ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រ នៅសហរដ្ឋអាមេរិកសម្រាប់ឆ្នាំសិក្សា២០២៦ ពីកម្មវិធីអាហារូបករណ៍ SHE-CAN ដោយអាហារូបករណ៍ SHE-CAN ចាប់បើកទទួលពាក្យស្នើសុំអាហារូបករណ៍ សម្រាប់និស្សិតស្ត្រី ដើម្បីលើកកម្ពស់ជីវភាពរបស់ជនរួមជាតិខ្មែរ។
អាហារូបករណ៍ SHE-CAN ផ្ដល់ការសិក្សាអាហារូបករណ៍ពេញលេញ សិក្សានៅសហរដ្ឋអាមេរិក ជាមួយនឹងសាកលវិទ្យាល័យ និងជំនាញជាច្រើនក្នុងសហរដ្ឋអាមេរិក។
លក្ខខណ្ឌនៃបេក្ខជន ៖ ជាបេក្ខនារីដែលមានអាយុចាប់ពី១៧ ដល់ ២០ឆ្នាំ មានឆន្ទៈចង់ក្លាយជាអ្នកដឹកនាំ បានបញ្ចប់ថ្នាក់ទី១២ (និទ្ទេស A និង B) បានបញ្ចប់ថ្នាក់វិទ្យាល័យមុនខែមករា ឆ្នាំ២០២៦ មានចំណាប់អារម្មណ៍បន្តការសិក្សាថ្នាក់បរិញ្ញាបត្រនៅសហរដ្ឋអាមេរិក។ ជាមួយគ្នានេះ ជាបេក្ខនារីដែលមកពីគ្រួសារមានចំណូលទាប មានចំណេះដឹងភាសាអង់គ្លេស ជាអ្នកដឹកនាំនៅក្នុងសាលារៀន ឬសហគមន៍។
អត្ថប្រយោជន៍ដែលបេក្ខនារីទទួលបានពីអាហារូបករណ៍មាន ៖ ជំនួយក្នុងការសិក្សាពេញលេញនៅសហរដ្ឋអាមេរិក លើផ្នែកហិរញ្ញវត្ថុ ការបណ្ដុះបណ្ដាលភាពជាអ្នកដឹកនាំ ការណែនាំតម្រង់ទិសទាំងការសិក្សា និងអាជីព ដើម្បីឱ្យនិស្សិតត្រៀមខ្លួនរួចជាស្រេចក្នុងការក្លាយជាអ្នកដឹកនាំនាពេលត្រឡប់មកកម្ពុជាវិញ។ បេក្ខនារីដែលមានចំណាប់អារម្មណ៍ក្នុងការដាក់ពាក្យ អាចចូលទៅកាន់ https://shecan.global/ និងដាក់ពាក្យស្នើអាហារូបករណ៍តាមរយៈ https://shecan.global/scholars/apply-to-be-a-scholar/ ។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១៥ ខែតុលា ឆ្នាំ២០២៥។
យ៉ាងណាក៏ដោយ បើចង់ដឹងថា តើធ្វើយ៉ាងដូចម្តេចទើបអាចដាក់ពាក្យអាហារូបករណ៍ SHE-CAN នេះបានជោគជ័យ, សូមស្តាប់បទពិសោធន៍របស់ កញ្ញា កៅ ម៉េងហ័រ ដែលនាងបានជាប់ជាបេក្ខភាព SHE-CAN ត្រៀមទៅបន្តការសិក្សានៅសហរដ្ឋអាមេរិក ឆ្នាំ២០២៦-២០៣០។
