ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ ថ្មីៗនេះលោក សុខ ចាន់ផល ទើបតែបោះពុម្ភផ្សាយស្នាដៃប្រលោមលោកថ្មីរឿង “លម្អងដួងចិត្ត” ដែលនិយាយអំពីការស្វែងរកខ្លួនឯង និងក្ដីស្រមៃជាគោលដៅនៃការបង្ហាញក្ដីស្រលាញ់ ។ អ្នកនិពន្ធរូបនេះ បញ្ជាក់ពីក្ដីស្រមៃរបស់ខ្លួនឯងផ្ទាល់តាមរយៈស្នាដៃប្រលោមលោកនឹងអាចចូលរួមជួយមនុស្សនៅជុំវិញខ្លួនឱ្យសម្រេចបានក្ដីស្រមៃរបស់ពួកគេ ។ ស្នាដៃនិពន្ធថ្មីនេះ មានរូបារម្មណ៍សិល្បៈទាក់ចិត្តអ្នកអានឱ្យចូលតួតាមសាច់រឿង ដោយសារវាជាប្រលោមលោកផ្អែកលើបទពិសោធន៍អ្នកនិពន្ធផ្ទាល់ ។
លោក សុខ ចាន់ផល បានលើកឡើងថា មូលហេតុចម្បងដែលធ្វើឱ្យលោកតែងរឿងនេះឡើង គឺចង់បង្ហាញថា នៅទីណាមិនសំខាន់ យើងក៏នៅតែអាចធ្វើកិច្ចការដ៏សំខាន់ ដើម្បីកសាងពិភពលោកឱ្យកាន់តែស្រស់បំព្រង ពោលគឺតួអង្គក្នុងរឿងស្រាប់តែរកឃើញនូវក្ដីស្រមៃរបស់ខ្លួននៅក្នុងព្រៃ ។
“ប្រលោមលោកនេះផ្អែកលើបទពិសោធន៍ខ្ញុំផ្ទាល់ ពីព្រោះខ្ញុំជាមនុស្សម្នាក់តែងតែស្វែងរកខ្លួនឯងជានិច្ច ! ជាក់ស្ដែងមនុស្សគ្រប់គ្នាសុទ្ធតែមានក្ដីស្រមៃ ដូច្នេះបើម្នាក់ៗដណ្ដើមតែក្តីស្រមៃរៀងៗខ្លួនបែបនេះ មនុស្សគ្រប់គ្នាគឺដូចតែគ្នាប៉ុណ្ណោះ ។ ប៉ុន្តែនៅពេលដែលយើងឈប់សម្លឹងមើលអ្នកដទៃ ហើយប្ដូរការគិតមកជួយសម្រេចក្ដីស្រមៃរបស់ពួកគេ ក៏ខ្ញុំចាប់ផ្ដើមសប្បាយចិត្តជាង… »
លោក សុខ ចាន់ផល
អ្នកនិពន្ធដែលមានបទពិសោធន៍ជាច្រើនឆ្នាំរូបនេះ បានបន្តថា សាច់រឿងមួយនេះបានបង្ហាញអំពីទឹកចិត្តមេត្តារបស់គ្រូបង្រៀន ដែលមានក្ដីស្រលាញ់ដ៏បរិសុទ្ធ ហ៊ានលះបង់ពេលវេលាផ្ទាល់ខ្លួន មករួមសុខទុក្ខ សើចយំ ជាមួយនឹងក្មេងៗព្រៃភ្នំដ៏អភ័ព្វ ប៉ុន្តែគាត់ចង់ប្រាប់មិត្តអ្នកអានថា គាត់កំពុងតែទទួលភាពស្កប់ស្កល់ និងរកឃើញនូវបុព្វហេតុជីវិត ដើម្បីរស់ជាមនុស្សម្នាក់ ។
លោក សុខ ចាន់ផល និយាយថា មនុស្សចេះតែមិនព្រមទទួលយកអ្វីដែលខ្លួនមាន ហើយក្ដីស្រមៃហាក់ចេះតែមិនទាន់មកដល់ ។ បើគង់តែរស់នៅដដែល ហេតុអ្វីមិនព្រមរស់នៅដោយមានក្ដីសុខនៅក្នុងពេលនេះតែម្ដងទៅ? លោកបានបញ្ជាក់ថា ក្ដីស្រមៃត្រូវតែមានប្រយោជន៍ ជាជាងគ្រាន់តែដើម្បីផ្គាប់អារម្មណ៍ខ្លួនឯង ។
អ្នកនិពន្ធដែលមានដើមកំណើតនៅខេត្តកំពង់ចាមរូបនេះ បានបន្ថែមថា ប្រលោមលោកនេះដំបូងជាអត្ថបទភាពយន្ត ប៉ុន្តែលោកត្រូវកែសម្រួលឡើងវិញសម្រាប់បោះពុម្ពចេញជាសៀវភៅប្រលោមលោក ហើយការតែងនិពន្ធរឿងនេះចំណាយពេលប្រហែល ៣ខែទើបរួចរាល់ ។ គួរបញ្ជាក់ផងដែរថា អ្នកនិពន្ធ សុខ ចាន់ផល ជ័យលាភីអ្នកនិពន្ធអាស៊ីអាគ្នេយ៍ឆ្នាំ២០១៣ (SEA Write Award 2013) ។ លោកបានចេញផ្សាយសៀវភៅមួយចំនួនដូចជា សង្សារ ១៤ថ្ងៃ យល់សប្តិ ទៅទីណាមិនសំខាន់ សំខាន់ទៅដើម្បីអ្វី? លម្អងដួងចិត្ត និងស្នាដៃផ្សេងទៀត ។ ចំណែកឯនៅថ្ងៃអនាគត បើអាច លោក សុខ ចាន់ផល មានគោលបំណងចង់រស់នៅជាមួយធម្មជាតិ ដោយដាំដំណាំ ដាំដើមឈើ និងនៅកន្លែងមួយស្ងាប់ស្ងាត់បែបព្រៃភ្នំ ៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Illinois Wesleyan នៃសហរដ្ឋអាមេរិក ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 19/10/2023
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Illinois Wesleyan នៃសហរដ្ឋអាមេរិកឆ្នាំសិក្សា២០២៣-២០២៤។ អាហារូបករណ៍ផ្ដល់ជូនការសិក្សាដល់និស្សិតទូទាំង....
ឱកាសសម្រាប់អ្នករៀនជំនាញព័ត៌មានវិទ្យា រដ្ឋសភាជ្រើសរើសមន្រ្តីកិច្ចសន្យា ចំនួន៣០នាក់
ព័ត៌មានអាហារូបករណ៍, ព្រឹត្តិការណ៍
• 21/11/2025
ជាឱកាសសម្រាប់សិស្សនិស្សិតដែលមានជំនាញព័ត៌មានវិទ្យា (IT) ពេលនេះ អគ្គលេខាធិការដ្ឋានរដ្ឋសភា បានប្រកាសប្រឡងជ្រើសរើសមន្រ្តីកិច្ចសន្យាទាំងពីរភេទ ចំនួន៣០នាក់ ដើម្បីបំពេញការងារនៅរដ្ឋសភាជាតិ។
ឱកាសសិក្សាអាហារូបករណ៍ ៧៨កន្លែងនៅប្រទេសចិន ពី អ.ម.ត សម្រាប់ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 17/03/2025
គណៈកម្មាកិធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប្រកាសផ្ដល់អាហារូបករណ៍ ថ្នាក់ភាសាចិន ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ឆ្នាំសិក្សា២០២៥-២០២៦
អាហារូបករណ៍ថ្នាក់បរិញ្ញាបត្រ ផ្នែកវិស័យអាកាសចរណ៍ នៅសាកលវិទ្យាល័យ Qatar Airway 2025
ព័ត៌មានអាហារូបករណ៍, ព្រឹត្តិការណ៍
• 10/04/2025
កម្មវិធីអាហារូបករណ៍ Qatar Airway University Undergraduate Scholarship 2025 ប្រកាសផ្ដល់អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Qatar Airway សម្រាប់ឆ្នាំសិក្សា២០២៥។
វិទ្យាស្ថានតេជោសែនសាធារណការ និងដឹកជញ្ជូនផ្ដល់អាហារូបករណ៍១០០%ចំនួន៥០កន្លែង
ព័ត៌មានអាហារូបករណ៍, ព្រឹត្តិការណ៍
• 04/01/2023
ឱកាសសិក្សានៅអាហារូបករណ៍១០០%នៅវិទ្យាស្ថានតេជោសែន សាធារណការ និងដឹកជញ្ជូនផ្ដល់ចំនួន៥០កន្លែងសម្រាប់ឆ្នាំសិក្សា២០២៣ ។...
ក្រសួងអប់រំផ្តល់អាហារូបករណ៍ថ្នាក់បណ្ឌិត ទៅសិក្សានៅសាកលវិទ្យាល័យមហាសារ៉ាខាម ប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 24/04/2024
ក្រសួងអប់រំ យុវជន និងកីឡា បានឱ្យដឹងថា សម្រាប់ឆ្នាំ២០២៤ សាកលវិទ្យាល័យមហាសារ៉ាខាម នៃព្រះរាជាណាចក្រថៃ នឹងផ្តល់អាហារូបករណ៍ចំនួន ០១កន្លែង ដល់និស្សិតកម្ពុជា ដើម្បីបន្តការសិក្សាថ្នាក់បណ្ឌិត...
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីរដ្ឋាភិបាលសាធារណៈរដ្ឋឆែក
ព័ត៌មានអាហារូបករណ៍, ព្រឹត្តិការណ៍
• 23/07/2024
ឱកាសសិក្សាថ្នាក់បរិញ្ញាបត្រជាន់ខ្ពស់ និងបណ្ឌិតនៅសាធារណៈឆែកពីកម្មវិធីអាហារូបករណ៍រដ្ឋាភិបាលសាធារណរដ្ឋឆែកសម្រាប់ឆ្នាំសិក្សា២០២៥-២០២៦។ ...
អាហារូបករណ៍ TVET ១២៣០កន្លែង នៅវិទ្យាស្ថានពហុបច្ចេកទេសខេត្តព្រះសីហនុ
ព័ត៌មានអាហារូបករណ៍, ព្រឹត្តិការណ៍
• 10/10/2025
វិទ្យាស្ថានពហុបច្ចេកទេសខេត្តព្រះសីហនុ នៃក្រសួងការងារ និងបណ្តុះបណ្តាលវិជ្ជាជីវៈ ប្រកាសផ្តល់អាហារូបករណ៍ចំនួន ១២៣០កន្លែង លើ ១៤មុខជំនាញ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ...
អាហារូបករណ៍ថ្នាក់បរិញ្ញាបត្រនៅសហរដ្ឋអាមេរិកពីកម្មវិធីអាហារូបករណ៍ SHE-CAN ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 26/09/2023
ឱកាសសិក្សាអាហារូបករណ៍ថ្នាក់បរិញ្ញាបត្រនៅសហរដ្ឋអាមេរិកពីកម្មវិធីអាហារូបករណ៍SHE-CAN សម្រាប់ឆ្នាំសិក្សា២០២៣-២០២៤ ។ អាហារូបករណ៍ផ្ដល់ជូនសម្រាប់សិស្សស្រីដែលមានភាពជាអ្នកដឹកនាំ និងចង់បន្តការ.....
កម្មវិធីពិសេសរបស់ AMS EDUCATION
ព័ត៌មានសង្ខេប
