ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ស្រ្តីមានផ្ទៃពោះនៅវ័យក្មេង នៅតែជាបញ្ហាប្រឈមនៅឡើយ ដោយបើប្រៀបធៀបទៅនឹងការអង្កេតឆ្នាំ២០១៤ ឃើញថា មានការធ្លាក់ចុះតិចតួចប៉ុណ្ណោះ មានន័យថាស្រ្តីវ័យក្មេងមានផ្ទៃពោះពី១៥ ទៅ១៦ ឆ្នាំបានថយចុះពី១២ភាគរយ ទៅ៩ភាគរយ ដែលវានៅតែជាភាគរយខ្ពស់ ។ នេះជាការលើកឡើងរបស់លោកស្រីវេជ្ជបណ្ឌិត គឹម រ័ត្ននា ប្រធានមជ្ឈមណ្ឌលជាតិគាំពារមាតា និងទារក នៃក្រសួងសុខាភិបាល។
លោកស្រីវេជ្ជបណ្ឌិត បន្ថែមថា ពាក់ព័ន្ធនឹងការមានផ្ទៃពោះនៅវ័យក្មេង ក៏ទាក់ទងទៅនឹងការអប់រំដែរ ដោយថា ក្មេងវ័យជំទង់ដែលមានការសិក្សា គឺមានផ្ទៃពោះរហូតទៅដល់៣២ភាគរយ ក្នុងនោះនៅបឋមសិក្សាមាន១៤ភាគរយ ចំណែកអនុវិទ្យាល័យមាន០៥ភាគរយ។ នេះបង្ហាញឱ្យឃើញថា បញ្ហាការមានផ្ទៃពោះនៅវ័យក្មេង ពាក់ព័ន្ធនឹងការសិក្សា ដោយបើគាត់ទទួលបានឱកាសសិក្សាបានខ្ពស់ នោះអត្រានៃការមានផ្ទៃពោះក៏នឹងត្រូវបានកាត់បន្ថយដូចគ្នា។
ពាក់ព័ន្ធនឹងការមិនបំពេញនូវតម្រូវការមធ្យោបាយពន្យារកំណើត លោកស្រីវេជ្ជបណ្ឌិតមើលឃើញថា មានកាវិវឌ្ឍន៍តិចតួច ដោយមិនទាន់ឆ្លើយតបនឹងតម្រូវការពន្យារកំណើត ដែលជាកត្តានាំឱ្យពួកគាត់មានបញ្ហា មានផ្ទៃពោះទាំងដែលខ្លួនទាន់មិនចង់បាន។
លោកស្រីវេជ្ជបណ្ឌិត គឹម រ័ត្ននា
“គន្លឹះសម្រាប់បញ្ហាសុខភាពបន្តពូជរបស់យុវវ័យ អ្វីដែលត្រូវផ្តោតសំខាន់គឺ ការផ្តល់ប្រឹក្សាទាក់ទងនឹងបញ្ហាសុខភាព ទៅដល់ស្រ្តីក៏ដូចជាបុរស អំពីការប្រើប្រាស់សេវាពន្យារកំណើត ដូចជាពិនិត្យសុខភាពពាក់ព័ន្ធនឹងជំងឺឆ្លង ឬកាមរោគផ្សេងៗ”
លោកស្រីវេជ្ជបណ្ឌិតបន្តថា ប្រសិនបើយុវវ័យមិនមានសុខភាពល្អទេ នោះពួកគាត់អាចបន្តមេរោគទាំងនោះ ឬអាចចម្លងមេរោគទាំងនោះ ទៅកាន់កូនរបស់គាត់ ហើយមានទារក ឬកុមារដែលប្រឈមនឹងការឆ្លងរោគកាន់តែមានការកើនឡើង។ ដូច្នេះ ការអប់រំ ការផ្តល់ការបណ្តុះបណ្តាល ការផ្តល់ប្រឹក្សាដល់យុវវ័យ ជាចំណុចសំខាន់ដើម្បីឱ្យពួកគាត់យល់ដឹង ចេះថែទាំខ្លួន តាំងតែពីគាត់មិនទាន់មានគ្រួសារ។
លោកស្រីវេជ្ជបណ្ឌិត គឹម រ័ត្ននា សង្កត់ថា ចំណុចសំខាន់មួយទៀត គឺត្រូវបំប៉ន និងពង្រឹងគុណភាពនៃការផ្តល់សេវាពាក់ព័ន្ធនឹងសុខភាពយុវវ័យ ដែលហៅថាយុវវ័យមេត្រី ដោយផ្តោតទៅលើក្រុមងាយរងគ្រោះ និងស្រ្តីដែលមិនទទួលបានការសិក្សា ដោយពួកគាត់ប្រឈមនឹងការមានផ្ទៃពោះនៅវ័យក្មេង ដែលការមានផ្ទៃពោះរបស់ពួកគាត់ប្រឈមនឹងគ្រោះថ្នាក់៕
