ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ បច្ចុប្បន្នលើប្រព័ន្ធអ៊ីធឺណេតនិងបណ្តាញសង្គមផ្សេងៗមានព័ត៌មានជាច្រើន និងកំពុងជះឥទ្ធិពលយ៉ាងខ្លាំងដល់ការសម្រេចចិត្តរបស់អ្នកប្រើប្រាស់ស្ទើរគ្រប់វ័យ។ ក្រសួងប្រៃសនីយ៍និងទូរគមនាគមន៍បានបង្ហាញថា ក្នុងចំណោមអ្នកប្រើប្រាស់សេវាអ៊ីនធឺណិតនៅកម្ពុជាមាន ២៦% ធ្លាប់ទទួលការបៀតបៀនតាមប្រព័ន្ធអនឡាញក្នុងនោះកុមារជាជនរងគ្រោះខ្លាំងជាងគេ។ ការរំលោភបំពានតាមបណ្ដាញអ៊ីនធឺណិតចំពោះកុមារមានសន្ទុះកើនឡើងកាន់តែខ្លាំងនៅទូទាំងសាកលលោក។
ខណៈការប្រើប្រាស់អ៊ីនធឺណែតមានការកើនឡើងក្នុងដំណាក់កាលសាលារៀនផ្ទាកបណ្តោះអាសន្នដោយសារឥទ្ធិពលកូវីដ-១៩ សុវត្ថិភាពអ៊ីនធឺណេតសម្រាប់អ្នកប្រើប្រាស់ជាកត្តាចម្បងដែលគ្រប់ភាគីកំពុងយកចិត្តទុកដាក់។ ការប្រើប្រាស់អ៊ីនធឺណែតរបស់កុមារ កន្លងទៅឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រី្តក្រសួងអប់រំ យុវជន និងកីឡា ធ្លាប់មានប្រសាសន៍ថា សិស្សានុសិស្សប្រើប្រាស់ប្រព័ន្ធអនឡាញ ក្នុងពេលសិក្សាអាចប្រឈមនឹងនិភ័យមួយចំនួន។
ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រី្តក្រសួងអប់រំ យុវជន និងកីឡា
“ពេលដែលសិស្សានុសិស្សប្រើប្រាស់ប្រព័ន្ធអនឡាញ គឺអាចប្រឈមជាមួយហានិភ័យមួយចំនួន ដូចជាការគម្រោមកំហែង ការឆបោក ការបៀតបៀនផ្លូវភេទ និងជួបប្រទះមាតិការមិនសមរម្យជាដើម។ សូមសិស្សានុសិស្សទាំងអស់ប្រុងប្រយ័ត្ន និងប្រាប់មាតាបិតា អាណាព្យាបាល ឬគ្រូបង្រៀន បើសិនជាជួបបញ្ហាខាងលើ”
ឯកឧត្តមបណ្ឌិតសភាចារ្យរដ្ឋមន្ត្រី បានបញ្ជាក់បន្ថែមថា ការប្រើប្រាស់ប្រព័ន្ធអ៊ីនធឺណែតពិតជាមានសារៈប្រយោជន៍សម្រាប់ការសិក្សារបស់កុមារ ប៉ុន្តែស្របគ្នានេះដែរ មាតាបិតា និងអាណាព្យាបាលសិស្សគួរយកចិត្តទុកដាក់លើការសិក្សារបស់កុមារ ដើម្បីចៀសវាងពីបញ្ហាប្រឈមនានា។
លោកស្រី ចាន់ ថាវរី ជាគ្រូបង្រៀននិងកំពុងរៀបចំមេរៀនបង្រៀនសិស្សពីចម្ងាយ យល់ឃើញថា ការប្រើប្រាស់អ៊ីនធឺណែតដែលត្រឹមត្រូវគួរមានក្បូនច្បាប់ក្នុងការប្រើប្រាស់។ បណ្ដាញសង្គមនីមួយៗ ត្រូវបញ្ចាក់អាយុអ្នកប្រើប្រាស់ចាប់ពី ១៨ឆ្នាំឡើងទៅទើបអាចប្រើប្រាស់បាន បើពុំនោះទេកុមារកម្ពុជាមួយចំនួននៅតែបន្តប្រើប្រាស់ដោយឥតក្រែង ដែលទាមទារឱ្យឪពុកម្ដាយគួរពិនិត្យមើលឱ្យអំពីបញ្ហានេះ។
លោកស្រី ចាន់ ថាវរី
“មាតិកាលើប្រព័ន្ធផ្សាព្វផ្សាយផ្ដល់ប្រយោជន៍សម្រាប់ការអប់រំ ចំណេះដឹង និងការកំសាន្តលល្អៗសម្រាប់កុមារ ប៉ុន្តែមាតិការខ្លះមិនមានប្រយោជន៍ទាល់តែសោះ មិនសមរម្យសម្រាប់កុមារប្រើប្រាស់នោះទេ ហើយមាតិការខ្លះធ្វើទៀតធ្វើឱ្យប៉ះពាល់អារម្មណ៍របស់ពួកគេតែម្តង”
គួររំលឹកដែរថា ដើម្បីលើកកម្ពស់ការយល់ដឹងអំពីគ្រោះថ្នាក់ដោយសារការប្រើប្រាស់បច្ចេកវិទ្យាឌីជីថលចំពោះកុមារ ក្រសួងប្រៃសណីយ៍ និងទូរគមនាគមន៍ បានរៀបចំយុទ្ធនាការឌីជីថល “គិតគូរកូន” ជួយដល់ឪពុកម្តាយ និងអាណាព្យាយាបាល អាចការពារសុវត្ថិភាពកូន ព្រមទាំងដោះស្រាយបញ្ហាពាក់ព័ន្ធការរំលោភបំពានកុមារតាមរូបភាពផ្សេងៗលើអ៊ីនធឺណេត។
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍សំខាន់
ព័ត៌មានទូទៅ
សហភាពអឺរ៉ុបផ្តល់អាហារូបករណ៍ពេញថ្លៃ ៣០កន្លែង លើជំនាញវិស័យទឹក ទៅសិក្សានៅសាកលវិទ្យាល័យក្នុងតំបន់អឺរ៉ុប
OCIC និង WCCI សហការបង្កើតសាកលវិទ្យាល័យបច្ចេកវិទ្យាអាកាសចរណ៍ដំបូងបង្អស់នៅកម្ពុជា
កម្ពុជា-អាមេរិក បន្តជំរុញឱកាសសិក្សា និងអភិវឌ្ឍជំនាញយុវជននៅសហរដ្ឋអាមេរិក
កម្ពុជាជំរុញការកាត់បន្ថយសំណល់ និងការពារបរិស្ថាន ដើម្បីពង្រឹងភាពស្អាត និងភាពបៃតង
ទិវាមនុស្សចាស់! សម្តេចធិបតីអំពាវនាវដល់គ្រប់គ្រួសារ បន្តពង្រឹងសីលធម៌ អប់រំកូនចៅឱ្យចេះគោរពមាតាបិតា ជីដូនជីតា និងព្រឹទ្ធាចារ្យ
រូបមន្តបែងចែកកញ្ចប់សន្សំ ៤ យ៉ាង ដើម្បីកសាងគ្រឹះហិរញ្ញវត្ថុរឹងមាំសម្រាប់យុវជន
សហភាពអឺរ៉ុបប្រកាសផ្តល់អាហារូបករណ៍ពេញលេញ Erasmus Mundus ថ្នាក់អនុបណ្ឌិតគោលនយោបាយសាធារណៈ
ជនរងគ្រោះពីអំពើហិង្សាផ្លូវភេទសម័យខ្មែរក្រហម ២៣៥នាក់ នៅខេត្តកំពត ទទួលបានសំណងក្រៅប្រព័ន្ធតុលាការ ដើម្បីស្តារជីវភាព និងសេចក្តីថ្លៃថ្នូរ
គម្រោង «PassKru» ជួយសម្រួលការស្វែងរកឯកសារប្រឡងគ្រូ ជាប់លេខ១ ក្នុងកម្មវិធី Next Gen Engagement Program Batch III
វិស័យអប់រំនៅអាស៊ីអាគ្នេយ៍កំពុងផ្តោតលើជំនាញសម្រាប់ពេលអនាគត
កម្មវិធីពិសេសរបស់ AMS EDUCATION
ព័ត៌មានសង្ខេប
