អ្នកនាង រស់ វិច្ឆិកា រៀនជំនាញកែច្នៃបន្លែផ្លែឈើ ព្រោះចង់កែច្នៃផលិតផលក្នុងស្រុកទៅជាផលិតផលសម្រេច

ដោយ​មើលឃើញថា បន្លែ និងផ្លែឈើក្នុងស្រុក​ជាច្រើនត្រូវបានគេទុកចោល ព្រោះតែការធ្លាក់ថ្លៃនៃកសិផលដែលជោរជន់នោះ បានជំរុញ​ឱ្យ​អ្នកនាង រស់ វិច្ឆិកា សម្រេចចិត្តរៀនជំនាញកែច្នៃបន្លែ និងផ្លែឈើ តាមរយៈគម្រោង​បណ្តុះបណ្តាលជំនាញ​វិជ្ជាជីវៈ និង​បច្ចេកទេស ១.៥លាននាក់ ក្រោយឃើញ​ឱកាស​ក្នុងការ​កែច្នៃផលិតផលក្នុងស្រុកទាំងនោះ​ទៅជា​ផលិតផលសម្រេចក្នុងស្រុក។

អ្នកនាង រស់ វិច្ឆិកា ដែល​បច្ចុប្បន្ន​កំពុង​រៀនជំនាញ​កែច្នៃបន្លែ និងផ្លែឈើ នៅវិទ្យាស្ថានជាតិពហុបច្ចេកទេស​តេជោសែន បានប្រាប់ AMS ថា ជំនាញមួយ​នេះមានសារៈប្រយោជន៍​ណាស់​ក្នុងការជួយ​ទៅ​ដល់ប្រជាកសិករ តាមរយៈ​ការ​កែច្នៃផលិតផលរបស់ពួកគាត់​ដែលជាវត្ថុធាតុដើមក្នុងស្រុក ទៅជា​ផលិតផលសម្រេចមួយ​​ដោយ​ផ្តោត​ការ​យកចិត្តទុកដាក់​លើអនាម័យ និង​ស្តង់ដា។

បើតាមអ្នកនាង វិច្ឆិកា ប្រសិន​បើ​ប្រជាកសិករ​ចេះ​ជំនាញនេះច្រើន​គ្នា គឺពិត​ជាជួយ​ដល់ពួកគាត់បានច្រើន ដូចជានៅពេលផ្លែស្វាយ ផ្លែល្ពៅ សណ្ដែក និងបន្លែផ្សេងៗកើន​លើស​តម្រូវការ​ទីផ្សារ គឺអាចកែច្នៃឱ្យចេញជាភេសជ្ជៈ ឬដំណាប់ស្ងួត និងនំផ្សេងៗដែលអាចដាក់លក់ជាផលិតផលសម្រេចទាំងនោះក្នុង​តម្លៃសមរម្យ ឬតម្លៃខ្ពស់ទៅតាមផលិតផល និងអាចមានឱកាសនាំចេញទៅក្រៅប្រទេស។

តើជំនាញកែច្នៃបន្លែផ្លែឈើ​ គេរៀនពីអ្វីខ្លះ?

អ្នកនាង រស់ វិច្ឆិកា បាន​ឱ្យដឹងថា ការរៀនជំនាញ​កែច្នៃបន្លែផ្លែឈើ​នេះ គឺគេសិក្សាអំពីការកែច្នៃបន្លែ និងផ្លែឈើ ដោយធ្វើ​ឱ្យឡើងមេ និងកំហាប់ស្ករ វត្ថុធាតុដើមល្អ និងមិនល្អ ដើម្បីឱ្យកើតជាផលិតផលសម្រេចមួយដែលមានគុណភាព ប្រកបដោយអនាម័យ និងធានាសុវត្ថិភាពដល់អ្នកបរិភោគ។ ការ​រៀនជំនាញនេះ សម្រាប់អ្នកនាង គឺត្រូវរៀនរយៈពេល១០ខែសម្រាប់វេនថ្ងៃសៅរ៍-អាទិត្យ។

ដោយ​ឡែក​បើនិយាយពីការងារវិញ អ្នកចេះជំនាញ​កែច្នៃបន្លែផ្លែឈើ គឺអាច​បើកជាអាជីវកម្មផ្ទាល់ខ្លួន ឬធ្វើ​ការ​នៅ​តាម​សិប្បកម្ម ឧស្សាហកម្ម សហគ្រាស​ផលិតចំណីអាហារនានា។ សម្រាប់អ្នកនាង វិច្ឆិកា ផ្ទាល់ បច្ចុប្បន្ន​នេះនាង​បាន​បើក​ជាអាជីវកម្មតូចមួយ​ដោយ​ទទួលធ្វើជាដំណាប់ ឬសម្ងួត​ផ្លែឈើជាដើម ហើយ​អ្នកនាង​បានតាំងចិត្ត​ថា នឹង​បន្ត​សិក្សា​ជំនាញ​នេះឱ្យ​ជ្រៅជ្រះទៀត​រហូត​ដល់ថ្នាក់ជំនាញបច្ចេកទេស ដើម្បីសម្រេច​ក្តីស្រមៃ​ក្នុងការ​ជួយ​កែច្នៃបន្លែផ្លែឈើ​របស់​ប្រជាកសិករ ឱ្យ​ក្លាយជាផលិតផលសម្រេច​​ក្នុងស្រុក។

ជាមួយគ្នានេះ សម្រាប់អ្នកដែលចង់រៀនជំនាញវិជ្ជាជីវៈ គឺអាចស្វែងរកព័ត៌មានសិក្សានៅតាមសាលាបណ្ដុះបណ្ដាលជំនាញ​វិជ្ជាជីវៈផ្សេងៗដែល​មានទីតាំង​នៅរាជធានីភ្នំពេញ និងតាមបណ្ដាខេត្តនានាទូទាំងប្រទេស ដើម្បីមានឱកាសទទួល​បាន​ជំនាញ​មួយ​ប្រចាំជីវិត។

សូមជំរាបថា ជំនាញកែច្នៃបន្លែ និងផ្លែឈើ គឺជាជំនាញ​មួយ​ក្នុង​ចំណោមជំនាញជាង៤០ ដែល​ក្រសួងការងារ និង​បណ្តុះបណ្តាលវិជ្ជាជីវៈ បាន​ដាក់​ឱ្យ​មានការ​បណ្តុះបណ្តាល​​នៅ​ក្នុង​កម្មវិធី​បណ្តុះបណ្តាលជំនាញ​វិជ្ជាជីវៈ និង​បច្ចេកទេស​ដល់យុវជន ១.៥លាននាក់ ដើម្បីធានាដល់ការងារ និងការលើកស្ទួយជីវភាព ឱ្យមានភាពម្ចាស់លើជោគវាសនាខ្លួនឯងផង និងព្រមទាំងជួយជ្រោមជ្រែងដល់ក្រុមគ្រួសារផងដែរ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងអប់រំជ្រើសរើស​សិក្ខាកាម​ចូលរួមវគ្គ​បណ្តុះបណ្តាល​​នវានុវត្តន៍​បច្ចេកវិទ្យាអប់រំឌីជីថល ជំនួយ​លើ​វិធីសាស្រ្ត​បង្រៀន និង​រៀន​ក្នុង​បរិបទថ្មី

ព័ត៌មានអាហារូបករណ៍, ព្រឹត្តិការណ៍

• 15/07/2025

ក្រសួងអប់រំ យុវជន និងកីឡា បាន​ប្រកាស​ជ្រើសរើសសិក្ខាកាមចូលរួមវគ្គបណ្ដុះបណ្ដាល ស្ដីពី នវានុវត្តន៍បច្ចេកវិទ្យាអប់រំឌីជីថល ជំនួយលើវិធីសាស្រ្តបង្រៀន និងរៀនក្នុងបរិបទថ្មី រៀបចំដោយនាយកដ្ឋានបរិវត្តកម្មឌីជីថល...

ក្រសួង​អប់រំ ​ផ្តល់​កន្លែង​ស្នាក់​នៅ​ដល់​និស្សិត​នារី​ក្រីក្រ ​ឆ្នាំ​ទី​១​ ​ចំនួន​៩០​នាក់​

ព័ត៌មានអាហារូបករណ៍, ព្រឹត្តិការណ៍

• 19/08/2026

ក្រសួង​អប់រំ ​យុវជន​ និង​កីឡា​ ​នឹង​ផ្តល់​កន្លែង​ស្នាក់​នៅ​បណ្តោះអាសន្ន​ទៅដល់​និស្សិត​នារី​ក្រីក្រ ​ឆ្នាំ​ទី​១​ ​ចំនួន​ ​៩០​ ​នាក់​ ​ឱ្យ​ស្នាក់​នៅ​មជ្ឈមណ្ឌល​អន្តេវាសិក​និស្សិត​នារី​របស់​ក្រសួង​ ​ដែល​មាន​ទីតាំង​

អាហារូបករណ៍សិក្សាជំនាញវិជ្ជាជីវៈនៅវិទ្យាស្ថានអភិវឌ្ឍន៍មុខជំនាញកម្ពុជា-ថៃ

ព័ត៌មានអាហារូបករណ៍, ព្រឹត្តិការណ៍

• 23/04/2024

ឱកាសសិក្សាជំនាញវិជ្ជាជីវៈជាច្រើនកន្លែងនៅវិទ្យាស្ថានអភិវឌ្ឍន៍មុខជំនាញកម្ពុជា-ថៃកម្រិតសញ្ញាបត្របច្ចេកទេស និងវិជ្ជាជីវៈ១(កម្មវិធី១,៥លាននាក់).....

ឯកឧត្តម​បណ្ឌិត​សភា​ចារ្យ​ ហង់​ជួន ​ណារ៉ុន ​ផ្តល់​អាហារូបករណ៍​ ១០០​%​ ​និង​ឱកាស​ការងារ​ចំនួន​ ​១០​កន្លែង​ សិក្សា​នៅ​សាកលវិទ្យាល័យ​បូណា​ម៉ារី ​(​BMU​)​

ព័ត៌មានអាហារូបករណ៍, ព្រឹត្តិការណ៍

• 09/09/2026

ជា​ឱកាស​សម្រាប់​យុវជន​សិស្សានុសិស្ស​ដែល​ទើប​បញ្ចប់​ការ​សិក្សា​ថ្នាក់​មធ្យមសិក្សា​ទុតិយ​ភូមិ​,​ ​ឯកឧត្តម​បណ្ឌិត​សភា​ចារ្យ​ ហង់​ជួន ​ណារ៉ុន ​

មជ្ឈមណ្ឌលបណ្ដុះបណ្ដាលវិជ្ជាជីវៈខេត្តត្បូងឃ្មុំប្រកាសជ្រើសរើសសិស្សចូលរៀនបច្ចេកទេសវិជ្ជាជីវៈ១

ព័ត៌មានអាហារូបករណ៍, ព្រឹត្តិការណ៍

• 15/12/2023

មជ្ឈមណ្ឌលបណ្ដុះបណ្ដាលវិជ្ជាជីវៈខេត្តត្បូងឃ្មុំប្រកាសជ្រើសរើសចូលរៀនជំនាញបច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យជាច្រើន​កន្លែង...

អាហារូបករណ៍ជំនាញ Fashion សិក្សានៅប្រទេសកូរ៉េខាងត្បូង និងអាមេរិក

ព័ត៌មានអាហារូបករណ៍, ព្រឹត្តិការណ៍

• 22/06/2026

សម្រាប់សិស្ស-និស្សិតដែលមានក្តីស្រមៃចង់ទៅបន្តការសិក្សាលើជំនាញ Fashion ពេលនេះ​ឱកាស​បាន​មក​ដល់ ដោយអាចសិក្សាដល់ទៅ២ប្រទេស គឺនៅកូរ៉េខាងត្បូង និងសហរដ្ឋអាមេរិក ពីកម្មវិធី Fashion Institute of Technology (FIT)។

គន្លឹះក្នុងការសរសេរលិខិតអនុសាសន៍អាហារូបករណ៍

ព័ត៌មានអាហារូបករណ៍, ព្រឹត្តិការណ៍

• 11/09/2023

លិខិតអនុសាសន៍ ឬ Recommendation letter ជាឯកសារចាំបាច់មួយក្នុងចំណោមឯកសារចាំបាច់ផ្សេងទៀត ដែលអាហារូបករណ៍តម្រូវឱ្យបេក្ខជនសរសេរឡើងការរៀបរាប់ដោយសង្ខេប...

អាហារូបករណ៍សិក្សានៅវិទ្យាស្ថានជាតិសហគ្រិនភាព និងនវានុវត្តន៍សិក្សាថ្នាក់ជំនាញវិជ្ជាជីវៈ

ព័ត៌មានអាហារូបករណ៍, ព្រឹត្តិការណ៍

• 23/04/2024

ឱកាសសិក្សាជំនាញវិជ្ជាជីវៈរយៈពេលខ្លីនៅវិទ្យាស្ថានជាតិសហគ្រិនភាព និងនវានុវត្តន៍ជាច្រើនជំនាញក្រោមគម្រោង ១,៥លាននាក់ និងផ្ដល់ជូន...

វិទ្យាស្ថាន​ជាតិពហុបច្ចេកទេស​អង្គរ ផ្តល់​អាហារូបករណ៍១០០% និង ៥០% លើជំនាញវិស្វកម្ម​ ៥៨០កន្លែង

ព័ត៌មានអាហារូបករណ៍, ព្រឹត្តិការណ៍

• 12/09/2024

វិទ្យាស្ថានជាតិពហុបច្ចេកទេស​អង្គរ បានប្រកាស​ពីការផ្តល់ជូនអាហារូបករណ៍ ១០០% និង ៥០% ទៅ​លើជំនាញ​បច្ចេកទេសពាក់ព័ន្ធនឹងវិស្វកម្ម​សរុបចំនួន ៥៨០កន្លែង ដោយ​ក្នុងនោះបេក្ខជនអាចទទួលបានប្រាក់ឧបត្ថម្ភ​ចំនួន ៦០ដុល្លារ​ក្នុងមួយខែថែមទៀត។