ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ នៅពេលនឹកដល់ពិធីបុណ្យចូលឆ្នាំប្រពៃណីខ្មែរ ប្រជាជនខ្មែរតែងនឹកដល់ឱកាសនៃការជួបជុំក្រុមគ្រួសារ ឪពុកម្ដាយ បងប្អូនញាតិមិត្ត និងការធ្វើដំណើរទៅលេងស្រុកកំណើត ជាពិសេសទិដ្ឋភាពលេងល្បែងប្រជាប្រិយកម្សាន្តសប្បាយ។ បើពិចារណាឱ្យបានលម្អិតទៅលើអត្ថន័យពីធីបុណ្យចូលឆ្នាំខ្មែរ គេអាចទាញជាគុណតម្លៃអប់រំពីព្រហ្មវិហារធម៌ទាំងបួន ដែលមនុស្សគ្រប់មជ្ឈដ្ឋានអាចយកមកប្រើក្នុងជីវិតរស់ប្រចាំថ្ងៃ។ នេះបើតាមការយល់ឃើញរបស់លោក យូ សុភា សាស្រ្តាចារ្យវប្បធម៌ខ្មែរ នៃសាកលវិទ្យាល័យភូមិន្ទភ្នំពេញ។
តាមរយៈរឿងព្រេងទាក់ទងនឹងពីធីបុណ្យចូលឆ្នាំខ្មែរ ត្រង់ចំណុចកបិលមហាព្រហ្មបានហៅទេពធីតាទាំងប្រាំពីរអង្គមកប្រាប់ថា “បិតាត្រូវកាត់ព្រះកេសបូជាធម្មបាលកុមារ ឯព្រះកេសបិតានេះបើយកទៅចោលលើផែនដីនឹងមានភ្លើងឆេះទាំងលោកធាតុ។ បើយកទៅបោះចោលហើយលើអាកាសភ្លៀងនឹងរាំង។ បើយកទៅចោលក្នុងសមុទ្រទឹកសមុទ្រនឹងរីងស្ងួត”។ កបិលមហាព្រហ្មក៏បានកាត់ព្រះកេសរបស់ខ្លួនហុចទៅនាងទុង្សាទេវី ដែលត្រូវជាបុត្រីច្បង។ ដូច្នេះហើយទើបព្រះអង្គឲ្យទេពធីតាទាំងប្រាំពីរអង្គយកជើងពានមកទ្រព្រះកេសបិតា និងផ្លាស់ប្តូរវេនគ្នាដង្ហែរព្រះកេសបិតាម្តងម្នាក់ជារៀងរាល់ឆ្នាំ។
លោក យូ សុភា ជាសាស្រ្ដាចារ្យវប្បធម៌ខ្មែរ នៃសាកលវិទ្យាល័យភូមិន្ទភ្នំពេញ មានប្រសាសន៍ថា អត្ថន័យបង្កប់ក្នុងរឿងព្រេងនេះ ព្រះភ័ក្រ្តរបស់កបិលមហាព្រហ្ម ជានិមិត្តរូបនៃព្រហ្មវិហារធម៌ទាំង៤ មាន មេត្តា ករុណា មុទិតា និងឧបេក្ខា។
“មិនថាមនុស្សលោក ទេវតា ព្រះព្រហ្មនោះទេ ការគោរពពាក្យសច្ចៈគឺជាធម៌ដ៏ប្រសើរបំផុតមិនអាចខ្វះឡើយ។ គំនិតអប់រំបន្ទាប់បន្សំទៀត កុំមើលស្រាលមនុស្សដោយការប្រមាទ ព្រោះពួកគេក៏អាចមានបុណ្យវាសនាខ្ពស់ដែរ ហើយកូនៗត្រូវគោរពតាមបណ្តាំរបស់ឪពុក”។
លោក យូ សុភា សាស្រ្តាចារ្យវប្បធម៌ខ្មែរ នៃសាកលវិទ្យាល័យភូមិន្ទភ្នំពេញ
បន្ថែមពីនេះ លោក យូ សុភា មានប្រសាសន៍ពន្យល់អំពីអត្ថន័យព្រហ្មវិហារធម៌ទាំងបួននេះថា ៖
“មេត្តា មានន័យថា មនុស្សមានចិត្តស្ងប់ទូលំទូលាយ ផ្សាយក្តីស្រឡាញ់ដល់មនុស្សគ្រប់គ្នា ស្រឡាញ់រាប់រកគ្នាដោយមិនប្រកាន់។ ករុណា មានក្ដីអាណិតអាសូរ ដោយគ្មានការច្រណែនឈ្នានីសយកត្រូវតែខ្លួនឯង តិះតៀន ឬរិះគន់អ្នកដទៃ។ មុទិតា គ្មានចិត្តច្រណែននិន្ទាឈ្នានីស មិនក្តិចត្រួយ ពោលគឺមានចិត្តត្រេកអរតាម។ ឧបេក្ខា ត្រូវតាំងចិត្តជាកណ្ដាល មិនលម្អៀង និងមានចិត្តអព្យាក្រឹត”។
លោក យូ សុភា សាស្រ្តាចារ្យវប្បធម៌ខ្មែរ នៃសាកលវិទ្យាល័យភូមិន្ទភ្នំពេញ
នេះបើតាមសៀវភៅ ព្រះបាទធម្មិក និពន្ធដោយ ឥន្ធបញ្ញោភិក្ខុ ហេង មណីចន្ដា ៖
“ការដើរតាមព្រហ្មវិហារធម៌ទាំងបួននេះ សំខាន់ខ្លាំងណាស់សម្រាប់វាសនាប្រជារាស្រ្ដ និងប្រទេសជាតិ។ បើសិនជាគោលការណ៍នេះត្រូវបានអនុវត្តដោយប្រជារាស្រ្ដទូទៅ ព្រមទាំងអ្នកដឹកនាំនោះ ប្រទេសជាតិទាំងមូលប្រាកដជានឹងមានសុខុដុមរម្យនា មានសន្តិភាព វឌ្ឍនភាព និងសេចក្ដីសុខជាមិនខាន។ ប្រសិនបើប្រជារាស្រ្ដ ឬអ្នកដឹកនាំសង្គមណាមួយពុំបានដើរតាមព្រហ្មវិហារធម៌ទាំងបួននេះទេ ជំងឺចងអាឃាតគ្នា ព្យាបាទគ្នាពុំមានទីបញ្ចប់ សង្រ្គាមទុរគតភាព និងអពមង្គល នឹងរាតត្បាតសង្គមនោះជាពុំខាន”។
ឥន្ធបញ្ញោភិក្ខុ ហេង មណីចន្តា
គួររំលឹកថា ពិធីបុណ្យចូលឆ្នាំប្រព្រឹត្តទៅចំនួន០៣ថ្ងៃ។ ថ្ងៃទីមួយ ជាថ្ងៃមហាសង្ក្រាន្ត ថ្ងៃទីពីរ ជាថ្ងៃវនបត ថ្ងៃទីបី ជាថ្ងៃវារៈឡើងស័ក។ អំឡុងពេលពិធីបុណ្យចូលឆ្នាំខ្មែរបានអប់រំឱ្យកូនមានកត្តញ្ញូកត្តវេទីចំពោះឪពុកម្ដាយ ដោយការជូនសម្លៀកបំពាក់ ថវិកា គ្រឿងឧបភោគបរិភោគ ក៏ដូចជារបស់ប្រើប្រាស់ផ្សេងៗផងដែរ។ ទន្ទឹមគ្នានេះបុណ្យចូលឆ្នាំក៏បានបង្កប់តម្លៃអប់រំយ៉ាងវិសេសវិសាលសម្រាប់កូនចៅខ្មែរជំនាន់ក្រោយ កែប្រែនូវទម្លាប់មិនល្អ ចេះច្បិចយកលក្ខណៈប្រសើរនៃពិធីនេះមកប្រើប្រាស់ក្នុងជីវិតរស់នៅប្រចាំថ្ងៃ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍សំខាន់
ព័ត៌មានទូទៅ
រកឃើញជ័យលាភីថ្នាក់ជាតិ គម្រោងឆ្នើម ល្អ និងគំរូ «កម្ពុជាក្នុងបេះដូងខ្ញុំ» នៃកម្មវិធី «មនសិការពលរដ្ឋល្អ» ឆ្នាំ២០២៦
ចំណាយពេលស្រាវជ្រាវជិត៤០ឆ្នាំ ទីបំផុតជនជាតិបែលហ្សិកម្នាក់ឈ្នះពានរង្វាន់ណូបែលឆ្នាំ២០២៦ ផ្នែករូបវិទ្យា
អ្នកជំនាញបច្ចេកវិទ្យាលោក ជី សុផាត បង្កើតគេហទំព័រ ជួយពលរដ្ឋខ្មែរពិនិត្យ «សុខភាពឌីជីថល» ដោយឥតគិតថ្លៃ
វិធានការការពារសុខភាពក្នុងអំឡុងពេលពិធីបុណ្យកាន់បិណ្ឌ និងភ្ជុំបិណ្ឌ ដែលគួរយល់ដឹង
អាហារូបករណ៍ថ្នាក់អនុបណ្ឌិត សិក្សានៅចក្រភពអង់គ្លេស ពីកម្មវិធី International Postgraduate Excellence Award
ក្រសួងអប់រំរឹតបន្តឹងការធានាគុណភាពការសិក្សាថ្នាក់បណ្ឌិត ដើម្បីលើកកម្ពស់តម្លៃសញ្ញាបត្រ
សម្តេចធិបតីផ្តល់អនុសាសន៍គន្លឹះ៥ចំណុច ដើម្បីលើកកម្ពស់គុណភាពអប់រំ និងបណ្តុះបណ្តាលវិជ្ជាជីវៈ នៅកម្ពុជា ឆ្លើយតបនឹងទីផ្សារការងារសម័យឌីជីថល
មហោស្រពអក្សរសិល្ប៍ខ្មែរឆ្នាំនេះ នឹងប្រារព្ធធ្វើឡើងនៅខេត្តព្រៃវែង ក្រោមប្រធានបទ «ដំណើរអក្សរសិល្ប៍»
យុវជនខ្មែរ យល់ដឹងច្រើនអំពីពិធីបុណ្យភ្ជុំបិណ្ឌ និងចេះដឹងគុណឪពុកម្ដាយ
តើគួរញ៉ាំ និងចៀសវាងអ្វីខ្លះ នៅពេលគ្រុនក្តៅ?
កម្មវិធីពិសេសរបស់ AMS EDUCATION
ព័ត៌មានសង្ខេប
