ភ្នំពេញ – និន្នាការនៃការអប់រំ គឺជាវិធីសាស្រ្តបង្រៀន និងរៀនដែលមានប្រសិទ្ធភាពខ្ពស់ និងនាំមកនូវគុណតម្លៃដ៏អស្ចារ្យដល់មនុស្ស ។ មកដល់បច្ចុប្បន្ន​និន្នាការ​ នៃការ​អប់រំ​បាន​វិវឌ្ឍជាបន្តបន្ទាប់ ហើយ​ខាងក្រោមនេះ គឺជានិន្នាការ (Trend) ពេញនិយមទាំង១០ ដែល​គេ​អនុវត្ត​ក្នុងវិស័យអប់រំ ៖

ទី១. ការរៀនតាមប្រព័ន្ធអនឡាញ (Online Learning) ៖ ការចាប់ផ្តើមនិន្នាការ (Trend) ដ៏ពេញនិយមនៅក្នុងតារាងអប់រំសព្វថ្ងៃ គឺការរៀនសូត្រតាមប្រព័ន្ធអនឡាញ ។ ដោយសារផលប៉ះពាល់នៃការឆ្លងរីករាលដាលនៃជំងឺកូវីដ១៩ កុមារប្រមាណជាង ១,២ ពាន់លាននាក់មិនបានចូលរៀនក្នុងសាលាជុំវិញសកលលោក។ ក្នុងកំឡុងពេលដ៏ពិបាកនេះ គ្រូបង្រៀននិងសិស្ស មិនអាចចូលរួមថ្នាក់រៀនទល់មុខគ្នាបាននោះទេ ។ ដូច្នេះ ថ្នាក់រៀនបែបប្រពៃណីជាច្រើនប្រែក្លាយទៅជាថ្នាក់រៀនអនឡាញ ។ ហើយការរៀនសូត្រតាមអ៊ីនធឺណេតហាក់ដូចជាវិធីដែលមានប្រសិទ្ធភាពបំផុត ដើម្បីបន្ត និងធានានូវគុណភាពអប់រំ។

ទី២. ការរៀនពីចម្ងាយ (Distance Learning) ៖ នៅក្នុងចំណោមនិន្នាការអប់រំជាសកល ការរៀនពីចម្ងាយមិនអាចហួសសម័យនោះឡើយ ។ ដំបូងមនុស្សមួយចំនួនប្រហែលជាគិតថា ការរៀនពីចម្ងាយស្រដៀងគ្នាទៅនឹងការរៀនតាមប្រព័ន្ធអនឡាញ ។ ទោះជាយ៉ាងនេះក្ដី និន្នាការទំនើប (Trend) ទាំងនេះមិនដូចគ្នានោះទេ។ ការរៀនសូត្រពីចម្ងាយអ្នករៀនអាចទទួលបានវគ្គសិក្សាមួយដោយមិនចាំបាច់នៅក្នុងថ្នាក់ ហើយអាចរៀននៅទីណាក៏បាន។

ទី៣. ការរៀនបែបចម្រុះ (Blended Learning) ៖ ចាប់តាំងពីមានការលូតលាស់នៃបច្ចេកវិទ្យា ការរៀនតាមបែបចម្រុះគឺមិនចាកចេញពីតារាងនិន្នាការអប់រំនោះទេ។ ជាមួយវិធីសាស្រ្តសិក្សានេះ សិស្សអាចប្រើវិធីសាស្រ្តរៀនដោយផ្ទាល់នៅក្នុងថ្នាក់ជាមួយគ្រូ ហើយសិស្សអាចត្រឡប់មកស្រាវជ្រាវតាមប្រព័ន្ធអ៊ីនធឺណិតបន្ថែម។ ទន្ទឹមគ្នានេះ គ្រូបង្រៀនដើរតួនាទីជាអ្នកណែនាំដើម្បីតម្រង់ទិសសិស្ស ។ និន្នាការទំនើបនេះ មិនត្រឹមតែបង្កើនបទពិសោធន៍រៀនសូត្ររបស់សិស្សប៉ុណ្ណោះទេ ប៉ុន្តែថែមទាំងបង្កើនការជំរុញការរៀនសូត្ររបស់សិស្សផងដែរ។

ទី៤. ការរៀនសូត្រពីផ្លូវចិត្តសង្គម (Social-emotional Learning) ៖ សាលារៀនរីករាយ គ្រូបង្រៀនសប្បាយចិត្ត សិស្សចង់រៀន ទាំងអស់នេះជារឿងដែលយើងចង់សម្រេចបាន ដើម្បី​ឱ្យ​កាន់តែមានអ្នករៀន កាន់តែសប្បាយ សង្គមកាន់តែរីកចម្រើន ។ ទោះជាយ៉ាងណាក៏ដោយ ការពិតនេះបង្ហាញពីបញ្ហាសុខភាពផ្លូវចិត្តជាច្រើនដែលសិស្សត្រូវតែដោះស្រាយក្នុងជីវិតសម័យទំនើប ។ លើសពីនេះ ទាមទារឱ្យមានការរៀនសូត្រពីផ្លូវចិត្តសង្គម នឹងនាំឱ្យមានការប្រាស្រ័យទាក់ទង សង្គមរបស់សិស្សមានទំនាក់ទំនងល្អ និងការសម្រេចចិត្តបានច្បាស់លាស់។

ទី៥. ការអប់រំតាមផ្ទះ (Homeschooling) ៖ ការអប់រំតាមផ្ទះ ក្លាយជានិន្នាការដ៏ពេញនិយមមួយក្នុងប៉ុន្មានឆ្នាំថ្មីៗនេះ, ការអប់រំតាមផ្ទះនេះ ឪពុកម្ដាយជាអ្នក​បង្រៀនកូនរបស់ខ្លួននៅផ្ទះជាជាងបញ្ជូនកូនទៅសាលារដ្ឋ ឬឯកជន ។ អប់រំប្រភេទនេះ ឪពុកម្ដាយក៏ក្លាយជាគ្រូផងដែរ ដោយអាចបង្កើតបរិយាកាសកន្លែងបង្រៀនកូននៅផ្ទះដូចជាវិធីសាស្ត្របង្រៀននៅសាលារៀនសមរម្យមួយសម្រាប់កូនរបស់ខ្លួនផងដែរ ។

ទី៦. ការរៀនតាមទូរស័ព្ទដៃ (Mobile Learning) ៖ ទូរស័ព្ទដៃជាឧបករណ៍ចល័តដ៏សំខាន់មួយនៃជីវិតប្រចាំថ្ងៃរបស់យើងជាក់ស្តែង ដូចជាស្មាតហ្វូន ថេប្លេត កុំព្យូទ័រយួរដៃ។ល។ ការរៀនតាមទូរស័ព្ទដៃ អាចធ្វើឱ្យជីវិតរបស់យើងងាយស្រួល និងជាវិធីដ៏ល្អបំផុតមួយដើម្បីជួយមនុស្សតាមទាន់ពិភពលោកដែលកំពុងផ្លាស់ប្ដូរជារៀងរហូត ។ នេះជាមូលហេតុដែលការរៀនតាមទូរស័ព្ទដៃតែងតែមានជំហរល្អនៅក្នុងនិន្នាការកំពូលក្នុងការអប់រំ។

ទី៧. ការរៀនសូត្រផ្ទាល់ខ្លួន (Personalized Learning) ៖ តាមពិតការរៀនសូត្រផ្ទាល់ខ្លួនមិនមែនជារឿងថ្មីទេ ប៉ុន្តែវាតែងតែជានិន្នាការដ៏គួរឱ្យកត់សម្គាល់មួយ ក្នុងការអប់រំ ។ ការរៀនសូត្រផ្ទាល់ខ្លួន ផ្ដល់ឱកាសដល់សិស្សដើម្បីបញ្ចេញយោបល់ និងជម្រើសរបស់ពួកគេ ។ ទន្ទឹមគ្នានេះ សិស្សអាចរីករាយក្នុងការរៀនសូត្រតាមល្បឿនរបស់ពួកគេផ្ទាល់ ។

ទី៨. ការសិក្សាបែបគម្រោង (Project-based Learning) ៖ ការសិក្សាបែបគម្រោង ជាវិធីសាស្រ្ដនៃការអប់រំមួយដែលផ្ដល់នូវការលើកទឹកចិត្តសិស្សានុសិស្សក្នុងការដោះស្រាយបញ្ហា និងសកម្មភាពនៃការស្រាវជ្រាវដើម្បីទទួលបាននូវចំណេះដឹងជ្រៅជ្រះ ជំនាញ ព្រមទាំងបទពិសោធន៍ខ្ពស់។ វាជាការផ្ដល់ឱកាសឱ្យសិស្សដើម្បីស្វែងយល់ពីកត្តាប្រឈម និងបញ្ហាសង្គមជាក់ស្ដែងនៅខាងក្រៅថ្នាក់រៀនដែលនឹងផ្ដល់ផលមកវិញនូវលទ្ធផលជាក់ស្ដែង ដំណោះស្រាយ ឬសមិទ្ធិផលផ្សេងៗទៀត។

ទី៩. ចំណេះដឹងនៃការលេងហ្គេម (Gamification) ៖ មានមនុស្សជាច្រើនច្របូកច្របល់អំពីនិន្នាការបច្ចុប្បន្នជាមួយនឹងការលេងហ្គេម ។ ជាមូលដ្ឋានចំណេះដឹងនៃការលេងហ្គេម (Gamification) សំដៅទៅលើការអនុវត្តមេកានិច និងទ្រឹស្តីនៃល្បែងទៅនឹង​បរិបទដែលមិនមែនជាល្បែងស៊ីសង ។ ពេលរួមបញ្ចូលការផ្គុំរូបក្នុងការបង្រៀន និងការរៀនសូត្រសិស្សនឹងត្រូវបានបំផុសគំនិត និងជំរុញឱ្យបំពេញកិច្ចការរបស់ខ្លួន ។ នេះមិនមែនជានិន្នាការអប់រំថ្មីទេប៉ុន្តែមានចំណុចសំខាន់ក្នុងការអប់រំ ។

ទី១០. ការរៀនតាមខ្នាតខាំ (Bite-sized Learning or Microlearning) ៖ Microlearning គឺជាយុទ្ធសាស្ត្របង្រៀនដែលប្រើផ្នែកខ្លីៗនៃខ្លឹមសាររួមផ្សំជាមួយនឹងសកម្មភាពខ្លីៗ ។ វាត្រូវបានគេហៅផងដែរថា ការរៀនតាមខ្នាតខាំ ព្រោះវាប្រើប្រាស់ផ្នែកតូចៗ ឬសកម្មភាពដែលបានគ្រោងទុកយ៉ាងល្អ។ ជាឧទាហរណ៍ ការសិក្សាមួយដោយ Giurgiu (2017) បានរកឃើញថា ផ្នែកតូចៗនៃខ្លឹមសារបានជួយសិស្សឱ្យរក្សាព័ត៌មានបានប្រសើរជាងមុន និងអនុវត្តបានប្រសើរជាងមុននៅក្នុងការធ្វើតេស្តបញ្ចប់វគ្គសិក្សា៕