ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កំពង់ឆ្នាំង៖ បន្ទាប់រៀនចប់ថ្នាក់ទី12 ក្នុងដំណើរជីវិតជានិស្សិតសិក្សាជំនាញវិទ្យាសាស្ត្រជលផលនៅសាលាភូមិន្ទកសិកម្មចំការដូង ពាក្យដែលលឺចេញពីមាត់អ្នកជុំវិញខ្លួនជារឿយៗ
“ក្មេងស្រីមកពីស្រែ រៀនកសិកម្ម កសិកម្មស្រែៗ”
សម្តីទាំងនេះបានបំបាក់ទឹកចិត្តយុវតីម្នាក់ដែលប្រាថ្នាចង់ឃើញវិស័យកសិកម្មនៅកម្ពុជារីកចម្រើនឱ្យសមឈ្មោះថា កម្ពុជាជាប្រទេសកសិកម្ម។ តាមរយៈពាក្យពេចន៍មិនផ្តល់តម្លៃដល់ជំនាញកសិកម្មបែបនេះ ធ្វើឱ្យកញ្ញា អ៊ី ស្រីមុំ ជំរុញទឹកចិត្តខ្លួនឯងប្រឹងប្រែងតស៊ូ រហូតបញ្ចប់ការសិក្សាជំនាញវិទ្យាសាស្ត្រជលផលដោយជោគជ័យ និងបានក្លាយជាអ្នកជំនាញបង្កាត់ភ្ញាស់កូនត្រីនៅក្នុងកសិដ្ឋាននៃអង្គការតុកកែញញឹមកម្ពុជា ស្ថិតនៅខេត្តកំពង់ឆ្នាំង។
“ទោះបីថាខ្ញុំស្រែៗរៀនកសិកម្ម តែកសិកម្មនេះហើយជួយមនុស្សឱ្យរស់រានមានជីវិត”
កញ្ញា អ៊ី ស្រីមុំ
កញ្ញា អ៉ី ស្រីមុំ បាននិយាយដូច្នេះនៅពេលដែល AMS បានសួរនាំពីប្រវត្តិសិក្សាកាលជានិស្សិតនៅសាកលវិទ្យាកសិកម្ម ខណៈរូបគេជាកូនអ្នកស្រុកស្រែស្រាប់ មានទឹកដីកំណើតនៅខេត្តកំពង់ធំ។
កញ្ញា អ៊ី ស្រីមុំ បានបញ្ជាក់ពីមូលហេតុជំរុញចិត្តសិក្សាជំនាញវិទ្យាសាស្ត្រជលផលថា ៖
“ខ្ញុំយល់ថាកសិកម្មហ្នឹង ជំនាញជលផលហ្នឹង ជួយប្រជាពលរដ្ឋកម្ពុជាបានច្រើនណាស់ ! ជួយទាំងជីវភាពប្រជាជន ជួយទាំងសុខភាព ជួយទាំងស្បៀងអាហារ ជួយបង្រៀនមនុស្សឱ្យចេះផលិតរបស់ហូបចុកដោយខ្លួនឯងក្នុងគ្រួសារ…”
កញ្ញា អ៊ី ស្រីមុំ
ក្នុងឆ្នាំ 2015 ក្រោយពេលរៀនចប់ភ្លាម កញ្ញា អ៊ី ស្រីមុំ បានចូលបម្រើការងារនៅអង្គការតុកកែញញឹមកម្ពុជា ហើយបច្ចុប្បន្នជាគ្រប់គ្រងការងារបង្កាត់ភ្ញាស់ត្រី និងបង្រៀនកសិករពីបច្ចេកទេសក្នុងការងារផលិតកម្មវារីវប្បកម្ម។ កញ្ញា ស្រីមុំ បានបន្តថា រៀនកសិកម្មបើអត់ការងារសោះ ហោចណាស់ក៏មានការងារធ្វើក្នុងផ្ទះផ្គត់ផ្គង់ជីវភាពគ្រួសារដែរ។
កញ្ញា អ៊ី ស្រីមុំ បានបញ្ចប់ការសិក្សានៅវិទ្យាល័យកំពង់ឈើទាល ខេត្តកំពង់ធំ ក្នុងឆ្នាំ 2012 និងបានទទួលអាហារូបករណ៍ជំនាញវិទ្យាសាស្ត្រជលផល នៅសាកលវិទ្យាល័យភូមិន្ទកសិកម្មចំការដូង រយៈពេលបួនឆ្នាំ និងបានបញ្ចប់ការសិក្សាថ្នាក់បរិញ្ញាបត្រនេះនៅក្នុងឆ្នាំ 2015។ ស្រីមុំ មានគម្រោងក្នុងចិត្តចង់កសិដ្ឋានផលិតកូនត្រីពូជដោយខ្លួនឯង ដែលអាចផ្គត់ផ្គង់កូនត្រីពូជបាននៅក្នុងខេត្តរបស់ខ្លួន៕
ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។
របាយការណ៍សំខាន់
ព័ត៌មានទូទៅ
ហេតុអ្វីកម្ពុជានៅលេខ៨១ ក្នុងរង្វាយតម្លៃ PISA ឆ្នាំ២០២២ ទោះជាមានកំណែទម្រង់វិស័យអប់រំឆ្នាំ២០១៤?
រដ្ឋមន្រ្តីអប់រំដាក់ចេញទិសដៅយុទ្ធសាស្រ្តចំនួន ៤ ដើម្បីបន្តកែលម្អប្រព័ន្ធអប់រំកម្ពុជា មានភាពប្រកួតប្រជែងក្នុងតំបន់ និងអន្តរជាតិ
ឯកឧត្តម ហង្ស សុតសំភារ ៖ ស្ថាបត្យករវ័យក្មេងបច្ចុប្បន្ន មានសមត្ថភាពខ្ពស់ អាចបន្តវេនសម្រាប់ការសាងប្រទេសជាតិ ពិសេសវិស័យស្ថាបត្យកម្ម
ឯកឧត្តម ឈួរ សុបញ្ញា ៖ ពេលយុវជនមានបេះដូងដឹងគុណ នោះសង្គមនឹងមានមូលដ្ឋានរឹងមាំ ប្រកបដោយសីលធម៌ គុណធម៌ និងសាមគ្គីភាព
តើ ពោត ល្អចំពោះសុខភាពដែរ ឬទេ?
ឱកាសរបស់យុវជនឆ្នើមលើវិស័យបច្ចេកវិទ្យា និងការបង្កើតហ្គេម ដើម្បីឈ្នះអាហារូបករណ៍ ១ម៉ឺនដុល្លារ ពីកម្មវិធីប្រកួតបង្កើតហ្គេមកម្រិតអន្តរជាតិ
រដ្ឋមន្រ្តីអប់រំ អំពាវនាវឱ្យសាលារៀនគំរូ និងសាលារៀនទាំងអស់ បញ្ចូលស្មារតីស្នេហាជាតិក្នុងកម្មវិធីសិក្សា
វេសឡាញបង្កើតក្រុមប្រឹក្សាសិស្សដើម្បីរួមចំណែកអភិវឌ្ឍសាលារៀន សហគមន៍ និងបណ្តុះភាពជាអ្នកដឹកនាំ
ក្រសួងវប្បធម៌ អំពាវនាវឱ្យយុវជនប្រើប្រាស់ទិវានៃក្តីស្រឡាញ់ ជាឱកាសបង្ហាញមនោសញ្ចេតនាស្រឡាញ់ដឹងគុណ
អ៊ី ស៊ីដា ៖ តស៊ូរស់ដើម្បីកូន និងប្រទេសកម្ពុជា
កម្មវិធីពិសេសរបស់ AMS EDUCATION
ព័ត៌មានសង្ខេប
