ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសខេត្តបន្ទាយមានជ័យបានប្រកាសផ្ដល់អាហារូបករណ៍ឥតបង់ថ្លៃ ១០០% ចំនួន២២០កន្លែង លើមុខជំនាញចំនួន១១មុខ ដល់ក្រុមយុវជនមកពីគ្រួសារក្រីក្រ និងគ្រួសារងាយរងហានិភ័យក្នុងខេត្តបន្ទាយមានជ័យ ព្រមទាំងមានប្រាក់ឧបត្ថម្ភប្រចាំខែថែមទៀតផង។
មុខជំនាញទាំង១១មុខ ដែលវិទ្យាស្ថានពហុបច្ចេកទេសខេត្តបន្ទាយមានជ័យដាក់បញ្ចូលក្នុងកម្មវិធីបណ្ដុះបណ្ដាលថ្មីរបស់ខ្លួននេះ រួមមាន ៖ (១).ជំនាញការ៉ូ ចំនួន២០នាក់, (២).ជំនាញដំឡើងបណ្ដាញបំពង់ទឹក ចំនួន២០នាក់, (៣).ជំនាញតម្លើងបណ្ដាញអគ្គិសនីក្នុងអគារ ចំនួន២០នាក់, (៤).ជំនាញថែទាំនិងជួសជុលរថយន្ត ចំនួន២០នាក់, (៥).ជំនាញថែទាំនិងជួសជុលម៉ាស៊ីនត្រជាក់រថយន្ត ចំនួន២០នាក់, (៦).ជំនាញជួសជុលទោចក្រយានយន្ត ចំនួន២០នាក់, (៧).ជំនាញរចនាក្រាហ្វីកដោយកុំព្យូទ័រ ចំនួន២០នាក់, (៨).ជំនាញថែទាំនិងជួសជុលកុំព្យូទ័រ ចំនួន២០នាក់, (៩).ជំនាញកិច្ចការរដ្ឋបាល ចំនួន២០នាក់, (១០).ជំនាញផ្ដល់សេវាកម្ម និងបរិក្ខារត្រជាក់ក្នុងគេហដ្ឋាន ចំនួន២០នាក់ និង (១១).ធុរកិច្ចភេសជ្ជៈ ចំនួន២០នាក់។
សម្រាប់យុវជនគោលដៅទាំងពីរក្រុមខាងលើចាប់អារម្មណ៍ក្នុងការដាក់ពាក្យ សូមទាក់ទងមកកាន់វិទ្យាស្ថានពហុបច្ចេកទេសខេត្តបន្ទាយមានជ័យ ដែលមានទីតាំងនៅភូមិគាប សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ឬអាចទាក់ទងតាមរយៈលេខទូរស័ព្ទ ០៩៥ ៩៣៤ ៤៤៧។
ក្រៅពីក្រុមយុវជនគោលដៅមកពីគ្រួសារក្រីក្រ និងគ្រួសារងាយរងហានិភ័យ វគ្គបណ្ដុះបណ្ដាលពិសេសនេះក៏បើកចំហសម្រាប់យុវជន និងប្រជាពលរដ្ឋទូទៅ រួមទាំងកម្មករ-កម្មការនីផងដែរ ដែលអាចដាក់ពាក្យចូលសិក្សាជំនាញបច្ចេកទេសវិជ្ជាជីវៈនេះបានដោយឥតបង់ថ្លៃដូចគ្នា គ្រាន់តែមិនទទួលបានប្រាក់ឧបត្ថម្ភប្រចាំខែពីរាជរដ្ឋាភិបាល៕
