ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រោយពេលរៀនចប់មហាវិទ្យាល័យ ឬនៅពេលទទួលសញ្ញាបត្រជាផ្លូវការ មានយុវជនជាច្រើនបានបង្ហាញនូវអារម្មណ៍សោមនស្ស ឬមោទកភាព នៃសមិទ្ធផលដែលពួកគេបានចំណាយពេលជាច្រើនដើម្បីឈានទៅដល់គោលដៅ ដោយយ៉ាងហោចណាស់ក៏ប្រើពេលអស់៤ឆ្នាំដែរ។ ប៉ុន្តែមានសំណួរមួយចោទសួរថា តើការទទួលបានសញ្ញាបត្រ ជាការបញ្ចប់ការសិក្សារបស់យុវជនត្រឹមនេះ មែនទេ?
លោក ម៉ុន ម៉េង អ៊ាន ដែលទើបបញ្ចប់ការសិក្សាថ្នាក់បរិញ្ញាបត្រផ្នែកទំនាក់ទំនងអន្តរជាតិ នៅសកលវិទ្យាល័យបញ្ញាសាស្រ្តកម្ពុជា បានលើកឡើងថា ការទទួលសញ្ញាបត្រក្រោយញ្ចប់សាកលវិទ្យាល័យ មិនមែនបញ្ជាក់ថា យើងបានបញ្ចប់ការសិក្សានោះទេ ពោលគឺយើងត្រូវចាំបាច់ស្វះស្វែងសិក្សាបន្ថែមទៀត ដោយថា បើកាលណារៀនចប់ហើយ មិនរៀនបន្ថែមទៀតទេនោះ វាជាគំនិតមួយដែលយល់ខុស ឬអាចថា ជាគំនិតអវិជ្ជមានមួយដែរ។
បើតាមលោក ម៉េងអ៊ាង ក្រោយរៀនចប់មហាវិទ្យាល័យ វាគ្រាន់តែការបញ្ជប់កម្រិតមួយនៃការសិក្សាប៉ុណ្ណោះ មិនបានបញ្ចប់ការរៀនសូត្រនោះទេ។ យ៉ាងណាមិញ បើនិយាយពីការរៀនសូត្រវាមានច្រើនបែបបថណាស់។ លោកបានលើកជាឧទាហរណ៍ថា សូម្បីពេលយើងទៅធ្វើការ ក៏យើងអាចទាញយកចំណេះ ឬរៀនសូត្រពីកន្លែងធ្វើការបានដែរ។ ប៉ុន្តែការរៀនសូត្រដែលលោកចង់សំដៅត្រង់ចំណុចនេះ គឺការមានទម្លាប់ចាប់កាន់សៀវភៅអាន, ការស្រាវជ្រាវ និងរៀនជំនាញថ្មីៗ ដែលពិភពលោកកំពុងតែវិវឌ្ឍន៍។
លោក ម៉ុន ម៉េង អ៊ាន
“សញ្ញាបត្រ គឺបញ្ជាក់កម្រិតនៃការសិក្សា ពុំមែនបញ្ចប់ការសិក្សាទេ! ការអាន ស្រាវជ្រាវ រៀនសូត្រអ្វីថ្មីៗល្អៗ ទើបរៀនមិនចេះបញ្ចប់ថ្នាក់។ ទាំងនោះជាចំណុចស្នូល តែការអនុវត្ត គឺដើម្បីបញ្ជាក់ ភាពច្បាស់លាស់ ត្រឹមត្រូវ ក្នុងការបម្រើប្រយោជន៍ជារួម”
លោក ម៉ុន ម៉េង អ៊ាន បន្ថែមថា បើយុវជននៅតែបន្តគិតថា រៀនចប់ គឺចប់នោះ អាចនឹងនាំឱ្យជះឥទ្ធិពលមិនល្អទៅកាន់អ្នកដទៃ និងនាំឱ្យខូចទម្លាប់ខ្លួនឯងទៀតផង ថែមទាំងប៉ះពាល់ដល់សង្គម។
ជាមួយគ្នានេះ លោកក៏យល់ស្របទៅនឹងទស្សនៈមួយដែរថា ផ្ទះមួយគួរតែមានបណ្ណាល័យមួយ ។ លោកថា គំនិតនេះពិតជាត្រឹមត្រូវ ទោះបីជា មិនមានច្រើន តែយ៉ាងហោចណាស់ក៏មានសៀវភៅមួយទូ ឬមួយធ្នើរ តម្កល់នៅក្នុងផ្ទះដែរដើម្បីជំនួសឱ្យរបស់របរ ដែលមិនចាំបាច់ទាំងឡាយ។ បរិបទសង្គមបច្ចុប្បន្ន មិនដូចពីមុន មនុស្សក៏មានភាពមមាញឹកច្រើន តែយ៉ាងណាក៏ដោយ គួរតែឆ្លៀតពេលខ្លះដើម្បីរៀនបន្ថែមដែរ ទោះបីជាមិនបានធ្វើប្រចាំថ្ងៃ ប៉ុន្តែគួរធ្វើឱ្យបានញឹកញាប់ទៅតាមលទ្ធភាព ដូចជាការតាមដានព័ត៌មានជាដើម។
ចំណែក កញ្ញា សេង ដានីន ដែលសិក្សាបរិញ្ញាបត្រផ្នែកអក្សរសាស្រ្តអង់គ្លេស នៅសកលវិទ្យាល័យបញ្ញាសាស្រ្តកម្ពុជា និងជាគ្រូបង្រៀននៅអនុវិទ្យាល័យមួយ បានលើកឡើងថា ក្រោយបញ្ចប់ការសិក្សា និស្សិតគួរតែបន្តការសិក្សាបន្ថែមដោយខ្លួនឯង ព្រោះការរៀនសូត្រ គឺកើតពេញមួយជីវិតរបស់យើង។ នៅពេលដែលយើងបញ្ឈប់ការស្វ័យសិក្សានៅពេលណាមួយ វានឹងធ្វើឱ្យយើងមានគំនិតមិនទូលំទូលាយដូចអ្នកដែលបានរៀនមិនឈប់ឈរនោះទេ។
កញ្ញា សេង ដានីន
“ខ្ញុំយល់ថា ការសិក្សានៅក្នុងសាលា ឬថ្នាក់បរិញ្ញាបត្រគ្រាន់តែជាផ្នែកមួយជំរុញឱ្យយើងចេះដឹងបានខ្លះ ហើយនៅមានរឿងជាច្រើន ដែលយើងត្រូវស្វែងយល់បន្ថែមនៅក្នុងដំណើរជីវិតរស់នៅរបស់យើង”
កញ្ញាបន្តថា ការស្វ័យសិក្សាដែលល្អ និងងាយស្រួលបំផុតសម្រាប់យើងម្នាក់ៗ គឺការអានសៀវភៅ ព្រោះយើងអាចធ្វើវាតាមកាលៈទេសៈដែលយើងមាន ពោលគឺ យើងអាចឆ្លៀតពេលពីការងារដើម្បីអានសៀវភៅបាន ហើយថែមទាំងចំណាយប្រាក់តិចក្នុងកម្រិតមួយដែលយើងមានលទ្ធភាព។ ក្រៅពីនេះ យើងក៏អាចសិក្សាស្រាវជ្រាវបន្ថែម តាមរយៈការស្ដាប់បុគ្គលដែលមានភាពចាគំរូ(Role Model) របស់យើងតាមប្រព័ន្ធសង្គមនានាក៏បាន។
សម្រាប់ព្រះតេជគុណ ផេងលី សុផា និស្សិតបរិញ្ញាបត្រផ្នែកទំនាក់ទំនងអន្តរជាតិ នៅសាកលវិទ្យាល័យទំនាក់ទំនងអន្តរជាតិ បានមានសង្ឃដីកាថា ការបញ្ចប់មហាវិទ្យាល័យ វាគ្រាន់តែជាការសិក្សាដែលកំណត់ដោយប្រព័ន្ធអប់រំនៃប្រទេសនីមួយៗប៉ុណ្ណោះ ។ ក៏ប៉ុន្តែបើយើងផ្តោតសំខាន់ទៅការសិក្សាជារួម វាមិនទាន់អាចបញ្ចប់នោះទេ។
ព្រះតេជគុណ ផេងលី សុផា បញ្ជាក់ថា ការសិក្សា មានភាពទូលំទូលាយខ្លាំង ដោយមិនអាចមានបុគ្គលណាមួយ អាចរៀនដល់ថ្នាក់មួយដែលលែងមានអ្វីរៀនបន្តទៀតនោះទេ៕
ថានិត រាយការណ៍ព័ត៌មាន និងប្រែសម្រួលអត្ថបទនៅ AMS-Education ទាក់ទងអំពី ការអប់រំកុមារតូចនិងការចិញ្ចឹមកូនបែបវិជ្ជមាន បំណិនជីវិត បុគ្គលិកលក្ខណៈរបស់មនុស្ស ប្រវត្តិរបស់យុវជនឆ្នើមឬបុគ្គលគំរូ ការជ្រើសជំនាញសិក្សា និងព្រឹត្តិការណ៍ព័ត៌មានក្នុងកម្មវិធីចំណេះដឹងទូទៅតាមរយៈវេទិកាសាធារណៈនិងនៅតាមសហគមន៍នានា៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់សម្រាប់មន្ត្រីកម្ពុជាពីកម្មវិធីអាហារូបករណ៍ JDS ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 09/10/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់រយៈពេល២ឆ្នាំពីកម្មវិធីអាហារូបករណ៍ជប៉ុនសម្រាប់ការអភិវឌ្ឍធនធានមនុស្ស២០២៣(JDS) សិក្សានៅប្រទេសជប៉ុន។ អាហារូបក.....
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យបច្ចេកវិទ្យាប៉េកាំងឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 06/12/2024
តាមរយៈសាកលវិទ្យាល័យភូមិន្ទភ្នំពេញ បានប្រកាសអំពីអាហារូបករណ៍រដ្ឋាភិបាលចិន ដែលនឹងជ្រើសរើសនិស្សិតកម្ពុជាទៅបន្តការសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យបច្ចេកវិទ្យាប៉េកាំង សម្រាប់ឆ្នាំសិក្សា២០២៥។
ក្រុមប្រឹក្សាយុវជនឯកអគ្គរដ្ឋទូតសហរដ្ឋអាមេរិក (AYC) ជ្រើសរើសសមាជិកជំនាន់ទី១៤
ព័ត៌មានអាហារូបករណ៍, ព្រឹត្តិការណ៍
• 02/02/2026
ជាឱកាសសម្រាប់យុវជនក្នុងការពង្រឹងភាពជាអ្នកដឹកនាំ ចូលរួមក្នុងសកម្មភាពសហគមន៍ និងចែករំលែកទស្សនៈរបស់ខ្លួន ក្នុងការពិភាក្សាប្រកបដោយអត្ថន័យ។
ឱកាសសិក្សាអាហារូបករណ៍ថ្នាក់ឧត្ដមសិក្សាពីរដ្ឋាភិបាលរុស្សីឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 15/11/2023
ឱកាសសិក្សាអាហារូបករណ៍ថ្នាក់បរិញ្ញបត្រ ថ្នាក់បរិញ្ញាបត្រជាន់ខ្ពស់ ថ្នាក់បណ្ឌិត និងថ្នាក់ឯកទេស(Specialist)ចំនួន៤០កន្លែងនៅសហព័ន្ធរុស្សីពីកម្មវិធីអាហារូបករណ៍...
ឱកាសសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ពីកម្មវិធីអាហារូបរកណ៍ McCall MacBain ២០២៤
ព័ត៌មានអាហារូបករណ៍, ព្រឹត្តិការណ៍
• 08/08/2023
ឱកាសសិក្សាថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់នៅសាកលវិទ្យាល័យMcGill ពីកម្មវិធីអាហារូបករណ៍ McCall MacBain នៅប្រទេសកាណាដា។ អាហារូបករណ៍ផ្ដល់ជូនចំនួន១៤០...
ឱកាសសិក្សាអាហារូបករណ៍បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Science Po ប្រទេសបារាំង
ព័ត៌មានអាហារូបករណ៍, ព្រឹត្តិការណ៍
• 22/08/2025
តាមរយៈកម្មវិធីអាហារូបករណ៍ Emile Boutmy Scholarship 2025 កំពុងប្រកាសបើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិ សិក្សានៅសាកលវិទ្យាល័យ Science Po នៃប្រទេសបារាំង ក្នុងឆ្នាំសិក្សា២០២៥។
វិទ្យាស្ថានពហុបច្ចេកទេសខេត្តកំពង់ស្ពឺផ្ដល់អាហារូបករណ៍សិក្សាជំនាញបច្ចេកទេសចំនួន២២៥កន្លែង
ព័ត៌មានអាហារូបករណ៍, ព្រឹត្តិការណ៍
• 16/05/2023
វិទ្យាស្ថានពហុបច្ចេកទេសខេត្តកំពង់ស្ពឺប្រកាសជ្រើសរើសសិក្ខាកាមសិក្សាជំនាញបច្ចេកទេសវគ្គខ្លី មួយសប្ដាហ៍ និងបួនខែចំនួន២២៥កន្លែងដោយឥតគិថ្លៃ ។...
ឱកាសសម្រាប់និស្សិតកម្ពុជា! អាហារូបករណ៍ពេញថ្លៃ DAAD ថ្នាក់បរិញ្ញាបត្រជាន់ខ្ពស់ ផ្នែក STEM នៅប្រទេសអាល្លឺម៉ង់
ព័ត៌មានអាហារូបករណ៍, ព្រឹត្តិការណ៍
• 05/06/2026
បច្ចុប្បន្ន កម្មវិធីអាហារូបករណ៍ដ៏មានកិត្យានុភាព DAAD Study Scholarships for STEM Disciplines របស់រដ្ឋាភិបាលអាល្លឺម៉ង់ កំពុងបើកទទួលពាក្យស្នើសុំពីនិស្សិតមកពីប្រទេសកំពុងអភិវឌ្ឍ រួមទាំងប្រទេសកម្ពុជាផងដែរ...
អាហារូបករណ៍សិក្សាវិស្វកម្មឌីហ្សាញ 3D Design & 3D Printing ជាមួយ ស.ស.យ.ក រាជធានីភ្នំពេញ និង STEAMING Cambodia
ព័ត៌មានអាហារូបករណ៍, ព្រឹត្តិការណ៍
• 01/09/2023
ជាឱកាសសម្រាប់ប្អូនៗជាសិស្សថ្នាក់ទី៩ ដល់និស្សិតមហាវិទ្យាល័យ (ពិសេសប្អូនៗដែលចង់រៀនខាងមេកានិក) ពេលនេះ មានការផ្តល់អាហារូបករណ៍សម្រាប់ការសិក្សាវិស្វកម្មឌីហ្សាញ 3D Design & 3D Printing ...
កម្មវិធីពិសេសរបស់ AMS EDUCATION
ព័ត៌មានសង្ខេប
