មន្ទីរពេទ្យចំនួន៤ ជាប់ជាមន្ទីរពេទ្យគំរូក្នុងការ​​លើកកម្ពស់ការចិញ្ចឹមកូនដោយទឹកដោះម្តាយ

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត។

មន្ទីរពេទ្យចំនួន៤ ទទួលបានជោគជ័យជាមន្ទីរពេទ្យគំរូលើការលើកកម្ពស់ការចិញ្ចឹមកូនដោយទឹកដោះម្តាយ ក្នុងឆ្នាំ២០២៤កន្លងទៅ។ មន្ទីរពេទ្យទាំងនោះ​រួមមាន មជ្ឈមណ្ឌលជាតិគាំពារមាតា និងទារក, មន្ទីរពេទ្យខេត្តកោះកុង, មន្ទីរពេទ្យខេត្តស្ទឹងត្រែង និងមន្ទីរពេទ្យខេត្តក្រចេះ។

លោកស្រីសាស្ត្រាចារ្យជំនួយ គឹម រ័ត្ននា នាយកមជ្ឈមណ្ឌលជាតិគាំពារមាតា និងទារក មានប្រសាសន៍ថា ការអនុវត្តគម្រោងលើកកម្ពស់ការចិញ្ចឹមកូនដោយទឹកដោះម្តាយ ដើម្បីតាមដាននូវវឌ្ឍនភាពក្នុងការអនុវត្តការលើកកម្ពស់ការចិញ្ចឹមកូនដោយទឹកដោះម្ដាយ និងវឌ្ឍនភាពនៃមន្ទីរពេទ្យនីមួយៗ ក៏ដូចជាការទទួលស្គាល់ និងអបអរសាទរដល់ការអនុវត្តប្រកបដោយជោគជ័យ នៃវិធីសាស្ត្រមន្ទីរពេទ្យលើកកម្ពស់ការចិញ្ចឹមកូនដោយទឹកដោះម្តាយ។

លោកស្រីសាស្ត្រាចារ្យជំនួយ គឹម រ័ត្ននា នាយកមជ្ឈមណ្ឌលជាតិគាំពារមាតា និងទារក

លោកស្រីសាស្ត្រាចារ្យជំនួយបន្ថែមថា មជ្ឈមណ្ឌលជាតិគាំពារមាតា និងទារក មានតួនាទីក្នុងការអនុវត្តសកម្មភាពដែលពាក់ព័ន្ធនឹងអាហារូបត្ថម្ភក្នុងប្រទេសកម្ពុជា រួមទាំងអាហារូបត្ថម្ភសម្រាប់មាតា ទារក និងកុមារតូច ក៏ដូចជាដើរតួនាទីសំខាន់ក្នុងការផ្ដល់នូវការពង្រឹងសមត្ថភាពស្តីពីការចិញ្ចឹមទារកនិងកុមារតូច ដល់អ្នកផ្តល់សេវាថែទាំសុខភាពនៅថ្នាក់ជាតិ និងថ្នាក់ក្រោមជាតិ។

នាយកមជ្ឈមណ្ឌលជាតិគាំពារមាតា និងទារក បន្ថែមថា កិច្ចខិតខំប្រឹងប្រែងនេះសំដៅលើកកម្ពស់សេវាទាំងនេះ ជាពិសេសអំឡុងពេលចាំបាច់ក្នុងពេលមានផ្ទៃពោះ ពេលសម្រាល និងការថែទាំក្រោយពេលសម្រាលភ្លាមៗ មុនពេលស្ត្រីចាកចេញពីមន្ទីរពេទ្យ។ ទន្ទឹមគ្នានេះ ​​ការពង្រឹងការអនុវត្តអនុក្រឹត្យលេខ១៣៣ ស្តីពីការផ្សព្វផ្សាយការលក់ផលិតផលសម្រាប់ចិញ្ចឹមទារក និងកុមារតូច និងប្រកាសរួមលេខ០៦១ នៅមានកម្រិត ព្រមទាំងការកើនឡើងនូវការផ្សព្វផ្សាយ និងការលក់ផលិតផលជំនួសទឹកដោះម្ដាយ ក៏រួមចំណែកនាំឱ្យមានការថយចុះនូវអត្រាបំបៅកូនដោយទឹកដោះម្តាយផងដែរ ជាពិសេសនៅទីប្រជុំជន។

មន្ទីរពេទ្យពេទ្យខេត្តក្រចេះ ជាមន្ទីរពេទ្យមួយក្នុងចំណោមន្ទីរពេទ្យចំនួន ៣ផ្សេងទៀតដែលបានក្រុមវាយតម្លៃរបស់មជ្ឈមណ្ឌលជាតិគាំពារមាតា និងទារក ទទួលស្គាល់ជោគជ័យជាប់ជាមន្ទីរពេទ្យគំរូលើកកម្ពស់ការចិញ្ចឹមកូនដោយទឹកដោះម្តាយ។

លោក ហេង សុខន ប្រធានមន្ទីពេទ្យខេត្តក្រចេះ

លោក ហេង សុខន ប្រធានមន្ទីពេទ្យខេត្តក្រចេះ មានប្រសាសន៍ថា ការជាប់ជាមន្ទីរពេទ្យគំរូលើកកម្ពស់ការចិញ្ចឹមកូនដោយទឹកដោះម្តាយនេះ លោកបានឆ្លងកាត់ការវាយតម្លៃចំនួន ៣តំណាក់កាល។

ប្រធានមន្ទីពេទ្យខេត្តក្រចេះ លើកឡើងថា តាមរយៈការចុះវាយតម្លៃទាំង៣លើកនេះ អត្រាបំបៅកូនដោយទឹកដោះម្ដាយក្នុងមន្ទីរពេទ្យមានការកើនឡើងពីមួយដំណាក់កាលទៅមួយដំណាក់កាល រហូតដល់អត្រាលើសពី៩០% ខណៈក្នុងឆ្នាំ២០២៤ ស្រ្តីដែលមកសម្រាលនៅមន្ទីរពេទ្យខេត្តក្រចេះមានចំនួន ២២០៣នាក់។

«នៅក្នុងការសម្ភាសន៍ស្រ្តីចំនួន៦០នាក់ ប្រសិនបើមានតែម្នាក់ឆ្លើយមិនត្រូវចំណុចណាមួយក៏មិនអាចវាយតម្លៃជាប់បានដែរ»

លោក ហេង សុខន លើកឡើងថា កត្តាជំរុញឱ្យមន្ទីរពេទ្យខេត្តក្រចេះ ជាប់ជាមន្ទីរពេទ្យគំរូលើការលើកកម្ពស់ការចិញ្ចឹមកូនដោយទឹកដោះម្តាយ គឺដោយសារលោកមានឆន្ទៈ និងការប្ដេជ្ញាចិត្ត ដាក់ចេញគោលនយោបាយស្តង់ដារបស់មន្ទីរពេទ្យដោយពន្យល់ណែនាំអប់រំបុគ្គលិកមានឆន្ទៈចូលរួម និងអនុវត្តតាម។ លើសពីនេះ ព្យាយាមអនុវត្តតាមសូចនាករវាយតម្លៃទាំង១០របស់កម្មវិធី រៀបចំឱ្យមានបន្ទប់បំបៅដោះកូន របៀបច្របាច់ទឹកដោះ កន្លែងអង្គុយសម្រាប់អ្នកជំងឺ ទូរទឹកកកសម្រាប់រក្សាទឹកដោះម្ដាយ ដោយបុគ្គលិកពេទ្យជាអ្នកពន្យល់ណែនាំអ្នកម្ដាយពីអត្ថប្រយោជន៍ទឹកដោះម្ដាយ ព្រមទាំងទូរស័ព្ទសួរនាំពន្យល់បន្ថែម។

បើតាម លោកស្រី ជិន សេដ្ឋា ប្រធានកម្មវិធីជាន់ខ្ពស់ នៃគម្រោង Alive&Thrive លើកឡើងថា ដើម្បីជាប់ជាមន្ទីរពេទ្យគំរូចិញ្ចឹមកូនដោយទឹកដោះម្ដាយ លក្ខខណ្ឌចំនួន២ គឺទី១. ការចុះវាយតម្លៃនៅតាមមូលដ្ឋានមន្ទីរពេទ្យផ្ទាល់ ដោយប្រើតារាងវាយតម្លៃចំនួន១០ ប៉ុន្តែសម្រាប់មន្ទីរពេទ្យដែលមិនមានការពិនិត្យផ្ទៃពោះ គឺប្រើតារាងវាយតម្លៃចំនួន៩ ហើយដរាបណាការវាយតម្លៃទាំងនេះជាប់ មិនធ្លាក់ គឺជាប់៥០% និងទី២. ការសម្ភាសន៍ស្រ្តីក្រោយសម្រាលរួចចេញពីមន្ទីរពេទ្យ ប្រើតារាងវាយតម្លៃចំនួន១១ ហើយដរាបណាជាប់ក្នុងសូចនាករដែលបានកំណត់។

គិតត្រឹមខែធ្នូ ឆ្នាំ២០២៤ ដោយមានកិច្ចសហការជាមួយអង្គការហេឡែន ខេលល័រអន្តរជាតិ គម្រោង Alive&Thrive បានគាំទ្រដល់មជ្ឈមណ្ឌលជាតិគាំពារមាតា និងទារកក្នុងការពង្រីកនូវការអនុវត្តការលើកកម្ពស់ការចិញ្ចឹមកូនដោយទឹកដោះម្ដាយទៅកាន់មន្ទីរពេទ្យខេត្តចំនួន១០បន្ថែមទៀតដូចជា បន្ទាយមានជ័យ ពោធិ៍សាត់ បាត់ដំបង ស្វាយរៀង ព្រៃវែង តាកែវ កំពង់ឆ្នាំង កំពង់ធំ កំពត និងកំពង់ចាម។

តាម​អង្គការ​សុខភាពពិភពលោក ការបំបៅកូនដោយទឹកដោះម្តាយ ធ្វើឱ្យប្រសើរឡើងនូវអត្រារស់រានមានជីវិតរបស់កុមារ ជួយការពារប្រឆាំងនឹងជំងឺដែលគំរាមកំហែងដល់អាយុជីវិត និងជំងឺរ៉ាំរ៉ៃផ្សេងៗទៀត ហើយវាក៏ជួយលើកកម្ពស់ការលូតលាស់របស់កុមារប្រកបដោយសុខភាពល្អ និងការអភិវឌ្ឍតាំងពីតូចៗមកផងដែរ។ មានការប៉ាន់ស្មានថា ការជំរុញអត្រាបំបៅកូនដោយទឹកដោះម្តាយនៅទូទាំងពិភពលោក នឹងអាចសង្គ្រោះអាយុជីវិតកុមារដែលមានអាយុក្រោមប្រាំឆ្នាំ លើសពី៨សែន២ម៉ឺននាក់ ជារៀងរាល់ឆ្នាំ។

តែយ៉ាងណាក៏ដោយ បើតាមរបាយការណ៍អង្កេតប្រជាសាស្ត្រ និងសុខភាពកម្ពុជា (CDHS) បានរកឃើញថា ការបំបៅកូនដោយទឹកដោះម្តាយតែមួយមុខគត់បានធ្លាក់ចុះពីចំនួន ៧៣.៥% នៅក្នុងឆ្នាំ ២០១០ មកនៅត្រឹមចំនួន ៦៥%នៅក្នុងឆ្នាំ ២០១៤ និងធ្លាក់ចុះទៅ ៥១%នៅឆ្នាំ២០២១។ មានកុមារតែក្នុងចំនួន ៣៧% ប៉ុណ្ណោះបានទទួលនូវការបំបៅដោយទឹកដោះម្ដាយនេះ បន្តរហូតដល់អាយុពីរឆ្នាំ ដូចដែលបានណែនាំដោយអង្គការសុខភាពពិភពលោក៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

វិទ្យាស្ថាន NTTI ជ្រើសរើស​យុវជន​ចូលរៀនជំនាញបច្ចេកទេស និង​វិជ្ជាជីវៈ ឥតគិតថ្លៃ ក្រោមគម្រោង TVET 1.5M

ព័ត៌មានអាហារូបករណ៍, ព្រឹត្តិការណ៍

• 11/03/2026

វិទ្យាស្ថានជាតិបណ្តុះបណ្តាលបច្ចេកទេស (NTTI) បានប្រកាស​ចុះឈ្មោះ​យុវជនមកពីគ្រួសារក្រីក្រ/គ្រួសារងាយរងហានិភ័យ កម្មករនិយោជិត នៃសេដ្ឋកិច្ចក្នុងនិងក្រៅប្រព័ន្ធ និងសារធារណៈជនឱ្យចូលរៀនវគ្គបណ្តុះបណ្តាលជំនាញវិជ្ជាជីវៈ...

ឱកាសអាហារូបករណ៍ទៅសិក្សា​នៅប្រទេសសឹង្ហបុរី ពី SIM Global Education Diploma 2026

ព័ត៌មានអាហារូបករណ៍, ព្រឹត្តិការណ៍

• 01/12/2025

SIM Global Education (SIM GE) កំពុងផ្ដល់ជូននូវអាហារូបករណ៍ SIM Global Education Diploma Scholarship ឆ្នាំ២០២៦ ដល់និស្សិតអន្តរជាតិដែលមានលទ្ធផលសិក្សាឆ្នើម ដើម្បីបន្តការសិក្សានៅប្រទេសសឹង្ហបុរី។

វិទ្យាស្ថានពហុបច្ចេកទេសខេត្តបន្ទាយមានជ័យ ផ្តល់អាហារូបករណ៍១០០% សម្រាប់ការសិក្សាជំនាញរយៈពេលខ្លី

ព័ត៌មានអាហារូបករណ៍, ព្រឹត្តិការណ៍

• 12/02/2026

ជាឱកាស​សម្រាប់សាធារណៈជន ក៏​ដូចជា​បងប្អូនពលករ​ចំណាកស្រុក​ដែល​ចង់បាន​ជំនាញ​មួយ​ពិតប្រាកដ ពេលនេះ វិទ្យាស្ថានពហុបច្ចេកទេស​ខេត្ត​ឧត្តរមានជ័យ បានប្រកាស​ពីការ​ផ្តល់អាហារូបករណ៍១០០%

ឱកាសអភិវឌ្ឍជំនាញស្រាវជ្រាវអន្តរជាតិ នៅ University of Jyväskylä ប្រទេសហ្វាំងឡង់

ព័ត៌មានអាហារូបករណ៍, ព្រឹត្តិការណ៍

• 24/06/2026

សាកលវិទ្យាល័យ University of Jyväskylä នៃប្រទេសហ្វាំងឡង់ កំពុងប្រកាសបើកទទួលពាក្យ​អាហារូបករណ៍​សម្រាប់កម្មវិធី JYU Visiting Fellow Programme 2027 ដល់​និស្សិត និងសាស្ត្រាចារ្យកម្ពុជានៅ​លើ​ការ​...

អាហារូបករណ៍ថ្នាក់បរិញ្ញាបត្ររង និងបរិញ្ញាតបត្រ៥០កន្លែងនៅសាកលវិទ្យាស្ថានអភិវឌ្ឍន៍អាស៊ីសច្ចៈ

ព័ត៌មានអាហារូបករណ៍, ព្រឹត្តិការណ៍

• 01/02/2023

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្ររងនៅវិទ្យាស្ថានអភិវឌ្ឍន៍អាស៊ីសច្ចៈចំនួន៥០កន្លែង សម្រាប់សិស្សានុសិស្ស និងសាធារណៈជន ...

ឱកាសសិក្សានៅសាកលវិទ្យាល័យ  Warwick ពីកម្មវិធី ASEAN-UK សម្រាប់ស្ត្រីក្នុងវិស័យ STEM

ព័ត៌មានអាហារូបករណ៍, ព្រឹត្តិការណ៍

• 28/03/2025

កម្មវិធី ASEAN-UK Sage ផ្ដល់ឱកាសសិក្សាក្នុងគម្រោង Women in STEM Scholarship ប្រកាសផ្ដល់ការសិក្សាថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យ Warwick ក្នុងវិស័យ STEM ដល់ស្ត្រីដែលស្ថិតក្នុងប្រទេសតំបន់អាស៊ាន...

ប្រទេសព្រុយណេផ្តល់អាហារូបករណ៍​រយៈពេលខ្លី សម្រាប់​បេក្ខជន​មក​ពី​បណ្តា​ប្រទេស​សមាជិកអាស៊ាន

ព័ត៌មានអាហារូបករណ៍, ព្រឹត្តិការណ៍

• 06/01/2023

ក្រសួងអប់រំ យុវជន និង​កីឡា បានជូនដំណឹងថា នៅ​ក្នុង​ឆ្នាំ​២០២៣នេះ កម្មវិធី​អាហារូបករណ៍ "Brunei Darussaiam Scholarship on Enhancing Professional...

បណ្ដុំអាហារូបករណ៍សិក្សានៅសាកលវិទ្យាល័យ American University of Dubai ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 30/01/2026

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅទីក្រុងឌូបៃ ប្រទេសអារ៉ាប់រួម ពីបណ្ដុំអាហារូបករណ៍ជាច្រើនដែលផ្ដល់ឱ្យពេញលេញ និងដោយផ្នែក។ កម្មវិធីសិក្សាផ្ដល់ឱ្យតាមរយៈអាហារូបករណ៍...

ឱកាសសម្រាប់អ្នកស្រាវជ្រាវ ៖ ស្ថានទូតបារាំងផ្តល់ «អាហារូបករណ៍ការផ្លាស់ប្តូរការស្រាវជ្រាវភាសាបារាំង ឆ្នាំ២០២៦»

ព័ត៌មានអាហារូបករណ៍, ព្រឹត្តិការណ៍

• 09/06/2026

សម្រាប់អ្នកស្រាវជ្រាវកម្ពុជា និងមានអាយុក្រោម ៤៥ ឆ្នាំ ដែលចង់ទៅបំពេញការស្រាវជ្រាវនៅប្រទេសបារាំង ពេលនេះស្ថានទូតបារាំងប្រចាំកម្ពុជាបានប្រកាសបើកទទួលពាក្យជាផ្លូវការសម្រាប់ វគ្គទី១ នៃកម្មវិធីផ្លាស់ប្តូរការស្រាវជ្រាវ...



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។វាល​ដែល​ត្រូវ​ការ​ត្រូវ​បាន​គូស *