាផ្នែកមួយដែលនាំឱ្យមានអាយុវែង។ មូលហេតុនេះហើយ ដែលធ្វើឱ្យប្រទេសជប៉ុន ក្លាយជាទីកន្លែងមួយ សម្បូរទៅដោយមនុស្សមានអាយុវែង។ ខណៈបច្ចុប្បន្ន មនុស្សដែលមានអាយុលើស ១០០ឆ្នាំ មានរហូតដល់ ៩០,៥២៦នាក់ ដែលនេះជាចំនួនច្រើនជាងពីរទសវត្សមុនរហូតដល់ ៥ដង។ នេះបើយោងតាមរបាយការណ៍ឆ្នាំ២០២២ របស់ក្រសួងសុខាភិបាល ការងារ និងសុខុមាលភាពជប៉ុន។ អ្នកជំនាញផ្នែកអាហារូបត្ថម្ភ ដែលធ្វើតាមរបបអាហារប្រពៃណីជប៉ុន បានណែនាំអាហារ ៥មុខ ដែលអ្នកអាចញ៉ាំរាល់ថ្ងៃ ដើម្បីសុខភាពល្អ និងអាយុវែង។
១. ដំឡូងជ្វាជប៉ុន ៖ ជាអាហារ ដែលមានការពេញនិយមនៅលើកោះអូគីណាវ៉ា, ដំឡូងជ្វាពណ៌ស្វាយនេះ ត្រូវបានគេហៅជាភាសាជប៉ុនថា «អ៊ីមុ – imo» ហើយជាធម្មតា ត្រូវបានគេបរិភោគជាអាហារសម្រន់ ឬបង្អែម។ ដំឡូងនេះ សម្បូរទៅដោយកាបូអ៊ីដ្រាត និងអានថូស៊ីអានីន ល្អ ដែលជាក្រុមសារធាតុប្រឆាំងអុកស៊ីតកម្ម ដែលមានក្នុងបន្លែពណ៌ក្រហម និងពណ៌ស្វាយ ។ លើសពីនេះ សារធាតុនេះ អាចប្រឆាំងនឹងភាពចាស់ ជួយបង្កើនកម្រិតជាស្ករក្នុងឈាម និងកាត់បន្ថយហានិភ័យ នៃជំងឺសរសៃឈាមបេះដូង។
២. ស៊ុបមីស៊ុ (Miso soup) ៖ របបអាហាររបស់ជនជាតិជប៉ុន មានម្ហូបជាច្រើន ដែលមានជាតិមេ ក្នុងនោះស៊ុបមីស៊ុ ជាអាហារដ៏ពេញនិយមមួយ។ មីស៊ុ (Miso) គឺជាម្សៅ ដែលផលិតចេញពីសណ្ដែកសៀង ដែលមានជាតិមេ និងគ្រាប់ធញ្ញជាតិ។ ប្រូបាយអូទិក បាតេរីមានជីវិត ឬផ្សិតនៅក្នុងអាហារ ដែលជួយធ្វើឱ្យមានតុល្យភាពសុខភាពពោះវៀនធំ និងពង្រឹងប្រព័ន្ធការពាររាងកាយ។ ការស្រាវជ្រាវបានបង្ហាញថា បុរស និងស្ត្រី ដែលញ៉ាំសណ្ដែកសៀង ដែលមានជាតិ ជាតិមេ ដូចជា មីស៊ុ (miso) និងតៅហ៊ូ កាត់បន្ថយអត្រាស្លាប់មុនអាយុ ១០ភាគរយ។
៣. ម៉ឺមឆៃថាវ ៖ ប្រភេទម៉ីម គឺជាអាហារ ដែលពេញនិយមបំផុតមួយ សម្រាប់អាហារបែបជប៉ុន ហើយវាផ្ដល់អត្ថប្រយោជន៍ជាច្រើនសម្រាប់សុខភាព។ ឆៃថាវ ត្រូវបានគេស្គាល់ថា អាចជាអាហារ ដែលជួយការពារជំងឺផ្ដាសាយ និងពង្រឹងប្រព័ន្ធភាពស៊ាំ។ ការស្រាវជ្រាវបង្ហាញថា ក្នុងម៉ីមឆៃថាវ មួយម៉ីមមានផ្ទុក ១២៤ភាគរយ នៃការទទួលទានវីតាមីន C ប្រចាំថ្ងៃ។
៤. សារាយសមុទ្រ ៖ សារាយសមុទ្រសម្បូរទៅដោយសារធាតុរ៉ែសំខាន់ៗដូចជា ជាតិដែក កាល់ស្យូម ហ្វូឡាត និងម៉ាញេស្យូម។ ការញ៉ាំវាជារៀងរាល់ថ្ងៃ ជួយបន្ថែមជាតិសរសៃទៅក្នុងរបបអាហារ ហើយការទទួលទាន់ជាតិសរសៃរគ្រប់គ្រាន់ អាចកាត់បន្ថយហានិភ័យជំងឺបេះដូង ជំងឺដាច់សរសៃឈាមខួរក្បាល ជំងឺលើសឈាម និងជំងឺទឹកនោមផ្អែមប្រភេទ ២ ។ លើសពីនេះ សារាយសមុទ្រក៏មានផ្ទុក សារធាតុប្រឆាំងអុកស៊ីតកម្ម ដូចជា fucoxanthin និង fucoidan ដែល ប្រឆាំងនឹងការរលាក ប្រឆាំងភាពចាស់ និងជំងឺមហារីក។
៥. ត្រី ៖ ជាមួយនឹងការញ៉ាំបន្លែ ជនជាតិជប៉ុន ក៏បញ្ចូលអាហារ ដែលមានជាតិប្រូតេអ៊ីន ទៅក្នុងរបបអាហាររបស់ខ្លួនផងដែរ។ ជាពិសេស ត្រីដែលមានជាតិខ្លាញ់ដូចជា ត្រីសាម៉ុន និងធូណា។ ខ្លាញ់ អូមេហ្គា ៣ នៅក្នុងត្រីអាចជួយកាត់បន្ថយសម្ពាធ បន្ថយទ្រីគ្លីសេរីត បន្ថយការរលាក៕
