ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងអប់រំ ស៊ុយអែត និង យូនីសេហ្វ រួមគ្នារកដំណោះស្រាយអប់រំដល់សិស្ស ដែលសាលារៀនកំពុងក្លាយ មណ្ឌលចត្តាឡីស័ក :
ភ្នំពេញ៖ ក្រសួងអប់រំ យុវជន និងកីឡា និងយូនីសេហ្វកំពុងធ្វើការរួមគ្នាដើម្បីឆ្លើយតបជាបន្ទាន់ទៅនឹងតម្រូវការសិក្សារបស់សិស្សានុសិស្សនៅខេត្តជាប់ព្រំដែនដែលសាលារៀនរបស់ពួកគេ កំពុងប្រើប្រាស់ជាមជ្ឈមណ្ឌលការពារជំងឺឆ្លងកូវីដ-19 ឬទីតាំងចត្តាឡីស័ក។ សកម្មភាពធ្វើការរួមគ្នានេះ ក្នុងគោលបំណងជួយឱ្យសិស្សទទួលបានឱកាសសិក្សា មិនបោះបង់ការសិក្សា ទោះបីសាលារៀនកំពុងជាប់រវល់ក្នុងបេសកម្មទប់ស្កាត់ការឆ្លងរីករាលដាលកូវីដ-19។
ចាប់តាំងពីបវេនកាលឆ្នាំសិក្សាថ្មីថ្ងៃទី11 ខែមករា រហូតមកដល់ពេលនេះ មានសាលាបឋមសិក្សាចំនួន13 អនុវិទ្យាល័យចំនួន 18 និងវិទ្យាល័យចំនួន19 នៅភាគពាយ័ព្យនៃខេត្តបាត់ដំបង ខេត្តបន្ទាយមានជ័យ និងឧត្តរមានជ័យ ពុំអាចបើកដំណើរបង្រៀនតាមធម្មតាឡើយ។ នេះជាបញ្ហាប្រឈមដែលសិស្សទាំងអស់ត្រូវការជំនួយសិក្សា។
ដើម្បីដោះស្រាយបញ្ហាប្រឈមនេះ យូនីសេហ្វដោយមានការគាំទ្រថវិកាពីប្រទេសស៊ុយអែត បានផ្តល់សៀវភៅសិក្សាថ្មីសម្រាប់បឋមសិក្សា អនុវិទ្យាល័យ និងវិទ្យាល័យចំនួន 50 គ្របដណ្តប់លើថ្នាក់ទី1 ដល់ទី 12 នៅក្នុងមុខវិជ្ជាសំខាន់ៗ។ សរុបសៀវភៅសិក្សាចំនួន 35,055 ក្បាល ត្រូវបាន ចែកចាយទៅតំបន់ភាគពាយព្យខេត្តដែលជួយនិស្សិតចំនួន 32,486 នាក់ដើម្បីបន្តការសិក្សារបស់ពួកគេ។
ឯកឧត្តមបណ្ឌិតសភាចារ្យ ហង់ជួនណារ៉ុន រដ្ឋមន្រ្តីក្រសួងអប់រំ យុវជន និងកីឡា មានប្រសាសន៍ថា
“យើងស្វាគមន៍ការគាំទ្របន្ថែមពីយូនីសេហ្វ និងស៊ុយអែតសម្រាប់សាលារៀននិងសិស្សនៅតាមខេត្តជាប់ព្រំដែន។ ទោះបីយើងកំពុងជួបប្រទះការលំបាកពីការឆ្លងរីករាលដាលជំងឺកូវីដ-19 ក៏ដោយ ក៏យើងត្រូវតែខិតខំប្រឹងប្រែងឱ្យអស់បីលទ្ធភាព ដើម្បីសិស្សានុសិស្សអាចបន្តការសិក្សាបាន និងធានាថាពួកគេមានសុវត្ថិភាពពីជំងឺនេះ”។
ឯកឧត្តមបណ្ឌិតសភាចារ្យ ហង់ជួនណារ៉ុន
ស្របគ្នានេះដែរ ឯកឧត្តម Björn Häggmark ឯកអគ្គរដ្ឋទូតស៊ុយអែតប្រចាំនៅកម្ពុជា បានលើកឡើងថា ជំងឺកូវីដ-19 នៅតែបន្តរំខានដល់ការសិក្សារបស់កុមាររាប់ពាន់នាក់នៅកម្ពុជា។ ប្រទេសស៊ុយអែត រីករាយជួយកុមារដែលរស់នៅក្នុងខេត្តរងផលប៉ះពាល់ផ្ទាល់ពីជំងឺរាតត្បាតកូវីដ-19 និងធានាថាពួកគេមានធនធានសិក្សាគ្រប់គ្រាន់ ដើម្បីបន្តការសិក្សា។
ចំណែកតំណាងអង្គការយូនីសេហ្វប្រចាំនៅកម្ពុជា លោកស្រី Foroogh Foyouzat បាននិយាយថា ស្ថានភាពនៃការរីករាលដាលជំងឺកូវីដ-19 ចាំបាច់ត្រូវឆ្លើយតបដល់តម្រូវការកុមារឱ្យសមនឹងកាលៈទេសៈ។
“កុមារគ្រប់រូបមានសិទ្ធិទទួលបានការអប់រំ ហើយភារកិច្ចរបស់អ្នកពាក់ព័ន្ធពេលនេះ ត្រូវរួមគ្នាដើម្បីបំពេញសិទ្ធិកុមារ។
លោកស្រីក៏បានបន្ថែមទៀតថា
“ខ្ញុំសូមលើកទឹកចិត្តដល់រាជរដ្ឋាភិបាលកម្ពុជា ឱ្យពិនិត្យនូវជម្រើសដទៃទៀតក្នុងការគាំទ្រដល់ការវិលត្រលប់ប្រកបដោយសុវត្ថិភាពរបស់កម្មករចំណាកស្រុក ដោយចាត់ទុកការប្រើប្រាស់សាលារៀនជាមជ្ឍមណ្ឌលចត្តាឡីស័ក គួរតែជាជម្រើសចុងក្រោយ ដើម្បីកាត់បន្ថយនូវផលប៉ះពាល់ចេញពីការបិទសាលារៀនទាំងនោះ”។
គួររំលឹកថា កន្លងទៅរាជរដ្ឋាភិបាលកម្ពុជា បានកំណត់យកសាលារៀននៅក្បែរព្រំដែនធ្វើជាមណ្ឌលចត្តាឡីស័កជាបន្តបន្ទាប់ បើទោះបីចំពេលវេលាបើកបវេសនកាលឆ្នាំសិក្សាថ្មីក៏ដោយ។ សាលារៀនជាច្រើនបានក្លាយជាមណ្ឌលចត្តាឡីស័ក មាននៅក្នុងខេត្តបាត់ដំបង បន្ទាយមានជ័យ និងឧត្ដរមានជ័យ ដែលមានពលករត្រលប់ពីប្រទេសថៃរាប់រយនាក់ក្នុងមួយថ្ងៃៗ៕
ជីវប្រវត្តិ: ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Education និង AMS Economy ។
របាយការណ៍សំខាន់
ព័ត៌មានទូទៅ
កម្មវិធីផ្លាស់ប្តូរការសិក្សា «ផែនការនិស្សិតឆ្នើម ទៅសិក្សានៅបរទេសរាប់ពាន់នាក់» លើកទី៣ នឹងជួយផ្សព្វផ្សាយវប្បធម៌ ទេសចរណ៍ របស់កម្ពុជា តាមរយៈនិស្សិតចិន
បាក់ឌុបនាពេលអនាគត អាចតម្រូវឱ្យប្រឡងភាសាបរទេសជាមុខវិជ្ជាកាតព្វកិច្ច ខណៈអ្នកជំនាញគាំទ្រការលើកកម្ពស់ជំនាញភាសាសម្រាប់ទីផ្សារការងារ
អវត្តមានសិស្សខ្ពស់ និងលទ្ធផលប្រឡងទាប ៖ ក្រសួងអប់រំដាក់ផែនការកែទម្រង់វិទ្យាល័យទួលប្រាសាទសែនសុខជាបន្ទាន់
របត់ថ្មី! សិស្សជានារី រៀនជំនាញជួសជុលរថយន្តកាន់តែច្រើន ព្រោះឃើញឱកាសការងារ និងប្រាក់ចំណូលសមរម្យ
ស្ថាប័ន OECD ព្រមានពីសិស្សអវត្តមានច្រើនកំពុងក្លាយជាបញ្ហាប្រឈមធំក្នុងប្រព័ន្ធអប់រំសកល
គ្មានអ្វីយឺតពេលឡើយ! អ្នកសម្អាតជនជាតិចិនម្នាក់ ប្រឡងជាប់ថ្នាក់អនុបណ្ឌិត ក្រោយសិក្សាដោយខ្លួនឯង១ឆ្នាំ
អាហារូបករណ៍ពេញលេញ ពីសាកលវិទ្យាល័យ Deakin University អូស្ត្រាលី សម្រាប់ឆ្នាំ២០២៧
អ្នកជំនាញ ៖ កម្ពុជាចាប់ផ្ដើមស្គាល់ AI កាន់តែច្រើន ប៉ុន្តែកម្រិតប្រើប្រាស់នៅមិនទាន់ឈានដល់ដំណាក់កាលបម្លែងអាជីវកម្ម
មនុស្សពេញវ័យធ្វើការនៅកម្ពុជា នឹងកើនឡើងខ្លាំង នៅរយៈពេល១៧ឆ្នាំខាងមុខនេះ
អង្គការកុមារកម្ពុជារីករាយ វិនិយោគជាង ១៧,៣ លានដុល្លារ គាំទ្រសាលារៀន ១៨១កន្លែង លើកកម្ពស់គុណភាពអប់រំសម្រាប់កុមារក្រីក្រ និងងាយរងគ្រោះ
កម្មវិធីពិសេសរបស់ AMS EDUCATION
ព័ត៌មានសង្ខេប
