អតីតសិស្សនិទ្ទេស A ប្រាប់គន្លឹះរៀនត្រៀមប្រឡងបាក់ឌុបមុខវិជ្ជាគណិតវិទ្យាទទួលបាននិទ្ទេសល្អ

ការប្រឡងសញ្ញាបត្រមធ្យសិក្សាទុតិយភូមិ ឬបាក់ឌុប កាន់តែខិតជិតមកដល់ ក្នុងនោះបេក្ខជនជាសិស្សានុសិស្ស​នៅសល់ពេលវេលាមិនច្រើននោះទេក្នុងការត្រៀមចំណេះដឹង សមត្ថភាព ដើម្បីប្រឡងយកនិទ្ទេសដែលខ្លួនពេញចិត្ត ក៏ដូចជាលទ្ធផលល្អអាចទទួលយកបាន។

យុវជន ផាន សុភាក់ ជាអតីតសិស្សនិទ្ទេស A ឆ្នាំ២០២២ និងជានិស្សិតឆ្នាំទី១ ផ្នែកជំនាញគ្រប់គ្រងពាណិជ្ជកម្មអន្តរជាតិ ហើយបច្ចុប្បន្នជាអ្នកនិពន្ធនិងផ្សព្វផ្សាយនៅក្នុងមជ្ឈមណ្ឌលអ្នកបន្តវេន បានចែករំលែកបទពិសោធន៍​ដើម្បីទទួលបាននិទ្ទេសល្អ ដោយ​ក្នុងនោះ រូបគេបានដាក់គោលដៅយកនិទ្ទេស A ពេលប្រឡងបាក់ឌុប ចាប់តាំងពីថ្នាក់ទី១០មកម្លេះ ។ សុភាក់ បន្តថា កត្តាដែលជំរុញឱ្យរូបគេសម្រេចក្តីស្រមៃមួយនេះ ក៏ដោយសារ កត្តាខ្លួនឯង មានការលើកទឹកចិត្តពីគ្រួសារចង់ឱ្យរៀនសូត្រខ្ពង់ខ្ពស់ ដោយផ្តល់ថវិកាជាច្រើនសម្រាប់ផ្គត់ផ្គង់ការសិក្សារៀនសូត្រ។ ទន្ទឹមគ្នានេះ លោកគ្រូ អ្នកគ្រូ ខិតខំប្រឹងប្រែងពន្យល់មេរៀន បង្រៀនប្រកបដោយទិកនិច និងពោរពេញដោយការលើកទឹកចិត្តគ្រប់ពេលវេលា។ ក្នុងនោះ មិត្តភក្តិក៏ចាំជួយលើកទឹកចិត្ត និងជឿជាក់លើសមត្ថភាពថា រូបគេពិតជាអាចយកនិទ្ទេសល្អបាន។

យុវជន ផាន សុភាក់ ជាអតីតសិស្សនិទ្ទេសA ឆ្នាំ២០២២

“ខ្ញុំបានខិតខំប្រឹងប្រែងរៀនជាខ្លាំងដោយចាប់យកថ្នាក់វិទ្យាសាស្រ្ត ព្រោះខ្ញុំគិតថាខ្ញុំពូកែខាងមុខវិជ្ជាគិតលេខ ហើយថ្នាក់វិទ្យាសាស្រ្តងាយស្រួលយកនិទ្ទេសល្អ”

យុវជន ផាន សុភាក់ ជាអតីតសិស្សនិទ្ទេសA ឆ្នាំ២០២២

អតីតសិស្សនិទ្ទេស A ឆ្នាំ២០២២ រូបនេះ បញ្ជាក់បន្ថែមថា ដើម្បីរៀនត្រៀមប្រឡងគណិតវិទ្យាយកនិទ្ទេសល្អ គឺសិស្សានុសិស្សដែលជាបេក្ខជនប្រឡងត្រូវអនុវត្ត រួមមាន រៀនមេរៀនណាឱ្យច្បាស់មេរៀនហ្នឹង ក្នុងនោះ ការចាំរូបមន្តគឺអាស្រ័យលើការអនុវត្ត​លំហាត់ឱ្យបានច្រើន។ ទន្ទឹមគ្នានេះ យល់ពីមូលដ្ឋានគ្រឹះ គឺចាំបាច់បំផុតសម្រាប់មុខវិជ្ជាគណិតវិទ្យា ដែលទាមទារឱ្យប្អូនៗចេះមូលដ្ឋានគ្រឹះឱ្យច្បាស់ដើម្បីងាយស្រួលរៀនលំហាត់។

ជាមួយគ្នានេះ សិស្សានុសិស្ស ត្រូវព្យាយាមធ្វើលំហាត់ឱ្យបានច្រើនតាមមេរៀននីមួយៗ (បើមេរៀនមួយមុខមានសៀវភៅមួយក្បាលកាន់តែល្អ) ។ ពេលធ្វើលំហាត់ព្យាយាមមើលលំហាត់ឱ្យច្បាស់​ ពិសេស ខ្នាត ការគិតលេខជាដើម។ រាល់លំហាត់របស់ក្រសួងទាំងអស់ក្នុងសៀវភៅពុម្ព និងសៀវភៅសង្ខេបរបស់ក្រសួងត្រូវធ្វើឱ្យអស់។ លើសពីនេះ ធ្វើវិញ្ញាសាបាក់ឌុបពីឆ្នាំ​ ២០១៤ដល់២០២២។ ហើយការសរសេរចម្លើយ ត្រូវសរសេរឱ្យមានរបៀប (លេខច្បាស់ៗ គូសបន្ទាប់ជុំវិញចម្លើយ) អាចកំណត់ម៉ោងដើម្បីសាកសមត្ថភាពខ្លួនឯងធ្វើដូចពេលកំពុងប្រឡងបាក់ឌុបកាន់តែល្អ។

ប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប

ចំពោះបញ្ហាដែលជួបប្រទះក្នុងការសិក្សាដែល សុភាក់ បានជួបអំឡុងត្រៀមប្រឡងបាក់ឌុប គឺការបាក់ទឹកចិត្ត ដែលជាអារម្មណ៍មួយសឹងតែចង់បោះបង់ម្តងៗ ព្រោះការសិក្សាដើម្បីយកនិទ្ទេសល្អត្រូវខិតខំប្រឹងប្រែងខ្លាំង។ ពេលខ្លះកិច្ចការសាលាច្រើន ជួយការងារផ្ទះច្រើន ដែលនាំឱ្យពិបាកក្នុងការរៀន ដែលនាំឱ្យមានចង់បោះបង់ ប៉ុន្តែយ៉ាងណាក៏ដោយ សុភាក់ នៅតែតាំងចិត្តធ្វើឱ្យបានលទ្ធផលល្អ។

អតីតសិស្សនិទ្ទេស A មកពីខេត្តកំពង់ឆ្នាំងរូបនេះ ក៏បានលើកទឹកចិត្តដល់ប្អូនៗដែលត្រៀមប្រឡងបាក់ឌុបនាខាងមុខនេះ ត្រូវរក្សាសុខភាពឱ្យបានល្អ ព្រោះសុខភាពជារឿងដែលសំខាន់បំផុតដែលប្អូនៗត្រូវយកចិត្តទុកដាក់មុនគេ។ «បើសុខភាពយើងមិនអំណោយផលហើយ អ្វីៗគ្រប់យ៉ាងដែលយើងប្រឹងទាំង១២ឆ្នាំគឺត្រូវបាត់បង់ទាំងអស់»។

ម៉្យាវិញទៀត ប្អូនៗក៏​ត្រូវហ្វឹកហាត់ធ្វើវិញ្ញាសាឆ្នាំចាស់ឱ្យអស់ ព្រោះថា ឆ្នាំនេះអាចនឹងចេញលំហាត់ចាស់ៗទៀត។ ស្វ័យសិក្សាវិញ្ញាសាថ្មីៗដែលត្រូវគ្នាជាមួយនឹងកម្រិតបាក់ឌុបបន្ថែម។ លើសពីនេះ ស្វែងយល់ពីចំណេះដឹងសង្គមថ្មីៗ ព្រោះវាជាការល្អដែលយើងយល់ដឹង ហើយមានគំនិតច្រើនពេលប្រឡងនាថ្ងៃខាងមុខ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍សម្រាប់សិស្សនារី​ទៅ​សិក្សា​នៅ​សហរដ្ឋអាមេរិក តាមរយៈកម្មវិធី SHE-CAN

ព័ត៌មានអាហារូបករណ៍, ព្រឹត្តិការណ៍

• 29/08/2024

ជាថ្មីម្តងទៀត​នៅឆ្នាំនេះ កម្មវិធីអាហារូបករណ៍ SHE-CAN បានកំពុងស្វែង​រកនិស្សិតស្រ្តីឆ្នើមពីប្រទេស​កម្ពុជា លីបេរីយ៉ា និងហ្គាតេម៉ាឡា ដែលមានការតាំងចិត្តខ្ពស់​ក្នុងការចូលរួមអភិវឌ្ឍប្រទេស​ខ្លួន ទៅ​បន្ត​ការ​សិក្សា​នៅសហរដ្ឋអាមេរិក។

វគ្គសិក្សាឥតគិតថ្លៃតាម online ទាំង១០នៅសាកលវិទ្យាល័យតូរ៉ុនតូប្រទេសកាណាដា

ព័ត៌មានអាហារូបករណ៍, ព្រឹត្តិការណ៍

• 30/03/2023

សាកលវិទ្យាល័យតូរ៉ុនតូ នៃប្រទេស​កាណាដា បានផ្ដល់ការសិក្សាដោយឥតគិតថ្លៃតាមរយៈប្រព័ន្ធ Online ចំនួន១៥មុខជំនាញ ។...

ឱកាសសិក្សានៅប្រទេសអាល្លឺម៉ង់ពីកម្មវិធីអាហារូបករណ៍ Konrad Adenauer Stiftung ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 17/03/2023

កម្មវិធី Konrad Adenauer Stiftung ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់សិក្សា​នៅប្រទេសអាល្លឺម៉ង់សម្រាប់ឆ្នាំសិក្សា២០២៣ ។ ...

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Sydney ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 01/08/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Sydney នៃប្រទេសអូស្ដ្រាលីឆ្នាំសិក្សា២០២៣ ។ការសិក្សាផ្ដល់ដោយកម្មវិធី...

ឱកាសសិក្សាជំនាញវិជ្ជាជីវៈចំនួន២៧០កន្លែងនៅវិទ្យាស្ថានពហុបច្ចេកទេសខេត្តព្រៃវែង

ព័ត៌មានអាហារូបករណ៍, ព្រឹត្តិការណ៍, អាហារូបករណ៍

• 30/09/2024

វិទ្យាស្ថានពហុបច្ចេកទេសខេត្តព្រៃវែងប្រកាសជ្រើសរើសសិក្ខាកាមចូលសិក្សាជំនាញវិជ្ជាជីវៈវគ្គខ្លីក្រោមគម្រោង១លាន៥សែននាក់របស់រាជរដ្ឋាភិបាលកម្ពុជាសម្រាប់វគ្គសិក្សាថ្មី។ អាហារូបករណ៍​ផ្ដល់ជូនការសិក្សាចំនួន២៧០នាក់ លើមុខជំនាញ៩ផ្សេងគ្នា។

ឱកាស​ទទួលបានអាហារូបករណ៍ថ្នាក់អនុបណ្ឌិត និងបណ្ឌិតបច្ចេកវិទ្យា ពីសាកលវិទ្យាល័យខេមតិច

ព័ត៌មានអាហារូបករណ៍, ព្រឹត្តិការណ៍

• 21/03/2025

សម្រាប់សិស្ស​និស្សិត ក៏​ដូចជា​សាធារណជន ដែលកំពុង​មានបំណងចង់បន្តការសិក្សា​ថ្នាក់អនុបណ្ឌិត និងថ្នាក់បណ្ឌិត​ លើជំនាញបច្ចេកវិទ្យា ដែលជា​ជំនាញមានតម្រូវការ​ក្នុងសម័យ​បដិវត្តន៍​ឧស្សាហកម្ម ពេលនេះ​គឺជា​ឱកាស ដោយសាកលវិទ្យាល័យខេមតិច...

កម្មវិធីអាហារូបករណ៍ចេនហ្ស៊ី ផ្តល់អាហារូបករណ៍១០០% ដល់និស្សិតកំពុងសិក្សា​នៅ​សាកលវិទ្យាល័យធំៗ​ចំនួន៣

ព័ត៌មានអាហារូបករណ៍, ព្រឹត្តិការណ៍

• 21/01/2025

និស្សិត​ដែល​កំពុងសិក្សា​នៅសាកលវិទ្យាល័យភូមិន្ទភ្នំពេញ, សាកលវិទ្យាល័យ​ជាតិគ្រប់គ្រង និង​វិទ្យាស្ថាន​បច្ចេកវិទ្យាកម្ពុជា នឹងមានឱកាស​ទទួលបានអាហារូបករណ៍​១០០%រយៈពេល៤ឆ្នាំ..

ឱកាសចូលរួមកម្មវិធីសិក្ខាសាលាអន្តរជាតិ “The 5th ROK-Mekong Youth Group Workshop” នៅប្រទេសកូរ៉េខាងត្បូង

ព័ត៌មានអាហារូបករណ៍, ព្រឹត្តិការណ៍

• 19/06/2026

ជាឱកាស​សម្រាប់យុវជន​កម្ពុជាក្នុងការ​ផ្លាស់ប្តូរ​ការ​សិក្សា​ទៅក្រៅប្រទេស ពេលនេះ ក្រសួងការបរទេសនៃសាធារណរដ្ឋកូរ៉េ (ROK) បានប្រកាសបើកទទួលពាក្យសុំសម្រាប់ការ​ចូលរួមកម្មវិធីសិក្ខាសាលាក្រុមយុវជនកូរ៉េ-មេគង្គ លើកទី៥ ...

ឱកាសសិក្សាថ្នាក់ឧត្ដមសិក្សា៤០០កន្លែង ពីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 25/10/2023

ឱកាសសិក្សាអាហារូបករណ៍ថ្នាក់ឧត្ដមសិក្សានៅវិទ្យាស្ថានខ្មែរជំនាន់ថ្មីចំនួន៤០០កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤។អាហារូបករណ៍ផ្ដល់ជូនក្រោមការ.....