ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យោងតាមរបាយការណ៍របស់ទីភ្នាក់ងារជាតិមុខរបរ និងការងារ ចេញផ្សាយនៅចុងខែឧសភា នេះ បានបង្ហាញថា ប្រទេសកម្ពុជាកំពុងមានតម្រូវការកម្លាំងពលកម្មសរុបចំនួន ៥១ ៨៦៣កន្លែង នៅក្នុងវិស័យសំខាន់ៗចំនួន៣ គឺវិស័យឧស្សាហកម្ម សេវាកម្ម និងកសិកម្ម។
របាយការណ៍បានបង្ហាញថា វិស័យឧស្សាហកម្មមានតម្រូវការកម្លាំងពលកម្មចំនួន ៣៨ ៦៤៦កន្លែង, វិស័យសេវាកម្ម មានតម្រូវការចំនួន ៣ ១៦៨កន្លែង និងវិស័យកសិកម្ម មានតម្រូវការចំនួន ១០ ០៤៩កន្លែង។ ក្នុងនោះមានខេត្តរាជធានីចំនួន១០ ដែលកំពុងមានតម្រូវការរួមមាន ៖ ខេត្តស្វាយរៀង ចំនួន ១១ ៤៥៧ កន្លែង, ខេត្តកំពង់ស្ពឺ ១០ ១០២កន្លែង, រាជធានីភ្នំពេញ ៩៣៨២កន្លែង, ខេត្តរតនគិរី ៥៦៨៦កន្លែង, ខេត្តក្រចេះ ៤០០០កន្លែង, ខេត្តកណ្តាល ៣៣២០កន្លែង, ខេត្តតាកែវ ២៦១៨កន្លែង, ខេត្តពោធិ៍សាត់ ១ ៥៨២កន្លែង, ខេត្តកំពង់ចាម ១ ០៥២កន្លែង, ខេត្តបន្ទាយមានជ័យ ៦០២កន្លែង និងខេត្តផ្សេងៗទៀតចំនួន ២០៦២កន្លែង។
ជាមួយគ្នានេះ របាយការណ៍ក៏បានបង្ហាញពីមុខរបរដែលមានតម្រូវការកម្លាងពលកម្មផងដែរ ដោយរួមមាន ៖ អ្នកបញ្ជាម៉ាស៊ីនដេរ ចំនួន ២៥ ០០២កន្លែង, កម្មករចំការដំណាំ ៩៩៨៦កន្លែង, កម្មករក្នុងផលិតកម្ម ៧១៧៤កន្លែង, អ្នកបញ្ជាគ្រឿងចក្រ និងម៉ាស៊ីនផលិតផលគីមី ចំនួន ១១០០កន្លែង, កម្មករខ្ចប់វេចដោយដៃ ៩៥៣កន្លែង, អ្នករចនាម៉ូដផលិតផល និងសម្លៀកបំពាក់ ៨៧០កន្លែង, អ្នកបញ្ជាម៉ាស៊ីនវេចខ្ចប់ច្រកដាក់ដប និងដាក់ផ្លាកសញ្ញា ៦៦១កន្លែង, មន្រ្តីឥណទាន និងប្រាក់កម្ចី ៥៨២កន្លែង, អ្នកបញ្ជាម៉ាស៊ីនត្បាញ និងប៉ាក់ ៥៥៥កន្លែង, អ្នកធ្វើការផ្នែកសិប្បកម្មខាងសម្ភារវាយនភណ្ឌធ្វើពីស្បែក និងសម្ភារដែលពាក់ព័ន្ធ ចំនួន៥៣៥កន្លែង និងមុខរបរផ្សេងៗចំនួន ៥៤៤៥កន្លែង។
គួរបញ្ជាក់ដែរថា ដើម្បីបំពេញតម្រូវការកម្លាំងពលកម្មជំនាញ រាជរដ្ឋាភិបាលកម្ពុជាអាណត្តិទី៧ បានដាក់ចេញនូវគោលនយោបាយបណ្តុះបណ្តាលជំនាញបច្ចេកទេស និងវិជ្ជាជីវៈ ដល់យុវជនចំនួន ១លាន៥សែននាក់ ក្នុងរយៈពេល៥ឆ្នាំ។ ក្នុងនោះវគ្គទី១ ដែលបានផ្តើមកាលពីពាក់កណ្តាលខែមករា ទើបតែបានធ្វើតេស្តបញ្ចប់ ដោយគេរំពឹងថា នឹងទទួលបានកម្លាំងពលកម្មដែលមានជំនាញប្រមាណ ២ម៉ឺន៥ពាន់នាក់៕
