ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – បញ្ហាបរិស្ថាន គឺជាបញ្ហាដ៏សំខាន់បំផុតមួយដែលបាននឹងកំពុងជះឥទ្ធិពលដល់ជីវភាពរស់នៅប្រចាំថ្ងៃក៏ដូចជាសុខុមាលភាពរបស់ប្រជាពលរដ្ឋ ដោយគ្របដណ្ដប់លើស្ទើរតែគ្រប់ផ្នែកនៅក្នុងសង្គម និងសេដ្ឋកិច្ចទាំងមូល។ ទន្ទឹមគ្នានេះ បញ្ហាបរិស្ថានដែលកំពុងកើតមាននៅលើភពផែនដីបានជំរុញឱ្យពិភពលោកទាំងមូលចាប់អារម្មណ៍ចំពោះការប្រែប្រួលប្រព័ន្ធ អេកូឡូស៊ី ដូចជា ការប្រែប្រួលអាកាសធាតុ, ការកើនកំដៅភពផែនដី, ការធ្លុះធ្លាយស្រទាប់អូហ្សូន ការកើនឡើងនូវភ្លើងឆេះព្រៃ ការរលាយទឹកកក គុណភាពខ្យល់ធ្លាក់ចុះ គុណភាពទឹកធ្លាក់ចុះ កង្វះខាតទឹកសាបសម្រាប់ប្រើប្រាស់ និងការបាត់បង់នូវជីវៈចម្រុះផ្សេងៗទៀតជាដើម។
យ៉ាងណាក៏ដោយ បើតាមមជ្ឈមណ្ឌលកម្ពុជា ៤.០ បច្ចេកវិទ្យាបានដើរតួនាទីសំខាន់ផងដែរ ក្នុងការចូលរួមអភិរក្ស និងកិច្ចគាំពារបរិស្ថាន ដូចជា៖
១. ការប្រើប្រាស់បច្ចេកវិទ្យាសម្រាប់ការគ្រប់គ្រងសំណល់ ៖ កាកសំណល់ ត្រូវបានបញ្ចេញចោលពីលំនៅឋាន រោងចក្រ និងសហគ្រាសតូចធំ រាប់ពាន់តោនជារៀងរាល់ថ្ងៃ។ សំណល់នៅតាមទីក្រុង ទីប្រជុំជន មានច្រើនប្រភេទ ដូចជា សំណល់រាវ សំណល់រឹង (រួមទាំងសំណល់សរីរាង្គ សំណល់កែច្នៃឡើងវិញបាន)ជាដើម។ យ៉ាងណាមិញ ជាមួយការប្រើប្រាស់បច្ចេកវិទ្យាដែលរីកចម្រើនយ៉ាងឆាប់រហ័ស ការគ្រប់គ្រងសំណល់រឹង រាវ នៅក្នុងទីក្រុង ក៏កាន់តែឆ្លាតវៃជាងមុន និងកាន់តែមានប្រសិទ្ធភាព ចូលរួមទប់ស្កាត់ផលប៉ះពាល់ពីសំណល់ទៅលើបរិស្ថាន។
ឧទាហរណ៍ ប្រសិនបើកាកសំណល់រាវ ភាគច្រើនផ្ទុកនូវជាតិពុល និងក្លិនអាក្រក់ ត្រូវចាក់ចូលទៅក្នុងបឹង ឬទន្លេ អាចបំផ្លាញនូវជីវចម្រុះក្រោមទឹកនៅក្នុងបឹង ស្ទឹង ឬទន្លេនោះ។ ដើម្បីដោះស្រាយបញ្ហានេះ គេបានប្រើប្រាស់បច្ចេកវិទ្យាមួយចំនួនដូចជា ការប្រើប្រាស់អាងប្រព្រឹត្តកម្មទឹកកខ្វក់ (Mechancal Biological Wastewater Treatment) ដើម្បីចម្រាញ់ និងសំអាតនូវជាតិពុលចេញពីទឹកកខ្វក់ទាំងនោះជាមុនសិនមុននឹងបង្ហូរចូលប្រភពទឹកធម្មជាតិដូចជា បឹង ស្ទឹង និងទន្លេជាដើម។
២. ការប្រើប្រាស់បច្ចេកវិទ្យាសម្រាប់ការការពារសត្វព្រៃ ៖ សត្វព្រៃមួយចំនួនគឺជាសត្វកម្រដែលកំពុងរងការគំរាមកំហែង និងខ្លះស្ទើរតែជិតផុតពូជទៅហើយ ដោយសារការបរបាញ់ខុសច្បាប់ និងគ្រោះធម្មជាតិ ដូចជា ទឹកជំនន់ ភ្លើងឆេះព្រៃ ជាដើម។ បច្ចុប្បន្ន បច្ចេកវិទ្យាត្រូវបានគេប្រើយ៉ាងទូលំទូលាយក្នុងការជួយសង្គ្រោះ ក៏ដូចជាការអភិរក្សសត្វព្រៃផងដែរ។ ជាក់ស្ដែង តាមរយៈបច្ចេកវិទ្យា loTs និង Al យើងអាចតាមដានសកម្មភាពរបស់សត្វព្រៃហើយសិក្សាអំពីការរស់នៅរបស់ពួកគេ។
ជាក់ស្ដែង ការបំពាក់កាមេរ៉ាជាបច្ចេកវិទ្យា Al និង Sensor អាចកំណត់រូបភាពសត្វព្រៃ រួចចាប់យកសកម្មភាពរបស់ពួកគេ ដូចជាការផ្លាស់ទីជម្រក និងប្រភពចំណីអាហារ ជាដើម ដោយការដាក់កាមេរ៉ានៅតាមតំបន់ការពារ។ ម្យ៉ាងទៀត តាមរយៈប្រព័ន្ធកាមេរ៉ា AI នេះ យើងអាចគ្រប់គ្រងហានិភ័យ និងស្វែងរកប្រភពនៃការគំរាមកំហែងចំពោះសត្វព្រៃទាំងនោះ ដូចជា ការដាក់អន្ទាក់ ការបរបាញ់សត្វខុសច្បាប់ និងបញ្ហាមួយចំនួនទៀតបានយ៉ាងប្រសើរ។ គេអាចតាមដានសត្វដែលកម្រ ឬជិតផុតពូជ តាមរយៈ ការភ្ជាប់ GPS ទៅនឹងខ្លួនរបស់ពួកវា ឬការបង្ហោះដ្រូនសម្រាប់ត្រួតពិនិត្យពីលើអាកាស និងការបង្កប់នូវឧបករណ៍ចាប់សំឡេង ឬសំឡេងរំខាននានាដើម្បីបង្ការនូវគ្រោះថ្នាក់ពីគ្រោះធម្មជាតិ។
៣. ការប្រើប្រាស់បច្ចេកវិទ្យាសម្រាប់កាត់បន្ថយការបំពុលខ្យល់ និងទឹកស្អាត៖ បញ្ហាផ្សែងពុលក៏ជាបញ្ហាប្រឈមមួយដល់បរិស្ថានផងដែរ ព្រោះវាបង្កឱ្យកើតជាជំងឺហឺត ហើយករណីធ្ងន់ធ្ងរអាចឈានដល់ជំងឺមហារីកសួតជាដើម។ ដូច្នេះដើម្បីបង្ការផលប៉ះពាល់នៃផ្សែងពុល យើងអាចប្រើប្រាស់បច្ចេកវិទ្យា ioTs និង Al ដែលអាចកាត់បន្ថយផ្សែងពុលនៅពេលវេលាជាក់ស្តែងតែម្ដង។ ប្រព័ន្ធ Smart Sensor អាចកំណត់ប្រភពនៃផ្សែងពុលដែលលេចចេញមក វាស់ពីកម្រិតបរិសុទ្ធ នៃខ្យល់ យើងនឹងផ្ដល់សញ្ញាយ៉ាងឆាប់រហ័ស និងច្បាស់លាស់ដល់អ្នករស់នៅក្នុងទីតាំងជាក់ស្ដែងនោះ។ លើសពីនេះ ទៀត បច្ចេកវិទ្យា AI ត្រូវបានប្រើប្រាស់នៅក្នុងប្រព័ន្ធគ្រប់គ្រងចរាចរណ៍នៅក្នុងទីក្រុង សម្រួលមិនឱ្យរថយន្តកកស្ទះយូរ ដើម្បីកាត់បន្ថយផលប៉ះពាល់ដល់ខ្យល់អាកាស និងបរិស្ថាន។
ដូចគ្នានេះដែរ យើងអាចប្រើប្រាស់ loTs និង Al ដើម្បីពង្រឹងការគ្រប់គ្រងគុណភាពទឹកស្អាត ដោយធ្វើការវាស់ពីស្ថានភាពទឹក គុណភាពទឹក សីតុណ្ហភាពទឹក និងសិក្សាអំពីស្ថានភាពជីវៈចម្រុះនៅក្នុងទឹក ព្រមទាំងអាចស្វែងរកប្រភពនៃការបំពុលនៅពេលវេលាជាក់ស្តែងដូចជា ការធ្លុះធ្លាយសារជាតិគីមីចូលក្នុងប្រភពទឹកស្អាតជាដើម។
៤. ការប្រើប្រាស់បច្ចេកវិទ្យាសម្រាប់កាត់បន្ថយការប្រែប្រួលអាកាសធាតុ និងការអភិវឌ្ឍបច្ចេកវិទ្យាថាមពលកកើតឡើងវិញ ៖ ការប្រើប្រាស់ថាមពលអគ្គិសនីប្រកបដោយចីរភាពតាមរយៈការបំប្លែងថាមពលចេញពីកម្ដៅពន្លឺព្រះអាទិត្យ ខ្យល់ និងលំហូរទឹកជាដើម បានចូលរួមសង្គ្រោះបរិស្ថានយ៉ាងធំធេង និងប្រសើរជាងការប្រើប្រាស់ថាមពលមិនកើតឡើងវិញនៃឥន្ធនៈផូសីល ដូចជា ធ្យូងថ្ម ប្រេង និងឧស្ម័នធម្មជាតិជាដើម។ ជាការពិតការប្រែប្រួលអាកាសធាតុ ក៏ដូចជាការកើនឡើងកម្ដៅនៃភពផែនដីគឺជាក្ដីកង្វល់ដ៏ធំមួយរបស់ពិភពលោកទាំងមូល។ ជាដំណោះស្រាយតម្រូវឱ្យមានការកាត់បន្ថយការបញ្ចេញឧស្ម័នបំពុលបរិយាកាស ដោយអាចប្រើបច្ចេកវិទ្យាថ្មីៗជាជំនួយដូចជា Solar Panels, Wind Turbines, Power-to-X, Direct Air Capture (DAC) Technology, BioSolar Leat, Electric Car និងSmart City ។
៥. បច្ចេកវិទ្យាសម្រាប់ជួយដល់ការសន្សំសំចៃការប្រើប្រាស់ថាមពល៖ ក្រៅពីបានជួយបង្កើតនូវថាមពលកកើតឡើងវិញបច្ចេកវិទ្យាក៏បានចូលរួមចំណែកដល់ការសន្សំសំចៃនូវការប្រើប្រាស់ថាមពលផងដែរ តួយ៉ាងតាមរយៈការប្រើប្រាស់ Sensor និង loT ជាដើម។ ក្នុងនោះ បច្ចេកវិទ្យាដែលបានប្រើប្រាស់ដើម្បីជួយសន្សំសំចៃថាមពលដូចជា Smart Light Rain, Sensors និងSoil Moisture Sensors។
៦. ការរួមចំណែករបស់បច្ចេកវិទ្យាបៃតងចំពោះបរិស្ថាន ៖ បច្ចេកវិទ្យាបៃតងសំដៅដល់ប្រភេទបច្ចេកវិទ្យាដែលមានដំណើរការផលិតកម្ម ឬខ្សែច្រវាក់ផ្គត់ផ្គង់ផលិតផលរបស់ខ្លួន ដោយមិនផ្តល់ផលប៉ះពាល់ ឬមានផលប៉ះពាល់តិចតួចបំផុតចំពោះបរិស្ថាន។ លើសពីនេះទៀត បច្ចេកវិទ្យាបៃតងគឺសំដៅដល់ការប្រើប្រាស់បច្ចេកវិទ្យា និងវិទ្យាសាស្ត្រនៅក្នុងផលិតកម្ម ដែលនឹងធ្វើឱ្យផលិតផលកាន់តែមានការគិតគូរពីបរិស្ថាន ដោយចូលរួមពង្រឹងដំណើរការអាជីវកម្ម, កាត់បន្ថយថ្លៃដើម , សន្សំសំចៃការប្រើប្រាស់ថាមពល, កាត់បន្ថយសំណល់សំរាម និងផលប៉ះពាល់អវិជ្ជមានផ្សេងៗទៀតទៅលើបរិស្ថាន។ ក្នុងនោះ បច្ចេកវិទ្យាបៃតងមួយចំនួនដែលកំពុងប្រើប្រាស់នៅលើពិភពលោករួមមាន Machine Learning, រថយន្តអគ្គិសនី, ឧបករណ៍ឌីជីថល, បច្ចេកវិទ្យាទម្រង់សេដ្ឋកិច្ចចែករំលែក, Sunlight Transport, Plastic Roads, Solar Flower, Milk Textiles និង Plant-based packaging៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
សាកលវិទ្យាល័យបូណាម៉ារី ផ្តល់អាហារូបករណ៍១០០% សម្រាប់ថ្នាក់បរិញ្ញាបត្រ ដល់កូនៗរបស់វីរកងទ័ពពលី និងពិការ
ព័ត៌មានអាហារូបករណ៍, ព្រឹត្តិការណ៍
• 22/08/2025
ដើម្បីចូលរួមចំណែកជាមួយរាជរដ្ឋាភិបាលកម្ពុជាក្នុងការអភិវឌ្ឍធនធានមនុស្ស និងដើម្បីចូលរួមសម្រាលបន្ទុកហិរញ្ញវត្ថុក្នុងគ្រួសារវីរកងទ័ព សាកលវិទ្យាល័យបូណាម៉ារី (BMU) បានប្រកាសថា សាកលវិទ្យាល័យនឹងផ្តល់អាហារូបករណ៍ ១០០%
អាហារូបករណ៍កន្លែងស្នាក់នៅឥតគិតថ្លៃ សម្រាប់សិស្ស-និស្សិតមកពីតាមបណ្តាខេត្ត
ព័ត៌មានអាហារូបករណ៍, ព្រឹត្តិការណ៍
• 06/08/2026
អង្គការពន្លកយុវជនដើម្បីអភិវឌ្ឍន៍ (YAD) បានប្រកាសជូនដំណឹងជាផ្លូវការអំពីការផ្តល់អាហារូបករណ៍កន្លែងស្នាក់នៅបន្ថែមទៀតដោយឥតគិតថ្លៃ ជូនដល់សិស្ស និងនិស្សិតមកពីតាមបណ្តាខេត្តនានា
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ជំនាញវិស្វកម្មនុយក្លេអ៊ែរពីរដ្ឋាភិបាលចិន
ព័ត៌មានអាហារូបករណ៍, ព្រឹត្តិការណ៍
• 25/04/2025
កម្មវិធីអាហារូបករណ៍រដ្ឋាភិបាលចិនប្រភេទ B ឬ CSC Type B បើកជ្រើសរើស សិស្ស និស្សិតសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ នៅសាកលវិទ្យាល័យវិស្វកម្ម Habin សម្រាប់ឆ្នាំសិក្សា២០២៥។ អាហារូបករណ៍ផ្តល់ជូន សិស្ស...
វិទ្យាស្ថានពហុបច្ចេកទេសភូមិភាគតេជោសែនតាកែវ ជ្រើសរើសយុវជនចូលរៀនជំនាញបច្ចេកទេស និងវិជ្ជាជីវៈ១ ចំនួនជាង១ពាន់នាក់
ព័ត៌មានអាហារូបករណ៍, ព្រឹត្តិការណ៍
• 21/02/2025
វិទ្យាស្ថានពហុបច្ចេកទេសភូមិភាគតេជោសែនតាកែវ បានប្រកាសពីការជ្រើសរើសយុវជនឱ្យចូលរៀនជំនាញបច្ចេកទេស និងវិជ្ជាជីវៈ១ ក្រោមគ្រោងកម្មវិធី ១,៥លាននាក់របស់រាជរដ្ឋាភិបាល រហូតដល់ទៅចំនួន ១៦៨០នាក់ ក្នុងឆ្នាំ២០២៥នេះ។
វិទ្យាស្ថានបច្ចេកទេសឧស្សាហកម្ម ផ្តល់អាហារូបករណ៍ជាង៣ពាន់កន្លែង សម្រាប់ការសិក្សាជំនាញបច្ចេកទេស និងវិជ្ជាជីវៈ
ព័ត៌មានអាហារូបករណ៍, ព្រឹត្តិការណ៍
• 30/10/2023
វិទ្យាស្ថានបច្ចេកទេសឧស្សាហកម្ម (ITI) បានប្រកាសជ្រើសរើសសិស្ស និស្សិតទាំងពីរភេទឱ្យចូលរៀនជំនាញបច្ចេកទេស និងវិជ្ជាជីវៈ ថ្នាក់អាហារូបករណ៍ចំនួន ៣៤៨៥នាក់។
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាធារណរដ្ឋប្រជាមានិតចិន ក្រោមកម្មវិធី MOFCOM
ព័ត៌មានអាហារូបករណ៍, ព្រឹត្តិការណ៍
• 06/05/2024
សម្រាប់ឆ្នាំ២០២៤នេះ កម្មវិធីអាហារូបករណ៍ MOFCOM នៃសាធារណរដ្ឋប្រជាមានិតចិន បានផ្តល់អាហារូបករណ៍ជាច្រើនកន្លែងសម្រាប់ថ្នាក់បរិញ្ញាបត្រជាន់ខ្ពស់ សិក្សារយៈពេល១-២ឆ្នាំ និងថ្នាក់បណ្ឌិត សិក្សារយៈពេល៣ឆ្នាំ...
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Hubei ប្រទេសចិន
ព័ត៌មានអាហារូបករណ៍, ព្រឹត្តិការណ៍
• 29/12/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីអាហារូបករណ៍រដ្ឋាភិបាលចិននៅសាកលវិទ្យាល័យ Hubei ឆ្នាំសិក្សា២០២៤។ ...
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីកម្មវិធី Melbourne Graduate Research
ព័ត៌មានអាហារូបករណ៍, ព្រឹត្តិការណ៍
• 11/07/2024
ឱកាសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Melbourne ពីកម្មវិធី Melbourne Graduate ...
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Western Australia ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 23/06/2025
ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Western Australia សម្រាប់ឆ្នាំសិក្សា២០២៥-២០២៦។ អាហារូបករណ៍សិក្សាជាប្រភេទអាហារូបករណ៍ ពេញលេញសម្រាប់និស្សិតអន្តរជាតិ ដែលជាបេក្ខជនជ័យលាភីអាហារូបករណ៍។
កម្មវិធីពិសេសរបស់ AMS EDUCATION
ព័ត៌មានសង្ខេប
