ឯកឧត្តមបណ្ឌិត វុទ្ធី មុនីរ័ត្ន ៖ គោលដៅសិក្សាច្បាស់លាស់ជាចំណុចសំខាន់នៃ

ឯកឧត្តមបណ្ឌិត វុទ្ធី មុនីរ័ត្ន ៖ គោលដៅសិក្សាច្បាស់លាស់ជាចំណុចសំខាន់នៃអាហារូបករណ៍ប្រទេសជប៉ុន

ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍, អាហារូបករណ៍

14/09/2021 14/09/2021

ភ្នំពេញ – នៅក្នុងសិក្ខាសាលាអនឡាញមួយក្រោមប្រធានបទ គន្លឹះរៀបចំផ្លូវដើម្បីទទួលបានអាហារូបករណ៍ជប៉ុន កាលព្រឹកថ្ងៃអាទិត្យកន្លងទៅ ឯកឧត្តមបណ្ឌិត វុទ្ធី មុនីរ័ត្ន សមាជិកគណៈប្រឹក្សាយោបល់វិទ្យាសាស្ត្រ បច្ចេកវិទ្យា និងនវានុវត្តន៍របស់ក្រុមប្រឹក្សាជាតិវិទ្យាសាស្រ្ត បច្ចេកវិទ្យា និងនវានុវត្តន៍ និងបានបញ្ចប់ការសិក្សាថ្នាក់បណ្ឌិតជំនាញធនធានទឹកក្រោមដីពីសាកលវិទ្យាល័យឈីបា ប្រទេសជប៉ុន កាលពីឆ្នាំ២០១០ មានប្រសាសន៍ថា គោលដៅសិក្សាច្បាស់លាស់ជាចំណុចសំខាន់បំផុតជួយឱ្យនិស្សិតទទួលបានអាហារូបករណ៍បន្តការសិក្សានៅប្រទេសជប៉ុន ។ ទន្ទឹមគ្នានេះ ឯកឧត្តមបណ្ឌិត បានចែករំលែកបទពិសោធន៍ប្រាំមួយចំណុចចម្បងៗ ជួយឱ្យសិស្សនិស្សិតស្គាល់ច្បាស់ពីបរិយាកាសសិក្សាអាហារូបករណ៍នៅប្រទេសជប៉ុន ។

១. ឱកាសទទួលបានអាហារូបករណ៍ទៅសិក្សានៅជប៉ុនទូលំទូលាយ និងមានច្រើនជំនាញសម្រាប់និស្សិតជ្រើសរើស ។ អាហារូបករណ៍មានសម្រាប់វគ្គបណ្តុះបណ្តាលខ្លី អាហារូបករណ៍ជំនាញបច្ចេកទេស និងវិជ្ជាជីវៈ អាហារូបករណ៍ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ ថ្នាក់ក្រោយបរិញ្ញាបត្រជាន់ខ្ពស់ (កម្រិតបណ្ឌិត) និងថ្នាក់ស្រាវជ្រាវជំនាញផ្សេងៗ ។ អាហារូបករណ៍ទៅជប៉ុនមិនចាំបាច់ទាមទារឱ្យចេះភាសាជប៉ុនខ្លាំងនោះទេ គ្រាន់តែប្រើប្រាស់ភាសាអង់គ្លេសសម្រាប់ការសិក្សាស្រាវជ្រាវតែប៉ុណ្ណោះ ហើយភាសាជប៉ុនអាចភាគច្រើនប្រើសម្រាប់ការសិក្សាថ្នាក់ជំនាញបច្ចេកទេស ឬការបណ្តុះបណ្តាលក្នុងពេលខ្លីជាដើម ។

២. ឱកាសទទួលបានការងារច្រើនជំនាញ (អាចជ្រើសរើសបាន) នៅប្រទេសជប៉ុន ដើម្បីរកចំណូលបន្ថែម ។ ក្រៅពីឱកាសទទួលបានសិក្សានៅប្រទេសជឿនលឿន ប្រទេសជប៉ុនមានការងារជាច្រើនត្រូវការប្រជាជនចំណូលស្រុកជួយធ្វើ ឬរកចំណូលបន្ថែម មានទាំងវិស័យកសិកម្ម វិស័យឧស្សាហ៍កម្ម និងផ្នែកផ្សេងៗទៀត ។ និស្សិតអាចធ្វើការបណ្តើររៀនបណ្តើរ ។ លើសពីនេះ ការងារនៅជប៉ុនអាចទទួលបានកម្រៃខ្ពស់ ហើយចំណាយតិចសម្រាប់ការរស់នៅ ។

៣. យល់ពីរបៀបរស់នៅក្នុងប្រទេសជប៉ុន និងឱកាសអភិឌ្ឍន៍សមត្ថភាពនៅសង្គមជប៉ុន ។ ទីនេះទំនងជាប្លែកបន្តិចត្រង់ឥរិយាបថរស់នៅរបស់ប្រជាជនទើបធ្វើដំណើរដល់ទឹកដីជប៉ុនដំបូង ។ ក្រៅពីសិក្សានៅសាលារៀន ឬសាកលវិទ្យាល័យ សិស្សនិស្សិតអាចមានពេលវេលាស្វែងយល់ពីរបៀបរស់នៅរបស់ប្រជាជនជប៉ុន វប្បធម៌ជប៉ុន និងរបៀបធ្វើការងាររបស់ជនជាតិជប៉ុន ។ ជនជាតិនេះតែងមានទម្លាប់គោរពពេលវេលាទៀងណាស់ ហើយអ្នកសិក្សាអាចរៀនសូត្របានយ៉ាងច្រើនពីប្រជាជនជប៉ុន ។ ជប៉ុនបង្រៀនមនុស្សឱ្យមានភាពក្លាហាន និងមានទំនួនខុសត្រូវលើកិច្ចការ ព្រមទាំងប្រើយុទ្ធសាស្ត្រខាយហ្ស៊ិន – Kaizen ដើម្បីដឹកនាំខ្លួននៅក្នុងការងារ ។

“ពេលខ្លះការងារត្រូវធ្វើ ៨ម៉ោង គេមិនចាំបាច់ត្រូវការមានអ្នកទៅត្រួតពិនិត្យឡើយ អ្នកធ្វើការមានទំនួនខុសត្រូវដោយខ្លួនឯង ៨ម៉ោងគឺ ៨ម៉ោងច្បាស់លាស់ នេះជាទម្លាប់មួយរបស់ជនជាតិជប៉ុន”
ឯកឧត្តមបណ្ឌិត វុទ្ធី មុនីរ័ត្ន

៤. ការយល់ឃើញមួយចំនួនដែលផ្ទុយពីការពិតចំពោះប្រទេសជប៉ុន ជាកត្តាមួយបង្អាក់ឱកាសសិក្សារបស់យុវជនកម្ពុជា ។ កង្វល់ និងក្តីបារម្ភនានាតែងកើតមានចំពោះយុវជនកម្ពុជាមួយចំនួន ដោយខ្លាចគ្រោះធម្មជាតិកើតឡើងនៅពេលកំពុងសិក្សា ខ្លាចរញ្ជួយដី ឬក៏ទឹកជំនន់ផ្សេងៗ ប៉ុន្តែការពិតមិនបែបនេះទាំងស្រុងឡើយ ។ ជប៉ុនបានត្រៀមខ្លួនជាស្រេចទប់ទល់នឹងបញ្ហាគ្រោះថ្នាក់ធម្មជាតិនានា ហើយបានកសាងហេដ្ឋារចនាសម្ព័ន្ធជាច្រើនឆ្លើយតបទៅនឹងឥទ្ធិពលធម្មជាតិដែរ ។ ចំណុចនេះជប៉ុនបានប្រមើលដឹងមុនថា នឹងមានរឿងអ្វីកើតឡើង ហើយបានត្រៀមខ្លួនជាស្រេចចំពោះបញ្ហាទាំងឡាយ ។

៥. ឱកាសទទួលបានការងារនៅកម្ពុជា បន្ទាប់ពីបញ្ចប់ការសិក្សាពីប្រទេសជប៉ុន ។ ឯកឧត្តមបណ្ឌិត វុទ្ធី មុនីរ័ត្ន មានប្រសាសន៍ថា ជំនាញដែលបានសិក្សានៅប្រទេសជប៉ុនបានចូលរួមចំណែកពង្រឹងសមត្ថភាពធនធានមនុស្សកម្ពុជា ហើយបន្ទាប់ពីបញ្ចប់ការសិក្សាជំនាញអ្វីមួយ និស្សិតងាយទទួលឱកាសការងារជាច្រើនទាំងក្នុងស្ថាប័នរដ្ឋ និងស្ថានប័នឯកជន ។

“ខ្ញុំជឿថា មិនអត់ការធ្វើនោះទេ រៀនចប់មានទំនាក់ទំនងជាមួយជនជាតិដែលមានបំណងចង់មកវិនិយោគនៅកម្ពុជា ពេលនោះមានការងារជាច្រើនដែលត្រូវធ្វើ ។ បុគ្គលធ្វើការងារយូរទៅនៅក្រុមហ៊ុនជប៉ុន នោះនឹងក្លាយជាអ្នកគ្រប់គ្រងឬតំណាងក្រុមហ៊ុនជប៉ុននៅកម្ពុជា ។ ចំណែកអ្នករៀនពីជប៉ុនចង់ចូលបម្រើការងារជាមន្ត្រីរាជការក៏បាន គេប្រាកដជាចង់បាន គេដឹងនិងស្គាល់ច្បាស់ណាស់ ហោចណាស់ក៏ដឹងថាជាមនុស្សច្បាស់លាស់ក្នុងការងារ និងគោរពពេលវេលាដែរ”
ឯកឧត្តមបណ្ឌិត វុទ្ធី មុនីរ័ត្ន

៦. វិធីសាស្ត្រទទួលបានអាហារូបករណ៍ទៅសិក្សានៅប្រទេសជប៉ុន សំខាន់បំផុតកំណត់គោលដៅឱ្យបានច្បាស់លាស់ ។ អ្នកមានបំណងបន្តការសិក្សាត្រូវសួរខ្លួនឯងថា ចង់សិក្សាជំនាញអ្វី ? និងចង់ឃើញខ្លួនឯងធ្វើអ្វីបន្ទាប់បីបញ្ចប់ការសិក្សា ? យុវជនត្រូវសម្រួចគោលដៅ និងស្វែងរកព័ត៌មានអាហារូបករណ៍ ខំប្រឹងភាសាអង់គ្លេសសម្រាប់ថ្នាក់បរិញ្ញបត្រជាន់ខ្ពស់ ឬបណ្ឌិត ហើយសិក្សាភាសាជប៉ុនបន្ថែមដើម្បីកសាងទំនាក់ទំនង ។ ពេលសម្ភាសន៍អាហារូបករណ៍ត្រូវក្លាហាន បង្ហាញគោលបំណងឱ្យបានច្បាស់លាស់ និងមានភាពម្ចាស់ការលើខ្លួនឯងទើបប្រសើរបំផុត ។ កុំភ្លេចថា ចំណេះជំនាញទទួលបានពីអាហារូបករណ៍នៅជប៉ុន នឹងចូលរួមអភិវឌ្ឍន៍ប្រទេសកម្ពុជា ។

សូមជម្រាបថា សិក្ខាសាលាអនឡាញក្រោមប្រធានបទ “គន្លឹះរៀបចំផ្លូវដើម្បីទទួលបានអាហារូបករណ៍ជប៉ុន” រៀបចំឡើងក្នុងគោលបំណងស្វែងយល់បន្ថែមអំពីអាហារូបករណ៍ និងការសិក្សានៅប្រទេសជប៉ុន និងស្វែងយល់ពីគន្លឹះ និងបទពិសោធន៍នៃការត្រៀមខ្លួនក្នុងការបំពេញបែបបទឲ្យមានភាពទាក់ទាញ និងត្រៀមសម្ភាសន៍ឲ្យបានពិន្ទុខ្ពស់ ។ សិក្ខាសាលាអនឡាញនេះ រៀបចំឡើងដោយក្រុមយុវជនស្ម័គ្រចិត្តដើម្បីការអភិវឌ្ឍសង្គម – YVSD សហការដោយវិទ្យាស្ថានតេជោសែន សាធារណការ និងដឹកជញ្ជូន ៕

លោក ម៉ៅ សំណាង | Mr. Mao Samnang

ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

No active slides found

There is nothing to show here!

ទំនាក់ទំនងលេខទូរសព្ទ៖

023 22 02 02 ឬ 1800 200 200

ការប្រាក់ត្រឹមតែ

សម្រាប់ឆ្នាំទី១

ទំហំកម្ចីជាង២០.០០០ដុល្លារ

របាយការណ៍ថ្មី

មើលទាំងអស់ ➧

វិធីជំរុញខ្លួនឯងឱ្យធ្វើលំហាត់ប្រាណបានទៀងទាត់

ចំណេះជីវិត, បទយកការណ៍

• 04/02/2026

អត្ថប្រយោជន៍នៃការប្រើប្រាស់ឡើងវិញ និងកាត់បន្ថយប្លាស្ទិក

ចំណេះជីវិត, បទយកការណ៍

• 04/02/2026

ក្នុងវ័យសិក្សា តើសិស្សនិស្សិតគួរគេងប៉ុន្មានម៉ោងទើបល្អ?

ចំណេះជីវិត, បទយកការណ៍

• 04/02/2026

កត្តាសំខាន់ៗក្នុងការរៀបចំសម្ភារៈ និងឯកសារ ដែលជួយសម្រួលដល់ការសិក្សា

ចំណេះជីវិត, ជំនាញ, បទយកការណ៍

• 18/12/2025

៣គន្លឹះដើម្បីបង្កើនឥទ្ធិពលក្នុងការទំនាក់ទំនង

ចំណេះជីវិត, បទយកការណ៍

• 17/12/2025

រក្សាភាពស្ងប់អំឡុងពេលស្រេ្តស ជួយរក្សាស្មារតីឱ្យនៅជាមួយបច្ចុប្បន្នភាព

ចំណេះជីវិត, បទយកការណ៍

• 17/11/2025

អនុវិស័យ ១២ ដែលមានតម្រូវការការងារខ្ពស់ក្នុង ឆ្នាំ២០២៤ និងឆ្នាំ២០២៥

ចំណេះជីវិត, បទយកការណ៍

• 02/06/2025

មត្តេយ្យសិក្សាជាមូលដ្ឋានគ្រឹះដំបូងមិនអាចខ្វះបានសម្រាប់កុមារមុនឈានដល់បឋមសិក្សា

ចំណេះជីវិត, បទយកការណ៍, អប់រំកុមារតូច

• 27/12/2024

វត្តមានយុវតីសិក្សាជំនាញវិស្វកម្មទឹក និងបរិស្ថាន ជួយលើកកម្ពស់ការអប់រំសហគមន៍ និងសម្រេចគោលដៅអភិវឌ្ឍន៍ប្រកបដោយចីរភាពនៅកម្ពុជា

បទយកការណ៍, យុវជនឆ្នើម

• 13/12/2024

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់ឧត្ដមសិក្សាពីកម្មវិធី Canada-ASEAN នៅប្រទេសកាណាដា ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 25/03/2025

ឱកាសសិក្សាថ្នាក់ឧត្ដមសិក្សា និងក្រោយឧត្ដមសិក្សា ពីកម្មវិធី Canada-ASEAN Scholarships and Educational Exchanges for Development (SEED) ឆ្នាំសិក្សា២០២៥ ។

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ DAAD MIDE ឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 19/06/2024

កម្មវិធីអាហារូបករណ៍ DAAD ប្រកាសផ្ដល់អាហារូបករណ៍សិក្សាថ្នាក់បរិញ្ញាបត្រជាន់ខ្ពស់ចំនួន៣ឆមាស នៅសាកលវិទ្យាល័យ Berlin នៃប្រទេសអាល្លឺម៉ង់។ ...

សម្តេចតេជោផ្តល់អាហារូបករណ៍សម្រាប់និស្សិតកម្ពុជាទៅសិក្សានៅប្រទេសចិនចំនួន ៨០កន្លែង

ព័ត៌មានអាហារូបករណ៍, ព្រឹត្តិការណ៍

• 15/03/2024

អាហារូបករណ៍សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត តាមរយៈសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី បានប្រកាសផ្តល់អាហារូបករណ៍ចំនួន ៨០កន្លែង...

អាហារូបករណ៍ថ្នាក់បរិញ្ញាបត្រចំនួន១០កន្លែងនៅវិទ្យាស្ថានជាតិសហគ្រិនភាព និងនវានុវត្តន៍ ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 05/12/2023

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១០កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិសម្រាប់សិស្ស-និស្សិតទូទាំងប្រទេសឱ្យសិក្សាថ្នាក់បរិញ្ញាបត្រ សិក្សា...

អាហារូបករណ៍ថ្នាក់បរិញ្ញាបត្រជាន់ខ្ពស់១០កន្លែងនៅសាកលវិទ្យាល័យ MGIMO ប្រទេសរុស្ស៊ីឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 12/07/2023

សាកលវិទ្យាល័យ MGIMO នៃប្រទេសរុស្ស៊ី ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ដល់សារណជនទាំងអស់នៅបណ្ដាប្រទេសសមាជិកអាស៊ាន រួមទាំងកម្ពុជា ។...

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ YALE ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 19/11/2025

ឱកាសសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ YALE សហរដ្ឋអាមេរិក ឆ្នាំសិក្សា២០២៦។ ការសិក្សាផ្ដល់តាមរយៈកម្មវិធីអាហារូបករណ៍ Yale University Scholarship 2026។

អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Australia Awards ២០២៤នៅប្រទេសអូស្រ្តាលី

ព័ត៌មានអាហារូបករណ៍, ព្រឹត្តិការណ៍

• 29/02/2024

កម្មវិធីអាហារូបករណ៍ Australia Awards ប្រកាសបើកទទួលពាក្យស្នើសុំអាហារូបករណ៍ថ្នាក់ឧត្តមសិក្សានៅសាកលវិទ្យាល័យល្បីៗក្នុងប្រទេសអូស្ត្រាលី...

គន្លឹះចំនួន៧ ក្នុងការសម្ភាសន៍បានជោគជ័យសម្រាប់អាហារូបករណ៍ Chevening

ព័ត៌មានអាហារូបករណ៍, ព្រឹត្តិការណ៍

• 15/08/2025

ដំណាក់កាលនីមួយៗនៃការដាក់ពាក្យអាហារូបករណ៍ Chevening ជាការសន្សំពិន្ទុដើម្បីឱ្យខ្លួនឯងមានអាទិភាពជាប់ជាបេក្ខភាពអាហារូបករណ៍ ជាពិសេសនៅក្នុងវគ្គសម្ភាសន៍។ ខាងក្រោមនេះ ជាគន្លឹះចំនួន៧ដែលអាចជួយឱ្យបេក្ខជន បេក្ខនារី...

អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យកាតាឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 12/09/2023

ឱកាសសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យកាតា ពីកម្មវិធីអាហារូបករណ៍ Qatar University Scholarship ឆ្នាំសិក្សា២០២៤ ។ អាហារូបករណ៍ផ្ដល់...