ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Groningen ពីកម្មវិធីអាហារូបករណ៍ Eric Bleumink នៃប្រទេសហូឡង់ឆ្នាំសិក្សា២០២៤-២០២៥ ។ អាហារូបករណ៍ផ្ដល់ជូនការសិក្សាដល់និស្សិតអន្តរជាតិជាច្រើនប្រទេសរួមទាំងកម្ពុជាផងដែរ ។
អាហាររូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់ដែលមានរយៈពេល១ឆ្នាំ ឬ២ឆ្នាំទៅតាមកម្មវិធីសិក្សាស្រាវជ្រាវរបស់បេក្ខជន ។ ជំនាញដែលអាហារូបករណ៍ផ្ដល់ជូនរួមមាន បរិញ្ញាបត្រជាន់ខ្ពស់ផ្នែកច្បាប់ ផ្នែកទស្សនវិជ្ជា ផ្នែកវិទ្យាសាស្ត្រលំហ ផ្នែកពាណិជ្ជកម្ម និងសេដ្ឋកិច្ច ផ្នែកវិទ្យាសាស្ត្រសង្គម និងអាកប្បកិរិយា ផ្នែកសិល្បៈ ផ្នែកវិទ្យាសាស្ត្រសុខាភិបាល និងផ្នែកសាសនា និងទ្រឹស្ដី ។
លក្ខណៈវិនិច្ឆ័យសិទ្ធដើម្បីទទួលបានអាហារូបករណ៍ Eric Bleumink រួមមាន សញ្ញាបត្រថ្នាក់បរិញ្ញាបត្រ ជានិស្សិតបរទេសជាច្រើនដែលអាហារូបករណ៍ផ្ដល់ឱ្យក្នុងនោះរួមទាំងនិស្សិតក្នុងប្រទេសកម្ពុជា មានជំនាញភាសាអង់គ្លេស មានប្រវត្តិសិក្សាល្អ មានសុខភាពផ្លូវកាយ និងផ្លូវចិត្តល្អ និងមិនធ្លាប់ទទួលបានអាហារូបករណ៍នេះ ។
បេក្ខជនជ័យលាភីនឹងទទួលបានការគាំទ្រពីភាគីអាហារូបករណ៍ដូចជា ការសិក្សាឥតគិតថ្លៃ ថ្លៃធ្វើដំណើរបស់បេក្ខជន ថ្លៃស្នាក់នៅ ការចំណាយផ្សេងៗក្នុងការសិក្សា (ថ្លៃសៀវភៅ និងការស្រាវជ្រាវ) ប្រាក់ឧបត្ថម្ភប្រចាំឆ្នាំ (១៥,០០០Euro) និងធានារ៉ាប់រងសុខភាពជាដើម ។
ដើម្បីធ្វើការដាក់ពាក្យស្នើសុំអាហារូបករណ៍បេក្ខជនអាចធ្វើការដាក់ពាក្យតាម Online ។ ជាមួយគ្នានេះ បេក្ខជនត្រូវស្នើពាក្យថ្នាក់បរិញ្ញាបត្រជាន់ខ្ពស់ចូលសាកលវិទ្យាល័យ Groningen មុនស្នើពាក្យអាហារូបករណ៍ Eric Belumink ។ បន្ទាប់មកបេក្ខជននឹងទទួលបាន Email បញ្ជាក់ក្រោយក្រុមប្រឹក្សាភិបាលនៃសាកលវិទ្យាល័យ Groningen បានជ្រើសរើសបេក្ខជនរួច ។
សម្រាប់ព័ត៌មានបន្ថែម និងលម្អិតបេក្ខជនអាចចូលទៅកាន់តំណភ្ជាប់ https://www.rug.nl/education/scholarships/eric-bleumink-fund ។ ចាប់បើកទទួលពាក្យពីថ្ងៃទីផ្សាយដំណឹងរហូតដល់ថ្ងៃទី៣០ ខែវិច្ឆិកា ឆ្នាំ២០២៣ ៕
