ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
តាមការប្រកាសរបស់ក្រសួងអប់រំ យុវជន និងកីឡា កាលពីល្ងាចថ្ងៃអាទិត្យ ក្រសួងបានធ្វើការពន្យារពេល នៃការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប ដែលគ្រោងធ្វើនៅថ្ងៃ១៨ និងថ្ងៃទី១៩ ខែសីហា ទៅថ្ងៃទី២៨ និងទី២៩ ខែសីហាវិញ។ ការពន្យារនៃការប្រឡងបាក់ឌុបនេះ គឺស្របពេលដែលមានការផ្ទុះអាវុធរវាងកម្ពុជា-ថៃ។
លោកជំទាវបណ្ឌិត ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា មានប្រសាសន៍ថា ការណ៍ដែលក្រសួងអប់រំ សម្រេចពន្យារពេល នៃការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នេះ គឺដើម្បីឱ្យប្អូនៗជាបេក្ខជនដែលស្ថិតនៅតំបន់កំពុងជួបការប្រឈមអាចមានពេលបន្ថែមក្នុងការត្រៀមខ្លួន។
បើតាមអ្នកនាំពាក្យ ក្រសួងអប់រំនឹងរៀបចំការប្រឡងសម្រាប់ប្អូនៗដែលស្ថិតនៅតំបន់ប្រឈម នៅទីតាំងសុវត្ថិភាព ក៏ដូចជាអនុញ្ញាតឱ្យប្អូនៗដែលស្ថិតនៅទីតាំងប្រឈមខ្លាំងដូចជា ខេត្តឧត្តរមានជ័យ និងព្រះវិហារ អាចទៅប្រឡងនៅខេត្តផ្សេងទៀតបាន។
គួរជំរាបជូនថា ការប្រយុទ្ធគ្នារវាងកងទ័ពកម្ពុជា និងថៃ បានកំពុងប៉ះពាល់ដល់ប្រជាពលដ្ឋចំនួន៥ខេត្ត ក្នុងនោះបើតាមរបាយការណ៍ពីក្រសួងអប់រំយុវជន និងកីឡា មានសាលារៀនចំនួន៦០០កន្លែងបានបិទទ្វារ ដែលប៉ះពាល់ដល់សិស្សចំនួន ១៥ម៉ឺននាក់ និងគ្រូបង្រៀន ៦ពាន់នាក់ ខណៈជនភៀសសឹកកើនឡើងដល់ ៣៩ ៨២៨គ្រួសារ ដែលស្មើនឹង ១៣៤ ៣០៧នាក់៕
