ឯកឧត្តម ឈួរ សុបញ្ញា ៖ ពេលយុវជន​មានបេះដូង​ដឹងគុណ នោះសង្គម​នឹង​មាន​មូលដ្ឋានរឹងមាំ ប្រកប​ដោយសីលធម៌ គុណធម៌ និង​សាមគ្គីភាព

កាលពីថ្ងៃទី១៤ ខែកុម្ភៈ ឆ្នាំ២០២៦ ក្រុមកាយរឹទ្ធិរៀមច្បងរាជធានីភ្នំពេញ សហការជាមួយការិយាល័យយុវជន នៃមន្ទីរអប់រំ យុវជន និងកីឡា រាជធានីភ្នំពេញ និងសមាគមអប់រំសីលធម៌អន្តរជំនាន់ បានរៀបចំពិធីខមាទោស និងដឹងគុណគ្រូចូលនិវត្តន៍ នៅវិទ្យាល័យ ជាស៊ីម សន្ធរម៉ុក ស្របទៅ​នឹង​កម្មវិធីផ្សព្វផ្សាយអត្ថន័យទិវានៃក្តីស្រឡាញ់ ក្រោមប្រធានបទ «រួមគ្នាលើកកម្ពស់សុខុមាលភាពសង្គម ផ្តើមចេញពីក្តីស្រឡាញ់ប្រកបដោយសីលធម៌»។

ក្នុង​ឱកាស​នោះ ឯកឧត្តម ឈួរ សុបញ្ញា លើកឡើងថា ទិវានៃក្តីស្រឡាញ់ គួរត្រូវបានបកស្រាយក្នុងន័យសង្គម និងសីលធម៌ មិនត្រឹមជាការបង្ហាញអារម្មណ៍ផ្ទាល់ខ្លួនប៉ុណ្ណោះទេ ប៉ុន្តែជាការអនុវត្តន៍ក្តីស្រឡាញ់តាមរយៈការដឹងគុណ និងការគោរពអ្នកមានគុណ។ ការខមាទោស និងការថ្លែងអំណរគុណចំពោះគ្រូ គឺជាការអប់រំចិត្តយុវជនឱ្យចេះ​ទទួល​ខុសត្រូវ ចេះគោរព និងចេះថែរក្សាតម្លៃវប្បធម៌ជាតិ។ ពេលយុវជនមានបេះដូងដឹងគុណ នោះសង្គមនឹង​មានមូលដ្ឋាន​រឹងមាំប្រកប​ដោយសីលធម៌ គុណធម៌ និងសាមគ្គីភាព។

ឯកឧត្តម ឈួរ សុបញ្ញា មានប្រសាសន៍ថា ពេលយុវជនចេះសំពះសុំអភ័យទោស និងថ្លែងអំណរគុណ ចំពោះអ្នកបង្រៀន និងផ្តល់ចំណេះដឹង នោះពួកគេកំពុងបណ្តុះគុណធម៌ក្នុងខ្លួន និងកំពុងរួមចំណែកកសាងសង្គមសន្តិភាព។ ដោយឡែក កម្មវិធីខមាទោស និង​ដឹងគុណ ដែលរៀបចំឡើងនេះ មិនត្រឹមជាពិធីការបែបប្រពៃណីទេ ប៉ុន្តែជាវេទិកាអប់រំសង្គម ដែលបញ្ជាក់ថា ក្តីស្រឡាញ់ប្រកបដោយសីលធម៌ គឺជាគ្រឹះនៃសុខុមាលភាព និងការអភិវឌ្ឍប្រកបដោយចីរភាព។យុវវ័យដែលចេះដឹងគុណ នឹងក្លាយជាពលរដ្ឋល្អ។

“យុវវ័យដែលមានសីលធម៌ នឹងក្លាយជាអ្នកដឹកនាំល្អនៅថ្ងៃខាងមុខ។ ហើយយុវវ័យដែលចេះស្រឡាញ់ដោយ​មានការ​ទទួលខុសត្រូវ នឹងក្លាយជាថាមពលវិជ្ជមានសម្រាប់សង្គមជាតិ”

លោក ង៉ែត ចាន់សុខ ប្រធានការិយាល័យយុវជន រាជធានីភ្នំពេញ មានប្រសាសន៍ថា កម្មវិធីខមាលទោស និង​ដឹងគុណគ្រូ គឺជាគំរូអប់រំដ៏មានអត្ថន័យ ដែលបង្ហាញថា សុខុមាលភាពសង្គម មិនអាចកើតឡើងដោយច្បាប់ ឬគោលនយោបាយ​តែប៉ុណ្ណោះទេ ប៉ុន្តែត្រូវចាប់ផ្តើមពីការកសាងចិត្តមនុស្ស។ ក្នុងសម័យឌីជីថល ដែលយុវជនទទួលឥទ្ធិពលពីព័ត៌មាន និងវប្បធម៌ចម្រុះ ក្តីស្រឡាញ់ត្រូវមានសីលធម៌ជាគោលដៅ មានការទទួលខុសត្រូវ និងមានការគោរពគ្នាទៅវិញទៅមក។

លោកបានលើកទឹកចិត្តឱ្យ​យុវជនបន្តអនុវត្តវប្បធម៌ដឹងគុណដោយមិនត្រឹមជាព្រឹត្តិការណ៍ប្រចាំឆ្នាំ ប៉ុន្តែជាទម្លាប់ប្រចាំថ្ងៃ ដើម្បីបង្កើនសាមគ្គីភាព និងជំនឿទុកចិត្តក្នុងសង្គម។ លោក ចាន់សុខ មានប្រសាសន៍ថា ការខមាទោសគ្រូនៅថ្ងៃនេះ គឺជាអនុស្សាវរីយ៍ឱ្យ​យុវជនចងចាំថា មនុស្សមិនអាចជោគជ័យដោយខ្លួនឯងឡើយ, នៅពីក្រោយភាពជោគជ័យ មានការប្រឹងប្រែងរបស់គ្រូ មាតាបិតា និងសង្គម។ ដូច្នេះ យុវជនត្រូវបម្លែងក្តីស្រឡាញ់ទៅជាការខិតខំរៀនសូត្រ ការអនុវត្តវិន័យ ការចូលរួមសកម្មភាពសង្គម និងការពារកិត្តិយសខ្លួនឯង៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បណ្ឌិតពីកម្មវិធី Rosa Luxemburg នៅប្រទេសអាល្លឺម៉ង់ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 22/09/2023

ឱកាសសិក្សាថ្នាក់បណ្ឌិតពីមូលនិធិ Rosa Luxemburg នៃកម្មវីធីសិក្សា DAAD ប្រទេសអាល្លឺម៉ង់ឆ្នាំសិក្សា២០២៤-២០២៥ ។ អាហារូបករណ៍ផ្ដល់ជូនការសិក្សាដល់និស្សិតបរទេស.....

ឱកាសសិក្សា​ជំនាញកក់សំបុត្រយន្តហោះ ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 17/02/2025

ដើម្បីចូលរួម​ពង្រឹងគុណភាពសេវាកម្ម និង​ការ​អភិវឌ្ឍ​សមត្ថភាព និង​ជំនាញថ្មី​ដល់យុវជន សិស្ស និស្សិត និង​អ្នក​បម្រើ​ការក្នុងឧស្សាហកម្ម​ទេសចរណ៍ ជាពិសេស​ជំនាញកក់សំបុត្រយន្តហោះ ក្រសួងទេសចរណ៍ បានប្រកាស​ដល់​អ្នក​បម្រើ​ការ​ក្នុងវិស័យ...

អាហារូបករណ៍ថ្នាក់បណ្ឌិតនៅសាកលវិទ្យាល័យសាកលវិទ្យាល័យ​ United Arab Emirate ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 29/02/2024

ឱកាសសិក្សាអាហារូបករណ៍ថ្នាក់បណ្ឌិតនៅសាកលវិទ្យាល័យ United Arab Emirate ពីកម្មវិធីអាហារូបករណ៍ UEAU PHD នៅទីក្រុងឌូបៃឆ្នាំសិក្សា២០២៤។ ...

ឱកាស​អាហារូបករណ៍​ទៅ​សិក្សា​នៅ​ប្រទេស​រុស្ស៊ី​ចំនួន​៤០កន្លែង សម្រាប់ឆ្នាំសិក្សា​២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 23/01/2023

សមាគមនិស្សិត​ខ្មែរ​ប្រចាំ​សហព័ន្ធរុស្ស៊ី​បានជូនដំណឹងថា ក្នុងឆ្នាំ​សិក្សា​២០២៣នេះ រដ្ឋាភិបាល​ នៃសហព័ន្ធរុស្ស៊ី នឹងផ្តល់អាហារូបករណ៍​ចំនួន ៤០កន្លែង​ដល់សិស្ស និស្សិត ...

អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ពីរដ្ឋាភិបាលប៊ែលហ្សិកឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 10/06/2025

កម្មវិធីអាហារូបករណ៍រដ្ឋាភិបាលប៊ែលហ្សិក ប្រកាសជ្រើសរើសនិស្សិតអន្តរជាតិសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងវគ្គបណ្ដុះបណ្ដាលផ្សេងៗ នៅសាកលវិទ្យាល័យជាច្រើនក្នុងប្រទេសប៊ែលហ្សិកសម្រាប់ឆ្នាំសិក្សា២០២៥-២០២៦។

អាហារូបករណ៍​ថ្នាក់ក្រោយ​ឧត្តមសិក្សា និង​ថ្នាក់បរិញ្ញាបត្រ ចំនួន១២០កន្លែង ទៅសិក្សា​នៅ​ប្រទេស​វៀតណាម ឆ្នាំ​សិក្សា​២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 30/09/2025

ក្នុង​ឆ្នាំសិក្សា​២០២៥-២០២៦ នេះ ក្រសួងអប់រំ យុវជន និងកីឡា នឹង​ធ្វើ​ការ​ជ្រើសរើស​និស្សិត​អាហារូបករណ៍​ថ្នាក់ក្រោយ​ឧត្តមសិក្សា និង​ប្រឡង​ជ្រើសរើស​និស្សិត​អាហារូបករណ៍​ថ្នាក់បរិញ្ញាបត្រ ចំនួន ១២០នាក់ ទៅ​សិក្សា​នៅ​សាធារណរដ្ឋសង្គម​និយមវៀតណាម។

វិទ្យាស្ថានពហុបច្ចេកទេសខេត្តកំពង់ឆ្នាំង ផ្តល់អាហារូបករណ៍៤៥កន្លែង សម្រាប់ជំនាញជួសជុលកុំព្យូទ័រ និង​រចនាក្រាហ្វិច

ព័ត៌មានអាហារូបករណ៍, ព្រឹត្តិការណ៍

• 22/05/2023

ក្រោមថវិកាគម្រោងទ្រទ្រង់គ្រឹះស្ថានជំហាន១ ឆ្នាំ២០២៣ វិទ្យាស្ថានពហុបច្ចេកទេសខេត្តកំពង់ឆ្នាំងប្រកាសជ្រើសរើសសិស្សសិក្សាជំនាញ​បច្ចេកទេស​ដោយ​ឥតគិតថ្លៃចំនួន ៤៥នាក់។...

ឱកាសផ្លាស់ប្តូរការសិក្សាអន្តរជាតិ ទៅសាកលវិទ្យាល័យ Sannio ប្រទេសអ៊ីតាលី

ព័ត៌មានអាហារូបករណ៍, ព្រឹត្តិការណ៍

• 02/06/2026

ឱកាសផ្លាស់ប្តូរការសិក្សាអន្តរជាតិ នៅសាកលវិទ្យាល័យ Sannio ប្រទេសអ៊ីតាលី ឆ្នាំសិក្សា ២០២៦-២០២៧...

វិទ្យាស្ថានបច្ចេកទេស​ឧស្សាហកម្ម ប្រកាស​ផ្តល់អាហារូបករណ៍១០០% ព្រមជាមួយ​កន្លែងស្នាក់នៅ ដល់កូនៗ​វីរៈកងទ័ព

ព័ត៌មានអាហារូបករណ៍, ព្រឹត្តិការណ៍

• 30/07/2025

តាមរយៈសេចក្តីជូនដំណឹងកាលពីថ្ងៃទី២៩ កក្កដា វិទ្យាស្ថាន​បច្ចេកទេស​ឧស្សាហកម្ម ហៅកាត់ថា (ITI) បានប្រកាស​ផ្តល់អាហារូបករណ៍​១០០%