ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជាលើកដំបូងក្នុងប្រវត្តិសាស្ត្រមនុស្សជាតិ ដែលអ្នកស្រាវជ្រាវបានទទួលភាពជោគជ័យក្នុងការបោះពុម្ពដៃ 3D ដែលមានឆ្អឹង សរសៃចងឆ្អឹងសន្លាក់ និងសរសៃពួរ ដែលធ្វើពីប៉ូលីមែរផ្សេងៗគ្នា ដោយប្រើបច្ចេកទេសស្កេនឡាស៊ែរ។
ការប្រើប្រាស់សារធាតុប៉ូលីម៊ែរបែបនេះ គឺអាចធ្វើទៅបានដោយប្រើបច្ចេកវិទ្យាថ្មី ដែលត្រូវបានបង្កើតឡើងដោយក្រុមអ្នកស្រាវជ្រាវនៅ ETH Zurich របស់ស្វីស និងអាជីវកម្មបង្កើតថ្មីនៅសហរដ្ឋអាមេរិក ។ ជាលទ្ធផល ក្រុមអ្នកស្រាវជ្រាវ អាចបង្កើតម៉ាស៊ីនបោះពុម្ព 3D ដែលអាចធ្វើការលើកិច្ចការស្មុគស្មាញ ហើយប្រើបានយូរជាងមុន។ បច្ចេកវិទ្យាថ្មីនេះ បានធ្វើឱ្យមានភាពងាយស្រួលក្នុងការផ្សំសារធាតុទន់ បត់បែន និងរឹង។ អ្នកស្រាវជ្រាវ ក៏អាចប្រើវា ដើម្បីបង្កើតរចនាសម្ព័ន្ធដ៏ល្អប្រណិត និងផ្នែកដែលក្រហូង ឬប្រហោង តាមដែលចិត្តចង់បាន។
លោក Robert Katzschman សាស្ត្រាចារ្យផ្នែករ៉ូបូត ETH Zurich បានលើកឡើងថា «រ៉ូបូតដែលត្រូវបានបង្កើតឡើងដោយសម្ភារៈទន់ ដូចជា ដៃដែលយើងបង្កើត មានគុណសម្បត្តិច្រើនជាងរ៉ូបូតធម្មតា ដែលធ្វើពីដែក។ ដោយសារវាទន់ មិនសូវមានហានិភ័យនៃការរងរបួស នៅពេលដែលពួកគេធ្វើការជាមួយមនុស្ស ហើយជាពិសេសវាអាចជំនួយទំនិញដែលខូច»
គួរជម្រាបជូនថា នៅ ETH Zurich ក្រុមការងាររបស់ Katzschmann នឹងប្រើប្រាស់បច្ចេកវិទ្យា ដើម្បីស្វែងរកលទ្ធភាពក្នុងការបង្កើតថ្មីបន្ថែមទៀត និងរចនារចនាសម្ព័ន្ធកាន់តែទំនើប។ Inkbit គ្រោងនឹងប្រើប្រាស់បច្ចេកវិទ្យាថ្មីនេះ ដើម្បីផ្តល់សេវាកម្ម 3D – Printing ដល់អតិថិជនរបស់ខ្លួន និងលក់ម៉ាស៊ីនបោះពុម្ពថ្មី៕
