ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ បន្ទាប់ពីសម្ដេចនាយករដ្ឋមន្ត្រី ហ៊ុន សែន បានប្រកាសនៅព្រឹកថ្ងៃអង្គារ៍នេះថា ឆ្នាំសិក្សា ២០១៩ – ២០២០
“សិស្សថ្នាក់ទី ១២ ទាំងអស់ជាប់ដោយស្វ័យប្រវត្តិ មិនមានការប្រឡងថ្នាក់បាក់ឌុប”
សិស្សានុសិស្សមួយចំនួន បានសម្ដែងសេចក្ដីរីករាយ និងគាំទ្រការសម្រេចដ៏ខ្ពង់ខ្ពស់របស់សម្តេចនាយករដ្ឋមន្ត្រី។
សម្តេចនាយករដ្ឋមន្ត្រី បានចាត់ទុកការសម្រេចចិត្តនេះ ជាការចូលរួមចំណែកទប់ស្កាត់ការឆ្លងរីករាលដាលជំងឺកូវីដ-19 នៅក្នុងសហគមន៍។
យុវសិស្ស ជា ដូរ៉ា ដែលជាសិស្សថ្នាក់ទី១២ នៃវិទ្យាល័យបាក់ទូក បានបង្ហាញពីចំណាប់អារម្មណ៍គាំទ្រពីការគិតគូរដល់សុខភាព និងសុវត្ថិភាពរបស់សិស្សដែលត្រូវចូលរួមការប្រឡង។ ដូរ៉ាបានលើកឡើងថា ការសម្រេចចិត្តមិនប្រឡងបាក់ឌុបនេះ អាចជួយយើងគ្រប់គ្នាបង្ការការរីករាលដាលករណីជំងឺកូវីដ-19 ដែលអាចកើតមានថ្មីៗនៅក្នុងសហគមន៍។
“ចំណេះដឹងសំខាន់ តែសុខភាពមានតម្លៃជាងចំណេះដឹងទៅទៀត”
– នេះជាការបញ្ជាក់របស់ ដូរ៉ា។
យុវតី ជូ ភុយម៉ីលី សិស្សថ្នាក់ទី ១២ នៃសាលារៀនជំនាន់ថ្មី (វិទ្យាល័យព្រះស៊ីសុវត្ថិ) ក៏បានលើកឡើងដែរថា ការសម្រេចចិត្តរបស់សម្តេចធ្វើឱ្យអារម្មណ៍តានតឹងរបស់សិស្សបានធូរស្បើយ ពិសេសសិស្សានុសិស្សនៅតាមបណ្តាខេត្ត។
ជូ ភុយម៉ីលី ៖
“ខ្ញុំគិតថាបាក់ឌុបប្រឡងជារឿងសំខាន់ ប៉ុន្តែជោគជ័យសម្រាប់ជីវិតយើងនៅមានរឿងជាច្រើនទៀត ដែលយើងត្រូវធ្វើ ដូច្នេះលទ្ធផលជោគជ័យប្រឡងបាក់ឌុបវាមិនចាំបាច់ដែលយើងត្រូវតែគិតនោះទេ។ យើងត្រូវតែខំប្រឹងរៀនបន្តទៀត ខំប្រឹងរៀននៅសាកលវិទ្យាល័យ…។
– ជូ ភុយម៉ីលី
ជាមិត្តរួមថ្នាក់របស់មីលី និងកំពុងត្រៀមខ្លួនប្រឡងបាក់ឌុបស្រាប់ យុវសិស្ស យ៉ុន សុភា យល់ថា
ការសម្រេចចិត្តរបស់សម្ដេចនាយករដ្ឋមន្ត្រី ហ៊ុន សែន នៅពេលនេះ ជាការថ្លឹងថ្លែងហេតុផលសមរម្យ ដោយយោងទៅលើស្ថានភាពនៃការរីករាលដាលជំងឺកូវីដ-19 និងគិតទៅដល់សុខមាលភាពសិស្សានុសិស្ស។
– យុវសិស្ស យ៉ុន សុភា
សុភា បានបន្តថា រូបគេអាចទទួលយកបានប្រសិនបើក្រសួងអប់រំ យុវជន និងកីឡា ប្រើប្រាស់ពិន្ទុប្រឡងឆមាសដើម្បីដាក់លទ្ធផលឬចំណាត់ថ្នាក់និទ្ទេសដល់សិស្សានុសិស្ស។
ចំណែកឯកឧត្តម រស់ សុវាចា អ្នកនាំពាក្យក្រសួងអប់រំ យុវជន និងកីឡា មានប្រសាសន៍ប្រាប់ AMS Education ថា ក្រសួងអប់រំ យុវជន និងកីឡា គោរពទទួលអនុសាសន៍របស់សម្តេចតេជោនាយករដ្ឋមន្ត្រី និងកំពុងពិភាក្សាអំពីនីតិវិធីផ្សេងៗ។
សូមរំលឹកដែរថា ដោយសារតែបញ្ហាការរាតត្បាតជំងឺផ្លូវដង្ហើមកូវីដ-19 ការប្រឡងបាក់ឌុបដែលបានកំណត់តាំងពីដើមឆ្នាំ ក៏ត្រូវបានលើកថ្ងៃប្រឡងជាបន្តបន្ទាប់ម្ដងជាពីរដង។ ថ្ងៃប្រឡងបាក់ឌុប ដែលសម្រេចចុងក្រោយដោយក្រសួងអប់រំ យុវជន និងកីឡា ត្រូវបានជ្រើសយកថ្ងៃទី១១ ខែមករា ឆ្នាំ២០២១។
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍សំខាន់
ព័ត៌មានទូទៅ
លោកស្រី តាន់ សុដានី ៖ សេចក្ដីក្លាហាន និងចង់ចេះចង់ដឹង ជាលក្ខណៈពិសេសធ្វើឱ្យស្រ្តីក្លាយជាអ្នកបង្កើតបច្ចេកវិទ្យា
គម្រោងបច្ចេកវិទ្យារបស់សិស្សកម្ពុជា ៥៧គម្រោង ត្រៀមប្រកួតក្នុងកម្មវិធីថ្នាក់ជាតិ ឆ្នាំ២០២៦
កម្មវិធី “អ្នកដឹកនាំយុវជនអាស៊ី ២០២៦” នៅប្រទេសជប៉ុន បើកទទួលពាក្យ
អាហារ ៧យ៉ាង ដែលគួរចៀសវាងមុនពេលចូលគេង
ក្រសួងប្រៃសណីយ៍ និងទូរគមនាគមន៍ ជ្រើសរើសនិស្សិត ២៥នាក់ ទៅសិក្សាថ្នាក់បរិញ្ញាបត្រជាន់ខ្ពស់ជំនាញផ្កាយរណប និងលំហអាកាស
អ្នកជំនាញ ៖ ការប្រើទូរស័ព្ទរបស់សិស្សក្នុងសម័យឌីជីថល គួរមានការគ្រប់គ្រងតាមអាយុ និងការណែនាំពីមាតាបិតា
យុគសម័យ AI លោកស្រី សំណាង វិធាវី លើកទឹកចិត្តក្មេងស្រីឱ្យចាប់យកជំនាញបច្ចេកវិទ្យា
សិស្សជាង២ពាន់នាក់នៅកំពង់ធំទទួលអត្ថប្រយោជន៍ពីគម្រោងកែលម្អគុណភាពអប់រំបឋមសិក្សា
វេសឡាញគ្រុបរៀបចំព្រឹត្តិការណ៍៤ ដើម្បីបង្ហាញផលជះវិជ្ជមាន និងបរិវត្តកម្មក្នុងវិស័យអប់រំរយៈពេល១៨ឆ្នាំ និងសម្ពោធដំណើរការកម្មវិធីសិក្សាអន្តជាតិ Pearson Edexcel មកពីចក្រភពអង់គ្លេស
វិធីជួយកូនតូចៗឱ្យបាត់មួម៉ៅ និងមានអារម្មណ៍ស្ងប់ស្ងាត់ឡើងវិញ
កម្មវិធីពិសេសរបស់ AMS EDUCATION
ព័ត៌មានសង្ខេប
